#__وتين__🍃
🌷الحلقة 20🌷
كانت متكية في سريرها واول مابدت تقرا فالرسالة ناضت قعمزت ومصدومة ولما كملت قرايت الرسالة مدت التلفون لعلا بصدمة
علا : خيييرك
رنا : اقري😮
علا قرت : حي ع الجوووو
رنا : منو هدا
علا : بالك ندى تتسهوك
رنا : شكرا ع الاحباط😒
كلمو صاحبتهم رنا وسألوها وطلعت ماليهاش علاقة بالموضوع
علا : ردي عليها الرسالة مرات تعرفي
رنا : الموضوع يخوف شوية
علا : تي ردي بالله عليك 😒
رنا : توترت....شن نرد ؟؟
علا : قوليله اسأليه مني
_________________________________________
رنا : مني حضرتك ؟؟
_________________________________________
عبسي : خال ليال
_________________________________________
~~
رنا : عبسي ياعلا عبسي هوا اللي بعت شوووفي
علا : حي فوتيه معاااش تردي
رنا : علاااش
علا : فكينا من المشاكل
رنا : مشاكل شنو الولد واضح يحبني ومانسانيش من نضراته في العزي
علا : مانساكش.......حسستيني كنتو علي علاقة
رنا : ماكناش علي علاقة لكن من زمان كان يشبحلي ويدير في لقطات واضحة
علا : نصيحة مني فووووتيه
رنا : والله لما نرد
علا : رنااااااا انتي كيف طالعة من مصيبة لو ملاحظة
رنا : مادخليش شعبان في رمضان
تن تن 📲💬
_________________________________________
عبسي : ماعرفتينيش
_________________________________________
رنا : عرفتك
_________________________________________
عبسي : به ياريت تردي رد مباشر علي اول رسالة
_________________________________________
رنا : والله حايرة شن بنقول
_________________________________________
عبسي : مافي شي يحير لو انتي مرتبطة ولا في ف حياتك ناس تانية نكونو اصدقاء عادي
_________________________________________
رنا : انتي تقولي حبيتك والكلام هدا وتبي نكونو اصدقاء
_________________________________________
عبسي : اني اللي هامني ان تكوني في حياتي.... صديقة... حبيبة عادي بالشكل اللي تبيه انتي
_________________________________________
رنا : تصبح علي خير
_________________________________________
عبسي : حنستنى الرد
وانتي من اهل الخير
_________________________________________
°
•
°
•
°
☀️⛅
تررررن 📱
ترررررن 📱
تن تن 📲🗨
"كنت حابة نعيد عليك بس لكن شكلك معاش متحمل تسمع صوتي.... براحتك وسنة سعيدة "
قري سراج رسالت اقدار وزي ماقالت معاش متحمل يسمع صوتها او يكلمها بالمختصر معاش عنده خلوق يجاملها...
رد عليها
" شكرا وانشالله تكون سنة سعيد عليك حتى انتي وربي يسمعنا علي بعض الاخبار الطيبة "
~~
اقدار 😢:شوفي شن بعت
اختها : 😮 شن يقصد
اقدار : واضح...😢
اختها : به فوتيه ياأقدار فوتيه نحيه من راسك
اقدار : شكله ناوي يبدا السنة الجديدة مع حد تاني
اختها : بيجدد شي طبيعي هادو الرجالة بيوع
°
•
°
•
°
اني : من دارها فكرة نتغدو في المطعم
ماما : خالتك ليلى الصبح اتصلت بيا وقتلي جيبي لونا وتعالي وحتى خالتك فاطمة وديما قالتلهم
اني : خالتي ليلى عازمتنا يعني
ماما: اي...تي هي اطلعي شحطتيني
اني : نلبس في وشاحي
°
•
°
•
°
خالتي ليلى: هي اطلبو مابين جو نجلاء ولونا
صفاء : ماعندي نية ناكل شي
خالتي فاطمة : خلاص صفاء عاد جينا بش نغيرولك جوك
ديما : خلوها علي راحتها ماتضغطوش عليها
شهد : اهو جت خالتي نجلاء
اني : هاااي
الكل : اهلين
قعمزنا وطلبنا وقعدنا نهدرزو
اني : ماتقولوليش خيرها صفاء جوها مش حلو
ماما : اي حسيت حتى اني
خ ليلى : اااه وخلاص
شهد : الحقير امس فسخ الخطوبة
اني وماما : شنووو
خ فاطمة: خلاص عاد ماصدقنا صفاء نست
اني : فرت نسيانها هي مش قادرة حتى تدوي
ماما قربت لصفاء : علاش دار هكي
صفاء : مش علي اساس كان العرس في شهر 11 ولما مات جدي اجلنا وتوا قالي نتجوزو في نهاية 1 قتله جدي ماليشي حتى 5 شهور مانقدرش ندير عرس مشي ماصدق جي امس هو وامه وبوه وفسخ
ماما : لا حول ولا قوة الا بالله
اني : به قصدي استنى ع الاقل لشهر 3
صفاء : قتله قالي خلاص اني اصلا معاش نبي....قتله باهي براحتك اصلا افتكيت هوا مدلعاته امه ويبي يدلع حتى عليا اني ناقصني ماهو
شهد : حي في نت اهني
اني : اي واني نقول من بكري يجوني اشعارات
خ ليلى: ليولة خيرك معاش تجينا وتباتي زي قبل
اني : ههههه ماواتتش
خ ليلى : ماواتتش ولا انتي معاش تحبي حوشنا
شهد : ههههههه
اني : لا والله غير ماواتتش الضروف بس تو ندير يوم ونجيكم
خ ليلى: اي نبوها الجية هده وبسرعة لان نبيك في موضوع
اني ملامح وجهي تغيرت: انشالله
°
•
°
•
°
سراج : " فاتحة زعما نبعتلها ولا لا.... ايااا شن بنقوللها......عادي نقول اي حاجة....لالا نفوت الموضوع احسن "
مراد : سيرجو .....سراااج
سراج زي المخلوع : هاااا ...نعم
مراد :غر كان تقولي وين كنت سارح
سراج :غر كان تقولي شن دخلك
مراد : قصدي بديت تسرح هلبا بالك...
سراج قص علي كلامه : اني حر ....ضايقتك😒
مراد : بالك كبدت 😂
سراج : 😒
مراد : غر قول قول خابزك وعاجنك اني
سراج : جعت اني نوض نتغدو
مراد ضربة بالشوية علي كتفه : اي حتى اني جعت 😏
°
•
°
•
°
مسرة : هههههههه
مؤيد : نموت فيك وفي ضحكتك
مسرة : به خلاص بنسكر اني
مؤيد : علااش
مسرة : بنقرا غدوا عندي امتحان
ايناس : مسسسرررررة😠
مسرة : باي
مؤيد : باي
مسرة : تي خيرك تعيطي ماما 😡
ايناس : شن ضحكت الفا### اللي تضحكي فيها صوتك واصل للجنان
مسرة : حي صوتي عالي
ايناس : وهدا امتا بتفوتيه اللي اسمه مؤيد
مسرة : ماما اهو مدلعني وكل مانطلب حاجة يجيبلي وفي شن ضايقك فهميني
ايناس : يابنت اني نبيك تاخدي سراج ولد عيلة وشخية تهبل وحالته كويسة مش هدا المعفن
مسرة : باهي نعرف لكن مش لدرجة معفن قصدي حتى هوا باهي حالته و قنين
ايناس جت قعمزة جنب مسرة : مش لين تقارنيه بسراج.....تخايلي يبدا سراج راجلك... مهندس نفط شوفي الشركة اللي يخدم فيها وشوفي معاشه وزاد توا هوا وصاحبه بدو شركاء في معرض سيارات تخايلي معرض سيارات نصه ليه وحوشه قريب يكمله وسياراته اللي يبعها ياخد احلى منها وتقوليلي مؤيد تي من مؤيد هدا
مسرة : به كيف ندير بش يشبحلي كيف
ايناس دارت صبعها علي راس مسرة : ديري عقل وفكري تو تجيبيه
~~
بابا : شن جو قرايتك
اني : باهيا الحمد لله
بابا : تو مش كان خشيتي هندسة خيرلك
اني : علاش
بابا : خشيتي هندسة نفط والله مليحة شوفي سراج يضرب في معاش مش عادي
اني : توا اللي صار صار
بابا : تقدري تغيري قاعدة في البداية
°
•
°
•
°
صوت المطر وصوت الثلج علي مرش الروشن وصوت الرعد...
عشقي الاجواء هده❤....كنت مقعمزة في سريري ولافة روحي في الورغان وفاتحة النت وجتني رسالة ع ايميلي
_________________________________________
سراج : بس بس
_________________________________________
اني : اهلين
_________________________________________
سراج : اهلا بيك
شن الجو
_________________________________________
اني : تمام
شن جوكم انتو
_________________________________________
سراج : احني مني ؟؟
_________________________________________
اني : هههه عيلتك نقصد
_________________________________________
سراج : اااه عيلتي
كويسين
وانتي شن اخبار عيلتك عموما
_________________________________________
اني : الحمد لله
_________________________________________
سراج : وشن اخبارك انتي خصوصاً
_________________________________________
اني : تمام
_________________________________________
سراج : شن مدايرا
_________________________________________
اني : اهو..... مكسدة
_________________________________________
سراج : طب بشري ومكسدة 😂
_________________________________________
اني : هههههههه والله حق
_________________________________________
سراج : شني نادمة
_________________________________________
اني : والله هي مش قصة نادمة لكن نفكر نغير
_________________________________________
سراج : مادامك عارفة روحك ماتقدريشي علاش خشيتي من البداية
_________________________________________
اني : ماقلتش ماقدرتاش اني😒
_________________________________________
سراج : اكيد مش حتقولي 😂 لكن مافيش تفسير تاني
_________________________________________
اني : فسر علي راحتك 😒 واني ماقلتلكش بنبطل قراية باش تقولي ماقدرتيشي
_________________________________________
سراج : غر وسعي بالك يااا
_________________________________________
اني : يااا؟؟😒
_________________________________________
سراج : ياليال 😒
_________________________________________
اني : بالي واااسع ياااا
_________________________________________
سراج : يا شني 😊
_________________________________________
اني : يابارد 😑
_________________________________________
سراج : شن بتخشي لو غيرتي
_________________________________________
اني : بابا يبيني نغير للهندسة
_________________________________________
سراج : بابا يبيك تغيري ولا انتي تبي
_________________________________________
اني : بابا مصر يبيني نغير
_________________________________________
سراج : يعني بوك اللي يبي مش انتي
خشي للي انتي راغبتيه هما شن دخلهم
_________________________________________
اني : اني عندي رغبة كبيرة في الطب لكن لما يعششو فيك حتى النية اطير
_________________________________________
سراج : غر صفي النية شكله الطب واعر عليك 😂
_________________________________________
اني : اي لان واعر عليا "بننزل" للمستوى اللي انت فيه😂😉
_________________________________________
سراج : ليك الشرف
_________________________________________
اني : انتو ليكم الشرف اني نتواضع ونخش مجالكم
_________________________________________
سراج : المهم ....خلاصة الموضوع ماقدرتيش الطب خشيتي هندسة
_________________________________________
اني : اولا قاعدة نفكر ماخشيتش
وتانيا من الطب للهندسة مافيش فرق كبير
_________________________________________
سراج : 😛ماقدرتيش الطب جبانة
_________________________________________
اني : مرات مانغيرش وكلامك يقعد في وجهك
_________________________________________
سراج : ماتغيريش ماداما هده رغبتك _________________________________________
اني : مادخلكش فيا 😛
_________________________________________
°
•
°
•
°
سندس : بتقيل انت
عمر : اي تعبان
سندس : به بننزل اني نساعدهم في اماعين الغدي
عمر : شن عوالة عرس هيا ...... الماعين تو يديروهم علا ورنا
سندس : علا امتحانات ورنا حتى هيا تقرا
عمر : تي باهي به
سندس : نركب انوضك بعدين
عمر : اي ماتخلينيش نرقد هلبا
~~
رنا : خليهم ياسندس
سندس : والله ماصارت تو نغسلهم بري اقري قرايتك
فريال مرت عمي: خلاص بري اقري يارنا تو اديرهم سندس
°
•
°
•
°
تسنيم : ايوا لولو شن الجو
اني : تمام تسو شن جوك انتي
تسنيم : جوي زي الزفت تخايلي اللابتب متاعي مش عارفة شن صارله ونبي نقرا منه وبابا في المرج تخايلي ماعرفتش كيف بندير
اني : حي وشن صارله الللابتب
تسنيم : الفرخة سوار بنت اختي قعدت تلعب بيه معاش بي ينفتح......انتي مش عندك ولد عمك ولا منو عنده محل ولالا
اني : مش ولد عمي ولد عمتي قيس عنده
تسنيم : وين محله خلي نمشي بالك يديرلي حل بسرعة مايشحطنيش زي باقي المحلات
اني : محله في ### جنب ال#### عرفتيه
تسنيم : اي اي عرفته به تقدري تكلميه لولو تقوليله صاحبتي بتجيك وهكي
اني : اي عادي تو نقوله اصبري شوية ونعاودلك
~~
قيس : اني توا مش في المحل لكن العشية نفتح ياليال
اني : به تجيك العشية اديرهولها بسرعة
قيس : والله تجيبة ونشوف مشكلته عادي
اني : هيا بتقرا بيه واهم حاجة تبيك اديرهولها بسرعة فهمتني
قيس : به يصير خير
اني : به الساعة كم تجيك
قيس : بعد العصر
اني : به تمام
°
•
°
•
°
_________________________________________
عبسي : فكرتي ؟؟
_________________________________________
رنا : مشالله تعرف حتى ايميلي
_________________________________________
عبسي : عرفت رقمك بيصعب عليا نجيب ايميلك
_________________________________________
رنا : كيف وصلك رقمي
_________________________________________
عبسي : مش مهم
المهم فكرتي
_________________________________________
رنا : ان نكونو اصدقاء ؟؟
_________________________________________
عبسي : كيف ماتبي
_________________________________________
رنا : فاجأتني عندك علم
_________________________________________
عبسي : به ليا فترة مقايلك يعني حتى لو نصدمتي توا اثر الصدمة يكون مشي
_________________________________________
رنا : رجعتني لدكريات قدييييمة
_________________________________________
عبسي : دكريات حلوا ولا مرة
~~
وفاتو ساعات علي عبسي ورنا وهما يهدرزو ويجبدو في دكريات قديمة و عبسي مش سايعاته الدنيا من الفرحة ورغم ان رنا كانت مترددة نوعا ما وفي نفس الوقت حاسة بالآمان معاه...
°
•
°
•
°
كان محل قيس معبي وفيه ناس ودوشا وهو مشلوش ولاهي مع الناس
تسنيم : السلام عليكم
قيس ماكانش مركز ومنزل راسه : وعليكم السلام
تسنيم قعدت واقفة وتستنى فيه يكمل مع المرا وبتكلمه
المرا : به وامتا نجي ناخده
قيس : السبوع الجاي اختي
المرا : به شكرا
تسنيم قعدت تشبحله وتفكر : هدا اللي ناشبني هديكا المرة ....اي هوا 😮
قيس منزل راسه : تفضلي اختي
وبعدين قام راسه ونصدم ان هيا
تسنيم خلت روحها عادية : اني صاحبت ليال اللي....
قيس قص علي كلامها وحط ايديه ع الطاولة وضحك : عرفتك عرفتك
تسنيم : ههههه اا اني عندي...
قصت بنت علي دوتها: خوي اني ليا ساعة نستنى وانت تسقد في اللي جايين بعدي
تسنيم قعدت تشبحلها وساكته
قيس : به نسقد هده ونفضالك
البنت : قصدي جاية قبلها اني
قيس : نسقدها ونفضالك مش عاجبك شوفي غيري
البنت : عليك معاملة 😒....ومشت
قيس : ترا وريني
تسنيم : هوا كان يخدم ونقرا بيه واموره تمام و......حكتله
قيس يشبحلها طول ماهي تدوي وماكانش مركز علي ولا كلمة قالتها قعد يتفرج عليها كيف تشرحله وتتكلم بعفوية وماقدرش يحول عيونه من عليها
تسنيم : اي هدا اللي صارله وبعدين معاش بي ينفتح بكل.....اافهمتني😞
قيس : اا اي اي فهمتك
تسنيم : به كيف يصير توا
قيس : في شنو
تسنيم شبحتله بأستغراب : 😕
قيس : توا خليه وتو نشوفه ونرد عليك
تسنيم : ماهو اني جيتك بش اديرلي حل سريع لان نقرا بيه
قيس : هههههه وكيف الحل السريع هدا.....بنشوف مشكلته وبنحلها ع الاقل استني يومين
تسنيم : اياااا هلبا
قيس : عندك فيه صور وحاجات
تسنيم : فيه حاجات تخص قرايتي بس
قيس : تو نحولك المعلومات في لابتبي اني وروحي بيه ولما يجهز متاعك نكلمك
اني : ااا بتعطيني متعك.....لالا مرات تحتاجه...
قيس قص علي كلامها : ياودي عادي كان محتاجه مانقولكش خوديه.....توا اقري بلابتي انتي و اعطيني رقمك ولما نجهزلك متاعك نقلمك
تسنيم : شرا بارك الله فيك
قيس شبحلها وابتسم : ولا يهمك
°
•
°
•
°
ديما : كل سنة وانت حبيبي
نادر : هههههه امتا وتيتيه هدا كله
ديما : وتيته في الوقت اللي كنت انت فيه مشغول ومش فاضي😏
نادر شدلها ايدها وباسها بهدوء: انشالله عيد ميلادي الجاي نحتفلو بيه وانتي في حوشي ❤
ديما ضحكت وشبحتله
نادر : اااه من هالضحكة شن مدايرا فيا ااه.... كان مش جنبنا ناس راني خطفتك
ديما: والله
نادر : مش مصدقة 😉
ديما : ماديرهاش😁
نادر : ندير اكبر
ديما : هههههه
°
•
°
•
°
تسنيم : هللو
اني ورتاج : اهلا...
اني : شن صار مشيتي لقيس
تسنيم : اي مشيت امس
اني : به كويس
تسنيم : هدا ولد عمتك اللي كان في كندا
اني : اي
تسنيم : مرة في عزي جدك اني كيف طالعة.....وحكتلنا اللي صار
رتاج : هههههه وانتي ماتحسابيشي ولد عمتها
اني : خلاص غيري عليه هوا
تسنيم : حقا ماحكيتيليش كلمتي سراج ولالا
اني : اي نهدرزو مرات ع الفيس
تسنيم : شن تهدرزو
اني : كلها دوا عادية ع القراية وهكي
رتاج : حاولي تخشي معاه في مواضيع الحب والجو هدا
اني : تعطو فيا اكبر من طاقتي للعلم 💔
تسنيم : عادي انتي هدرزي معاه عادي ويوم علي يوم تو يتعود عليك ويهدرزلك
اني : واني هدا اللي مانبيشي انه يتعود عليا ويهدرزلي لان الناس هادو مانعرفش كيف يفكرو مانعرفش نظامهم مرات هوا توا يهدرز معاي وف نفس الوقت هازي لان نكلم فيه
رتاج : ايااا يالونه تحسابينا في العصر الجاهلي بعدين هدا ولد عمك ...و ل د ع م ك يعني زي خوووك
اني تنهدت وسكتت
°
•
°
•
°
علا : الو ندى
ندى : ايوا كملتي امتحانك
علا : اي كيف كملت توا
ندى : تعالي اني قدام الكافيتيريا
علا : اهو جاياتك
سكرت علا الخط وتلفتت باتجاه الكافيتيريا لقت....
🌷يتبع🌷
نفس الشي فااانزي اقل من 600 كومنت مانزلش حلقة 😘
.
.
#__timOo__❣
