#__وتين__🍃
🌷الحلقة 27🌷
سراج : شن هوا اللي مصارليش شن تخرط علي اساس الموضوع علي مزاجي يصير ومايصيرش😒 اني نبيها وميت فيها لكن في حاجة مانعتني 😖
مراد : تي باهي ربي يستر وخلاص
~~
~~
فاتت عليا ليلة كئيبة وماجانيش نوم بكل افكار في راسي مابتش تمشي....خايفة من ايناس تحفرلي وتجوزني غصب ويضيع مستقبل وخايفة من هلبا حاجات موضوع الجواز ماباش يمشي من بال والمشكله مش هوا بس في بالي.....حتى سراج💔 ... سراج استحود عقلي احتله معاش يفارق تفكيري بكل والموضوع هدا بروحه دمرلي نفسيتي قصدي علاش شن اللي خلاه يعلق في عقلي بالطريقة هده به كيف ننسى موضوعه كيف نقنع روحي اني نتوهم معقووولة نفمر فيه وهوا الشخص اللي صلحبتي تحبه وميته في اااه ياربي....لمجرد اني فكرت فيه حسيت روحي نخون 😢"
~~
°
•
°
•
°
ع سعاد : اللطف لا تجي لا تنشد كان مانشدت اني
بابا : والله ضروف ياسعاد الله غالب
ع سعاد : جاي اليوم ع الغدي ولالا
بابا : اكيد انشالله لكن نادر مش جاي ماشي زردة مع صحابه
عمتي : خزيي والله مايتحشم يقولي بنجي ويفوت خزي عليه
بابا : هههه شن بديريله هي
عمتي : اسمع ياعلي اني الحق ناديتكم انتو خوتي وولادكم لكن ماقلتش للنساوين لكن ليال بالله قوللها تجي مستاحشتها ونبيها تساعدني ناشطة هيا وعوالة
بابا : ااا ليال بس 😒😕
عمتي : االا قول حتى لمسرة
بابا : انشالله
°
•
°
•
°
احمد وسراج : السلام عليكم
قيس يسكر في باب الحوش : وعليكم السلام شن الاخبار
رنا دفت الباب : علي كبري ماشفتنيش
قيس :😂 والله ماشفتك
رنا : ماهو شفافة 😁
سراج : اقلبي وجهك خشي😒
رنا 😑
سراج : عمر خوي جي ؟؟
عمر : اي جييت 😁
سراج : وبوي جي معاك
عمر : اي
~~
عمتي : وين علا
رنا : عندها قراية ياعميمة
عمتي : ااه
رنا : امتا جيتي مريم
مريم : قبلكم بشوية
رنا : حتى مراد جي
مريم : امالا من بيجيبني
رنا : خنمشي نسلم عيب ماسلمتش ع الرجالة
مريم : هما كلهم خوتك وبوك😂
رنا : اي بالمختصر ماسلمتش علي مراد 😂
عمتي : مرومة افتحي الباب يطق
طلعت مريم بتفتح الباب طلع احمد من المربوعة
احمد : خشي داخل😠
مريم : بب نفتح
احمد : عشرين راجل داخل طالعة انتي بتفتحي😠
مريم : به اللطف خيرك تعيط 😒
احمد علا صوته : تعالي اضربي
مريم خشت وسكتت
~~
بابا : السلام عليكم
الكل ردو السلام
اني ومسرة خشينا للمطبخ سلمنا ع البنات وعمتي
..... كنت لابسة جيمسوت جينز لاصقة وفوقها دجاكة لونها وردي هادي وكنت لامة شعري بطريقة عادية لكن مخلية قصة طويلة علي وجهي طبعا هدا بعد مانحيت وشاحي 👌
المهم اني بعد ماسلمت خشيت لدار عمتي بنخيط بطمة الدجاكة متاعي تقطعت
~~
سراج مقعمز في المربوعة لمح مسرة خاطمة واول ماشافها حس اني جيت ... ناض مشي للمطبع طول ومش عارف حتى شن الحجة اللي بيقولها لما يخش
مسرة تهدرز مع رنا واول ماشافت سراج جاي قعدت تحول في عبايتها بسرعة وتساوي في شعرها
سراج : السلام عليكم
ردو السلام
مسرة واقفة متكية ع الرخامة وتشبحله وماتكلمتش
مريم : تبي حاجة سراج
سراج : ااا انبي اميه
رنا : كيف حطيتلكم صفرة المية
سراج تلخبط : اا لل لا ماهو شربو فيهم الطواسي درهولي كبدي
مريم : تو نصبلك
مسرة تشبحله وتتكلم بجرأة: سلمه اللي عاف
سراج شبحلها وابتسم: خيرك ماتسلميش انتي
مسرة : انت اللي خشيت
سراج : اني خشيت وانتي سلمي
عمتي : عاد هوا اكبر منك
مسرة : ههههه كيف حالك سراج كويس
سراج : وين اختك ماجتش
اني كيف بنخش للمطبخ وكلمته طاحت ف ودني توترت لدرجة كنت بنولي لدار عمتي بش مانسلموش علي بعض لكن مسرة تكلمت لما شبحتني
مسرة : اهي وراك😒
سراج تلفت طول من غير مايحس علي روحه ولا ركز ع الموجودين تلفت وفي عيونه نضرات غريبة.... عيونه نحس فيهم يتكلمو
اني خليت روحي عادية مديت ايدي وابتسمت : اهلين سراج كيف حالك
سراج تنهد ومد ايده : باهي حالي
بعد ماطلع سراج مسرة علقت
مسرة : قصدي سراج يقولي ماسلمتيش عليا اني كل يوم نكلم فيه ع الفيس هدا علاش ماسلمتش
اني شبحتلها وتلفتت
~~
تغدينا والامور تمام ونهدرزو ونضحكو..
بعدين خشو يغسلو في الماعين مسرة ورنا
واني ومريم نوتو في القهوة
شوية وخش مراد للمطبخ قعد يهدرز ويبصر
مراد : اووو بكلاوة اعطيني اعطيني
اني : تفضل خود من مانعك
مراد : مريم وكليني طرف مانبيش نلبز ايدي
مريم :يدلع الاخ😂 وكليه ليال
مراد ضربها بغل علي راسها علي اساس يبصر : هني روحك خيرلك
مريم : اااه كسرة في ايدك
سراج خش للمطبخ : خيره نادر ماجاش
مسرة : مزرد مع صحابه
سراج : جي وقف جنب مراد واني واقفة ايساره و عاطية بالظهر ونصب في القهوة ومسرة تستف في الطواسي ع الايمن
مسرة شبحت لسراج وبالصدفة سراج متلفت لمراد جت عينه في عينها وبعدين تلفتلي
مسرة : خيرك تشبحلي😏😉
سراج : اني نشبحلك ؟؟😒
رنا : لبساتك تهمة 😂
سراج علا صوته : المشكلة يامسرة انتي واقفة ايميني واني نشبح ع الايسار
مراد مات بالضحك : وووه قوية التلقيحة 😂
طبعا اني فهمتها اللقطة وواضحة زي عين الشمس لان اني بروحي ع الايسار الباقي كلهم جايين من الجيهة التانية يعني مافيش اي مبرر نحطهوله
مابيتش ندير اي ردة فعل خليت روحي طبيعية
مريم شبحتلي وبعدين شبحت لمراد باستغراب
~~
حطينا صفرة القهوة والتمينا عليها كلنا طبعا عمامي وعمتي حطينالهم صفرة بروحهم
~~
مسرة : سراج درتلك قهوتك زي ماتشرب فيها
سراج : لالا صحيتي مسرة والله ماعندي نية
اني ومريم شبحنا لبعض وضحكنا
اني : تعبتي روحك ع الفاضي
مسرة : انتي شن حرك شعيرك
اني : ههههه اشربيها انتي القهوة
سراج شبحلي : هاتي مسرة توا جتني النية نشرب 😜
مسرة : ههههههههاي 😌
رنا : لونا يامهزبة 😂
اني : هاهاهاها😑
سراج يشبحلي : مليحة القهوة يامسرة
مسرة : صحتييين علي قلبك
اني مابيتش نعيره اي اهتمام ومانبيش نحسسه اني نجاكر فيه
احمد يشبحلي : شورهم يستنو فيك ع الكلمة يالونا
اني : اي بكل
احمد : حارقتيلهم دمهم
اني : هههههه وهو المطلوب😌
سراج يشبحلي ومبتسم : مني اللي دمه محروق 😉
اني مابيتش نشبحله نهائي تلفتت وقعدت نهدرز مع مريم
قيس : ياسر البصارة شكلها بتولي جديات
اني : بالعكس ياقيس اني ناخد في الامور بروح رياضية
مسرة : واضح
سراج : روح رياضية 😂
نفاديتهم ونضت بحجة اني بنقيم صفرة القهوة وقعدت نغسل في الماعين وتعمدت نغسل بالشوية ونعطل لان معاش عندي خلوق نقعمز معاهم
شوية ولحقتني مريم : نساعدك
اني : لالا تو نديرهم
مريم : به كمليهم وتعالي
مريم كيف بتطلع من المطبخ وسراج كيف خش واني ماحسيتش بيه
سراج جي وقف وراي مباشرتا وحط ايده ع الرخامة اللي قدامي وايده التاني يفتح بيها في الدولاب اني تشنجت مع بعضي ومعاش عرفت نتصرف ايديا يرعشو ونفسي هرب
اول ماقرب مني ريحته سبقاته ريحة البرفان ومخلط بالدخان ريحته زادت في توتري وخوفي وهوا طويل وعريض ضله غطاني كلي
خدي طاسة امية من الدولاب وبعدين بعد
اني ماعرتاش اي اهتمام ولا تلفتت ولا درت اي ردة فعل زي الصنم 👌
سراج يشرب في اميه : خيره خوك ماجاش
اني مارديتش
سراج : تسمعي فيا ولا.....سمعك ضعيف
اني : سألته السؤال بكري وجاوباتك مسرة متدكر ولا....عند ال زهايمر
سراج جي وقف جنبي ويشبحلي ويتكلم بصوت هادي : صعبة انتي
اني توترت مرة تانية ومابيتش نرد
سراج يشبحلي بجرأة : مسكينة مسرة شكلها تاعبة معاك
اني : هكي رايك
سراج : هدا الواقع....انتي متعبة
اني : به
سراج : خيرك زعلتي....ماتزعليش احني 😏 خوت
اني : ههههه امتا بتطلع
سراج : زعجتك
اني : اي
سراج : بكل ثقة تقولي فيها
اني : علي قولتك مانحبش نجامل
سراج : معناها احني مش خوت
اني : كيف ماتبي
سراج : كيف مانبي ؟؟ .... معناها في خيار تاني غير اننا نكونو زي الخوت
اني : اي اننا صغار عم
سراج : هدا مش خيار هده الحقيقة
اني : به وفي غيرها
سراج : ممكن يكون في شي تاني
اني شبحتله وبتسمت : وممكن لا 😊
سراج : قالو نخطبتي او بتنخطبي
اني : في فرق
سراج : عادي زي بعضه
اني : الاخبار توصل زي الصاروخ
سراج : اسرع 😂
اني : من قالك....مسرة
سراج : مش مهم المهم سمعت
اني : ههههه حتى انك سمعت مش مهم
سراج : لعلمك من بكري واني نتفادا في كلامك
اني : قلت حاجة غلط
سراج : كلامك كله غلط
اني : البادي اضلم مع اني مانقول في شي يزعل
سراج : به المهم صار منه الموضوع
اني : خيرك شايل همي
سراج : شوفي طريقة دوتك.... وقولي ماقلت شي يزعل
اني : قصدي هده مواضيع مانتوقعكش تهتملها
سراج : توقعك مش في محله
اني : ااا احسن حاجة نمشو نقعمزو معاهم😳
°
•
°
•
°
مراد : ايوا شن الجو
سامي : اهو ماشيا والحمدلله
مراد : تي ياراجل امتا بتروح امتا
سامي : امتى مايسخر ربي
مراد : اسمع بوك مريض شوية ره
سامي : كيييف كيف مريض
مراد : امس تعب ورفعوه للمستشفى
سامي : وتوا شن صاير فيه
مراد : قاعد في المستشفى
سامي : تعرف يامراد كان تطلع بلعاني غر تبيني نروح هدا اللي بيني وبينك
مراد : بلعاني امك يا#### تو اني بنفاول لبوك بحاجة زي هده
سامي : رعشتني ياراجل به قصدي شني حالته
مراد : تعالى اهني وشوفه
سامي : تو نحجز علي اول طيارة
°
•
°
•
°
الليل كله ماجانيش نوم ونفكر في كلامه وشبحاته ونحاول نلقى مبررات لكن مافيش نهائي...مافيش اي مبرر ليه
بعد شوية جتني رسالة ع الفيس منه
_________________________________________
سراج : علاش مابيتيش تجاوبيني بكري
_________________________________________
اني : علاش شن سألتني
_________________________________________
سراج : صاير منه موضوع اللي خطبوك هادم
_________________________________________
اني : مرات ومرات لا
_________________________________________
سراج : كيف
_________________________________________
اني : شن كيف.....لو وافقت يصير ولو رفضت مايصيرش حاجة واضحة
_________________________________________
سراج : يعني الموضوع واقف علي كلمة منك
_________________________________________
اني : نوعا ما
_________________________________________
سراج : وممكن توافقي
_________________________________________
~~
نبي نحسسه اني مافي شي من ناحيتي اتجاهه واني ممكن ننخطب ونتجوز ومابيتش نحسسه اني رافضة الفكرة مرات يمشي تفكيره بعيد
_________________________________________
اني : مرات
_________________________________________
سراج : بجدياات
_________________________________________
اني : مافيشي بصارة الموضوع
_________________________________________
سراج : تتجوزيه هكي بالبركة ولا في حاجة بينكم
_________________________________________
اني : شن تقول انت 😒 الولد حتى شكله مانعرفاش للعلم.... لكن لو بوي وخوي عاجبهم والعيلة كويسة عادي
_________________________________________
سراج : والحب ؟؟
_________________________________________
اني : المواضيع اهيا ماتهمنيش بكل ولا مقتنعة بيها من الاساس
_________________________________________
سراج : كيف مش مقتنعة بيها كلامك فيه نوع من الغرابة
_________________________________________
اني : اي ممكن طبعي غريب
_________________________________________
سراج : انتي كلك غريبة مش طبعك بس
به وقرايتك
_________________________________________
اني: عادي نكمل بعدين
_________________________________________
سراج : مانحسابش هده فكرتك ع الحياة
_________________________________________
اني : مش هده فكرتي لكن الضروف مرات تجبرك ادير شي مش مقتنع بيه
_________________________________________
سراج : اقنعتيني
لكن مرات تلقي شخص مناسب ليك اكتر
_________________________________________
اني : تصبح ع خير
_________________________________________
°
•
°
•
°
عبسي : حتى توا مشيتي وماقلتيش ولا
رنا : قصدي هدا حوش عمتي وخوتي التلاته وبوي معاي
عبسي : نسألك سؤال
رنا : شنو😑
عبسي : لما نتجوزو قبل ماتطلعي بتتصلي تسألي خوتك
~~
رنا تعصبت من كلمته لكن كلمة لما نتجوزو خلتها تنسى اللي كان معصبها وتنسى المشكلة كلها حست روحها تكلم في انسان يحبها من قلبه حست روحها تكلم في راجل
~~
رنا : حبيبي في فرق
عبسي : اسمعي رنا اني هدا طبعي هكي نبي لما تطلعي ديري الو وقولي طالعة بينقص منك
رنا : ماهو الشي هدا يحسس فيا بالشك
عبسي : واني الشي هدا يحسس فيا بلاحترام
°
•
°
•
°
☀️⛅
فاطمة تبكي : هكي ادير فيا هكي تبي تقتلني تبي تجلطني انت
سامي : خلاص يام في المستشفى ماتحشميناش
فاطمة : باهي بارك الله فيك ياولد بطني يللي مانرضاش فيك دقة الشوكة ومشيت ولا كأنه عندك ام وبو ينشغل بالهم
يارا اخت سامي : خلاص ماما خلاص
سامي تنهد
الدكتور طلع من غرفة العمليات
سامي : شني دكتور طمنا
الدكتور : البقية في حياتكم
•●•●•●•●•●•●•●•●•●•●•●•●•●•
°
•
°
•
°
عمر : اني بنمشي معاك ياسراج سيارتي واقفة
سراج : به تمام
احمد : امتا هي الجنازة
مراد : العصر
علا : سراج بنمشي معاك باهي
سراج : لالا امي بس تمشي انتو مش لازم
علا : تي بنمشي نعزي يارا تو تزعل مني
سراج : به بري وتي روحك بسرعة مركك وتلبسي حاجة ضيقة والله ماك قاصايها خطوة
علا : باهي😒
°
•
°
•
°
اياد : البقية في حياتك خليك قوي ياسامي هده الدنيا وهده ارادة ربي
سامي : ونعم بالله
سراج حط ايده ع كتف سامي: خونا انت ياسامي واللي صابك صابنا
سامي : عارفك سيرجو ماتقصرش
~~
علا ويارا حاضنين بعض ويارا تبكي وعلا تواسي فيها
يارا : مصدومة ياعلا مصدومة بابا مشي خلاص بابا خلاني😭
علا : حرام هكي ماتعيطيش هده ارادة ربي خليك صبورة يايارا 😢
ترررن ترررن📱
سامي : الو يارا
يارا : ايوا
سامي : اسمعي نبي نخش نرقد ف داري فضيلي الطريق
يارا : به
علا : سامي هدا
يارا : اي مسكين تعبان مارقدش ليه يومين
اسيل شبحت لعلا: انتي شن اديري اهني
يارا : انتي اللي شن اديري اهني
اسيل : اني خطيبت خوك ياحلوا
يارا : كنتي خطيبته لان كان مايبيش يكسر كلمة بابا لكن توا بابا م ا ت 😒
~~
سامي : بنرقد وبنسكر تلفوني وماتخلي حد يزعجني
يارا : حاضر
سامي يدوي مع يارا في داره شوية وخشت علا
علا : ......
🌷يتبع🌷
تفاعلو😊😘
.
.
#__ timOo__🌟
