#__وتين__🍃
🌷الحلقة 30🌷
سراج : ههههه هربت ؛ لاحقها لاحقها
مراد : استمر ماشي في الطريق الصحيح😂
~~
اني كنت شادة الصفرة وبنطلع بيها وسندس قدامي شادة المترد خش سراج ابتسم لسندس
سندس : جيتو
سراج شبحلي ومبتسم : جينا
خلا سندس تطلع وبعدين وقف وسكر الباب بإيده : كل سنة وانتي طيبه
اني : وانت طيب ؛ ترا شوية
سراج قعد يقدم واني نوخر بالصفرة : حطي الصفرة ومدي ايدك زي الناس
اني مابيتش اناقشه حطيت الصفرة ومديتله ايدي : كل سنة وانت طيب
سراج حط ايده في ادي : تي باهي حتى بالطلبة راضيين بيها
~~
احمد شبح لمريم : تدكري في العيد اللي فات ❤
مريم : وهوا ينتسى ❤...لينا سنة
احمد : نعترفلك مرة تانية
مريم : ههههههه عادي
احمد : احم احم .... مريم اني نحبك بجديات نحبك وخشيتي راسي وعاجبتيني وناويك بالحلا وتقولي لا بيجيك كف لايقرا لا يكتب
مريم ميته بالضحك : وووه جنابي😂😂
احمد يشبحلها ومبتسم وهي وجهها احمر وهيونها دموع ومخلطة الحكاية و بعد ماسكتت
احمد : تعدب فيا ضحتك هده
مريم ارتبكت
احمد قرب منها وقعد يديرلها في شعرها ورا ودنها : ديما خليك عفوية لما تكوني معاي مريم....كأنك بروحك وماجنبك حد💕
مريم : علاش اني نتصنع
احمد : لا لكن مانبيكش تسمعي كلام من حد وتتغيري نبيك زي ماأنتي 💓
~~
علا : كيف ياسامي 😑
سامي: مانعرفش كيف نبي نشوفك.... نبي نشووووفك
علا : ماهو العيلة كلها عندنا مانقدر
سامي : مش موضوعي 😡
علا : حبيبي خيرك ادير هكي
سامي : تي ماشي ماشي
علا : قصدي ياسامي العيلة كلها اهني كيف بنمشي
سامي : مش اختك رنا شرت سيارة ولا شنوو
علا : به بترصى بتطلع توا رنا
سامي : به امالا تو نجي اني غادي
علا :😮😮 تجي
سامي : اني نبي نشوفك بأي طريقة نبي نشوفك
~~
رنا : ههههه قوية منك مسرة
علا : يابنااات
كلنا : خيرك
علا : سامي يقولي نبي نشوفك
رنا : اللطف عيد كيف بيشوفك
علا : تي قتله هكي قالي خلاص تو نجي اني
اني : يجيييي 😮
مسرة : تي سكري تلفونك وفوتيه
علا : لالا نقدرش
اني : تحبيه 😅
علا : هلبا 😍
مريم : تعالو نقعمزو في الجنان مع الاولاد
اني : لالا فكينا
علا : تي تعالو خلي نشمو هوا ربي
مسرة : اي هي
اني : ااا اني بنغسل شوية الماعين اهما
مريم : تي تعالي فوتيهم
اني : اا لالا عيب
~~
نادر : عمتي خيرية جت
احمد : واااك
علا : نقعمزو جنبكم
نادر : انتي قعمزتي
مريم : هههههه مهزبة
نادر : وين لونا
رنا : قعدة داخل
معتصم : تو اناديهااا
~~
مقعمزة نهدرز اني وجميلة مرت عمي
معتصم : لونااا تعالي
اني : علاش
معتصم : كلهم برا
اني غمزتله : فوتهم فوتهم😉
معتصم مشالهم
سراج شبحله : تعالى
معتصم : هاا
سراج : مشيت لليال
معتصم : اي مابتش تجي
سراج وشوشله في ودنه : وين مقعمزة
معتصم : في الدار هي عمتي جميلة
سراج : برالها وشوشلها في ودنها قلها قالك سراج كان ماتجيش انوض نجيبك ونحشمك قدامهم
~~
معتصم : ليال ليااال
اني : تي شني يانفاخ
معتصم : قالك سراج......👂
اني : به شوية ونجي وكان بعتك ليا مرة تانية مانجيش باهي
معتصم : مانقدرش يضربني
جميلة : صار في الاخير ماصارش منه الموضوع
اني : اي عمي عبدالله كلم بابا
جميلة : عاد كيف يفرضو عليك حاجة زي هده
علا : ليااال .... تي تعالي مبردك
اني : خيركم عششتو😁
علا : غر تعالي
اني : به
~~
جيت حطيت كرسي جنب مريم وحاولت مانجيش مقابلاته بش مايشبحليش
مراد : انستي
اني : الله يآنسك
مسرة : هي نلعبو الصراحة
نادر : تبي تلعبي حتى الصراحة 😒
سراج :😂😂
~~
علا : لبسة وشاحها وطالعة
سراج : وييين
علا : بنمشي لحوش جيرانا اهما
سراج : علاش
علا : ااا اتصلت قتلي تعالي مش عارفة شن تبي
سراج : ماتعطليش وارفعي معاك معتصم
علا : تي شن نرفع معتصم ياسراج
سراج : كلمة هيا 😒
احمد : تي شن تقعد تكركر فيه للناس عيب
سراج : به بري وماتعطليييش😡
~~~
سامي : واخيرا ليا ساعة متشحط
علا : تعرف قبل بيبعت معاي عصومي تخايل
سامي : وشن صار
علا : كلمه احمد
سامي : مش لا زم نعطلو المهم شفتك
علا : قصدي شن اللي مخليك مصر تشوني
سامي : مستاحشك ❤
علا : اممم
سامي مدلها باكو صغيرون
علا : شنو هدا ❤
سامي فتحه طلع منه حديدة
علا : تهبببببل 💕
سامي خدي ايدها وقعد يلبس فيها : انتي تهبلي
علا : ضحكت
سامي قرب منها وباسها تحت كف ايدها بوسة طوييلة وسكر عيونه
علا حطت ايدها علي خده وقعدت تمشي فيها
وبعدين قربو هلبا من بعض وقعدو يتبادلو في النضرات ويمس في خشمها بخشمه
علا بصوت يادوب طالع: معاش ادير هكي ❤
سامي بصوت هااادي : كيف
علا : معاش تشبحلي
سامي : علاش
علا : هكي مانقدرش نقاومها شبحتك فوق طاقتي
سامي : واني هدا اللي نبيه....؛ زاد قرب ونفسه تخلط بنفسها : نبيك ادوبي وتنسي روحك....علا اني معاش قادر نصبر ❤ كل مانشوفك نزيد نتعدب
علا قربت منه هلبا وسامي يقرب لين فمه مس فمها علا جسمها كله رعش وتوترت وسامي فاق علي روحة وبعد بسرعة علا بعدت ونزلت راسها
علا : ااا انني لازم نمشي باي ؛ ونزلت بسرعة
سامي يخبط ع الدومان : اوووف كيف ندير حاجة زي هده كييف ياربي
علا خشت لدارها ويديها يرعشو قعمزت ع السرير وتهز في رجلها ومتوترة
°
•
°
•
°
_________________________________________
قيس : كل سنة وانتي طيبة
_________________________________________
تسنيم : كل عام وانت بخير...روحت ولا قاعد في كندا
_________________________________________
قيس : قاعد بنروح بعد ايام العيد
_________________________________________
تسنيم : اها
_________________________________________
قيس : شن جوك
_________________________________________
تسنيم :تمام شن جوك انت
_________________________________________
قيس : مليح
_________________________________________
تسنيم : مغطس ليك فترة
_________________________________________
قيس : فقدتيني 😂
_________________________________________
تسنيم : ههههههه
_________________________________________
°
•
°
•
°
☀️⛅
رنا : حبيبي هلبا هدا كله بناكله
عبسي : اي هدا كله كوليه
رنا : هلبا عليا
عبسي يشبحلها ومبتسم
رنا : به كول معاي
عبسي : ماعنديش نية
رنا : امالا مش حناكل حتى اني....شني ناكل بروحي 😑
عبسي : نوكلك اني 😁
رنا : ههههه لالا كول معاي
~~
~~
اني : وين عبسي ماما
ماما : طلع الصبح بكري
اني : زعما امتا يروح
ماما : ع الغدي تو يجي تبيه غي حاجة انتي
اني : ااا لالا 😕
ماما : تقدري تطلعي تجيبيلنا مشروب للغدي
اني : ايااا اني بنطلع
ماما : غولتي امالا 😑
اني : اففف باهي
~~
مشيت للمحل شريت شيشة مشروب ووليت للحوش نشوف في عبسي مقعمز هوا وولد ونحس فيه الولد مش غريب عليا لكن قلت اكيد واحد من صحابه شايفاته اني قبل
~~
عبسي : وين كنتي تلودي
اني : شريت مشروب وشكلاته
عبسي : به معاش تطلعي
اني : اسمع عبسي....اا بنسألك😅
عبسي : انشالله خير
اني : ااا رنا
عبسي : ههههههههه
اني : خيرك تضحك 😁
عبسي : شن بتسألس
اني : مش مرة سألتني علي ايميل رنا....لقيته
عبسي : قريب حتى نتجوزو😊
اني نصدمت :😮😮 بجديااات
عبسي : خيرك
اني بلعت ريقي : ااا لالا شي
°
•
°
•
°
سراج : اني قدام الحوش اطلع ياراجل
سامي : تي خشو الزح مركك
سراج : مش فاضي ياسامي اطلعلي وراس امك
فاطمة تعلي في صوتها : خايف تخش تعيد يامنجوه انت وياه
مراد : هي ننزلو عيب
سراج : باهي هي😑
~~
مراد : كيف حالك ياعمتي فاطمة
فاطمة : متبوش تنزلو خزي
سراج : ههههه مراد هدا ريتيه😅
سامي : اسكت بلا كدب 😒
فاطمة : يا يارا ديري قهوة
سراج : لالا بنمشو
مراد : تي خنشربو قهيوة خيرك مستعجل
~~
يارا طالعة من المطبخ وشادة صفرة القهوة ومراد مقعمز في المربوعة لمحها وهيا جاية
يارا : سااامي
سامي جاها خدي منها الصفرة
ومراد طبعا يتفرج عليها والابتسامة ارتسمت علي وجهه
°
•
°
•
°
سندس : عمممر عمممر😣.....ااااه عمممر بنموووت اااه ياربي
عمر ناض مخلوع : خييرك 😨
سندس : ووووه عليا ووه بنموت امممم ياربي 😭😣
عمر تلخبط وتوتر : تي خيرك
اتصل بأمه : الووو يام
فريال : انشالله خير خيرك
عمر : سندس تعيط مافهمتش خيرها
فريال : بتجيب يادكي هدا شهرها
عمر : تي اركبيلي الزح ماعرفتش شن ندير
سندس : اااااه يارب خفف عليا ياااارب
°
•
°
•
°
ايناس : الو سندس كيف حالك اليوم
سندس : باهيا الحمد بخير....بنقولك الخميس السبوع بش تجي انتي والبنيات
ايناس : به انشالله
~~
مريم : منو
سندس : اني سندس كيف حالك يامريم
مريم : تمام الحمد لله كيف حالك اليوم وكيف حال البنوتة
سندس : باهيا...بنقولك بش تتفضلو الخميس
°
•
°
•
°
رتاج : مدايرته في الصالة السبوع
اني : تؤتؤ في حوش عمي ...جناناتهم كبار مشالله
رتاج : اها...شن سموها
اني : ماريا
رتاج : ووه مبرده الاسم
اني : ههههه علاش
رتاج : ماخشليش راس
اني : اي رزين هوا
رتاج : شن بتلبسي
اني : لبسة
رتاج : كيف
اني : سروال احمر واسع وبلوزة بيضا وكمها طويل وفيه فتحة جيهة الكتاف وفيها وردات احمر واخضر
رتاج :😍ديريلها روج احمر
اني : اي
°
•
°
•
°
يابنات يابنات يابنات 💕 اللي ماخلفش بنات
ماشبعش من الحنية 💕 ولا داقش الحلويات
•°•°•°•°•°•°•°•°•°•°•°•°•°•°•°•°•°•°•°•°•°•
جميلة : مبروك تتربى في عزك
سندس : سلمك سلمك
~~
اني مقعمزة في السيارة من جيهة السواق ومسرة من الجيهة التانية وطبعا ايناس قدام
كان شارع حوش عمي مضلم وقدامه في ولاد لكن مازبطتش منو
بابا طلع ايده من الروشن ودار باي 👋 : سيرجو
اني ماكنتش مركزة لين سمعت الاسم تلفتت لقيته يشبح لجيهتي
سراج دار باي بإيده من بعيد وقعد يشبحلي مانحاش عيونه بكل...
~~
بلسم : معقولة تجي اخر الناس
ايناس : زحما الطريق
بلسم : كف حالك ياليال
اني : تمام كيف حالك انتي
~~
في المطبخ
علا : اقعدو باتو خلي نسهرو مدام غدوا جمعة
مسرة : بالنسبة ليا باااايته😌
مريم : انشالله ماما تخليني
اني : يابنات الباب يطق
《 المطبخ فيه باب يطلع للجنان 》
علا ناضت بتفتح
اني : تي مش لابسين اصبري خلي انوض
مريم : هاك وشاحي
اني : لالا خلي انوض لدار البنات مع رنا
علا فتحت
مراد : في حد
سراج : اسمعي ميت بالجوع اني
علا : خشو
سراج : موليين طرووف علي اساس😂
مراد : المكياج يحلي النعاج 😂
مريم : تلقيحهم زي العزايز 😬
سراج : وين الباقي
مسرة : اما باقي
مراد : اختك متلا 😂
علا : ليال ورنا ونهى متحشمين خشو
مراد : نهى متحشمة 😂
نهى : سمعت اسمي 😅
مراد : اهلا 😒
سراج ناض خش لداره والباب مفتوح لعل وعسى نخطم ويشوفني...
~~
اني : اعطيني عبايتك خنطلع
رنا : شكلهم طلعو الاولاد
اني : الاحتياط واجب😄
عطتني عبايتها لبستها وحطيت وشاح وطلعت
سراج : ليال
اني تجمدت في مكاني كنت طالعة علي امل انه طلع
سراج طلع من داره بسرعة : ليال 💕
اني عاطية بالضهر ومابيتش نتلفت : نعم
سراج : شوفيلي
اني تلفتت : شني
سراج قارن حواجبه وساند ايده ع الباب : بندوي معاك
اني : فوتني
وعطيت بالظهر ومشيت وهوا قعد واقف ويشبحلي وخلاص
~~
سراج مبتسم ويفكر : الجمال هدا كله وامكيجة ااه قطعتلي قلبي طرف طرف💔.....تهبل هالبنت تهبل تهبل تهبل ❤
~~
رنا : بتباتي ليال ولالا
اني : لالا
رنا : كلهم البنات بايتين
اني : ااا لا مش لازم 😅
رنا : مصحك 😒
اني : خليها مرة تانية
مريم : شنوووو قصدك مش بايته خزي
علا : تبات تبات غر تقيس في غلاها
اني : لا والله ياعلا مش هكي لكن بنقرا
مريم : غر باتي بالله عليك
اني : اسكتي انتي😡
علا : تي هيا ليلة وفراقها صبح
~~
عششو وفي الاخير بتت بالسيف وركبنا فرشنا فوق السطح وكان الجو يهبل
اني : توتك موسعها ياعلا
علا : اي ماهو معبيا اني وانتي طشة
رنا : بالعكس ليال معبية شوية مش ضعيفة بكل
ترررن 📱
رنا : الو
سراج : تي وين انتو
رنا : في السطح
سراج : شن اديرو فوق وانتي ومني
رنا : اني وبنات عمك
سراج : اا بب بايتين 😮
رنا : الساعة 2 شن رايك انت
سراج : مني بالزبط
رنا : كلهم سراج 😑
سراج معاش قدر يشد روحه وفقشها : حتى ليال
رنا استغربت وضحكت : اي علاش
سراج : به تمام
رنا : غر علاش سألت
سراج سكر الخط ..واتصل بيا
تررررن 📱
اني شفت الرقم درته صامت ومابيتش نرد
عاود اتصل مابيتش نرد
_________________________________________
سراج : انزلي للمربوعة البرانية بنكلمك وجو العناد فوتيه وعندك 5 دقايق ماتنزليش والله لما نركب وتعرفي الباقي 😉
_________________________________________
قريت رسالته تنهدت وسكرت التلفون فوت حموالي10 دقايق وركب
قعد واقف وساكت واني منزلة راسي ومانبيش نشبحله
احمد : تبي حاجة
سراج : جاي بنهدرز في مانع😒
احمد : لا تفضل 😒
سراج قعمز علي حشية الصور ومنزل راسه مايشبحليش ويهز في رجله وتكلم بصوت عالي : صار ماتبيش تنزلي
اني توترت اول ماتكلم وقعدت نطربق في صوابعي من التوتر
علا : مني اللي ماتبيش تنزل
سراج : مادخلكش
علا : خيره هدا 😒
اني قمت عيوني جت عيني في عينه
احمد شبحله وحرك راسه متع خيرك
سراج : شي
_________________________________________
سراج : نوضي انزلي بندوي معاك ...ماتعانديش
_________________________________________
فتحت الرسالة قريتها وبعدين سكرت التلفون وشبحت لقيته يشبحلي
في البداية كنت مقررة مستحيل ننزل ولا نعطيه فرصة يدوي معاي لكن بعد اللي داره لقيت ان المفوض ننزل وندير حد للموضوع
~~
سراج : واخيرا تواضعتي ونزلتي😒
اني : شن تبي انت
سراج : ادوي باهي
اني : ماستنيتكش تعلمني كيف ندوي
سراج : اسمعي
اني قطعت علي كلامه : اسمع انت اني مانسمحلكش تشهدر بيا في العيلة و....
هوا قطع علي كلامي : واني مانسمحلكش تتعاملي علي مزاجك
اني : اني ماعاملتكش بكل انت لاحقني
سراج : اسمعي اسمعي الجو متع انتي ماتبيش وبتحسسيني ان نتلصق والله ماهو ماشي معاك انتي تبيني ومش عارف شني اللي مخليك تمتلي هكي
اني : اني مانمثلش ومانبيكش...بالك انت عند زيادة في التقة وتشبح في البنات كلهم يحبوك....وعندك الحق الف بنت تتمناك برا اختار اللي تبيها
اني : من الالف نبيك انتي💔
اني تقشعرت من كلامه قعدت نشبحله شوية وبعدين مشيت وخليته
~~
~~
سراج متكي علي سريره : به مرات تبي حد وفي شخص في حياتها....شن اللي مخليني واتق انها تبيني
لكن كل شي يدل علي حبها كل شي واول حاجة الاغنية اللي غنتها وطريقة دوتها معاي...اني بس من بينهم كلهم ديما تبي تحسسني انها تكرهني وماتبيش تدوي معاي والفترة اللي هدرزناها ع الفيس مش شوية لو مافي شي اتجاهي علاش تهدرز معاي يوميا وعلاش فجأة معاش تبي تكلمني واضحة لانها تبي تلفت نضري وبتشوفني شن ندير لما تنسحب ومعاش تهدرز معاي زي كل مرة
~~
رنا : رقدت
سراج : لالا
رنا : اسمع
سراج : نسمع
رنا ابتسمت : علاش سألت علي ليال بكري
سراج : نوضي بنرقد
رنا : مبردك احكيلي
سراج : نوضي رنا
رنا : في موضوع بيناتكم 😁
سراج : رناا😠
رنا ناضت من جنبه : تو نسألها
~~
☀️⛅
عمي : صباح الخير ماخليتونيش نرقد وانتو صوتكم زي سوق الحوت
ضحكنا كلنا
رنا : تعرفو مارقدتش بكل
اني : ضحكة علا اوفر
علا : سلمني سلمني 😌
اني نضت غسلت وجهي ومشيت للمربوعة بنصلي
رنا : ليال
اني : ايوا
رنا: بنسألك علي موضوع
اني : حتى اني بنسألك
رنا : الله 😮 علي شني
اني : اسألي انتي قبل
رنا : خوي سراج
اني وجهي ولا احمر : ااا خيرك سكتي😶
رنا : قصدي هوا.... مش عارفة كيف بنقولهالك
اني : شني ادوي
رنا : امس صار موقف الحق ومافهمتش تفسيره هوا سراج عادي مع بنات العيلة يعني هكي زي خواته لكن امس
اني : تي ادوي خيرك سكتي😑
رنا : في موضوع بيناتكم قصدي ماتفهمينيش غلط يعني في حاجة هكي..
اني : كيف هكي
رنا : صداقه صحبة ولا حاكيلك حاجة ولا هكي
اني : ااا لل لا عادي زيه زي الباقي علاش
رنا : ااه به تمام
اني : لا فكيني من جو الغموض علاش سألتيني
رنا : لالا يتهيألي خلاص فوتي....شن كنتي بتسأليني
اني : شني وليتي مرت خالي 🙄
رنا تلخبطت : ااا قق قالك هوا
اني : اي اكيد
رنا قعدت ساكته
اني : ياريت ماتبعتيلاش صورك يارنا
رنا : شن قصدك
اني مشيت وخليتها
رنا قعمزت وغصرتها العبرة 😢
" ماكنتش نبي نجرحها لكن الكلام اللي قلته لازم ينقال اني كنت نشوف فيها ان مستحيل ادير شي زي هدا لكن دارت.....صح ممكن تكون حبت لكن مش لين توصل بيها للمرحلة هده ومانبيش خالي يهزى عليها "
°
•
°
•
°
في مالطا
عمر : تمام انشالله غدوا الصبح يكونو واتيات
داليا تشبحله ومبتسة
عمر طلع وداليا لحقاته
داليا : قالو جاتك بنية
عمر : ايه
داليا : تتربى ف عزك
عمر : تسلمي
داليا حطت يدها علي يده : خلاص مسحت كل شي
عمر : داليا اني كونت عيلة تانية
داليا : نبصملك بالعشرة انك مش مرتاح معاها
عمر : مرتاح مش مرتاح حاجة تخصني
داليا : به خلي علاقتنا سرية اني راضية
عمر : نلقو روحنا في حاجات احني في غنا عنها
داليا : قتلك اني راضية
عمر : لكن اني مش راضي
داليا قربت منه وحطت ايديها علي صدره : امتا ماتكون مضايق ... حوشي تعرف طريقه
عمر : ابعدي داليا
داليا : اي اني توا بنبعد لكن انت حتجي 😏
°
•
°
•
°
بعد مدة 🌸
تسنيم : حوشكم محلاه لما مرت بوك مهناش
اني : اي وافرحي حتى مسرة طالعة....شكلها عندها موعد
رتاج : كيف عرفتي
اني : واضح كانت تكلم ف ولد
تسنيم : والله ولد عمتك جوه مش عادي
رتاج : شني نسيتي الناس الاولة 😉
تسنيم : والله نكلم قريب في 5 ولاد بش نتناسى ومانتعبش وشي كل مانقعد بروحي يخطر
رتاج : تخطر واااانا الليل نماسي▪▪ تخطر واانا الليل نماسي
اني قعدت مبتسمة وساكته
تسنيم : صوتك مش حلو 😊
رتاج : ماطلبتش رايك 😛
تسنيم : بنااات ديرولي حل نحبه😢
رتاج : حبك برص
تسنيم : اجمعين....
اني ماقلتش ولا حرف وحاسة روحي في موقف مش حلو بكل وهيا السبب لو مالحتش عليا ماكنتش كلمته ولو ماكلمتاش ماكنتش حنتعرف عليه اكتر ولو ماتعرفتش ماكنتش حنحبه😔💔
اااه والله بديت نتحمل اكتر من اللزوم تعبت😔
ترررن ترررن 📱
رتاج : لولو تلفونك
اني كنت سارحة ومش معاهم
تسنيم قامت التلفون : حي رقم سراج والله الا رقمه 😀
اني نصدمت : اا ششن رقمه لالا مش رقمه
تسنيم : تي بتعلميني في رقمه اني حافضاته اكتر من اسمي
رتاج : ردي الزح قبل مايسكر
اني : تي فوووتوه بالله عليكم
تسنيم : نفوت عينك وفتحت الخط وحطاته علي ودني
اني قعدت نبلع في ريقي بصعوبة : اا ا الو 😖
سراج : تعرفي متصل وماعنديش امل حتى 1% انك تردي
اني : اا اهلين سراج كيف حالك وشن جو العيلة
سراج استغرب : حالي ... حالي مش كويس
اني : ااا اي باهي سلملي علي عمي
سراج : شنو ؟؟
اني : يوصل انشالله باي
سراج : جنبك حد ؟
اني : اي
سراج : تمام
~~
تسنيم : شن قال 😀
اني : اا يبي نادر
تسنيم : اففف😑
رتاج : شن متوقعتيه يبيك انتي 😒
تسنيم : بابا جاني بنروح
رتاج : وصليني في طريقك
~~
~~
سراج مبتسم : زعما من كان جنبها ❣..نعاودلها ولا مزال...لكن الساعة قريب 1 اكيد بروحها توا
~~
كيف كملت قرايتي وفتحت الفيس وشرين التلفون في ايدي...لين يديا رعشو من الخلعة ونضت قعمزت...قلبي دقاته تقوو وتوترت فتحت الخط واني حاطة ايدي علي قلبي
سراج : بروحك توا
اني : شن تبي
سراج تنهد : تعبتيني معاك
اني : موضوع مايهمنيش
سراج : تعرفي كان نشكي فيك يحكمو عليك مؤبد 💔
اني ضحكت لا ايراديا وبعدين حاولت ندرق ضحكتي : ممكن تخليني ف حالي قصدي بجديات فددتني
سراج تكلم بنبرة هادية هلبااا اول مرة يتكلم معاي بالطريقة هده : علاش ليال...علاش دايرا فيا هكي علاش تعدبي فيا غلطت معاك في حاجة درتلك حاجة ضايقاتك اني لو نعرف ان كلامك حق وماتبينيش والله مانكلمك ولا نجي جيهتك بكل لكن ياليال اللي قاهرني انك تحبيني نشوف فيه الشي اهوا في عيونك وفي نبرة صوتك في نضراتك نشوف فيه ومتأكد منه
اني نسمع فيه ودموعي ينزلو بقوة وماتكلمتش وبعدين لا ايراديا طلع صوت البكية
سراج زاد هدى صوته : تبكي 💔
اني جمعت كل قوتي وحاولت ندرقها : لا
سراج : به حتى كانك ماتبكيش امسحي دموعك
اني ضحكت واني نبكي وتخلطت عليا ضحكة وبكية وكان صوت نفسي واضح وواضحة ضحكتي
سراج قعد ساكت ويسمع في انفاسي وكيف نشهق مرة مرة
سراج : به اعطيني سبب يقنعني وبعدها معاش نكلمك ولا نقربك بكل
اني : تصبح علي خير😢
سراج : وانتي من اهله
~~
اااه ياربي كيف نتخلص منه الموضوع هدا كيف نخليه يسيبني في حالي به علاش لما يكلمني نحس في شي غريب علاش لما نسمع اسمه مش عارفة شن يصيرلي علاش ياربي علاش....علاش الاحساس هدا ماجانيش مع مروان علاش ماجانيش مع مطلب علاش هوا بالدات والمشكلة اكتر شخص استحالة حتى نفكر اني نكون ليه....لو فكرت فيه نكون خنت صاحبتي واختي واللي عطت فيا الثقة وتبيني نخليه يحبها وفي الاخير ناخده اني ومن غير هدا كله طلعت حتى مسرة تبيه يعني لو ارتبطت بيه اول وحدين حيوقفو ف وجهي مسرة وامها...وعيلته عيلته اللي هما السبب في طلاق ماما بيرضو بيا اني لولدهم
°
•
°
•
°
مراد : صباح الخير ياطير
سراج : صبح يافتاح شن تبي 😪
مراد : تي اطلع اني قدام الحوش ياخميرة
سراج : واااك نبدل ونطلعلك خش انطمر داخل😑
~~
في السيارة
مراد : نمشوله الراجل ولا شنو
سراج : شن رايك انت 😒
مراد : حقاا...سامي قداش عنده اخت
سراج : زوز علاش
مراد : زوز مش متجوزات
سراج : ناوي بتخطب امالا😂
مراد : غر ادوي الزح
سراج : وين نندري علي جد امهم بالك ممكن وحدة متجوزة ووحدة لا
مراد : اخنتك علا تعرفهم ولا ؟؟
سراج : انت شن تبي تفهم بالزبط واني نفهمك
مراد : من الاخير نبي اخته
سراج : والله كان نعرف راني زغرطت 😂
مراد : مانتسهوكش مع جد امك
سراج يضحك : مبروك سلفا 😂
مراد : 😒
سراج : تو نقصقصلك من علا كل شي
مراد : وانت شن صاير فيك
سراج : انزل خودنا قهاوي راسي بينفجر
مراد : ااه خصوصيات 😉
سراج ضحك وسكت
°
•
°
•
°
عبسي : اي سألتني جوابتها
رنا : ياريتك ماقلتلها حبيبي
عبسي : في الاخير بيعرفو وبعدين كنت نحسابه نادر قايلها وتفاجأت لما سألتني
رنا : مرات قايلها وادير في الجو
عبسي : علاش ماتبيهاش تعرف
رنا : هكي مبدأيا كنت مانبي حد يعرف
عبسي : واني اللي عابي بنقول حتى لامهم
رنا : بجديااات 😮
عبسي : اكيد حبيبتي لامتا بنقعدو بالسر
رنا : قصدي عبسي عارف المشاكل اللي كانت بيننا وبين نجلاء خلي ماتقوللهاش لين يجي وقتها
عبسي : في الوقت الحالي مش مقايلها لكن مشاكل ومش مشاكل في الاخير كلهم بيعرفو
~~
~~
سامي : قصدي عادي اهو اني نخدم
علا : مايمنعش هدا اني نقرا و نخدم حتى اني
سامي : علا اني غر تفوت سنة علي وفاة بوي وبنجي نخطبك وجو نستناك لين تكملي قرايتك مايمشيش معاي
علا فرحت : علاش طلبت مني قبل ورفضت
سامي : وين نندري قلت مرات لين تكملي
علا : اي حبي عادي نكمل بعد الجواز
سامي : بعد الجواز 😞
علا : اي بعد الجواز
°
•
°
•
°
طارق: والله ياعمي اني جاي نطلب ايد بنتك مسرة
بابا : والله ياولدي ماني عارف شن بنقولك
طارق: اني ياعمي حكيتلك علي حالتي المادية وعلي عيلتي وتقدر تسأل وتستفسر زي ماتبي
بابا : والله في الاخير الراي راي العويلة تو بعد يومين تلاته نرد عليك
~~
مسرة : عرفتيه طارق هداكا متع بن عاشور
هيام : اللي يبيك ولالا ؟؟ عنده مطعم
مسرة : تي اي هوا....جي لبابا طلبني منه
هيام : حي ع الجوو😀 وبوك شن قال
مسرة : بكري نسمع فيه يهدرز لماما تحسيه بابا يبيه
هيام : وسراااج 😮
مسرة : من عقلك تحسابيني بنوافق عليه طارق المختش
هيام : هدرزي مع سراج قوليله جو ناس يخطبو فيك
مسره : سكري خلي نبعتله
_________________________________________
مسرة : وييين ليك وحشة
_________________________________________
سراج : 👍
_________________________________________
مسرة : شن جوك
_________________________________________
سراج : كويس
_________________________________________
مسرة : شن مداير
_________________________________________
سراج : نخدم
_________________________________________
مسرة : اه في متع النفط هده🤔
_________________________________________
سراج : لا في المعرض
_________________________________________
مسرة : اها...
_________________________________________
سراج : اي وانتي شن مدايرا
_________________________________________
مسرة : والله كانو عندنا ناس يخطبو مبردهم ماخشوش راسي
_________________________________________
سراج نصدم : نااس؟؟ لمن جايين
_________________________________________
مسرة : جايين ليا اني
_________________________________________
سراج : ااه ... به ربي يتمملك علي خير
_________________________________________
مسرة : لالا مانبيشي اني هدا ماناقص
_________________________________________
~~
سراج معاش رد عليها
°
•
°
•
°
مراد وصحابه مقعنزين في القهوة ويهدرزو شوية ورن تلفون سامي
سامي : الو .... تي اني في القهوة وماجيتش بسيارتي كيف بنجي نروح بيك....تي باهي قولي لراجل اختك يروح بيكم....واااك النم مافيش منه فايدة...تي باهي باااهي😡
محمد : غر صلي ع النبي ياسامي😂
سامي : الزح توا بنمشي للحوش وناخد السيارة ونولي نروح بيهم مش عارف شن رفعهم النم
مراد : اني مروح نوض هي نخطمو عليهم ونروح
سامي : ايااا يامراد بنديرلك موضوع شن بيرفعك لغادي
مراد : تي لالا مايحشمك شي
سامي : باهي هي سامحنا علي تعبك
مراد : تي عيب ياراجل
~~
سامي : ايوا اطلعو
يارا : باهي نلبسو عباياتنا
سامي : ماتعطلونيش معاي الولد
لبسو وطلعو ركبت فاطمة ورا سامي ويارا ركبت ورا كرسي السواق.....
🌷يتبع🌷
كنا مقررين معاش انزلو لين يزيد التفاعل لكن قلبي طيب 💔😔😊ومانبيش نخليكم تستنو 😘
لكن ياريت تزيدو تفاعلات ع الصفحة وديرو دعوة لان الصفحة تفاعلها ضعيف هلبا
.
.
#__timOo🖤
