#__وتين__🍃
🌷الحلقة 31🌷
لبسو وطلعو ركبت فاطمة ورا سامي ويارا ركبت ورا كرسي السواق
يارا : السلام عليكم
مراد شبح للمرايا : وعليكم السلام
يارا : سامي تلفوني تسكر من الشحن واختك تكلم فيا اعطيني نعاودلها
سامي : بعدين كلميها
يارا : غر عطيني مرات تبي حاجة مهمة
سامي : شدي وانتي تعششي
مراد يشبحلها من المرايا ويحاول يخفي ابتسامته
°
•
°
•
°
ايناس : انستينا ياخيرية 😑
عمتي خيرية : الله يآنسك والله نهى شادة فيا قداش ليها تقولي نمشو لحوش خالي علي
ايناس : ههه😁سلمها تنشد علي خالها😒
عمتي خيرية: علاش متعبا روحك لا نبو عشي لا شي
ايناس : لا كيف عاد بنتك بسمة قداش ليها ماجتناش
بسمة : صاحبت واجب 😏
نهى : بسمة شدي ولدك بيقلب الدنيا
بسمة : ياحودة قعمز
مسرة تعجب فيها بالشوية: ياحودة كعمس 😒 مركك
ايناس : ليال طيبتي البصلة
اني : طيبت حتى الرز
عمتي خيرية: مشالله ناشطة ليولا
بسمة : ههههههه دارت عشي وين النشاطة في الموضوع😑
اني شبحتلها من فوق لتحت 😒
~~
سراج : ايوا عمي كيف الحال بنجي ناخد الامانة متع الراجل كان واتية ماهو امس كلمني
بابا : اي واتيا تعالى
سراج : 5 دقايق ونكون عندك
احمد : ايا قصدك مزال بتخطم علي عمك علي
سراج : تي اي ضروري الراجل كل يوم يسأل فيا
~~
سراج : ها عمي اني قدام الحوش
بابا : تي انزل ياراجل
سراج : لا والله مستعجل ابعتهملي مع حد وخلاص
بابا : تي انزل اهو عمتك اهني والعشي كيف حطوه
سراج : بارك الله فيك ياعمي كأن نزلنا لكن والله مستعجلين
بابا : تي ياودي انزل ياراجل خيرك
احمد : انزل انزل عيب
سراج : باهي هي😑
احمد : الزح بنرقد
سراج : تو مش كنت تقولي انزل يا###
~~
اني : ااا بينزلو بابا؟؟
بابا : اي احسبوهم في العشي
اني في خاطري : وااااك الهم شن جيبه هدا توا 😟
نزلو قعمزو في الصالة مع العيلة واني ركبت لداري قبل ماينزلو
~~
بابا : تي وينها هده حطت العشي وركبت
عمتي خيرية: ياليااال
رهف : نركب اناديها
بسمة : اي بنتي اركبي ناديها
ايناس : كيف حالك احمد وين غطست معاش جيت لنادر
احمد : اي والله خدمة مانفضاش
مسرة : شن جوها القهوة
احمد : ماشيا
اني : السلام عليكم
سراج قام عيونه وقعد يشبحلي
اني : كيف حالك احمد
احمد : الحمد لله كيف حالك انتي
اني مديت ايدي : اهلا
سراج مدلي يده : شن الجو
اني : تمام
تعشينا وكملنا نضت اني ندير في قهوة ومسرة تغسل في الماعين
خش سراج بيغسل يديه
مسرة : شن جوك سيرجو
سراج : ماشي حالي
مسرة : ليك وحشة
سراج شبحلي بعدين شبحلها : تستاحشك العافية
اني : وين حطيتي القهوة مالقيتهاش
مسرة :اهيا و انتي تمشي للبحر تلقيه نازح
اني : قصدي تستعرضي ولا شني😒
سراج واقف قدام اللوندينو ويسمع...واني نبي نغسل الكاشيك
اني : اا ترا شوية
سراج يشبحلي وماباش يحول ومسرة واقفة
اني مانبيهاش تحس شي لكن هوا حركاته ع المفضوح
معاش عرفت شن ندير ...بعدين بعد شوييية من ع اللوندينو يعني اضطريت نلصق فيه بش نغسل الكاشيك
مسرة حست بحاجة غريبة ومابتش تطلع من المطبخ
مسرة : ليك فترة معاش كلمتني ع المسنجر سيرجو
سراج : ههههه انتي اللي تكلمي فيا مش اني
مسرة: اي وكان مانسألش اني ماتسألش ☺
احمد خش : والله الرز مش عادي من دايره
اني : صحتين
احمد : قصدك انتي دايرتيه
اني : اي
احمد : يسلمو يديك والله ماعادي
سراج : ماعجبنيش بكل عجبك مسرة
مسرة : ههههه يعني
سراج : مش حلو
اني مابيتش نرد بكل
احمد : تي الزفت انت كليت لين عرفته رز
مسرة : بالعكس سراج ماكلاش هلبا
سراج : ههههههه معاش تكدبي
اني شبحت لمسرة : في السنون
ايناس من الصالة : يا مسررررة
مسرة مشتلها
سراج اشر لاحمد يبيه يطلع
احمد بالشوية : علاش
سراج بالشوية : اطلع النم
اني حسيتهم يوشوشو حاولت نسرع في توتي القهوة بش نطلع
احمد طلع من غير مانحس لاني كنت عاطية بالظهر
سراج واقف ويشبحلي : معطل الوضع هدا 💔
اني تلفتت لقيت احمد مهناش : اما وضع
سراج : الوضع اللي احني فيه...لامتا بتقعدي معانده
اني : على فكرة مافي شي يجي بالغصب
سراج : تقولي في كلام انتي نفسك مش مقتنعة بيه
اني : ماتحكمش عليا وانت مش عارف شن اللي ف داخلي
سراج : لا عارف وفاهم شن اللي ف داخلك وعارف انك تبي لكن اللي مش عارفه علاش ترفضي
اني : اني ماشيا علي مبدأ اني نفكر بعقلي
سراج : وقلبك
اني : محيته من الوجود
سراج : اتعبي ف روحك وفيا
اني : اني مرتاااحة ومش هامني شي تاني
سراج : به اني شن دنبي
اني شديت الصفرة وبنطلع سراج خدي الصفرة بطريقة غجرية ونص الفناجين تبزعو وحطها ع الرخامة بقوة
وتكلم بصوت عالي : لما ندوي توقفي وتسمعي
اني : خيييرك انت نقص صوتك
سراج شدلي ايدي من فوق : العناد فوتيه خيرلك بش بنعاندش حتى اني ونديرك ف راسي
اني جبدت ايدي : اني هكي شن بدير ترا😏
سراج تكلم وغمزلي بأسلوب تهديد : نتعبك ؛ ومشي
°
•
°
•
°
مسرة : تي متأكدة وحق ربي يتكلم معاها بطريقة غريبة
هيام : مع اختك معقولة تي مش قلتي ماعندهمش عليها
مسرة : تي النم وين نندري اني....تعرفي حتى لما سلمو علي بعظ بطريقة غريبة
هيام : به هيا اللي ادير في الجو ولا هوا
مسرة : هوا يشبحلها هلبا وهي التافهة تدوي معاه بهدوء تعرفي كيف لو تشوفيهم تحسيهم متع هيا تتجكتر وهوا عاجبة الجو
هيام : ال#### هده المشكلة عيلة و فرخة يانهارك كانماتاخده منك
مسرة : تاخد#### مش تاخده تي والله لما نقوله كل شي واللي بيصير يصير
هيام : حقاااا 😨
مسرة : اي امالا بنستنى لين تاخده بنت امها ونقعمز نصفق
هيام : فكري كويس قبل
مسرة : فكرت والتفكير ماجابش جدوى احسن حاجة انحي عقلي علي جنب ونتصرف بهبال تو يجي لعند رجليا
~~~~~~
يارررررب كيف ندير كيييف نتخلص منه كيييف...تعبت والله تعبت من هالقصة😢 ومش ناقصة هم علي همي 😭 كيف ندري ياربي حتى صاحباتي اللي نرتاح لما نفضفضلهم مانقدرش نقوللهم ع الموضوع 💔
اني 😢 : الو ماما شن الجو
ماما : تمام حبيبتي شن جوك انتي وخوك
اني : كويسين
ماما : خيرك انتي 😕
اني : اا ششي خيرني
ماما : صوتك زي اللي تبكي ولا راقدة ولا شني
اني : اا لالا مزكومة بس
ماما : ااه لاباس ياقلبي خديتي مضاد ولا حاجة
اني : لالا زكمة عادية تو تمشي....ماما تعالي ارفعيني قالقة
ماما : قولي لنادر ولا بوك يجيبك
اني : نادر في الخدمة
ماما : به غدوا واني مروحة من المدرسة نخطم عليك
اني : به تمام
°
•
°
•
°
في السيارة
احمد : علاش قتلي اطلع بكري
سراج يسوق : شوف الحادث
احمد : حي علي امها السيارة
سراج : تؤتؤ شكله شنيع للنم
احمد : 3 سيارات
سراج : وينها التالته
احمد : اهوني غادي
~~
وقعد يغيرله في الموضوع للين وصلو للحوش ونسي احمد القصة...
°
•
°
•
°
ميرا : حبييييي استاحشتك
يارا : ميروووو اني اكتر والله مستاحشاتك مووووت
ميرا : شن اخبارك وشن جو سامي وخويلة فاطمة وعمووو شن جوه
يارا : بابا عطاك عمره
ميرا :شنووووو😨 شن تقولي انتي😢
《 ميرا صاحبت يارا الروح بالروح وتعرف العيلة كلها وكانت ساكنة في امريكا من مدة طويلة وتوا روحت 》
يارا : اي توفى ليه فترة
ميرا تبكي بالعبرة : تكدبي 😭 كييف توفى معقووولة
يارا قعدت تبكي : ااي هدا اللي صار😭
ميرا : لا اله الا الله....صدمتيني ونكدتي عليا😢
يارا : اااه 💔
ميرا : كيف وامتى توفى معقولة تي كلمة توفى مش ماشية معاه
يارا : تعرفي فجأة.....وحكتلها
°
•
°
•
°
_________________________________________
سراج : من جدك تحكي
_________________________________________
مراد : اي وجد الجد نبيها وعجبتني البنت
_________________________________________
سراج : تخاف تكلمها تقول لسامي وتنحط في موقف مش مليح بكل
_________________________________________
مراد : اني مش حنقوللها شي عيب بنقلها عجبتيني ونيبك بس....ومرات نخشلها من الايميل التاني ونزيد نتعرف عليها
_________________________________________
سراج : تو نبعتلك ايميلها ونظم امورك
_________________________________________
مراد :👍🤙
_________________________________________
~~
~~
~~
_________________________________________
مراد : خير
_________________________________________
يارا : تفضل
_________________________________________
مراد : كيف الحال
_________________________________________
يارا : تمام .. مني انت
_________________________________________
~~
ميرا : انتي ومني تهدرزي
يارا : ولد بعتلي توا نعرفاش
ميرا : بتلكلميه
يارا : بنكتبله مانبيش نتعرف....مش ناقصة ولاد اللي عندي ساد
ميرا : وقحة😂
يارا : ههههه
ميرا : خليه تو نكسد عليه اني
يارا : كلميه توا بإيميلي وفوتي شوية وقوليله ع اساس عندك ايميل تاني خلي يكلمك من ايميلك انتي
ميرا : تم
قعدت ميرا صاحبت يارا تهدرز مع مراد من ايميل يارا
_________________________________________
ميرا : شن اسمك انت
_________________________________________
مراد : انتي مابيتيش تقولي اسمك وتبيني اني نقول اسمي
_________________________________________
ميرا : انت اللي تبي تتعرف مش اني
_________________________________________
مراد : خلاص نتكلمو علي اساس مجهول
_________________________________________
ميرا : براحتك
_________________________________________
مراد : اي من وين انتي
_________________________________________
ميرا : اني من ####
_________________________________________
مراد : تشرفنا
_________________________________________
ميرا : وانت من وين
_________________________________________
مراد : اني من ###
_________________________________________
~~
وفوتو الليل كله وهما يهدرزو
°
•
°
•
°
نادر : حبي كل سنة وانتي طيبة
ديما: باهي اللي تفكرت 😒
نادر : ياتافهة عيد ميلادك غدوا واني عايدتك اليوم شن تبي تاني
ديما : نبي هدية 😌
نادر : علي اسلوبك مافيش
ديما : باهي به
نادر : متأكدة 😌
اني : لالا ممكن😂شكله في هدية
نادر : كانت في لكن ماصارليش
اني : ندووور فكنا عاد😅
نادر : ههههه يامصلحجية
~~
رن تلفوني توقعته وحدة من صاحباتي لكن لما قمت التلفون لقيته رقمه نصدمت ومتأكدة لو مارديتش حيعشش ويبعت رسايل ويديرلي قصة
اني بصوت يادووب طالع : الو
سراج : تعبااااان منك 💔 نفسيتي مدمرة وجوي زي الزفت......ديريلي حل تعبت والله تعبت ومعاش قادر نتحمل....علاش ياليال هكي فهميني علاش اعطيني حاجة نقتنع بيها وبعدها معاش نضايقك بكل....ولا متمتعة هكي
اني دمعتي علي خدي : كيف متمتعة
سراج : اسألي روحك بالك عاجبك....بالك اللي صاير فيا يحسس فيك بالمتعة
اني نبكي : نصيحة مني حاول تتناسى وتنحي الموضوع من راسك خير ماتزيد تتعمق وتتعب اكتر
سراج : هدا اللي طلع معاك
اني : مانقدرش نقدملك اكتر من هكي.....مانقدرش نقدملك شي وماتستنى مني شي
سراج : السبب؟؟
اني : احني مش متناسبين مع بعض نهاائي
سراج : كيف مش متناسبين
اني : مش لبعض بعاد هلبا استحااالة نكونو لبعض
سراج : به كيف 💔 من اما ناحية
اني : من جمييع النواحي شوف لاي شي في حياتك تلقاه مختلف عليا وعلي واقعي احني مانجوش مع بعض
سراج : مزال مافهمتش زيدي وضحي اكتر
اني : مافيش مانوضح احني مختلفين في كل شي ومن جميع النواحي...مرات هدا مجرد اعجاب عادي مرات انت ماحبيتش غر مشكلتك متسرع هلبا
سراج : اني ماعنديش مشكله المشكلة كلها فيك انتي.....وبعدين الاعجاب بروحه والحب بروحه ومش انتي اللي تعلميني شن الحب وشن الاعجاب....
اني : اني ماعلمتك شي اني نبيك تخليني ف حالي
سراج : لما تقنعيني.... نخليك ف حالك
اني : انت تبيني علي اي اساس من الاصل لااماليك حيوافقو ولا اماليا هده حاجة وحاجة تانية اني بنكمل قرايتي ووراي مشوار طويييل ومستحيل حتقدر تستناني وهده طبعا اصغر الاسباب
سراج : بالله شن الاسباب الكبيرة
اني : ماسداتكش هده
سراج: لا اماليا ولا اماليك ليهم علاقة وهدا الشي اني نأكدهولك هدا طبعا لو رفضو وانتي مشالله متفائلة هلبا😑 والمشوار الطويل هدا نستناك فيه وماتقوليش مستحيل مافي شي مستحيل
اني : لقيت حل تو انت علي اساس
سراج : هيا محلولة من ربي غر انتي تسكري فيها
اني : قتلك هده اصغر الاسباب
سراج : انشالله تحطيلي الف سبب المهم انتي تحبيني الباقي كله مش هامني
اني : ومن قالك....تدوي بتقة فوق اللزوم
سراج : به امالا تحبي ولا تكرهي ولا اديري اللي تبيه حناخدك حناخدك والايام بيننا....وليلتك سعيدة 💔
°
•
°
•
°
_________________________________________
ميرا : تمام شن جوك انت
_________________________________________
مراد : ميه ميه
_________________________________________
ميرا : دوم
_________________________________________
مراد : اجمعين....مرتبطة انتي
_________________________________________
ميرا : علاش تسأل
_________________________________________
مراد : سؤال عادي
_________________________________________
ميرا : اول حاجة بنقولك هدا ايميلي#### ابعتلي عله هوا فوته الايميل هدا لصاحبتي
_________________________________________
مراد : كيييف كييف قصدك انتي صاحبت مولات الايميل مش هيا
_________________________________________
ميرا : اي
_________________________________________
مراد : من الاخير هكي انتي يارا ولا اني غالط
_________________________________________
~~
ميرا نصدمت انه يعرف يارا واتصلت بيارا سألتها
يارا : من بيكون زعما
ميرا : كيف ندير تو اني
يارا : تي اكيد واحد من الولاد متع الكورس مبردهم كل مرة يكلمني واحد اسمعي كلميه من ايميلك ع اساس اني
ميرا : نكلمه ع اساس اني يارا
يارا : اي اي عادي
ميرا : اممم به
_________________________________________
ميرا : اني يارا وهدا ايميل صاحبتي لكن انت كيف عرفت اني يارا
_________________________________________
مراد : عرفت وخلاص
_________________________________________
ميرا : يعني انت جايني متعمد مش تبي تتعرف وخلاص
_________________________________________
مراد : الحق...اي
_________________________________________
ميرا : به من تكون انت
_________________________________________
مراد : نعرفك من بعيد لبعيد لكن ماتعرفينيش
_________________________________________
ميرا : شن اسمك
_________________________________________
مراد : مراد
_________________________________________
ميرا : عاشت الاسامي
_________________________________________
مراد : مش سامعه بيه الاسم من قبل
_________________________________________
ميرا : لا الحق
_________________________________________
مراد : به كويس
_________________________________________
ميرا : كم عمرك
_________________________________________
مراد : 27 وانتي
_________________________________________
ميرا : 21
_________________________________________
مراد : العمر كله
_________________________________________
ميرا : تسلم
_________________________________________
~~
°
•
°
•
°
علا : وين انت بالزبط
سامي : اول ماتخشي للمطعم علي ايمينك
علا : شفتك ❤
سامي : اهلين
علا : اهلين بيك حبيبي
سامي : شن جوك
علا : تمام التمام
سامي : شن نطلبلك
علا : اممم مش عارفة....اطلبلي زيك
سامي : قرسووون
علا تلفتت للقرسون وكان واقف علي طاولة والصدمة ان الطاولة كان مقعمز فيها.....
🌷يتبع🌷
انشالله عجبتكم الحلقة😍..تفاعلكم يهمني
.
.
#_الكاتبة__timat😘
