مساء الخيراات
الكاتبة timar 💕
وعدتكم ووفيت بوعدي 😊 وكل مايزيد التفاعل نسرع ف تنزيل الرواية...
_________________________________________
#__وتين__🍃
🌷الحلقة 6🌷
مسرة : ااخ كان نشد عليها غلطة ونخلي بابا يبطلها 😌
اني مشيت جنب الباب وقلت السلام عليكم بصوت عالي
ايناس: ادكر القط يجيك ينط
مسرة:😑
اني خشيت لداري طول وسكرت الباب وماجيتش جيهتهم وقعمزت علي سريري : معقولة بيدمرولي مستقبلي هي وبنتها 😮 لكن والله لمانخش للتخصص اللي نبيه يحبو ولا يكرهو😏
•
°
•
°
•
°
🌘
سراج: الو
اقدار: واخيرا عبرتنا
سراج: توا كيف فضيت
اقدار: اها
سراج: اي شن جوك
اقدار: باهيا شن جوك انت
سراج: كويس اني
اقدار: استاحشتك❤
سراج:_____
اقدار: الو
سراج: اي معاك معاك 😞
اقدار: في الخدمة انت
سراج: اي
اقدار: ماسك اليوم
سراج: اي غدوا مروح
اقدار: جيت اليوم لحوشكم
سراج: والله
اقدار: اي كلمتني رنا قتلي ندى بتجي تعالي
سراج: اها...ماطلعتش النتيجة؟؟
اقدار: اي قعدتلي مادة تعرف
سراج: باهي مادة مش هلبا تو تصفيها
اقدار : انشالله
_____________⚘
علا: الو حبيبي💓
سامي: عيوني😚
علا: ههه شن جوك
سامي: مستاحشك❤
علا: مسرع ههههه
سامي: شن بندير استاحشتك حبي😍امتا بناخد وتولي ليا امتا
علا: ممكن تفكر تسيبني سامي
سامي: بجديات تدوي😑
علا: اي جاوبني
سامي: يامجنونة لو يقطعوني طرف طرف مانفكرش حتى التفكير اني نتخلى عليك 💓
علا: ربي يحفظك ليا ياأحلى حاجة صارت في حياتي
سامي: ويحفظك ليا ياعمري ياروحي ياقلبي
علا:هههههه 😘
________________⚘
مؤيد: انتي تكلمي فيا براس خشمك يامسرة وتتعاملي بمزاجك
مسرة: اي ديما اني غالطة واني ماننفعش 😒
مؤيد: اي انتي ماتنفعيش وشايفة روحك ومزاجية ونحبك❤
مسرة: اي واضح
مؤيد: والله نحبك يامسرة ونموت فيك
مسرة: زعلانة منك اني 😑
مؤيد: به كيف ندير بش ترضي
مسرة: مانعرفش شوف روحك
مؤيد: علاش هكي اديري
مسرة:_____
مؤيد: به شن رايك غدوا عازمك ع الفطور
مسرة:هه فطور يرضيني😏
مؤيد: به حبي شن ندير بش ترضي 💔
مسرة: به خلاص وين بتعزمني غدوا😌
مؤيد: وين ماتبي
مسرة: ارفعني علي ذوقك
مؤيد:نحبك
مسرة😑:واني نموت فيك
______________⚘
احمد :علاش ياعمري
لمياء:ماما كل يوم تقولي امتا بيجي يخطبك 😐
احمد: لموشتي سكري شوية في حد خش ع الخط
لميا سكرت
احمد: الو
نور: خيره تلفونك انتظار
احمد: كنت نكلم في خوي حبيبتي
نور: اها به استاحشتك اني
احمد : حتنى اني استاحشتك لكن تعبان نبي نرقد غدوا نهدرزو تمام
نور: تمام
احمد سكر واتصل بلمياء
لمياء: من اتصل بيك
احمد: خوي
لمياء:اها وخوك يتصل الساعة1 في الليل
احمد: نكدب عليك😡
______________⚘
داليا: امتى وصلت لابريطانيا
عمر: اليوم
داليا: وعلاش ماقلتليش جيت استقبلتك
عمر: مانبيش نشغلك..
داليا: كلهم مستاحشينك
عمر غمزلها : منهم اللي استاحشوني
داليا تحشمت : ااا كككلهم الموظفين وهكي
عمر: ههههه وحتى اني مستاحشهم💓 بدون استثناء😉
داليا ابتسمت
___________⚘
ترررن ترررن📱
اني : مني اللي يتصل في هالوقت؛ ورديت : الو....الووو
مروان: مساء الخير...اسف ع الازعاج
اني نصمتت معاش قدرت نرد
مروان: مش ضروري تردي مش ضروري تقولي شي اسمعيني بس وبعدين سكري....مش حنقولك استاحشتك لانك عارفاته الشي هدا....مش حنقولك وينك وخيرك معاش تسألي اني تعبت من العتب واللوم وياريت كله جاب نتيجة لكن بنقولك اني حبيتك ومازلت نحبك وحنحبك لين يفنى الحب وتفنا الدنيا كلها تصبحي علي خير
اني: اا ممروان ماتسكرش
مروان: تفضلي
اني: وين الفترة هده كلها
مروان: هه هامك يعني
اني: والله نشغلت عليك واتصلت بيك هلبا وانت مارديتش
مروان: كنت مسافر
اني: اها الحمدلله ع السلامة
مروان: الله يسلمك
اني: امتى روحت
مروان:ليا اسبوع
________________ ⚘
جي صبح جديد مليان تفاؤل وامل رغم كل المقاسي والتعب لكن ريحة الصبح وصوت العصافير وضي الشمس ينسي الهموم كلها...🏜
فتحت الروش واستنشقت ريحة الشجر وابتسمت : اصبحنا واصبح الملك لله
ايناس: ياليااال ياليااال
اني: اااخ 😒...نععععم
ايناس: انزلي ديري الفطور
مسرة لابسة ومتكمة روحها: بابا طالعة اني
بابا: وين علي خير
ايناس: صاحبتها عازمتهم ع الفطور
بابا: ومن رافعك
مسرة: بسيارة ماما بنمشي
بابا: لالا ماتطلعيش بيها من غير رخصة تو نوصلك
مسرة : لما نقوللكم ديرولي الرخصة فايتيني توا بنمشي بروحي واللي بيصير يصير
بابا: وضع البلاد مايطمنش وانتي بنت وطالعة بلا رخصة تو نرفعك اني هي كلمة
مسرة اشرت لامها 😓
ايناس غمزتلها: ياعلي خليها زي البنات تبي اطنش عليهم بسيارتها وهم كلهم بسياراتهم
بابا:ياودي الدنيا بدت تخوف
ايناس : لاتخوف لا سو مايصير الا الخير اهو حوشها البنت خطوة
بابا هز راسه وسكت
اني: صباح الخير
بابا: صباح النور بنتي
ايناس: صباح النور هي تعالي وتي الفطور بش بعدين بنكتو الحوش رمضان ع الابواب
اني: به😑
•
°
•
°
•
°
تسنيم: الو توجا صباح الورد
رتاج: اهلين حبي صباح الخيرات❤
تسنيم: صايرلكم غدوا منه موضوع الفروسية
رتاج: اني صايرلي لكن لولو مش عارفة
تسنيم: باهي به سكري خلي نكلمها نسألها
رتاج: وردي عليا
تسنيم: تمام
واتصلت بيا
تسنيم: صباااحو ياحلو
اني: صباح الورد تسو شن جوك
تسنيم: تمام شن جوك انتي ليك وحشة
اني: ليك اكتر والله
تسنيم: صايرلك غدوا من موضوع الفروسية
اني: اممم تو نسأل بابا ونرد عليك هي
تسنيم: نستنى فيك
سكرت
~~~
اني : بابا غدوا بنمشي للفروسية مع صاحباتي
ايناس: لالا عاد رمضان الخميس غدوا بنقرضو الخضرا😏
اني: نمشي بابا؟؟
بابا: بنتي مادم غدوا مش فاضيين اجليها
اني: خلاص الخضرا نقرضوها يوم تاني ولا قرضيها انتي ومسرة
ايناس: مسرة مسرة كبدها طابت مسرة تلاته ايام وانتي برا وهي اللي اضم
اني: اهو هي توا ماشيا تهيج مع صاحباتها واني بنكت الحوش كله وماقلت شي
ايناس: اهو اني معاك مش بضميه بروحك الحوش
اني: اي بتوقفي شويه وبعدين بتقوليلي تعبت وحامل ومش عارف شنو 😒
بابا: لونا ياسر
اني: به نمشي ولا شنو 😞
بابا: بري لكن تروحي قبل المغرب بش تقرضي معاهم
اني: به
ايناس: خبطت الكاشيك ع الصفرة وناضت
بابا تنهد
ايناس ركبت لدارها : علييي ياعلييي
بابا: اهو جاي؛وناض
ااني: الو تسو
تسنيم: شن صار معاك لولو
اني: اي صايرلي انشالله
تسنيم: تمام نتلاقو
سكرت وقعدت نضم في الصفرة
~~~
ايناس: كيف اني نقول لا وانت تكسرلي كلمتي شن اني عيلة قدامك ولا رجل كرسي اهني
بابا: انتي قتيلها نبيك تقرضي معاي اني قتلها بعد ماتروح ادير اللي طلبتيه كلامي مافيشي عيب
ايناس: خليني منه التقريض انت كيف تكسرلي كلمتي لعلمك بالطرقة هده تزيد في الحساسية وتخلي في بنتك تكرهني
بابا: لا بالعكس اني نحاول نصلح في العلاقات ونرضي في الجميع وانتو شي ماتفهموش
ايناس: اني كلمتي ماتكسرهاش هي ليها 3 ايام مبرطعة عند امها طلوع وادهوير ومسرة ياناري اضم واطيب وتغسل ومن فم ساكت
بابا: امس ماطلعتش مسرة مع بنت اختك واليوم اهو تدهور توا جت علي لونا
ايناس: تو شن يصير يعني ..؟؟
بابا: خلاص قلنالك تروح اديرلك اللي تبيه
ايناس: لا ماتمشيش عندنا الف حاجة غير الخضرا غدوا
بابا : باهي به.....يالوناا
اني: ايواا
بابا نزلي: بنتي فتويها الفروسية غدوا ويوم الموسم اني نرفعكم انتي ومسرة وجيبيهم حتى صاحباتك
اني: تو انت قتلي باهي خليتني نتصل بالبنت ونقوللها صارلي في الاخير ترخي بيا
بابا على صوته: وكان قتيلها لا شن بيصير😡
اني: به علاش نبي نفهم
بابا: لا وخلاص 😠 انتهي الموضوع
اني غصرتني العبرة😢وركبت لداري
بكيت بكيت من قلبي😭 مش لاني مامشيتش ولا لان اعطيت كلمة للبنات لا بكيت لان حسيت روحي زي اليتيمة 💔لامن يحن عليا ولا من ياخد بخاطري واللي يوجع ان بنتها تطلع وتدهور وعايشة حياتها واني كل مابنطلع هكي اديرلي وهده مش اول مرة
•
°
•
°
•
°
احمد: ديرنا 2كبدة يا ابراهيم
نادر: وانت ماتبيش تاكل
احمد :قتله يدير اتنين
نادر : ااه نحسابهم ليا الاتنين😂
احمد: سم وانت ماتعياش من الماكلة😂
ترررن📱
نادر:الو
اني: ايوا نادر وين انت😭
نادر بخلعة: خيييرك😨
اني نبكي: مش مفكر تروح
نادر: لا مش مروح خيرك تبكي
اني: قداش بتقعد انشالله
نادر: مانيش مروح يالونا ادوي خيرك
اني: اني عييت منها هالمخلوقة هده 😢كرهتني عيشتي تعالى يانادر بالله عليك
نادر: غر فهميني شن في
اني: تعالى قبل
نادر تنهد : اففف اني جاي
وخدي مفاتيح سيارته ومشي
احمد: تي غر فهمني ياراجل
نادر: مدارة راسها من راس لونا هالشيطان هده
احمد: ياراجل خوات في بعضهم خليهم
نادر: ياريت هي ومسرة كان هدا والله ماندخل لكن هي ايناس بطوبتها الزح
احمد: لاحول ولا قوة الا بالله
نادر : هي ماشي
احمد: سلام
•
°
•
°
•
°
ماما: اي روحت بيها امبكري
خالتي ليلى: شن جوها مستاحشتها المعفنة
صفاء: كلنا مستاحشينها
ماما: تو كان جت الجمعة الجاية تعالو باتو
خالتي ليلى: انشالله
شهد: خالتي ونبي عطيني رقمها نبي نقوللها تخليلي كتاباتها متع تالته تانوي للسنه الجاية
ماما: سجلي هي
خالتي ليلى: شني الشغالة ماشيا امورها
ماما: لا كويسة مشالله عليها مش زي الاولة
خالتي ليلى: به كويس
•
°
•
°
•
°
مسرة: شنو هده
مؤيد: افتحيها
مسرة: محلاااه😍
مؤيد: عجبك ❤
مسرة: حلو حلو شكرا 💓ياعمري
مؤيد: علي رقبتك حيطلع احلى الف مرة❤
مسرة: سكراته..لكن حبيبي نبي نطلب منك طلب
مؤيد: انتي تأمري
مسرة: نبي فلوس ضروري
مؤيد: قداش تبي
مسرة: ديما نقولك مانحباش السؤال هدا
مؤيد: به قصدي في حدود كم 100 كويس ولا نزيدك
مسرة: اي كويس
•
°
•
°
•
°
نادر فتح الباب بالمفتاح وخش وبابا مقعمز في الجنان ماكلماش بكل خش يسمع في صوتي نتعارك مع ايناس
اني: لما تجي مسرة تو نضم اني وياها
ايناس : لما كنتي تهيجي عند امك مسرة اللي كانت اضم وتنضف
اني: اني قعدت السبت وروحت الاحد الظهر وهي امس برا تشري في حوايج واليوم عندها فطور شن هو اللي ضماته وشن كل ماتنوضي تقوليلي تهيجي....
ايناس قطعت علي دوتي: شن الاسلوب اللي تدوي بيه معاي احترمي نفسك وتكلمي كويس وبري ضمي بكرامتك خير مانخليك اضمي بعد مابوك يمسح بيك الاض
خش نادر قارن حواجبه وماتلفتلهاش بكل : خيرك تبكي
ايناس: يانادر ماقتلها شي قتلها ضمي معاي
نادر قص علي كلامها ودارلها بيده✋:مادويتش معاك
ايناس: وخيرك تدوي هكي انت
نادر: اركبي لدارك لونا
اني وجهت صبعي عليها👈: فهمها اني مش حنضم لين بنتها تجي معاي ؛ وركبت
نادر: خيرك انتي
ايناس: شني انت واختك بتشروها معاي ولا كيف اسمع هي كلمة...
نادر قص عليها وبصوت عالي: لاكلللمة لا اتنين لوناااا خط احمر خط احممممر 😠 واللي يوصل فيها ناكله ماكلة حطيها في راسك اهيا
بابا: خيرك تعيط خيرك تبي اديرنا العار انت
نادر: هي ماتسمعش في صوتها اني بس تسمع فيا
بابا: سكر فمك وكلمني باهي
نادر ركب من غير مايتكلم
اني : خش
نادر: علاش اتصلتي بيا شن في
اني : اتفقت اني ورتاج بنمشي للفروسية.......وحكيتله القصة
نادر : نوضي وتي روحك نرفعك
اني: لالا فوتها وخلاص
نادر: تي نوضي
اني: يانادر مانبيش اندير راسي من راس بابا انت تتعارك معاه تطلع من الحوش لكن اني وجهي في وجههم
نادر: به تو ننزل نكلمه بوك
اني: تصالحتو؟؟
نادر: تؤتؤ
اني: تي خلاص فيها خيرة تو نمشي مرة تانية لكن والله ماني ضامة لين بنتها تجي اضم معاي
نادر: به تبي حاجة
اني نتكلم وغاصرتني العبرة 😢: به حتى اليوم بتبات برا
نادر: اي لان كان قعدت بننصبها معاه
اني: به رد بالك علي روحك وماتحكيش لماما ع اللي صار
نادر: تمام ؛ ومدلي عشرين جنيه: هاك بالك تنقصك حاجة
اني ابتسمت: صحييت
نادر: باي
اني: باي💔
~~
احمد اتصل بنادر
نادر يسوق : الو
احمد: ايوا شن صار انشالله خير
نادر: جابولي البغضض
احمد: غر صلي ع النبي😂
نادر: تمهتك عليا ماهو ناقصك
احمد : كنت نبي نهدرزلك موضوع مشيت زي الخرا
نادر: موضوع شنو
احمد: ولي للقهوة كانك قريب
نادر: به وتي الكبدة😂
احمد: واتية هي تعالى
نادر: به موضوع يخص شنو
احمد : يخص.....
🌷يتبع🌷
#____timØø____💝
