#__وتين__🍃
🌷الحلقة 82🌷
مسرة واقفة قدام فترينة فيها تواكم بناتيات و تتفرج وبعدين نزلت عيونها شافت خاتم عجبها : بكم هدا
مولى المحل : ب###
... شوية وتكلم وراها واحد : عجبك ❤
مسرة نخلعت وتلفتت لقاته وليد...نصدمت وبعدين خلت روحها عادية : شش شدير اهني
وليد : والله جاي بنشري خاتم
مسرة : شني بتخطب امالا
وليد ضحك : اي
مسرة قلبها يتقطع 💔: باهي كويس
اني تلفتلها واستغربت مني هدا اللي واقف عليها🤔
وليد : شن رايك تختاري معاي خاتم
مسرة : لا بنمشي وقت عليا
وليد : جاية بروحك
مسرة : اني واختي...وتلفتتلي
وليد شبحلي ودارلي باي بأيده واني ابتسمت مجاملة
مسرة : هيا لونا
وليد : بجديات نبيك تختاري معاي لان ماعنديش دوق😅
مسرة : جيب خطيبتك تختار ع دوقها...وطلعت
وليد يتبع فيها بعيونه
ركبنا ف السيارة وهي جوها نقلب...قعدت نشبحله من الروشن وهو مش مركز عليا
اني : مني هدا
مسرة : واحد بارد 😑
اني : بياكلك بعيونه
مسرة :...
اني : هيييي نسيت كيسة السلسلة😨
مسرة ولت : واااك ياخرية
اني : انتي طالعة تجري زي الهبلة 😑
نزلت بناخد الكيسة لقيته واقف ع نفس الخاتم اللي كانت واقفة عليه مسرة واول ماخشيت شبحلي وناداني
اني : تفضل
وليد : .......
.
.
.
وطلعت من المحل
مسرة : خيرك عطلتي
اني : اا مولى المحل دوته هلبا😁
مسرة : قاعد داخل هداكا
اني : لالا 😅
°
•
°
•
°
☀️⛅
طبعا اليوم ماشيا ماما وخالاتي الزوز ومرت خالي بيطلبو رتاج...واني ماقلتلهاش ان جايين لكن اتصلت بيها وقلتلها جاية اني وماما بنهدرزو وبنشربو قهوة بش نضمن انها ماتطلعش هي وامها...
.....
طق الباب طلعت ام رتاج فتحت واستغربت لما شافت خلاتي...المهم دخلتهم للمربوعة وخشت لرتاج
ام رتاج : ياعن فيتك مش قلتيلي ليال وامها بس😠
رتاج : اي امالا من جي
ام رتاج : تي خلاتها الزوز واني مش دايرا حسابي الحشمة
رتاج نصدمت : كك كيف علاش جو😳
امها دفتها من كتفها : تعالي بسرعة ديري قهوة خنسايرهم
رتاج : ناديلي لونا ماما
امها : ماجتش معاهم
رتاج : ماجتش😨
...
وخشت رتاج ساوت روحها ودارت قهوة وطلعتها
خ ليلى : سلمها سلمها 😘
ماما : رتوجة كيف حالك
رتاج : كويسة الحمد لله ....خيرا لونا ماجتش
خالتي : عاد لونا صاحبتك تجي ف اي وقت لكن اليوم الجية رسمية قلنا خلي نجو احني بس
ام رتاج استغربت ورتاج مصدومة وخلاص
ماما : تو عاد ياناجية انتي تعرفينا وتعرفي البير وغطاه واحني من اخره جايين بنطلبو رتاج لخوي عبدالسلام اللي هو خال ليال...
مرت خالي : الحق قداش مرة نشوف فيها ف العراس تعول وتحوس وعاجبتنا ع الاخر مشالله عليها😅
ام رتاج : صحيتي سلمها 😊
°
•
°
•
°
وفي نفس اليوم اللي مشو فيه لرتاج اني كنت عند حوش عمي عبد الله لان اليوم نطبقو في البتات متع علا 💛 واني انعول معاهم شرين تلفوني شبحت لقيتها رتاج قعدت نضحك وندعي قبل مانرد انها ماتهزبنيش
اني : واااك اللهم اني اعود بك من تهزيب رتاج😖
رنا شبحتلي وضحكت : ههههه علاش
اني: هههه تو نقولك ...ورديت : يادبلة الخطوووبة عقبلنا كلنا ونبني....
وقطعت علي صوتي الجميل : تعرفي اوقح واتفه منك ماريتش 😡
اني ميتة بالضحك : غر صلي ع النبي😂😂
رتاج : معقولة هكي اديريلي
اني : بش تنحطي ف الامر الواقع😌
رتاج : غر خليتيهم يجو ع الفاضي لاني مش حنقبل ديري ف بالك
اني تنهدت : بري اقلبي زومتك وفكري ماتتسرعيش😤
سكرت من رتاج وجنبي رنا ومريم سمعو المكالمة لكن مش فاهمين ومن الطبيعي اني نحكيلهم
اني : بعتلها خلاتي وماما يخطبو فيها وهي ماتندريش اتصلت تهزب فيا😂
رنا : اكيد امها تتخضر وتتصفر ياناري😂
مريم : حي ع الجو لمني😂
اني : لخالي عبسي
رنا : عبسي ؟😳
طبعا لما قلتها راح من بالي قصت رنا معاه وقلتها بعفوية وركزت لما هي تغيرو ملامحها .... صارلي الاحراج : اا اي 😅
رنا : باهي ربي يكملهم علي خير
اني : انشالله
....
وتمينا وبنروحو وشدو فينا البنات نباتو ومسرة كان خاطرها تبات لكن اني سكرت راسي نروح وشديت ف مسرة تروح معاي لغاية في نفسي👌
طلعنا من حوش عمي جو المغاريب وطبعا ايناس مش معانا لان مزال مش تمام هي وعيلة عمي
وفي الطريق...
اني : مسرة خشي من الطريق هده
مسرة : علاش
اني : اقرب
مسرة : مانعرفهاش الطريق اني...تعرفيها انتي
اني : اي اي خشي هكي مافيش زحما
وخشينا للطريق وكانت الدنيا كيف بالظلم وكانت الطريق كلها شجر وحوايز ايمين وايسار وتخوف
مسرة : توا من وين نمشي
اني : كملي طول
مسرة كملت طول طول طول
مسرة : حسيتها طريق غريبة😶
اني : مم مش عارفة شكلي تلخبطت😓
مسرة شبحتلي : نهارك الحرف شن تلخبطتي...تي مش قلتيلي قريبة
اني : نادر يرفع فيا من طريق مختصرة لكن مش هكي شكلها☹
مسرة : حي ع الجو😑....ولفت ودارت بترجع وتجي قدامنا سيارة كبيرة متع شرطة
اني : اجتازيها
مسرة كيف بتجتاز تحاصرها سيارة تانية نفس شكل الاولى وفجأة لقينا روحنا ف وسط مجموعة سيارات شرطة وحاصريننا مافيش كيف نطلعو بكل
مسرة تشبح ايمين وايسار : شش شن هدا😦
اني : منعرفش😓
شوية ونسمعو في واحد يتكلم بمكبر متع الشرطة📢 : انزلي من السيارة حالا
مسرة وجهها اصفر : نهارنا احرف
اني : مش نازلة اني
مسرة : قال انزلي خلي ننزلو فكينا من المشاكل😓
اني : لالا نخاف
ومسرة بماأنها اجرأ مني فتحت الباب ونزلت اول مانزلت تشبح في واحد ملتم ويبانو عيونه بس لكن قعدت تلفت ايمين وايسار وادور في صاحب المكبر اللي تكلم وبعدين تكلم تاني : اهني اني 📢
تلفتت وراها وكان واحد حتى هو ملتم ويبانو عيونه بس ولابس بدلة عسكرية
مسرة : تفضل شن تبي
الشرطي : نبيك انتي
مسرة تخزرطت وقريب تصيخ بينهم من الخوف
الشرطي حط المكبر وجاها وقف قدامها وطلع باكو صغير فيه الخاتم اللي شافاته في المحل : تتجوزيني يابنية ❤
مسرة تحت تأثير الصدمة...
الشرطي حول اللتام من ع وجهه وطلع وليد 💓
مسرة لاعرفت تضحك من الفرحة لاتبكي من التخزريطة...قعدت حاطة ايديها ع فمها وتضحك والدموع ينزلو
وليد اشرلهم بايده ركبو سياراتهم ومشو ومدلها شيشة امية ويضحك : اهدي
مسرة شربت المية : انت مش طبيعي
وليد : علاش انتي تخلي في البنادم عقل ❤
مسرة تضحك
وليد زاد قدملها الباكو : طلبي مقبول ولا مرفوض
مسرة ضحكت : لو رفضت شن حيصير
وليد : نخطفك وناخدك بالسيف 😉
مسرة : يعني مافيش فرق نقبل او نرفض
وليد ضحك : نحبك مسرة ❤
مسرة جسمها تقشعر من الكلمة وقعدت تشبحله ومبتسمة : موافقة
وليد يضحك وحول الخاتم من باكوه وخدي ايدها اليمين ولبسها
وهي في شعور لا يوصف وناسيتني م الوجود 😑
مسرة تلفتت للسيارة حي ليال...لكن مالقتش السيارة
مسرة : وين سيارتي😦
وليد : مشت اختك
{ طبعا نعرف نسوق😁}
مسرة : خخ خيرها مشت وسيبتني 😳
وليد : ههههه لان هي مساهمة في الخطة
مسرة : الله😮
.....
[ لما تلاقينا في المحل مع وليد وشفته واقف مع مسرة عرفت ان هو اللي تحبه من ملامحها....ولما نسيت الكيسة ورجعت بناخدها كان هو في المحل وقالي ان بيخطبها ويبيها وحكالي ملخص القصة وخدي ايميلي ولما روحت كلمني ع المسنجر وتفاهمنا ]
.....
°
•
°
•
°
🌒
عبسي : شن صار معاكم
خ ليلى : والله اشبح.... قالت تحكي لبوها وخوها وبعدين يردو علينا
عبسي : باهي شن تحسيهم فرحانين ولا عادي ولا كيف
ماما : اي تعرف احني خشينا وهما قعدو يرقصو😒
عبسي : مركك النم نسأل ف ليلى 😒
مرت خالي : تبو الحق ولا والله من قبل نشبحلها لما تجي للونا وعاجبتني عاجبتني والله فكرت ناخدها حتى لخوي ناصر
خ ليلى : لكن ياعبسي عليها شعر الحق ولا تبارك الله
عبسي : باهي به تو بتقعدو توصفولي فيها😒
خالتي : اي الحق شعرها مشالله ره قريب يوصل للركابها ورايح زي المية
°
•
°
•
°
وصلت للحوش وتلقتني ايناس😤 : مسرة وين
اني : قعدت في حوش عمي بتروح بيها رنا وراجلها بعدين
ايناس : وعلاش هدا كله خيرها ماروحتش طوول😡
اني : اسأليها😒...وركبت هدرزت اني وسراج شوية وبعدين نادوني ع العشي نزلت لقيت مسرة مروحة وكملت نفس الكدبة اللي بديتها😁....
مسرة شادة الريموت..شبحت لايدها : حلو خاتمك😊😜
مسرة : حسابك بعدين😬
اني : 😛😛
~~~
في المربوعة
بابا : شني فتحت معاها الموضوع
نادر : اي😑
بابا : شن قالت😮
نادر زادها بهارات : الحقيقة تعاركت اني وياها لما قلتلها ومنها معاش تكلمنا تاني
بابا : يعني رافضة
نادر : قتلك تعاركت اني وياها...شن يعني😒
ايناس خشت: من هي اللي تعاركت انت وياها نادر
بابا : شي شي...طاب العشي
ايناس : اي وقريب حتى يصقع😒
°
•
°
•
°
☀️⛅
رتاج طالعة من دارها تتكسل : صباح الخير
بو رتاج : صباح النور بنتي تعالي قعمزي
رتاج : خنغسل وجهي😪
خشت توضت وصلت وتسمع في امها وبوها يدوو ع الموضوع ...وبعدين جت قعمزت
بوها : نوضي يانجية ديريلي اني وبنتي فطور مدلع هي مدام الخبيزة سخينة
ناجية : باهي هي
بوها : شني بنيتي...شن رايك فيه الموضوع
رتاج : ااا موضوع شنو 😳
بوها : موضوع خال ليال هدا
رتاج : لالا يابابا ماخشليش راس
بوها : علاش بنتي تسكري فيها من الاول غر شوفيه الولد وديرو مقابلة وبعدين احكمي عليه والله نعرفه اني شايفه في جنازة بوه كويس محترم مشالله عليه
رتاج : لالالا لامقابلة لا شي قولوهم مافيش نصيب من توا....اني مزاللي سنتين قراية بنكملهم برواق لا خطبة لا جواز لاشي مانبيش يصيرلي زي اختي نوال😑
بوها تكنطا وماعجباش كلامها وعاجبة الموضوع بحكم انه يعرف عبسي
ناجية : شفتها ياحاج من امس مسكرة راسها هكي مابتش حتى تاخد وتعطي وهي دماغها زي العبيد😒
رتاج ناضت تطنفر : مانبيشي مش بالسيف😑
واتصلت بيا : الو لونا
اني : صباح الخير
رتاج : اما خير متعك بعد اللي درتيهولي 😡...كيف بنحلها اني وماما وبابا معششين فيه تقول اول واخر عريس ف الدنيا
اني : رتاج بلا جو فروخ انتي تحبيه واهو جاك برجليه شن تبي تاني
رتاج : مانبيشي واني وانتي عارفين انه لا يحبني لا شي غر هكي وخلاص وحليها انتي خير مايجي تاني ونرفضة بنفس الطريقة اللي رفضني بيها 😡
اني : خيرا قلبك اسود 😶
رتاج: هكي 😑...ومن البداية قتلك ياليال قوليله لا انتي قلتيله كلام تاني
اني : به خلاص قولي لامك تقوللهم مافيش نصيب
رتاج : تي ماما وبابا معششين ونعرفها ماما تو تعبي لبابا راسه وتقوللهم تعالو مرة تانية
اني : اففف
°
•
°
•
°
وسامي سمه سما سين سامي سم...سامي سمه سما سين سامي سم وسامي سمه الله يحفظه لولديه بوه وامه سما سين سامي سن
روروروروري 💃
ونقرت فاتحة سامي وعلا....ويارا حتى هي والزكرة تضرب قدام حوش سامي وولاد عيلتنا كلهم غادي ورقيص وغني وقالبينها👏
وكلي سامي طريحة مبدعة وكل خدي فيه حصه 👊 وروح صنته تقرف👃
~~~
فريال : روروروري نقرت الفاتحة
ام حلا : روروروري
درنا شوط غني ودربوكة وبعدين روحو الولاد وبدينا نوتو ف الغدي للرجالة
حلا : سراج جي 😍...ي حليييلي يهببل
رنا شبحتلها : خيرك حلا😂😂
حلا ضحكت : ياكبدي خوك يهبل
اني : غر راك تهبلي بس😒
حلا ضحكت ضحكة رقاصات: ههههههههه لا احتمال نهبل اني هههههه
وعلي خشة احمد : تي من هي اللي تضحك 😠
اني : حلا🙊
احمد : نقصي صوت امك الزح 😠
حلا : تو ع اساس وصلكم صوتي😒
احمد مشي وخلاها
مريم كيف طالعة من الدار : غر هدي علينا يا باشا 😜
احمد شبحلها وضحك
~~~
رنا : عمررر
عمر : ها
رنا : محمد اهني
عمر : لالا في حوش سامي
رنا : مش جاي 😮
عمر : تي راجلك ولا راجلي 😑
سراج شبحلها : خشي داخل😡
رنا : باهي غر قولي محمد جاي بيتغدى
سراج : تي لالا حتى سامي داير غدي قعد غادي
رنا : مصح وجهه مخلي نساباته وماشي لسامي
عمر : تي سامي صاحبه هلبا عادي
سراج : تي هو اني قريب نمشي غادي😁...
رنا : لا اديرها😒
سراج : باهي خشي اقلبي وجهك😒
~~
~~
~~
🌒
اني : مريم بايتة لوطا؟؟
مريم : هههههه امالا احمد بيخليني نبات لوطا
اني : باهي بنركب نبات معاك
مريم : اي به
علا : تي باهي به ...قصدك جو مريم صاحبتي😏
اني ضحكت : ماهو نحب الهدوء 😜
علا : تحبي الهدوء خشي ارقدي مع سراج😏😂😂
وعلي خشت سراج واطيح ف ودنه لكن ماعرفهاش من تقصد
سراج شبح لعلا : من هي هده 😒
علا تحشمت : نبصر نبصر 😁
طبعا اني درت انسحاب تكتيكي ومازبطش انها تدويلي اني
~~
~~
شدو فيا وبتت لوطا ورقدو كلهم واحني قعدنا نهدرزو في فراشاتنا...حلا مفرشة فراشها جنبي بزبط ورنا في الجنب التاني...وطبعا كلنا نايضين...خدت عمتك حلا تلفونها واتصلت بسراج وماعندهاش علم ان احني رجعنا لبعض
حلا : وين انت سيرجو😌
سراج : برا شن في
حلا : في المربوعة الخارجية
سراج : اي
حلا : به اسمع بالله تعالالي شوية من الباب بنكلمك
سراج : علاش شن تبي
حلا: بنكلمك
سراج : تو نبعتلك عصومي 😑...وسكر عليها
~~~
في الوقت اللي هي تكلم فيه اني استغليت الفرصة واتصلت لقيته انتظار قعدت نتصل ونعاود...وبعدين عاودلي
اني : ايوا
طبعا هي لاصقة فيا يعني حتى نهمس تسمعني 👂وهي مشالله رادارات😑
سراج : ايوا حبيبي شجو
اني : تمام...خيرا تلفونك انتظار
طبعا هي شبحتلي طول
سراج : تي بنات خالاتي يتصلو زي النم كل مرة يبو حاجة
اني : وشني انت متكلف بخدمتهم😏
سراج : ماخدمتهمش اني وزعتهم😑
اني : قصدي توا توا في من كنت تكلم بالزبط
سراج : حلا
اني : عطلت المكاملة
طبعا هي راقدة ع ظهرهاو معاي ع الخط واني زابطتها
سراج : خيرك لونا
اني : ماخيرنيش...كان انت كلمتني ولقيتني نكلم في ولد خالتي راك قلبت الدنيا😡
سراج : اكيد بنقلب الدنيا شي طبيعي
اني : اها حلال عليك وحرام عليا
سراج : المشكلة كان قتلك غايرة تقوليلي (وقلدني) مش مسألت غيرة
اني : اي مسألة غيرة باهي وياريت بنات خلاتك تقطع علاقتك الوثيقة بيهم😒
سراج ضحك: نقطعها بكل بكل
اني : اي اقطع علاقتك مع اي بنت....مسموحلك بخواتك وامك بسسس😌
سراج يضحك
اني : شن تضحك ندوي بجديات
حلا شاكة ان هو سراج وف نفس الوقت دايرا ف راسها احني مسيبين بعض فقررت تعاود تتصل بيه ولما اتصلت عطاها انتظار وقطعت الشك باليقين لما سمعتني نقوله : بجديات سراج ره نبيكش تكلم ولا بنت بكل
سراج : حاضر ❤
اني : باهي تصبح ع خير توا حبيبي
سراج : بترقدي
اني: اي عيوني بيتسكرو
سراج : ياودي سلمهملي عيونك اللي بيتسكرو
اني : ههههه
سراج : باي حبيبي نوم العوافي
اني : في حاجة نسيت ماقلتهاليش🙁.....وتلفتت جيهة حلا وفتحت المايك
سراج ضحك : نحبببك❤
سكرت المايك : حتى اني🙈💓
°
•
°
•
°
وجي تاني يوم واللي هو يوم الحفلة وكل وحدة انطلقت توتي في روحها وفات اليوم كله وهم في المزينات واللي تكمل تتوجه للصالة
~~~
🌒
اسألك يا من هو الله الذي لا اله الا هو الرحمن الرحيم الملك القدوس.......
وع اسماء الله الحسنة ادرجت علا وكانو مدخلينها عمر وسراج واااه من سراج 🙈 كان طالع يهبل 💕 في مشيته و في شخصيته وضحكته...وكيف متحشم...قعدت واقفة ونشبحله هو وخلاص حتى علا ماشفتلهاش وطبعا كنت وقفة بعيد بحيث انه مايشوفنيش😌
وكانت علا طالعة ملكة بمعنى الكلمة ومع عيونها السود وبشرتها السمراء وشعرها اسود زي الليل ومادرتلاش اي حاجة قبل العرس...كانت طالعة تهبل بجديات ❤
قعدو واقفين ع الستيج هما وامهم ورنا وبلسم ويصورو وهكي وطبعا سراج يبي يشوفني ومش قادر يقيم عيونه في الساوين
علا : سراج ساويلي القفطان من تالي
سراج : مش كان عرسك تتكومدي علينا ره
علا : ساوي وانت ساكت😌
سراج طبس قعد يساويلها في الديل متع الفيلو
واني نشبلحه ولقيت روحي مبتسمة لا اراديا❤
وبعدين بعتله مسج لان ركزت ان تلفونه ف ايده
______________________________________
اني : طالع جنتل 😜❤
______________________________________
~~
شفته قراها وابتسم
______________________________________
سراج : وينك انتي
______________________________________
اني : دخلكش😌
______________________________________
سراج : غر وينك بلا جو...مانقدرش نقيم عيوني وندور يحسابوني نعاكس😂
______________________________________
اني : ناقص غ تقيمهم عيونك😡
______________________________________
سراج : باهي وينك النم😑
______________________________________
اني : نبيكش تشوفني
______________________________________
سراج : كان نبي نشوفك بالسيف زي ماجبتك قبل لحوش احمد بالسيف وشفتك😉
______________________________________
اني : بلا برادة سراج😮
______________________________________
سراج : نديرها ره
______________________________________
اني : شوف جيهة مدخل الصالة
______________________________________
~~~
سراج قام عيونه وشبحلي
______________________________________
سراج : بعيدة ماشبحتكش 😡
______________________________________
~~~
جيت قدمت شوية ووقفت جنب طاولة قريبه طبعا قفطاني استريت لونه زي النحاسي وكنت حاطة الوشاح ع كتافي ومغطية المناطق المكشوفه
______________________________________
اني : شوف في الطاوله اللي جنبك
______________________________________
~~~
سراج تلفت شوية بطريقة مش ملحوظة واول ماشبحلي ابتسمتله لكن هو مابتسمش قعد يشبحلي بطريقة غريبة كأني كنت مفقودة ولقاني كانت اللهفة اللي ف عيونه واضحة💕وكانو عيونه يتكلمو
اني صارلي الاحراج نبتسمله وهو يشبحلي وخلاص حسيت روحي زي العبيطة
وبعدين نضت وفته 😂...اخجلني صراحتا
#سراج " ابتسامتها هبلتني....ولما ناضت من الطاولة شعرها يتمايح ايمين وايسار ومشيتها ملفته...شهادة بالله اني غرت حتى من النساوين اللي في الصالة ❤ "
~~
عمر قرص علا من خشمها : ولا وصار منك 😂
علا : خزي عليك😒...سراج شن رايك فيا😌
سراج ضحك : لا طالعة طرف من الاخير😉
علا ضحكت....ولما جو بيطلعو باسها سراج من جبينها : تتهمي 😘
علا خنقتها العبرة : عقبالك 😘😢
بلسم : بكيتهانا ياسراج
.....
طبعا اغلب البنات كانو قفاطينهم سمبل هلبا بس في اللي طالعة حلوا وفي اللي مش ملفتة عادي وخلاص...
لكن اللي طاغية ع الحفلة كلها وطالعة ملفتة للنظر هلبا هلبا هي رنا....كانت طالعة زي الاميرات ولابسة قفطان كلوش طويل احمر وصدره مفتوح زي في الصورة👇 وحاطة روج احمر وكانت تسريحة شعرها طالعة تهبببل 💕 ومغرية هلبا واكتر وحدة تلفت الانتباه الحق...
~~~
طلعت علا لدار العروسة وبعدين خشلها سامي....
#سامي " اول ماخشيت كانت ريحتها معبية الدار ريحتها جننتني من اول ماخشيت💓 وكانت واقفة وعاطية بظهرها...وقفتها وشعرها وظهرها كانت مليانة انوثة ❤..سكرت الباب وقربت منها نزلت ايدي لايدها ولفيتها ليا "
