#__وتين__🍃
🌷الحلقة 100🌷
🌷والاخيرة 🌷
#الجزء_الاول
___________________________________________⚘
ايناس قصت عليها : ماتهبلينيش بغبائك😠....ليال تبي امها تولي لبوها هدا شي اكيد ومافيشي شك
نزلت وجت ف ودني كلمتها
اني : لعلمك امي ماتفكرش حتى التفكير ف الشي هدا والمواضيع هده معاش تهمها بكل ولو يحطلها بابا الدنيا كلها بين يديها مستحيل تولي
مسرة : به وشن واقفة ادير معاه ف نص الشارع 😒
اني : هو وقفها....شن كان يبي مانعرفش لكن هو اضطرها تنزل م السيارة
ايناس : بالله...بالله بري سلم ماما العبي لعبة تانية انتي وامك
اني : ع فكرة لو نبيهم يرجعو لبعض مش حنخدم ع الشي هدا بالسر ومش حنخاف من شي لكن قلتلك بالتصدقي باهي ماتبيش انتي حرة...ماما مستحيييل مزال تنزل مستواها وتشبح للشي اللي تفكري فيه
مسرة : به لما هو وقفها شن قاللها
اني : اني ماكنتش معاهم مسرة اسأليه هو...... وعطيت بالظهر بنمشي
ايناس : قولي لامك ورب من خلق السمي ع الارض ماني مرتاحة لين نديرلها شي نبكيها بالعبرة وتو تشوف
اني : يوصل 😊 وركبت
مسرة : خييييرك انتي😡... احني مش ايهود ره....وتهددي تقول خاشة حرب
ايناس عيطت عليها : تو اني غللللط والعار اللي يدير فيه بوك عادي😠
مسرة : خليني منه بوي...انتي بديتي ف اساليب التهديد هكي حسستيني اني عايشة ف عصابة مش مع عيلة 😒
ايناس : والله اني هكي وهدا طبعي ومش حنبرد لين نقهرها
مسرة : ماما ماكش صغيرة ره
ايناس : معاش عاجباتك تبري مني عادي ره 😒
°
•
°
•
°
•
🌒
📞سراج : باهي وتوا شن قررتو
📞اني : في حوش جدي وخلاص
📞سراج : اها...هكي احسن ره
📞اني تنهدت : اي...لكن كنت نبي يندار اهني الحق قصدي...
📞سراج قص ع كلامي : عارف حبيبي عارف ف الاخير هدا حوش 📞بوك وهكي المفروض .....كن كيف ماتجيك الضروف تعاليلها
📞اني : اي صح
📞سراج : المهم يندار وتجيني بس ❤
📞أني : هههه اي هدا المهم ❤
📞اني : اسمع سراج
📞سراج : همم
📞اني : مزال اسابيع ع العرس
📞سراج ضحك : اي عارف
📞اني خنقتني العبرة : مزال 😢...مزال اسابيع عندك فرصة تفكر فيهم
📞سراج : شش شن تقولي انتي😳
📞اني : لازم ف المدة القصيرة هده تقعمز تفكر بالمقدار اللي فكرته ف الفترة اللي فاتت كلها💔 لازم تحسم الامور وتفكر ف حياتنا كيف بتكون وشوف الضرف اللي حنعيشو فيه وهل حتقدر تتحمله ولا...
📞سراج قص عليا : مجنووونه انتي؟؟...وقلتيها بلسانك تو احني لينا قداااش مع بعض جايتيني توا تقوليلي فكر
📞اني : اني متأكدة ان مفيش مرة قعمزت بروحك وتكلمت مع نفسك وفكرت كويس...انت تفكر بقلبك لكن الحقيقة ان لازم تخلي لعقلك مجال
📞سراج : اني نبيك بعقلي بقلبي بروحي نبيك لونا ؛ عارفة شن يعني نبيك....اني من غيرك ولا حاجة ❤...ومهما كان صعب ان نعيشو من غير صغار لكن مش اصعب من العيشة من غيرك...تفهمي فيا
📞اني : اي😢
📞سراج : معاش تعاودي الكلام هدا فاهمة
📞اني .....
📞سراج : فاااهمة😡
📞اني : هههه فاهمة
°
•
°
•
°
•
☀️⛅
رنا : ماماااا
فريال جتها : نعم
رنا : كلمتني خالت محمد قالت بتجي هي وبنتها اليوم
فريال : اني قتلك لميهم كلهم ف يوم واحد وافتكي تو احني بنلهو بعرس خوك وبالنساوين
رنا : شن تبيني نقوللهم😑
فريال : اتصلي بيها قوليلها تأجلها اليوم وولميهم اماليه كلهم ف يوم واحد
رنا : زعما
فريال : تي اي...اليوم اني طالعة بنشري اماعين ناقصيني ره
رنا : واني من بيقعد معاي مش قادرة حتى نتحرك😒
فريال : اهو تو تنزلك مريم والعشية بتجي اختك بلسم
ترررن ترررن 📱
رنا : ايوا حبيبي
محمد : اهلين حبيبتي شجو
رنا : تمام الحمد لله
محمد : شن حالك اليوم
رنا : باهية....مشيت للبنية
محمد : اي مشيت شفتها بكري
رنا : اها...صورتهالي
محمد : كل مابنمشيلها بنصورهالك 😶
رنا : اي حبيبي بش نحس روحي كأن معاها
محمد : ههه ماصورتهاش اليوم تو غدوا انشالله
رنا : به
محمد : ماشي بنسميها اني توا
رنا : الله...رولا زي ما اتفقنا ولا😍
محمد : احني ماتفقناش انتي قررتي😒
رنا : شن يعني🙁
محمد : مايعني شي تو نسجلها زي ماتبي حضرت جنابك
رنا : امممموا😘 نحبك 💓
محمد : اممم به😑
°
•
°
•
°
•
🌒
سندس : انزلي حطي الكيسة هده قدام الباب وشوفي سيارة عمك لوطا ولالا
ماريا : نخاف ضلام 😟
سندس : تو نفتحلك ضي الجنان😑
نزلت ماريا حطت الكيسة ولقت حوش سراج مفتوح...
مشت وقفت ف الباب وطبست راسها تشوف وكان سراج ف المربوعة ع الايمين وهي متلفته ع الايسار
سراج : بست
ماريا شهقت : هييييي 😧...خلعتني 😪
سراج ضحك : خيرك تبيتي ياشينة
ماريا مشتله : ماهو ماما كتلي بري شوفي عمو سراج كاعد ولا مهناش
سراج استغرب : علاش تبي حاجة 😕
ماريا : لالا ديما تقولي هكي
سراج : شن تقولك
ماريا : ديما تقولي شوفي عمو كاعد ولالا
سراج : ؟؟😕
ماريا باساته : باي
سراج : باي
..........
سندس : السلام عليكم 😊
سراج : وعليكم السلام....وتلفت ونصدم من لبستها 😳
كانت لابسة توته مشحطة ع جسمها ونازلة بيها من غير ماتحط اي شي تغطي بيه
سندس : مشالله تغير هلبا الحوش
سراج ابتسم مجاملة
سندس : ركبت دار النوم ؟
سراج : لا غدوا
سندس : اها...باهي شبه كملت
سراج : اي خلاص
سندس : ربي يتمم علي خير انشالله
سراج : انشالله
وقعدت واقفة وتحاول تتكلم في اي موضوع لكن سراج دارهالها عيني عينك وبدي يطفي ف الضي ويسكر ف الرواشن وحسسها انه بيطلع
سندس : اا هي تصبح ع خير😅
سراج : وانتي من اهله
°
•
°
•
°
•
فجر الاثنين🌄
الله اكبر
سبحان ربي الاعلى ؛ سبحان ربي الاعلى ؛ سبحان ربي الاعلى
"اللهم اقض حاجاتنا التي لا نستطيع صياغتها في دعاء،
أنت أعلم منا بها وأقدر منّا عليها." 🌸
........
البارح اخرلي ليلة في داري وسريري ومملكتي الصغيرة...💔وماجانيش نوم بكل ؛ الليل كله فات واني نفكر من موضوع لموضوع .
وتيت روحي ومشيت اني وبابا بش ندير تحاليل وبعدها رفعني لحوش جدي وطبعا اليوم المستادنات
ف السيارة 🚗
........
خ ليلى : هي وحدة منكم تنوض اديرنا فطور قبل مايجي حد
صفاء : نوضي شهد نوضي
شهد : اقلبي وجهك والله ماني نايضة🙄
ديما : اسمعو اني راهو راجلي مايبينيش نتحرك بكل ف الحوش 😌 ع خاطر مش كويس للبوبو يعني كان بتعبوني خلي نروح
ماما : نوضي ديرينا نفطرو سلم ماما واشحطيلي روحك وانتي تدلدلي زي الخنانة 😒
صفاء : 😂😂 اقوا ياعزوزتها
خ فاطمة : خيركم علي بنتي يلا
طقطقطق 🚪
اني : منوو...وفتحت
رتاج : روروروروروري
ماما : اهي جت الناشطة😂
اني : قصدك بديري جو المدامات😂 مش طالع عليك
رتاج : تفو 💦
شهد : واهي جت اهي جتنا اهي ولت من عيلتنا 💃
رتاج : حي بديتو اطبقو ف الحاجات
اني : اي هي شمري يدياتك
طقطقطق 🚪
اني : هده اكيد مسرة
شهد فتحت : اهلين كيف الحال😊
مسرة : تمام كيف حالك انتي
~~
~~
~~
حوش عمي ✨
فريال : قعزي ياودي معاش تتحركي
رنا : به اعطوني حتى نطبق كلينكس ع الاقل...حسيت روحي مقعمزة زي العبيطة 🙄
علا : هدا الواقع😂
رنا : والله جديات😬
بلسم : امتى يطلعوها بنتك اللطف
رنا : خمسة ايام ويطلعوها
اسماء : مسيكييينة🙁
احمد خش : السلام عليكم
الكل ردو السلام
احمد شبح لمريم : بتمشي بعدين ولا ماصارلكش
مريم : بنمشي كان بترفعني😁
احمد : باهي نرفعك لكن امك قوليلها تجي اهني ماعنديش جهد نمشي لغادي
مريم : ماما بيرفعها مراد مش لايمين عليك 🙄
بلسم : بتمشي للمستادنات 😐
مريم : اي
بلسم : عاد انتي مفروض ماتمشيش😏
مريم ضحكت باستغراب : علاش
بلسم : عاد اقعدي عولي معانا
احمد : اهي تحرت م الصبح جت علي ساعتين😒
بلسم ع اساس تبصر : وك وك وك مايبي فيها شي😏
اسماء : عنده حق هي م الصبح معانا جت علي توا
غادة : عاد هي حتى صاحبتها خلي تمشي شن فيها
°
•
°
•
°
•
🌒
" اني ماطلبت شي عيب ولا غلط ؛ نبيها بالحلال.....لكن اللي درته فيها مش شوية ؛ كيف مزال نقدر نطلب منها تولي لنفس الحياة اللي هربت منها....
عادي نوعدها ونفهمها اني نعوضها علي كل اللي فات💓
اي..اي صح نعوضها علاش لا "
وكل مايزيد بابا يفكر يزيد الحماس داخله ومالقاش روحه الا متصل بيها...
......
ترررن ترررن 📱
ماما : الو
بابا : مساء الخير
ماما عرفت صوته : انشالله خير 😑
بابا : اا اني اتصلت توا قلت عرس اكيد نايضة 😅
ماما : تفضل تبي حاجة 😒
بابا : انتي تعرفي اني نبي ندوي معاك والمرة اللي فاتت رديتيني لكن اني مصر اني نقولهولك الموضوع اللي عندي
ماما : اني اسفة معندكش اي مجال بش تدوي معاي في شي
........
فاقت ايناس ومالقتش بابا جنبها ولما تلفتت لقت باب البلكونة مفتوح ؛ ناضت ودوب ما فتحت الستار شبحاته واقف وعاطي بالضهر وقعدت واقفة تسمع
.......
بابا : اني نبيك بالحلال ومافي شي غلط...واني
ماما قصت ع كلامه : تو احني في بيننا صغار واني علي عيونهم مانبيش نغلط ولا نعيب فيك
بابا : اا يانجلاء غر اسمعيني شوية....اني عارف روحي اللي درته مش شوية وعارف روحي غلطت لكن والله وراس ليال مستعد نعوضك علي كل شي فات....ولو تبي نطلقها ايناس والله نطلقها عادي
ماما تنهدت وسكرت عليه الخط
ايناس حاطة ايدها ع فمها ومفنصة م الصدمة
~~
~~
~~
خ فاطمة : يانجلاء...وين نلقا حافضت الحلاوات....خيرك 😳
ماما مقعمزة ع الصالون : شوفي اختك ليلى هي دست الحوافض
خ فاطمة: خيرك فيك حاجة
ماما : اا لالا مافي شي
خ فاطمة : نوضي اطلعي جو سعاد وخيرية
ماما : باهي هي
........
مريم : لكن ناض فيها احمد 😂
اني : مبردها الهم
مريم : بكل تدخل ف كل شي تصدقي
اني : مش عارف ميف متحمله ساكنة فوقهم
مريم : اسمعي الحق عمي ومرت عمي كويسين معاي لكن هي كل ماتجي تقلب جو الحوش كله 😑
اني : شن جو جوجو...خيرك ماجبتيهاش
مريم : خليتها غادي مع الصغار تلعب
اني : اها ورنا شن حالها توا
مريم : لا كويسة الحمد لله
ع خيرية : غر عدلي علينا ياعريسة
اني ضحكت : تي وين بسمة خيرها ماجتش
ع خيرية : بايتة ف حوش عبدالله شدوها البنات
اني : عمتي سعاد بايتة ولا
ع سعاد : والله يابنتي ماني عارفة حتى البنات غادي شادين فيا
اني : عاد غدوا بتمشي معانا من اهني للحمام ولا
ع سعاد : كان هدا تو نجي الصبح
اني : تي باهي ياعمتي به
~~
~~
~~
ايناس راقدة ولافة روحها بالورغان: الحقيير😢...بيطلقني الوسخ ؛ تي تو نوريك اني الوجه التاني متاعي تو تشوف ايناس تاااانية 😏
بابا سكر البلكونة وجي رقد وع اساس هي واخدها النوم ومش حاسة ع شي
ايناس قعدت عاطياته بالظهر وتبكي بالشوية بش مايحسش عليها
°
•
°
•
°
•
☀️⛅
تسنيم : السلام عليكم ☺
ماما: اهلا اهلا حمدالله ع السلامة 😀
تسنيم : كيف حالك خويلة الله يسلمك🤗
ماما : حويييتة حويييته ع الشباب 😍
اني : تسنيمووووو 😆
تسنيم : روروروروروري واخيرا بنفتكو منك ياعانس😂
اني : تفو ياحقيرة😂....ي حلييييلي منهم يهبلووو😍😍
تسنيم : شوفي هالتيس اللي لبز روحه بالحليب
اني : وينه جواد ووينه رواد 🙄
تسنيم : الملبز بالحليب رواد 😂
اني : المهم هما نسخة مصغرة من قيس
تسنيم : عمتي بايتة سعاد اهني ولا
اني : اي اهوني داخل
تن تن 📲🗨
_____________________________________
احبك بتطرف
بوعي لاوعي فيه وبانجراف لا حد له وباسترسال لا نهاية لامتداده
احبك باستسلام مطلق
انا المهزوم في حربك ولا انوي انتصاراً
_____________________________________
~~~
شفت رسالته وابتسمت لا شعوريا وحسيت كأنه يحاول يحسسني بالامان ويحتويني حتى وهو بعيد ❤
شهد تشح ف ايدي وتبي تشوف : ياعيني ياعيني ع الابتسامات شني رومانسيات ع الصبح 😜
اني دفيتها : هنينا شهد 🙄
شهد جبدت مني التلفون وقعدت تقرا
اني : برادة هده ره😒
ديما دخلت راسها مع شهد : ترا نشوف حتى اني
وقعدو يقرو
شهد : ي حلييييييلي 🙈 هدا اني اللي بعيدة وحسيت روحي دبت😂...قداش بتتحملي يالونا نحس فيك من اول يوم بتسيحي وانتي عاد علي سبلة
اني شبحت لصفاء : اختك تبي شوية رباية😊
صفاء : اختي تبي اعادة تأسيس🙄
........
نادر : هيااا يايام قوليلهم بسرعة
ماما : لونااا تعالي هيا اركبي مع خوك
اني : ومن بيركب معانا ؟
ديما : اني معاك ✋
نادر : معاي امالا مع مني متلا 😑
اني : حتى مريم اهو بتجي معانا
.........
ع سعاد : من بيطيب الرشدة
ماما ضحكت : انتي هي شمري
ع سعاد : عادي هههه
خ ليلى : هي انوض اني وياك امالا
ع سعاد : باهي
خ فاطمة : هي ديرو شوط قبل مايمشو للحمام ياعويلة
جميلة : روروروروري هاتي الدربوكة هاتي
~~
~~
~~
ايناس مقعمزة ع الصالون : ههههه ههههههههههه وااااو 😀 جت ع الجرح ههههههه
مناسك : خيرك ماما😀
ايناس : شي شي 😏
مناسك😕
بابا طلع م الحمام
ايناس خلت روحها عادية : بنمشي اليوم بنحضر الرشدة باهي
بابا استغرب : بتمشي 😕
ايناس : اي...ليال زي بنتي معقولة يوم زي هدا مانحضراش😌
بابا فرح : باهي مدابية
ايناس : هي نسوكا تعالي نوتيك
مناسك : بنمشوووو 😆
بابا : بسرعة امالا وقت عليا اني
ايناس : لا بنمشي بسيارتي اني😒...ولا انت خاطرك تمشي
بابا : شن هيا 😒
تررررن ترررن 📱
بابا : الو
اني : ايوا بابا ف الحوش انت
بابا : اي
اني : باهي احني قدام الباب ابعتنا مناسك نرفعوها معانا
بابا : مناسك...باهي هي..انزلي جري يستنو فيك
مناسك : هيييييييي😆
ايناس : غر اصبري خلي نسلتلك شعرك
°
•
°
•
°
•
رنا : حقااا😀
محمد : اي قالولي مافيش داعي تزيد تقعدهم الخمسة ايام ...مش حيأترو وهي حالتها تحسنت الحمد لله
رنا : الحمد لله باهي مشيتلها
محمد : اي ماشيلها ف الطريق
رنا تنهد : اااه هدا وين تريحت
.........
غادة : اسمعي فريال راجلي جاي من بنغازي وخوه بيجي معاه عادي يجي للفاتحة...ماهو عيب جاي من غادي ومايقولاش برا معاي
فريال : عادي يقوله عندي غدي تو نجيك🙄
غادة : ماهو هو ماعنداش وين يقعد اهني فهمتي
فريال : ولاش جاي مدامه ماعنداش وين يقعد 😒
غادة : عادي هو لا بينقص لا بيزيد 😑
فريال : ماهو عازمين هلبا وتخافي مايسدوش القعاد
سراج خش : ياااام وتينا صفرة فطور معاي ولاد
غادة : اسمع سراج عمك هادي جاي من بنغازي وخوه قاله بنجي معاك للطرابلس تحشم منه ومافيش وين يقعد اهني عادي يمشي معاه
سراج : تي عادي اي شن تسألي فيا
غادة : ماهو قلت بالك نحرجكم ولا حاجة
سراج : لا عادي يتفضل
فريال:😒😒
°
•
°
•
°
•
خ فاطمة : تعالي شوفي من جي
ماما : مني 😕...وطلعت لقت ايناس ف الخيمة وتسلم ولما شافت ماما جتها
ايناس : اهلين كيف حالك
ماما : كويسة
ايناس : اا نقدرو نخشو لجيهة فاضية بنهدرزلك موضوع☺
ماما : لالا ادوي حتى اهني عادي
ايناس بالشوية : تؤتؤتؤ كان ندوي اهني تنفضحو😏
~~
~~
~~
مسرة : علي علي المسجل يانااادر
نادر : تي عالي ع الاخير قداش مزال تبي
مسرة : شوف تي سيارت خالك صوت اغانيهم واصلة لهني
نادر : مش عاجباتك سيارتي تو ندرسلك ايمين😊
ديما : سكره مسجلك زي قلته تو نغنو احني
اني : خيرك علي خوي انتي وياها😒
نادر : اسكتي بلا صرصرة
مسرة : وووه ف السنون😂😂
اني : تفو عليك وعلي يدافع عليك 🙄سوق سوق زيك زي الكلب
نادر : 😂ولعت ولعت
........
شهد : ووووه نحس ف السيارة بتنقلب😆
رتاج : عبسي بالشوية دخخخخخت
عبسي : حقا نسيتك انتي حامل 😅
صفاء : حتى اني حامل وليا ساعة نقولك نقص وماعدلتش😒
عبسي : حتى انتي حامل😂...خير امك زي القطوس تي مش السنة اللي فاتت جبتي😂
صفاء : شن واجعك انت 😂
~~
~~
~~
ايناس حاطة رجل ع رجل وتتفرج ع ضوافرها وتتكلم بتسهويك : هو الحق والله واجعيني تعبتو روحكم وعزمتو ناس ودرتو خيمة 😞 كان بودي ان العرس يتم علي خير لكن ف نفس الوقت مانقدرش نخلي سلفي عبدالله يجوز ولد لوحدة....وسكتت
ماما ابتسمت : وحدة شني
ايناس : هههه يعني وحدة ناقصة
ماما : كلنا ناقصين الكمال لله😊
ايناس : هههههههه لكن مش كلنا مانجيبوش ف صغار😂😂
ماما نصدمت وحست جسمها كله فشل ومعاش قدرت حتى تتكلم قعدت محافظة ع توازنها وتقعميزتها وتشبح لايناس
ايناس : مش عيب تخدعو الناس وتعطوهم بضاعة ماتصلحش😂
ماما : اطلعي برا
ايناس تضحك : طالعة طالعة....واول مانطلع من اهني الخيمة حتتنحى هههههههه
وناضت طلعت وخشت ماما للنساوين وقعدت تعول وخلت روحة عادية جدا
~~
~~
~~
تسنيم : تهببببلي بالبودري🙈
اني : عيونك الحلوات😘
رتاج : ساوي هادي هكي..ايوا
اني : تمام
تسنيم : تمام التمام 😍
اني : جبتي الكاميرا 😮
رتاج : اكيد😉
°
•
°
•
°
•
رنا : ي وخيييتي واخيرا جتني😍
علا : الله واحد الله واحد ياهداية جيبي البخور خلي نبخروها
اسماء : ماتتنفسوش جنبها البنية مزال ماعندهاش مناعة
بلسم شادة المبخرة : بخريها بخري
رنا : قنوشتي قنوشتي😍
غادة : دخليها للدار دخليها
~~
~~
~~
تررررن ترررن 📱
سراج : الو
ايناس تسوق: هلا ياعريس شن الاخبار
سراج : تمام...مني
ايناس : مرت عمك معقوله مش مسجل رقمي😌
سراج : اي مش مسجله😒
ايناس : اسمع تقدر تجي لحوش عمك
سراج : علاش ؟😕
ايناس : في موضوع مهم مهم لازم تعرفه
سراج : لا والله ماني فاضي الحق...قوليه حتى ع التلفون عادي 😑
ايناس : لالا مش اني بنقولهولك....عمك علي يبيك
سراج : عمي....خيره ماكلمنيش هو
ايناس : مافيش فرق زي اني زي هو المهم لازم لازم لازم تجي وبأسرع وقت
سراج استغرب : انشالله خير
~~
~~
~~
📞بابا مقعمز ف الجنان : المهم سراج يندري ع الموضوع
📞نادر : اي يندري علي كل شي
📞بابا : خلاص امالا مافيش مشكلة
📞نادر : لالا كل شي تمام
📞بابا : باهي مية مية...اني كلمتك غر خفت يكون سراج مايندريش وتصيرنا كارته
📞نادر : لا عارف بكل شي قبل حتى مايخطبها
📞بابا : اها صار طلعت اني بس مانندريش😒
📞نادر : هي سلام توا غر مش فاضي😅
📞بابا : بالسلامة
ناض بابا طلع م الحوش وبعده بالشوية وصلت ايناس للحوش وكلمت بابا وتأكدت ان هو معطل ومزال مش جاي بش تاخد راحتها مع سراج...وبعد حوالي نص ساعة وصل سراج وكان مستغرب ويستنى امتى يوصل ويعرف شن الموضوع اللي بابا بيكلمه فيه
ايناس : اهلا وسلا تفضل
سراج من اول ماخش وماشافش بابا زبطها تكدب : وينه عمي 😒
ايناس : هههه غر قعمز خيرك
سراج تنهد وقعمز : تعرفي مشنوق وجبتيني من اخر الدنيا انشالله مايكونش الموضوع تافه
ايناس : لا مش تافه والموضوع هدا حيخليك تعيد النضر في جوازك كله
سراج يهز ف رجله ويشكشك ف المفاتيح : ادوي من غير مقدمات
ايناس تحاول تلعبله بأعصابه: ليال
سراج : خيرها
ايناس تشبح لملامح وجهه وتتكلم : ماتجيبش ف الصغار
اول ماقالتها تستنى ف الصدمة ع وجهه بس فشلها وكان رده في قمة البرود
سراج : نعرف
الصدمة اللي كانت ايناس تبي تشوفها ف وجه سراج طلعت ع وجهها هي
ايناس : تت تعرف ؟😳
سراج ضحك بهزوة : هدا علاش جايبتيني من اخر الدنيا 😑
ايناس : عادي بتاخدها وهي...
سراج قص ع كلامها : انتي شن دخلك...شن ليك علاقة هي حياتي اني وياها انتي حارقة دمك علاش 😏....اي نعرف بكل شي واماليا يندرو علي كل شي وماتعبيش روحك وتحرقي اعصابك بش ما يجيكش السكر
وناض طلع وخلاها ومصدومة
ركب ف السيارة وتوجه للحوش بيقول لامه
بش لما ايناس تمشي تقول تنرد بنفس الطريقة اللي ردها بيها .....وهو ف الطريق اتصلت بيه ماما
سراج : الو
ماما : ايوا سراج
سراج : اهلين كيف الحال
ماما : مش كويس بكل....
سراج : تي شن في😳
ماما : قلت لماليك انت ؟ علي موضوع ليال
سراج : لا...لكن
ماما قصت ع كلامه : ايناس جت اهني
سراج : علاش
ماما : سمعت بكل شي ماعرفتش من قاللها
سراج : اي عارفها سمعت وحتى اني مش عارف من قاللها
ماما: انت متأكد ماقلتش لماليك😏
سراج : ماقلتلهمش لكن توا بنقوللهم لان خلاص الموضوع نكشف شن بندس
ماما: وليال 😡
سراج : باهي كان ماقلتلهمش بتمشي ايناس تلكلك ماهو تجي مني اني خير
ماما تنهدت : كان تسمع ليال مش عارف شن يصير فيها
سراج : بب به مانخلوهاش تسمع احني ...ماتقوليلهاش انتي
ماما : خايفة لو قلت لماليك...
سراج قص ع كلامها : كل شي حيكون تمام ماتفكريش
ماما : عندي احساس هالعرس مش حيتم علي خير 😔
سراج : يتم يتم غر خليها عليا تو نحلها
ماما : كيف بتحلها وهالحربا هده تمشي وتدوي ع البنت
سراج : تو نوقفها عند حدها انتي عليك ماتخليش ليال تحس بشي وتقعد متنكدة بس
ماما تنهدت : ربي يستر
سراج : هي سلامات
ماما : بالسلامة
...........
فريال : شني انشالله خير
رنا : شن في
سراج : في موضوع بنقولهولكم لكن ورب العزة يام اديري اي شي يفسد العرس ماهو صاير خير
رنا : اللطف ياربي خيرك تدوي هكي😶
تررررن ترررن 📱
فريال قامت تلفونها : شن تبي هده توا😒
رنا : غر ديريه صامت ماما مش وقته
سراج : منو
فريال : ايناس
سراج : ايناس 😳...حي علي جد امها المرا هده😠
فريال : خيرك شن في
علا خشت : اجتماع عائلي
سراج : اا ليال...
رنا : خيرها
سراج تنهد:.......وحكالهم
°
•
°
•
°
•
مرت خالي محمد : اهو جو 😀
اول ماخشيت وشبحتني ماما بالبودري خنقتها العبرة وقعدت واقفة تغني وتحاول ادرق دموعها بس حسيت عليها اول ما شفتها
ع سعاد : روروروروري
قعدت نسلم ع النساوين وبعدين مشيتلها حضنتني وقعدت تبكي...
مش بكية فرحة...حسيتها تبكي وكأنها خايفة ولا واهقة من حاجة💔
قعدت حاضنتها ونبكي حتى اني وبعدين سيبتني وخشت طول
اني تلفتت لخالتي فاطمة : صايرة حاجة خالتي😢
خ فالطمة : لالا بنتي غر امك هده علي سبلة ماتعرفيهاش
صفاء : هي صبو الرشدة بنموت بالجوع
خ ليلى : نوضي معاهم وتي الصفر نوضي😒
صفاء : شدي بنتي عندك تو انوض نوتي معاهم🙄
خ ليلى : هاتيها هي
°
•
°
•
°
•
فريال : علااااش شن ناقصك انت بش تاخد وحدة زي هده😠
سراج : تو الكلام هدا مش وقته اول شي وتاني شي اني الموضوع هدا عارفة من قبل حتى مانخطبها ف ماتجيش توا واديري روحك بتغيريلي رأيي😑
علا : سراج غلط اللي انت ماشي فيه ره
سراج : نعرف شني الغلط وشني الصح وحياااتي واني حر فيها للمرة المليون
رنا : قصدي الحق اني ليال نحبها وع العين والراس لكن علاش تنحرم م الصغار و...
سراج قص ع كلامها : اني توا مش جاي نستشير فيكم ولا نستأدن وبعدين اني اخترت اني نتحمل
رنا تنهدت
فريال : ياعليك نهارات حرف مغبرات من نهار خشت لحياتنا هالمرا هي وبنتها الله يفكنا سوهم الله يفرق فراقهم يارب العالمين
سراج يشبحلها 😒...وبعدين ناض وشبح لرنا : ورب العزة يطلع الموضوع منكم انتو التلاته لما تشوفو مني شي ماعمركم ريتوه
فريال : تهدد فيااا تهدد فيا ياولد بطني بارك الله فيك....عشت وربيت والله
سراج : يام ساولتك بالله ماتنكديش عليا...وتعرفي كان بنتك بلسم تسمع بالموضوع توا قبل مايتم العرس وتقعد تلكلك تي يمين بالله لما ناكلها كبدها اهو قتلك
فريال : الله يفكني سوك يانجلاء الله انشالله نشوف فيك يووووم
رنا : ياسر ماما ونبي ياسر😒
علا : ماما ردي بالك تقولي لفرختك هديكا...والله نلقو روحنا ف هم اكبر م اللي احني فيه
طلع سراج برا واتصل ب بابا
°
•
°
•
°
•
بابا فتح باب الحوش وخش : ايناااااس😠
ايناس طلعت م الكوجينة : خيرك تعيط
بابا جاها شدها من شعرها : ماتبييييش تريحيني انتي ماتبييييييش😠
ايناس : اااه حوووول ايييدك 😭
بابا طلقها : شن دايرتلك ليال...فهميني شن هو اللي دايرتهووووولك شني😠 عندك بنات ره عندك بنات تلقيه ف بنات يابنت الحرام
ايناس : بنتك بنت حرام مش اني....برا برا مش تبي اطلقني بش تتجوز نجلاء برا تجوزها
بابا خبط ع راسه: اني ويييين وهي وين
ايناس قعدت تبكي : خايف علي بنتك العقيمة يخرب عرسها واني بطلقني عاااادي
بابا : تي نطلقك تي والله العظيم الحاجة الوحيدة اللي مخليتني نتحملك ان عندي نسابات بيدوو عليا وبيقولو طلق مرته بعد هالعمر الباقي انتي والله معاد هامتيني
ايناس : علاش😭 علاش الكره هدا كله من مكرهك فيا فهمني 😭
بابا : افعالك الوسخة....ماشيا تدوي ع البنت يا#### تو تربحي باهي تو تمشي لقدام...ولعلمك سراج اللي مناديتيه تعبيله ف راسه يبيهاااااا وعارف بكل شي ويبي ياخدها وانتي موووووتي واطربقي من سمك
ايناس : اني درت هكي لما عرفت انك بطلقني😭....انت البادي ياعلي😭
بابا : لعنة الله عليك....وكيف بيطلع وبعد ما وصل للباب تلفتلها : تعرفي لو مزال تمشي لاي مخلوق وتدويله علي موضوع ليال اعتبري روحك مطلقة بالتلاته وحارمة عليا زي ماتحرم مكة ع اليهود
°
•
°
•
°
•
مسرة : ماما هكي دارت 😨
ماما : اي
مسرة حطت ايديها ع وجهها وتنهدت بصوت عالي
ماما : مافيش حد يعرف غيرك انتي وسراج وسراج هي اتصلت بيه تبي تقوله يعني مش هو قاللها
مسرة شبحتلها : شن قصدك
ماما : امك هده يامسرة وشي طبيعي مش حدرقي عليها شي
مسرة : قسما بأيات الله ماطلع من فمي حرف ولا عمري دويتلها ف حاجة زي هده....وبعدين حتى لو كان اني لكن اني عارفة طبعها مستحيل نقوللها حاجة زي هكي
ماما انهارت : كيييييف باهي كيف عرفت من وين جاباته الكلام اللي تقول فيييييه 😠
مسرة : خيرك تدوي معاي وكأني نكدب عليك...قتلك اني ماقلتلهاش والله العظيم ماقلتلها
ماما : ااااه وخلاص 😪
مسرة : اني تو نعرف كيف سمعت
اني : خيركم مقعمزين بروحكم😶
ماما شبحتلي وضحكت : لا شي
......
ترررن ترررن📱
شفت لقيته سراج ووفقا لنصايح ماما مابيتش نرد😌 واصلا لقيت عندها حق خلي نتعبه شوية قبل مانمشيله
~~
~~
~~
سراج : خيرك ماتدرديش انتي التانية ناقص اني😠
مراد : عريسنااا خيرك تدوي بروحك😂
سراج : هبلوني 😑
مراد : تي لا ياراجل ماتقولهاش
سراج : اطلع من راسي ترا
مراد : الولاد جايين بايتين اهني بعدين ره
سراج : غدوا الفاتحة مش اليوم😳
مراد : محتفلين من الليلة😂
سراج : واااك الزح😑
°
•
°
•
°
•
🌒
مسرة : وعندك عادي حتى لو وقف العرس
ايناس : امها تبي تخربلي حياتي واني بنخرب حيات بنتها
مسرة : لامتى بتقعدي هكي ماما....انتي ام زيها ره ومناسك اخت ليال يعني توقعي المرض اللي عندها يكون وراته ويجي لبنتك
ايناس : بعيد السو
مسرة : السو تجيبي فيه لعندك...هه وبعدين حتى اني قعدة ماحملتش صح اني مانبيش لكن مرات لما نقرر بنحمل تطلع فيا علة 😢 اللي بيته من زجاج مايرميش الناس بالحجر...حتى انتي عندك بنات زيها
ايناس : البادي اظلم
مسرة : كيف عرفتي بابموضوع
ايناس...
مسرة : نكلم فيييك ردي عليا...خليتيني ف مشاكل وكلهم يتهمو فيا اني قلتلك
ايناس : علاش انتي كنتي تعرفي
مسرة هزت راسها بمعنى اي
ايناس : مشالله بديتي اسرار انتي وياهم
مسرة : طبعك هو اللي خلاني ندس عليك كل شي....ماعمري قتلك سر ودسيتيه
ايناس ساكتة
مسرة : كيف عرفتي ماما
ايناس : بوك رفعها ادير ف تحاليل ولما جابهم شفتهم
مسرة : هه ههههه والله حالة 😒
ترررن ترررن 📱
مسرة : الو
اني : روحتي 😕
مسرة : اا لالا مشيت لحوشي بناخد حوايج وجاية
اني : اها باهي هي
~~
~~
~~
مش انا لعطيتك بوك اللي عطاك
.........هونا ف السقيفة يسمع في بكاك
هاوينه الهليل هاوينا الهلال 🌙
.........هاوينه الغزيل يرتع في الرمال ❤️
يا نجمة تلألئ في وسط السمي✨
.........و انت يا العريس يعطيك الهني✨
ويانار الجريييدة يادخانها
........ياوحش البنية علي جيرانها
يانار الجريدة يادخاخينها
.......ياوحش البنية علي وخيينها
وهاوينه الهليل هاوينا الهلال 🌙
.........هاوينه الغزيل يرتع في الرمال ❤️
وعيني ياعيني هيا نرحلو
........ونزورو محمد وعليه نصلو
اني : خلاص بالله عليكم وانتو قلبوه نكد😢
ماما تبكي : غنو حاجة ناشطة يابنات
°
•
°
•
°
•
☀️⛅
ميرا : ساويها الرقبة معكرشة
مراد : تي باهية ياودي بنمشي
ميرا تي اصبر خنساويهالك....هاك بخ صنه
مراد : نجيهولي المهتم
ميرا : اي امالا شني بش يشوفو راجلي طرف😌
مراد : ههه به ممكن تطلقيني وقت ع الفاتحة
ميرا : ناويلك شعرك بس شوف مش مساوي
جميلة : مراااد هي اطلع وليدي راهي تفوتك الفاتحة
مراد : باهي هي...تي خلاص النم شكلي باهي
~~
~~
~~
عبسي : هيا يامحمد
خ محمد : اي هي اهو جيت
عبسي : مطلب خيرك واقف زي السبوه
مطلب ضحك : ههه لا شي
عبسي : هي اركب
مطلب : لا برو اني والله ماعندي نية
نادر شبحله : ماتبيش تمشي
مطلب : لالا برو زينة
عبسي : تي ياراجل....
نادر قص ع كلامه: مايبيش يمشي هو حر خلاص 😒
ماما : اول ماتنقرا الفاتحة كلمونا
نادر : باهي يام قلتيها17 مرة
ماما : بش تدكر😒
......
ترررن ترررن 📱
سراج : ياريت نقدر نفهم خيره حضرت جنابك ماترديش 😡
اني : غر بالشوية علينا ياأعصاب😂
سراج: فايقة ورايقة والله
اني : علاش مفروض نكون متعصبة زيك🙁
سراج : علاش ماترديش
اني : مانفضاش
سراج : من البارح لتوا مافضيتيش بكل...به بعتي رسالة حتى بالكدب
اني : به اهو رديت خلاص خيرك انت🙁
سراج : رديتي...بارك الله فيك
اني :اففف اسفة باهي
سراج : به😑
اني : به يامنكد خلاص
سراج : ....
اني ضحكت : مش فرحان
سراج تنهد : شن رايك انتي
اني : مش عارفة
سراج : تعرفي مفروض غدوا نلغوه...تنقرا الفاتحة ونجي نروح بيك وخلاص
اني : بالله😂
سراج : والله العظيم...شن تضحكي😒
اني : صبرنا هدا كله جت علي غدوا
سراج : والله الصبر اللي بنصبره من اهني لغدوا اصعب من اللي فات كله
اني : ههههه
سراج : تضحكي ياشينة❤
اني : خيرك باهي انت
سراج : خيرني
اني : اممم في نبرة زعل في صوتك
سراج : بالعكس...اني اسعد انسان ف الدنيا
اني : والله حاساتك زعلان
سراج : تؤتؤ يتهيألك
اني : هو اني متأكدة ان مايتهيأليش لكن تو نتفاهمو بعدين😉
سراج ضحك : مصممة
اني : اي حاسة من صوتك
سراج تنهد : نحبك ليال
اني : واني نموت فيك ياقلب ليال
سراج : باي توا...وبعدين ردي😡
اني : هههه حاضر❤
اول ماسكر مني كلماته امه
سراج : ايوا
فريال : وراس وليدي كان عندي عندك خاطر الغي كل شي واني ناخدلك احلى منها وراس وليدي
سراج : خيييرك يام😠
فريال : اني خيرني ولا انت...نشوف فيك ادمر ف حياتك وتبيني نقعد سااااكتة😭
سراج : حياتي انتي قلتيها حيااااتي وماتنكديش عليا مش وقته
فريال : ربي يهديك ياسراج
سراج : هاديني ربي هاديني
~~
~~
~~
#بعد_ساعة⏲
ماما : روروروروروري
خ فاطمة : رروروري
اني : نقرت ؟
ديما : اي كلمنا نادر
مريم جت وقفت جنبي : واخيرا...
اني ضحكت : اي
رتاج : وليتي مرته😍😂😂
تسنيم : نحس فيه سراج بيطير
وقعدو يغنو ويدربكو وقالبوها...وبعدين جو الولاد وجاب خالي محمد نوبة ودرنا عليه جو وهيجنا...والعشية جي سراج
...........
اني : السلام عليكم
سراج قام عيونه وشبحلي وابتسم
اني رديتله نفس البتسامة
وجيت سلمت عليه وقعمزت جنبه : انستنا ❤
سراج متلفتلي ويشبح لعيوني وضحك : الله يآنسك يا..... مدامتي 💕
اني ضحكت ونزلت راسي
سراج تنهد تنهيدة من وسط قلبه : واخيرا
اني : اي هههه بعد جهد جهيد
سراج قرب مني وحط ايده ع مسند الجلسة اللي وراي وقاملي راسي بأيده التانية وقعد يشبحلي
اني نهرب ف عيوني وماعنديش الجرأء الكافية اني نتحمل نضراته
سراج قرب فمه جنب ودني وهمس: ربي يعطيني الصبر لغدوا 🔥
اني سكرت عيوني لا اراديا وحاسه نفسي بينقطع وناخد فيه بالسيف
سراج بعد شوية وباسني ف خدي وتكلم : نموت فيك اني ❤
اني حسيت جسمي كله متخدر لما لحيته مست خدي❤ واول مالمسو شفايفه خدي كأن الدنيا وقفت معاش قدرت ندير اي حاجة
°
•
°
•
°
•
🌒
جميلة : ايناس ماعزمتوهاش اليوم ع النجمة
اني : لا اني قلت لبابا يقوللها
جميلة : عاد عيب مفروض جت اليوم
اني : براحتها
جميلة : انتي عاد بنيتي مفروض ماديريش مسكرة ولا اي حاجة اليوم
اني : مسكرة شني😳 مش دايرة شي ف وجهي
جميلة ضحكت: والله نحسابك الا دايرا ف عويناتك شوية هههه
اني قعدت نمسح بيديا : لا والله مافي حاجة
جميلة : مشالله تبارك الرحمن عيني ماضرك هههه
.........
وفاتت ليلة حلواا وطلعنا موخر للقنديل بعد ماروحو حوش عمي عبدالله وروحو البرانية
وهيجنا قريب للساعة 3 ف الليل
°
•
°
•
°
•
☀️⛅
ماما : صباح الخير ياعويلة
خ ليلى : اما عويلة كلهم ينخطو
ماما : نوضي ياليال وقت هيا
اني : واااك راسي 😴
خ ليلى : خلي نديرلها حاجة تفطرها فيسع فيسع
ماما : لالا تو ناخدو حاجة حتى ف الطريق وقت
نضت خديت حبة بندول حاسة راسي يوجع وغسلت وجففت شعري ولبست عبايتي ومشيت اني وماما للمزين والعيلة فطرو وكملو وضمو وناضت كل وحدة توتي ف روحها
~~
~~
~~
حوش عمي نفس الشي ناضو يوتو ف الحلاوات وينضمو ف الخيمة ويضمو ف الحوش وبعدين بدت كل وحدة تعول ع روحها
°
•
°
•
°
•
🌒
..ﭑللۿم صﭑلي على سيڊڹﭑ محمڊﭑ ﭑلڹبي ﭑلﭑمي
وعلى ﭑلۿ وصحبۿ وسلم ✨
..ﭑللۿم صلي على سيڊڹﭑ محمڊﭑ ﭑلڹبي ﭑلﭑمي
وعلى ﭑلۿ وصحبۿ وسلم ✨
" حلو الشعور لما تحسي ان اليوم يومك...وانك تعيشي لحظة تنسي فيها مر السنين كلها💕
تحسي روحك ملكة....
وبالاخص لما تكوني متأكدة وواتقة انك ماشية لحياة احلى من اللي كانت❤"
اني : مش قتلك قول لبابا يخش معاك
نادر : ماباش
اني : علاش
نادر : مش عارف....جوه ابصر كيف
ماما : بري بالشوية يالونا
اني : علاش خيره
نادر : والله مانندري
وصلنا ع الستيج واول ماوصلت قلت لمسرة تمشي تتصل ب بابا وتقوله يخش
ماما : ضروري يعني يخش😡
نادر : انتي خشي للحمام ولا اي مكان ماتقعديش تحوسي لما يخش
ماما😑😑
........
بابا : مش لازم يابنتي فكيني
مسرة : غر خش يابابا ليال تبيك تصور معاها داخل
بابا : اففف
ودخلاته مسرة شبه بالسيف واول ماخش وشبحني اني وواقف معاي نادر ومناسك جنبنه عيونه زغللو بالدموع وخنقاته العبرة 💔
قرب ومد ايده بيسلم عليا...اني حولتله ايده وحضنته
بابا شاد دموعه بالسيف وقعد يطبطب ع ظهري : ربي يعطيك الوقت الطيب ياغالية ❤
اني معاش قدرت نشد دموعي
مسرة : وووك مكياجي ساح😢
ع خيرية : هييي بتلبزي مكياجك يالونا عاد ياسر بكي
مناسك : مبردة سراج الحمار كله منه 😡
نادر : 😂😂😂 قوية انتي
ديما : نزل عيونك لوطا تو النساوين يقولو تشبحلهم😌
نادر : تي اني عندي اميرتهم مزال بنشبح ❤
ديما : اششش عمتك سعاد وراك😁
نادر : تعالي نديرو عريس وعروسة حتى احني 😉
ديما : ههههه اي ف الحوش مش اهني حبيبي
..........
ع سعاد : خيرها امك ماجتش
مسرة : اا والله مانعرف ياعمتي
ع سعاد : عاد عيب ف يوم زي هدا ماتجيش مهما يكون عاد ليال عايشة معاها وزي بنتها
مسرة تنهدت وسكتت
ع سعاد : معليشي معليشي الله غالب
غزل مقعمزة جنب مسرة
ع سعاد ابتسمتلها وبعدين ناضت
غزل : واخيرا ناضت عمتك🙄 بنقولك موضوع
مسرة : انشالله خير
غزل : عارفة مش وقته توا لكن تعرفيني ماتنبلش ف فمي فولة ومانقدرش نصبر لين تروحي🤗
مسرة : شنو شوقتيني😮
غزل : اممممم😅...اياد🙈
مسرة : خيره
~~
~~
~~
سراج : كلمت خوهااا😳
اياد هز راسه بمعنى اي
سراج : تي مش قلت مطفوشة وخفيفة ور....
اياد قص ع كلامه : مش قلت الحب اعمى
سراج ضحك : مبروك
اياد : هههه الله يبارك فيك
سراج : وخوها شن رد عليك
اياد : اليوم بس كلمته
سراج : واتق م اللي ادير فيه
اياد : مية ف المية
°
•
°
•
°
•
بلسم مدت روس صوابعها لماما وماما نفس الشي والزوز مادووش
علا : اهلين ابلة نجلاء
ماما : اهلين علا كيف حالك
مريم : تي وين لونا😑
ديما : ف دار العروسة
مريم : بنمشيلها....مزال سراج مش خاش ولا
ديما : بري قعدين البنات معاها
ماما : وين رنا امالا
علا : رنا بنيتها ماتقدرش تجي
ماما : روحو بيها لبنية
علا : اي روحو بيها
ماما : باهي الحمدلله ع سلامتها
..........
مريم : تهبلييي ياجيفة😍
اني : سلمك مريومه
مسرة : قولي مشالله لترزو فيها البنت😂
مريم : قلت ف سري ياوقحة
اني : يابنات
البنات شبحولي
اني : قولوله مايخشش اهني خلي يجي ف الصالة طول 😖
رتاج :مصح خليقتك😂 هو نحس فيه يستنى ف اللحظة هده م الصبح
مريم : اي تي تعرفي واضح من عيونه الولد بيهبل 😂
اني : وووك بالله نادولي علا تكلمه تقوله يخش طول مانبيش نقعدو اهني بروحنا
مريم:علاش😂
اني : تي هو امس ف الفاتحة وقريب خشيت ف حوايجي م الحشم وهو لاقال يحترم نفسه🙄
رتاج : مرته انتي خلاص اما احترام هدا😂
مسرة : جي سراج هي اطلعو يابنات
طلعو وقعدت تسنيم تساويلي ف نكياجي وهكي
تسنيم : اطلقي كل انوثتك ف اللحظة هده...وجو الحشم هلبا فوتيه...قصدي تخايلي واحد يستنى ف اللحظة سنين وف الاخير تبدي متعكرشة وتعقديه اخي ره😒
اني خديت نفس عمييييق : لما يخش نحس روحي نتلكمس
تسنيم : حتى وكان...لما يقرب منك عادي ارخي روحك ماتقعديش شاحطة ومتوترة
اني : اففف
..........
حاولت ناخد بكلام تسنيم وبدلت جهدي بش نطلع شوية رومانسية وجرأة زيه
قبل ما يخش نزلت الطرحة ع وجههي بش يقيمها وتعمدتها الحركة هده لان نحبها
اول ماخش كانت الابتسامة ماليا وجهه والفرحة مسيطره ع ملامحه...❤
حسيت ريحته ملت الدار ولما قرب مني ضله غطاني
قمت راسي وشبحتله...
سراج قام يديه وقاملي الطرحة من ع وجهي واني بدلت كل ماعندي من قوة بش نتجرأ ونقعد نشبحله
سراج ابتسم : سبحان اللي صورك ❤...
اني ضحكت ضحكة خفيفة
سراج قعد يحرك ف انامله ع خدي ويشبحلي
لا شعوريا عيوني تسكرو اول ماانامله مسو وجهي : مبروك💗
اني : الله يبارك فيك ❤
قعد ينزل ف ايده بهدووء وكل ماينزلها يقرب وجهها من وجهي وقعد يحرك فيها بطريقة غريزية لين وصلت ايده ع رقبتي وحط خشمة ع خشمي وتكلم بهمس : نحبك ❤
اني حاسة روحي ف عالم تاااني...اول مرة يقرب بالطريقة هده....ماقدرتش نقاومه ماقدرتش حتى نحاول اني نقاومه....كانت انفاسه ف وجهي وتوتره ورعشة ايده لحيته ماسة وجهي
حط شفايفه ع شفايفي حسيت ركبتني نار ف جسمي كله 🔥
........
👑بالحلم الابيض والطرحة
والمحبس يلمع ب ايدي
👑وبعينيي دمعة فرحة
عم ترسملي دنيي جديدي
واحني نمشو كنت نسمع للاغنية ونحس بكل كلمة فيها...
حسيتها توصف فيا❤ وفي فرحتي واني معاه وليه من اليوم
.......
سندس مقعمز ف طاولتها و تشبحلنا "نحبه اي نحبه علاش تاخده هي😢"
علا : تبارك الله هلي وخيي غزال مصور😍
بلسم مبوزمة خليقتها وساكتة
.......
رتاج : برو بالشويييية بش نقدر ناخد لقطة
سراج بالشوية: في ابطأ من هكي😑...نفختهم صاحبتك
اني : قتلك نجيب مصورة قتلي لا😊 تحمل
سراج : متحمل حتى اني
ماما جت جنبي وقعدت تساويلي ف الفيلو
سراج وشوشلي : كليها امك كلميها
اني : ماما يملم سراج
ماما شبحتله
سراج ضحك : تدكري لما قتلك الايام بيناتنا
ماما : اا مانسمعش فيك صوت المنضومة عاالي🙄
سراج يضحك : معاش تعاااندي يا...نسيبتي😉
ماما : حتى هده ماسمعتهاش 🙄
سراج : هههههه
........
بلسم : اشي كيف يضحك معاهم ومنسجم😒
هداية : عرسه ماما عرسه شن تبيه يحزن ولا يبكي
بلسم : نوضي اضربيني
هداية : تصدقي انك اكتر انسانة منكدة نشوفها ف حياتي....وناضت جتنا ووقفت جنب علا .
وكملت الحفلة وروحو الناس وطلعنا بنمشو لحوش عمي
كيف بنطلع م الباب اني وسراج
ماما : لونااا
اني تلفتلها وسراج طلع
ماما : بنقولك حاجة...اا ماكنتش نبي انكد عليك لكن تعرفي مني وتنصدمي قدامي خير مايقولوهالك فريال وبناتها ويشوفو الصدمة ف وجهك ويتشمتو😔
اني : انشالله خير😳
ماما : بنتي....ايناس قرت التحاليل و....
اني قصيت ع كلامها : عرفت؟😳
ماما هزت راسها بمعنى اي
اني تنهدت
ماما : عرفت من بداية العرس ومشت تقول لسراج بش بتخرب عليك هه😏 لكن سراج وراها حجمها
اني : من بداية العرس
ماما : اي ومابيناش نقولولك بش ماتنكديش....وهو مشي قال لامه وخواته بش ماتسبقاش الحقيرة وتقوللهم هي
اني نشبحلها ومصدومة باللي نسمع فيه
ماما : مالقيناش حل الا يقوللهم هو بش مايعرفوش من غيره...لكن اخته اللفعة الكبيرة ماخلوهاش تسمع بش ماتنكدش وامه وخواته قاللهم مايطلعوش الموضوع وايناس حرش فيها بوك وقال وقفها عند حدها ومعاش دارت شي
اني : هدا كله صاير واني وين😢
ماما : مانبوكش تسمعي بش ماينقلبش جوك وحتى توا قلتلك غر لاني نبيك تبدي مستعدة لو سمعتي تلقيحة ولا كلمة
اني : هه 😢 عليك حظ عندي
ماما : بالعكس والله عندك حظ تتمناه الف بنت وخديتي واحد علي قيس نيتك....كان تشوفيه كيف كان خايف انك تسمعي وتزعلي ؛ خايف قريب اكتر مني ؛ تعرفي توا اني نقولك راضية علي جوازك ويخي فرحانه ومتأكدة انك حتتريحي معاه لانه راجل بجديات
نادر خشلنا : تي شني فتحتو موال 😶...وشدني من مرفق ايدي : هيااا
طلعت وشادة ف نادر وماما تساويلي ف الكاب...
ولما وصلت للسيارة فتحلي نادر الباب
اني شبحتله : مافيش بالسلامة حتى بالكدب😒
نادر ضحك وباسني ع جبيني : زينة
اني بسته ف خده
°
•
°
•
°
•
مرحبا يا لافيا.. مرحبا يا لافيا
مرحبا يا لافيا.. قدومك خير و عافيه
مرحبا بلي لفي.. مرحبا بلي لفي
مرحبا بلي لفي.. جابها الغالي وجي
مرحبا بمرت خوي.. مرحبا بمرت خوي
مرحبا بمرت خوي.. يامعمره حوش بوي
رنا : انستينا انستينا هههه
اني : الله يآنسك رنو
سندس شدت الدربوكة وجت وراي بالزبط واني ماشيا
سندس: خشي العيله وصفي النيه..... لااديري عيب ولاسيه
بلسم : ههههههههه
قعمزت ف الكوشة ودارو شوط غني ومنظومة وهكي....طبعا فريال ماجتش جيهتي نهائيا ولا سلمت وكأنها مش هي ام العريس
وقبل مانروحو خش سراج وقعدنا نصورو مع خواته وبعدين صارت لقطة غريبة مافهمتش تفسيرها
كنت واقفة وهو جنبي وجنبنا خلاته وخواته ومسرة وبعدين جت سندس وقفت جنبه ولصقت فيه م الجنب بطريقة كأنها اخته وتتعامل بجرأة...
مش اهني المشكلة...
المشكله انها حطت ايدها ع كتفه وع اساس تساويله ف رقبته ولما شفتلها ليقتها تشبحلي ومبتسمة ابتسامة خبت
"نكدب لو نقول غرت منها 😕 لا اني ماغرتش...
الموضوع تحول لشك...الانسانة هده من نظراته وحركاتها واضح مش نظيفة...ونيتها خبيتة "
سراج شبحلي ووشوشلي : خيرك قارنتيهم
اني : شي😑
سراج ضحك : ماتخلينيش ندير حاجة قدامهم ونحشم روحي ونحشمك 😏
اني : شن بدير 🙄
سراج : امم نبوسك متلا...وخلي وجهك يولي موف علي اخضر علي اصفر
اني شبحتله : مش حتقدر اديرها اصلا🙄
سراج : بتعانديني زي امك 😉
اني شقلبت عيوني وتلفتت
سراج لفني ليه وحط ايديه ع رقبتي وباسني من خدي بقوووة وشبحلي وهو يديه ع رقبتي هكي كويس ولا تبيها ف مكان تاني
اني😳😳
العيون كلهم علينا وسندس زي من رشق فيها عشرة اماس...وجها ولا اصفر
وبلسم وامها يغلو وعلا ورنا وخالتهم اسماء يصفقو يضحكو
مسرة : احسن مادار قهرهم 😌
رتاج : شوفي بلسم اخته
ديما : اي الهم واضح عليها السم
......
ترررن ترررن 📱
رنا : الو
محمد : ايوا حبيبتي
رنا : اهلين حياتي
محمد : اسمعي...نروحو
رنا : توا 😶...انت اهني ولا
محمد : اي اهني...احضري لين يروح سراج وبعدين نروحو
رنا : بات انت الليلة اهني
محمد : ماقتلكش اعزميني😑...قصديت النم ليك اسبوعين عند اماليك كان مش اكتر
رنا : باهي به
محمد : وبعدين نبي نشوف البنية ماشفتهاش بكل م اللي طلعت
رنا : باهي تمام
محمد : اا اسمعي
رنا : شنو
محمد : موضوع النفاس هدا ولاشن هو كمل ولا مزال
رنا ضحكت : كمل
محمد ضحك
.........
سندس : لالا خلي نروحو ورا بعض
عمر : تي هو عريس ومرته احني شن دخلنا نمشو وراهم😡
سندس : ماقتلكش اركب معاه ف السيارة اني...لكن اني نبي نروح لحوشي
عمر : تو انتي ليك خمسة ايام اهني جت علي توا😑...خليهم ياخدو راحتهم غدوا نروحو
سندس : راحت شني اللي بياخدوها احتي بنخشو لحوشنا شن دخلنا فيهم
عمر : ماتهبليش جد امي وقعزي اهني😠
.......
طلعت اني وسراج وشادة ف ايدة زماشيين للسيارة...وكانو صحابه مقعمزين ع الركابة ويهدرزو ولما شبحوه طلع
سامي : سيرجوووو
سراج ضحك وتلفتلهم
سامي : قسما بالله اللي درته فيا ف عرسي لما نردوهولك دبل ✌
اياد : واني بننتقم مقدما😂
سراج فتحلي الباب ويضحك : اركبي اركبي
ركبت ومشينا وهما ورنا وعلي اجتيازات وتسطيرب قدامنا...وهو يجتاز فيهم وهو يضايقو فينا بالسيارة وف الاخير سراج قوا السرعة بشكل رهيييب😰وخش لزناقي ومش عارف كيف قدر يهرب منهم واني راكبني الرعب😣 وماوصلنا لين قلبي حطيته....
........
وصلنا للحوش واول ماخشيت خش وراي وفتح ضي الصالة....
كانت في كمية راحة ف الحوش كبيييرة...
اول ماخشيت حسيت بالامان ❤
اني وسراج بروحنا...اكيد حنحس براحة من كلامه ومن معاملته وحنيته ورجولته كل شي ف طبعه عاطي للحوش طابع خاص💛
اني وقفت ف نص الصالة وقعدت نشبح للحوش
سراج : خودي راحتك الحوش حوشك😂
اني : ههههه
سراج جي قدامي ودخل ايديه تحت الكاب ولفهم ع خصري : قتلك قداش طالعة حلوا
اني ضحكت : لا
سراج حول يديه من ع خصري وقعد يفتحلي ف خيوط الكاب : تو نقولك بطريقتي😉
°
•
°
•
°
•
فريال : مروحة ؟
رنا تلبس ف عبايتها : اي
علا وبلسم خشولهم
علا: يام خيرك هكي درتي😡
فريال : شن درت 😒
علا : تي معقولة ماتجيش جيهة ولدك وعروسته بكل
رنا : بكل يام حشمتينا مهما يكون ف الاخير عرس ولدك لازم تضحكي وتسايري حتى قدام الناس
فريال عيطت عليهم : بالله فكيني انتي وياها😠؛جابها بالسيف ودايرا ماتبي هي وامها وسكتنا لكن تطلع عقيمة وتبيني نسكت هكي هلبا😠
بلسم وقفت : شنو شنو 😱
رنا وعلا فنصو ف امهم
فريال : ماتفنصيش فياا😠 ؛ اني هدا اللي عندي يحرج ولا يطربق طز فيه علي اساس هو داير حساب لحد يعني
رنا وعلا قامو عيونهم لقو سندس واقفة ف الباب
🌷يتبع🌷
800كومنت = جزء تاني غدوا ف نفس الموعد
.
.
#__timOo__✨
