#__وتين__🍃
🌷الحلقة 76🌷
🌒
كان محمد في العمل وروح لقي رنا راقدة جي للدولاب وطلع حوايج بالشوية بش ماتحسش وتفيق وبعدين قعد يسمع فيها تخترف في نومها جي جنبها
رنا : مم مرتضى حوول حووول 😴 ااه حووول 😴 حوووووووول 😭😭 وناضت مخلوعة وتعيط وتبكي : حووول 😭😭
محمد شادها من كتافها ويهدي فيها : خ خيرك رنااا😨 اهدي
رنا منهارة بالبكي : 😭
محمد : بسم الله الرحمن الرحيم اهدي
رنا تبكي وادف فيه ومزال مش فايقة لروحها: حوووول حووول😭...محمد يجبد فيها ليه وهي ادف فيه وتبكي لين غلبها وجابها لحضنه ولف يديه عليها وهي فشلت اول ما حضنها وهدت
محمد يمسح ع شعرها بايده: اششش خلاص ❤
رنا لفت يديها عليه وسكرت عيونها:خايفة 😢
محمد حط راسه ع راسها : جنبك اني ماتخافيش
رنا قعدت ساكتة وراسها ع صدره ومسكرة عيونها
محمد : رنا...رنااا...
بعدلها وجهها شوية وشاف لقاها واخدها النوم...حطلها راسها ع المخدة وغطاها وقعد يشبحلها ويتفرج ع ملامح وجهها وهي راقدة وحط انامله ع خدها ومسحلها دموعها وقرب وجهه من وجهها هلبا وحرك لحيته ع خدها وحط شفايفه ع خدها وباسها بوسة طوييييلة وهادية ومليانة حنية💖
°
•
°
•
°
☀️⛅
ترررن ترررن 📱
👩 : الو
مراد استغرب من الصوت : ميرا ولا ؟؟
👩 : اني صاحبتها
مراد : وين ميرا
👩: اهي جنبي تبكي وحالتها حاله
مراد : علاش😯
👩 : قعدتلها مادت ال#$## ماصفتهاش
مراد : اعطيهالي ترا
👩 : مشت للحمام ره
مراد : في الجامعة انتو
👩 : اي
مراد : باهي اهو جاي اني قوليلها ماتطلعش من غادي
👩 : به
~~
~~
~~
مراد جاها ف الجامعة لقي صاحبتها : وينها ؟
البنت تشبحله وبعدين قربت منه وتكلمت بجرأة: في الكافيتيريا
مراد ماشبحلهاش بكل ومشي لميرا لقاها مقعمزة هي وبنات ومنزلة راسها وزعلانة هلبا جي وقف عليها وماشافش للبنات بكل ولا عبرهم...حط ايديه ع الطاولة وشبحلها : انت ياحلو خيرك زعلان ❤
ميرا قامت عيونها وابتسمتله
البنات يتغامزو لبعض وعيونهم قلوب قلوب في مراد وبعدين تكلمت وحدة : خوها انت
ميرا شبحتلها : بلا جو زايد يمنى 😒
يمنى : سألت بس 😌
مراد شد ميرا من يدها وشبح للبنات : بنخطفها منكم شوية باهي
البنات ضحكو وتكلمت وحدة : تفضل هي ليك
خداها من ايدها ورفعها جنب سيارته : خيرك حبيبي
ميرا: تاني مرة مانصفيهاش يامراد😢
مراد قرب وحضنها: تؤتؤتؤ بلا دموع ماتخلينيش نمشي لعميد الكلية نشنقه ونخش للحبوس
ميرا تضحك : يامجنون الناس يشبحولنا
مراد : خلاص وراس عيونك معاش تبكي💕
ميرا تنهدت
مراد : تغديتي
ميرا : هأه 🙁
مراد خداها من يدها : تعالي ناكلو تعالي😘 والله منظرك يفتح الشهية ف هلبا حاجات😜
ميرا ضرباته ع كتفه : بلا سخافة😑
°
•
°
•
°
ناضت رنا الصبح تتدكر في اللي صار البارح...
طلعت فاتحة عيونها بالسيف وتلم ف شعرها لقت محمد مقعمز يدخن
رنا : اا صباح الخير
محمد شبحلها : صباح النور
رنا خشت للكوجينة : شربت قهوة
محمد : نستنى فيك ❤
رنا عاطياته بالظهر...ابتسمت لما قالهالها
غسلت وجهها توضت وصلت ودارت قهوة وحطتها وقعمزت جنبه
محمد شبحلها : ارتحتي اليوم
رنا ابتسمتله وهزت راسها بمعنى اي
قعدو يشربو ف القهوة وساكتين ورنا تفكر في مرتضى والدهب والفلوس وكل مرة تخطر عليها حاجة وبعدين تكلمت
رنا : نقولك حاجة
محمد : شنو
رنا : خوك مرتضى خانبنا
محمد شبحلها وقرن حواجبه : شن هياا
رنا : اي هو خانبنا ومتأكدة اني 😶
محمد حط الفنجان بغل : مش كلام اللي تقولي فيه 😠
رنا : هدا الواقع 😒
محمد خدي دخانه ومفاتيحه وطلع وقربع الباب قريب طيره
°
•
°
•
°
🌒
سهرية صفاء بنت خالتي
خ ليلى : نجلاء وين ليال
ماما : قاعدة تبدل داخل علاش
خ ليلى : تسأل عليها حماتي تعرفي من بكري وهي ف سيرتها ماسكتتش بكل
ماما : وك عليا جيبي بخور ياكبدي لنترزا فيها البنت
خ ليلى : ههههه
طبعا متفقة اني وشهد وديما وبنات خالي محمد ان بنلبسو زي بعض اليوم ولبسنا قفاطين سمبل جو سهريات....كانو زي بعض بس كل وحدة لون
تفصيلت القفطان ( قفطان قصير لونه وردي هادي كلوش شوية ورقبته مسكره ومن تالي ضهره عريان ولبست عليه كندرا عالية سودة طبعا كلنا نفس الكندرة بنفس اللون )
شهد في الكوجينة : لونا تعالي بسرعة
اني من الدار : خيييرك
شهد : تي غر تعااااالي
جيتها بسرعة كانت ادخل في الصفرة وبالطيح منها شديتها معاها وبالصدفة خش مطلب 😨...تعكرشت ف بعضي ومعاش عرفت نتحرك😳 وهو فصلني بعيونه من فوق لتحت...حطيت الصفرة وهربت نجري خشيت للحمام من الصدمة..... قعمزت ع حاشيت البانيو وقعدت نتخايل في الموقف لما صار بيني وبين سراج في عرس عمر.....قعدت ندكر كيف مشينا للمستشفى في عز الليل وهو يبيني نمسح المكياج....كنت نحسابه يتمرجل عليا تاريه بيهبل من غيرته 😢 اااخ قداش استاحشته واستاحشت ايامه 😢💔 تعبت من غيره تعبت...
من غير مانحس لقيت روحي نبكي ونشهق ومعاش قدرت نسيطر علي روحي 💔
~~
~~
مطلب
" محلاها ومحلا جسمها...كيف نطلعها من راسي البنت هده كيف بنقدر نفوتها ومعاش نفكر فيها 💕 "
°
•
°
•
°
احمد : خيييرك 😮
مريم تدعدع : الدنيا ادوور😖
احمد شدها من خصرها وجي وراها : غر تعالي قعمزي حبيبتي تعالي
مريم : دايخة احمد بنرجع 🤢
احمد : نرفعك للحمام ولا شن ندير بالزبط😑
مريم : اي🤢
دخلها للحمام و....😁
المهم رقدت مريم ع السرير والدنيا دايرة بيها ونادلها احمد علا باتت معاهم
°
•
°
•
°
نادر : جعان اني
ديما : اممم...هربتلك صونية عشي لكن كيف بنطلعهالك
نادر : تعاليلي ورا الحوش مافي حد
ديما : متأكد مافي حد😮
نادر : تو بالعقل بناديك واني جنبي حد😒
ديما : معاش تكشخ خير مانحلف ماني جاياتك🙁
نادر ضحك : مانكشخش غر تعاليلي بسس❤
مشت ديما خدت صونية ماكلة ولبست عبايتها ووشاحها وتسللت ورا الحوش : بس بس
نادر ضحكلها وناضلها خدي منها الصونية حطها
ديما : اوووف صقع ❄
نادر حول دجاكته ولبسهالها
ديما : تي فكنا من جو المسلسلات التركية البس دجاكتك صقع
نادر : ماليكش علاقة بالرومانسية بكل الزح
ديما: الحق فيا خايفة عليك من الصقع😌
نادر قرصها من خدها : حتى اني خايف عليك من الصقع❤
ديما حطت الصونية قدامه : كول قبل ما يبرد
نادر : كولي معاي
ديما : لالا كليت لين عرفتها ماكلة 😷
نادر قسملها وقرب ايده من فمها : ممي ممي
ديا تضحك : نبييش وحق ربي شبعانة
نادر : تعرفي كان ماتاكليش والله ماناكل حتى اني😑
ديما كلتها من ايده
وقعدو ياكلو ويهدرزو وجوهم مليح واني نغطي علي الانسة ديما وعمايلها😑
المهم نرجعو لرومانسياتهم 😜
ديما ناضت : بنمشي حبيبي اني الوقت تأخر
نادر : قصدك متابيش توريني شن لابسة ☹
ديما عطاته بضهرها ومشت : نوريك عينك 😒
نادر شدها من مرفقها : علي من تتجكتري انتي
ديما شبحت لايده : ح و ل
نادر جبدها بقوة جابها لاصقة ع الحيط وجي قدامه
ديما سكرت عيونها : ااه😣 كسرتلي ظهري😒
نادر : حول قلتيلي😏
ديما تشبحله وشادة ضحكتها ع اساس متعصبة 😡
نادر يشبحلها : تبيني نحول صار😉
ديما بتضحك : اي حول
نادر : اضحكي اضحكي ماتشديهاش
ديما : نبيش نضحك حول 😑
نادر جبدلها الوشاح وحطه ورا رقبته وشمه : اااه من الصنة 😍
ديما تشبحله : هات الوشاح
نادر : خليه بنتغطى بيه ❤
~~
~~
~~
ماما : خيرك لبستي
اني : بنروح تصبحو ع خير
ماما : من بيروح بيك نادر بايت
اني نلبس ف وشاحي : بابا جاني...
ماما : غدوا بتمشي للمزين معانا
اني : اي بنجي الصبح اهني
ماما : باهي باي
اني بستها : باي😘
طلعت ولقيت بابا مدرس بعيد شوية اشرتله بايدي قتله يقربلي جنب الخيمة لان الطريق مغدره جاني ولدت بنركب طلعت ماما من الخيمة بتعطيني تلفوني نسيته وطبعا ماتوقعتش تلقى السيارة لاصقة في الخيمة وكانت لابسة قفطان طويل ولافة الوشاح ع صدرها وشعرها يبان
ماما : ليااال...😨 وخشت بسرعة اول ماجت عينها ف عينه
ماما : اعود بالله منه 😑
خشيتلها ميته بالضحك : 😂😂 خيرك
ماما : شدي بلاك نسيتيه😒
اني : شبحك بابا 😜
ماما خشت من غير ماترد عليا
#بابا
" هده نجلاء هكي موليا😮...تبارك الرحمن تقول عمرها 20 سنة....متغيرة هلبا 💕"
قعد مركز ع باب الخيمة لعل وعسى تطلع تاني...
ركبت في السيارة وقعدت نشبحله معاش يبي يحرك السيارة بكل
اني : خيرك بابا😮
بابا ولع السيارة ومتلخبط : اا شش شي
°
•
°
•
°
🌒
خش محمد للحوش لقي رنا مقعمزة تتفرج بدل حوايجه وقعمز ومابتش اديرله اي اعتبار ولا تسأله جعان ولاشي
قعدو الزوز ساكتين ومافيش غير صوت التلفزيون
رنا نقصت صوت التلفزيون وشبحت لمحمد : شكله كلامي ماعجبكش الصبح
محمد : شبحلها بنفس الطريقة : بكل😒ومعاش تدوي فيه الموضوع
رنا : لا بندوي مانقدرش نشوف الشي قدامي ونقعد ساكتة
محمد انفعل : شن شفتي ترا....شفتي حاااجة بعيوونك ولا غر كارهتيه وخلاص 😡
رنا : اعرف شن تقول محمد 😒 شن اللي يخليني نكره شن بيني وبينه...لكن اني شبه متأكدة ان هو
محمد علا صوته : شببببه انتي بروحك قاعدة تقولي شبببه يعني مش متأكدة ولما تكومي مش متأكدة من حاجة معاش تصري عليييهاااا لان لما تطلعي غالطة مايصيرش خير😠
رنا : ولو طلعت مش غالطة😏
محمد : فوتي جد ام الليلة علي خير وفكيني من النكد ترا 😑
°
•
°
•
°
☀️⛅
تررررن ترررن📱
اني : هممم😴
ماما : قاعدة مانضتيييش😮...لينا ساعة نستنو ياخرية😡
نضت مخلوعة: علاش كم الساعة 😨
ماما : قريب 11 ونص نوووضي هياا
اني : حي عليااا اهو ندوش بسرعة ونجي
ماما : مزال حتى بدوشي 😑تي غر بسرعة بسس😡
نضت نجري بسرعة ونوتي ف روحي طلعت من الدار خديت شامبو من دار نادر وخشيت لحمام داري ندوش وخليت باب الدار مردود
مناسك : اوناا اونااا😇
دفت الباب خشت ادور فيا : اونااا...شرين تلفوني قعدت اتبع ف الصوت لين وصلت لشنطي ع السرير جبدتها طيحتها وتشرتع اللي فيها كله وخدت التلفون : اونااااا😀
علي خطمت مسرة شبحتها في الدار : هييي شديري اهني
خشتلها وخدت منها التلفون حطاته وطبست تلم في الحاجات : خيرك يانسوكة هكيي 😑
مناسك : شررة ابي اونااا 🙁
مسرة : ادوش شكلها اطلعي هي
وهي تلم في الحاجات لقت وراقي قامتهم جت ف عينها كلمة #الرحم قعدت مركزة وتقرا فيهم وتحاول تفهم في التحليل واللي مكتوب فيه 😮
طلعت من الدوش انشف ف شعري لقيتها واقفة وتقرا
وقفت مصدومة ونشبحلها وهي نفس الوقفة وتشبحلي بصدمة
اني : شديري اهني انتي
مسرة : هده مناسك خشت طيحت الشنطة...وجيت نلم في...
اني قصيت ع كلامها وجيت بسرعة جبدت منها الوراقي : من قالك تمسيهم 😠
مسرة : مم مش قصدي نقرا اني لميتلك بس
مناسك : ااوناااا ابي تاته
اني شادة دمعتي بالسيف : اطلعي
مسرة : ااا😳...
اني : اطلعييييي 😡
مسرة قامت مناسك وطلعت
قعمزت ع السرير وقعدت نبكي
عرفت مسرة 😭 يعني ايناس شدت حاجة تهدرز عليا بيها للناس وتشهدر بيا 😭 علاش ياربي هكي علاااش😭😭
°
•
°
•
°
علا : احممممد احمممد 😦
احمد جي يجري : شن في
علا : مريم صايخة ماعرفتش خيرها 😦
احمد جي طبس علي مريم : تي تحركي جيبي عبايتها خنرفعها
لبسوها عبايتها وقامها احمد ورفعوها للمستشفى دارولها دخول
فريال : الو شن صار معاكم
علا : دخلوها عندها فقر دم
فريال : من قلت ماكلتها😑
علا : هي باي تو بعدين نكلمك
فريال : باهي باي
°
•
°
•
°
🌒
اني : ايوا رتاج بتجي
رتاج : اي اهو ف الطريق
اني : تعرفي شهد من بكري تسأل عليك نفختلي راسي😶
شهد : اي اي قوليلها بسرعة تعطليييش😀
ماما : لونا تعالي ساويلي التسريحة بطيح نحس فيها
اني : لالا مساوية حلوا
ماما : متأكدة
اني : اي واني شعري مساوي
خشت خالتي (ام مطلب) : انتي تهبلي يالونا 😘
اني : هههه حتى انتي طالعة تهبلي
طلعت ماما وقعدت اني وخالتي ف دار العروسة
خالتي : شني مزال يبيك ولد عمك😜
اني : ااا...والله كل شي نصيب
خالتي : اكيد بالك يدور النصيب وتبدي كنتي
اني : ههههه
~~
خشت العروسة دخلها مطلب وعبسي لان هي قريبة من عبسي هلبا وتحبه المهم قعدو يدرجو فيها واحني نتفرجو ونصورو وهكي
كانت رتاج مقعمزة في طاولة جنب الستيج واني واقفة جنبها...اول ماقربو جنب الستيج وقفت رتاج وحطت الوشاح ع كتافها وعيونها ماحولتهمش من علي عبسي بطريقة ملفته هلبا واني بروحي ركزت عليها
صفاء : مطلب ساويلي الطرحة من تالي 👰
مطلب عيونه فيا ماحولهمش بكل لين تلكمست 😶
صفاء : مطلللب
مطلب قعد يساويلها : باهي هي
قعدو يصورو ويهدرزو....عبسي متحشم وعيونه لوطه
اني من طاولتي : عبسيييي 🖐🏻
عبسي شبحلي
اني : طرف طااالع
مطلب يشبحلي ومبتسم وبينه وبين نفسه "والله ماطرف الا انتي❤"
لما ناديت عبسي كانت رتاج جنبي ولما شبحلي جت عينه عليها لقاها تشبحله ومبتسمة حول عيونه لجيهة تانية وطول ماهما واقفين ويصورو هو يهرب في عيونه ليها ويلقا فيها تشبحله
°
•
°
•
°
مسرة : اسمعي ماما
ايناس : ها
مسرة : ترا قولي شن شفت 😯
ايناس : شنو 😮
مسرة كيف بتتكلم وبعدين خطر عليها طبع امها وكرهها ليا وتراجعت
ايناس : ادوي خييييرك
مسرة : شي شي 😁
ايناس : ادوييي خيرك
مسرة مشت : مناااسك تبكي
°
•
°
•
°
☀️⛅
احمد : صباح الخير
علا ومريم : صباح النور
احمد : هاك علا افطري وحطي لمريم
مريم : لالا بنرجع نحس في روحي😷
خشو فريال وعمي : السلام عليكم صباح الخير
ردو السلام
فريال : كيف حالك توا يامريم
مريم : كويسة احسن😩
ع عبدالله : امتى يطلعوها
احمد : مزال ماقالوش
فريال شبحت لعلا : بتمشي ولا شنو
علا : لبنازي ؟؟
فريال : اي الحمام غدوا ره
احمد : حمام منو ؟
علا : حمام سامية بنت عم ماما عرفتها
ع عبدالله : كان بتمشو توا ره مانبيش نطلع مغاريب والدنيا مظلمة اني
علا : باهي هي نروحو نوتو روحنا
فريال : ومريم من بيقعد معاها
احمد : جاية امها توا برو عادي
فريال : باهي هي بالسلامة مرومة
مريم : توصلو بالسلامة 😴
ع عبدالله : سلمك بنتي
🌒
وجت جميلة مرت عمي قعدت مع مريم للمغرب وبعدين خش احمد لقاها راقدة ع الصالون وواضح عليها التعب
°
•
°
•
°
مقعمزة ع سريري ونتفرج ع صور سراج وع دردشاتنا وهدرزتنا وقلبي يتقطع بالطرف💔
شوية وطقت مسرة ع الباب وفتحت : نخش !!
اني شبحتلها : شني
مسرة خشت وسكرت الباب وقعمزت ع حاشية السرير واني نشبحلها وخلاص
مسرة : اني بنقولك ان ماكانش بقصدي نشوف اللي شفته...اني سمعت مناسك في دارك ولما خشيت لقيت شنطك ملوحة وهكي جيت بنلمها بس 🙁
اني :عادي حصل خير
مسرة : به نسألك سؤال ؟
اني عيوني زغللو وخنقتني العبرة : تؤتؤ ياريت ماتسألينيش شي 😢
مسرة : براحتك لكن لو دايرا في راسك اني حنمشي ندوي بيك ولا نعاود حتى لماما نقولك ان مفيش شي من يلي في بالك ماتخافيش ☹
اني غصرتني العبرة لين شفايفي يرعشو : اني مش خايفة وهدا شي رايده ربي عادي.....ولاشعوريا نزلو دموعي...نزلت راسي وحطيت ايدي ع وجهي وقعدت نبكي
مسرة غصرتها العبرة وبعدين قعدت تبكي حتى هي
قعدنا فترة نبكو الزوز وبعدين قمت عيوني شبحتلها وهي شبحتلي
اني : به اني نبكي لان واجعتني روحي.....انتي شن يبكي فيك 🙁
مسرة : نبكي علي خاطرك😢
اني ضحكت وعيوني دموع :هههه من امتى الحنية 😢
قعدت تشبحلي ونشبحلها وبعدين نفلتنا بالضحك احني التنين
ترررن ترررن 📱
مسحت دموعي وشفت لقيته احمد
اني : الو
احمد : اهلين لونا
اني : هلا احمد شن جوك وشن جو مريم
احمد : والله ياليال اهو مريم في المستشفى
اني : خيرهااا😯
احمد : تعبت شوية
اني : ياروووحي💔
احمد : اسمعي لونا توا هي معاها امها وحسيتها تنعس وتعبانه تقدري تجي الليلة تباتي معاها انتي
اني : اي عادي لكن من بيرفعني غادي
احمد : تو يمشيلك مراد
وجاني مراد رفعني وروح بأمه وكانت مريم دايخة وحالتها حالة من الحمل وقعدت مقعمزة اني واحمد ونهدرزو وشوية شرين تلفون احمد
احمد : الو
سراج : ايوا شنج
احمد : ماشيا
سراج : تي وين العيلة جيت مالقيت حد 😶
احمد : مشو لبنغازي عندهم عرس
سراج : انت رافعهم
احمد : لالا بوك رفعهم
سراج : تي باهي انت ومرتك وين نتلفتو الزح جعان للنم😑
احمد : والله الا في المستشفى تعبت شوية دارولها دخول
سراج : بالله عليك😮
احمد : اي
سراج : غادي انت معاها
احمد : اي
سراج : اما مستشفى ؟
احمد : مستشفى###
سراج : به تو نجيب عشي ونقعمزو نتعشو غادي
احمد : جيب جيب والله حتى اني ميت بالجوع😁
طبعا نسمع ف احمد يتكلم لكن ماعرفتاش من اللي يكلم فيه وماسألتاش
اني : وجهها اصفر حالة ☹
احمد : اي ماتاكلش بكل
مريم : عينك ناكل 😷
°
•
°
•
°
ام رتاج : رتاج شووفي كيكتك في الكوشة راك تحرقيهالنا
رتاج تفتح في الكوشة : احححح تي باااهي نعرف ياماما....ايدي نحرقت الهم الحرف😖
اخت رتاج : رتاااج فونك
رتاج في ايديها الطاجين وحاصلة في روحها: تي باااهي😡
حطت الطاجين ومشت للدار خدت فونها
ترررررن ترررن 📱
شافت الرقم لقاته رقم عبسي
رتاج :😨😨
🌷يتبع🌷
.
.
#_timOo_💜
