#__وتين__🍃
🌷الحلقة 91🌷
رتاج قعدت في موقف معاش عرفت تنزل ولا تقعد طلعت تلفونها وقعدت تلهي في روحها بالتلفون وعبسي يشبحلها في المراية وبعدين لف وشبحلها : شني مزال عرسك امالا ؟
رتاج قامت عيونها شبحتله و رجعت عيونها للتلفون : اي مزال
.....
ماما : تي وينها مرت عمك
اني : لا مرت عمي لاشي اصلا ماتصل بيا حد
ماما : شني😶
اني : اا اني درت هكي بلعاني 😳
ماما : علاش
واقفة اني وماما قدام باب الصالة وسراج يشبحلنا من بعيد ولما حسنا عطلنا قدام الباب جانا
سراج : هي ياعيلة واقفين في الشارع ره
اني تلفتتله : اهو بنمشو
سراج شبحلي وعلقو عيونه في عيوني وطلعت من وجه ابتسامة لا ارادية ❤
ماما دفتني من كتفي : اقلبي وجهك للسيارة 😡
سراج : غر هدي اعصابك يانجلاء 😂
ماما : كان تمشي انت اعصابي يهدو 😒
سراج : تي انتي اللي امشي واقفتلي في الشارع مش اني 😒....وانتي دخلي امه شعرك اللي كله يبان 😡
نجلاء : بتربيها انت توا علي اساس 😒
اني قعدت نساوي في شعري : تي هي ياماما عبسي يراجي
كيف عطيناه بالظهر وبنمشو
سراج : العقبا لبنتك 😜
ماما تغلي من داخل و ماتلفتتلاش بكل
.......
قعدت رتاج حاطة عيونها في تلفونها ومابتش تشبحله وهو متلفت ويتفرج عليها...وبعدين زاد تلفتلها وقعد ساكت ويشبحلها وهي زادت توترت...
عبسي : طلعتي جبانة...كانت فكرتي عليك غير 😏
رتاج قامت عيونها وشبحتله : علاش كيف كانت فكرتك وشن غيرها
عبسي : نحسابك جريئة و...وماتهربيش من مشاعرك
رتاج : ع فكرة احني بعاد كل البعد وبالمنطق مفروض ماتدويش معاي في مواضيع زي هده لان مافيش اي صلة تربطنا ببعض 😊
عبسي : شفتي....قتلك جبانة
رتاج : لا مش جبن لكن هده اسمها خيانة....ل خطيبي😏
عبسي هز راسه بمعنى باهي وبعدين شبحلها : اني مانعرفش نجامل ومن قلبي انشالله ماتكونيش نصيبه 💔
رتاج جمد الدم في عروقها وتوترت وقعدت تشبحله وخلاص وهو ماحولش عيونه من عليها لين جينا احني تلفت ودار روحه مؤدب 😂
.....
تن تن 💌
_____________________________________
سراج : اكتشفت ان امك عندها حق لو كنتي بنتي مايهونش عليا نعطيك ❤
_____________________________________
اني : خلاص برا انصحها 😂
_____________________________________
سراج : بالله عليك 😒
_____________________________________
اني : انت هكي قلت 😜
_____________________________________
سراج : نقولك حاجة
_____________________________________
اني : اي
_____________________________________
سراج : طالعة حلوا ❤
_____________________________________
اني : ههههه عيونك الحلوات ❤
_____________________________________
سراج : بجديات مش مجاملة طالعة تجنني واني نحس في روحي على وشك الجنون ههههه
_____________________________________
اني : ههههه دوري اني بنقولك حاجة 🙈
_____________________________________
سراج : شني
_____________________________________
اني : نحبك....ونحب اسلوبك ونحب كل شي فيك 💓
_____________________________________
سراج : واني نموت في حبك ❤...وخلاص بري لان مقعمز جنب الولاد وكلامك يبيله وقت خاص ومكان خاص و جو خاص😜
_____________________________________
اني : هههههه باي
_____________________________________
سراج : دخلي شعرك حبيبي بالله عليك
_____________________________________
اني : دخلته😑
_____________________________________
....
عبسي : مني اللي تلفونها يتنتن من بكري
اني : تلفوني 😁
عبسي: مني صاحب النصيب
اني : خزي صاحبتي حسبي الله ونعم الوكيل😶
عبسي شبحلي ف المراية وغمزلي : غر صفي النية😉
اني : سوق سوق 😒
رتاج بالشوية : صاحبتك صار 😏😂
°
•
°
•
°
•
ميرا مقعمزة قدام الزيانة : مرااد ساعدني ماعرفتش نحولها شعري علق😓
مراد جي وراها وطبس عليها : تي خيرك حاصلة في روحك 😂
ميرا : تتسهوك انت 😶
مراد : غر حولي ايدك تو نحولهالك
ميرا : زعما شن صار مع مريم
مراد : مش عارف
ميرا : كلمهم شوف شن صار
مراد : اي تو نتصل بأحمد الصبح
ميرا : الصبح ؟😶
مراد ضحك وقرب منها : تي فوتيهم توا
ميرا : لالا عيب كلمهم خلي نطمنو
مراد زاد قرب وباسها في خشمها : توا مش وقته حبيبي....😉توا خلينا ا...
ميرا قصت ع كلامه وخدت التلفون مدتهوله : اتصل توا هيا
°
•
°
•
°
•
☀️⛅
جميلة : خيرهم ماتصلوش طمنونا لتوا
سراج يسوق : اهو وصلنا خلاص
فريال : زعما ماجابتش لتوا ؟
جميلة : مش عارفة 😶
ترررن ترررن 📱
فريال : الو
رنا : ايوا ماما جيتو
فريال : قريب نوصلو
رنا : بنقولك جابت بنوته تشبهلك😂
فريال : روروروري
سراج : طرشتيني النم طرشتيني 😑
جميلة : جابت 😀
فريال : اي جابت بنية
سراج : باهي يام نقصي صوتك السيارة اللي جتبك معبية ولاد درتولي العار
جميلة : شني ماقالت شي عيب
سراج : دورو من يروح بيكم ره....هما يجيبو المفرخ واني نعاني 😑
فريال : العقبا ليك حتى انت ياحنة 😂
سراج تنهد وتلفت للجيهة التانية من غير مايرد
~~
~~
~~
سراج : مبروك مبروك
احمد : الله يبارك فيك
سراج : ليبيا كلها سمعت انك جبت من امك وزغاريطها 😑
احمد قعد يضحك
رنا شادة البيبي : شوفو يخيييتي عثل 😇
احمد : اعطيني ترا
رنا : رد بالك شدها من ضهرها
احمد خدها وقعد يشبحلها ومبتسم💕 وسراج يشبحلها
رنا : سراج شكلك خاطرك تشدها 😂
سراج ضحك : لالا فكيني تو نرزيه فيها 😂
احمد يضحك
سراج : والله الا حق شكلها زي امك 😂
احمد : اي 😂
رنا : مزال تتغير
سراج : شني مش عاجباتك فريال 😏
رنا : عينك 😂 لكن قصدي البيبي يتغير
تررررن ترررن 📱
رنا : الو اهلا لونا شن الجو
اني : اهلين رنا....شن صار
رنا : جابت بنوتة
اني :الله 😍.... تفو ياحيوانة مش قتلك كلميني اول ماتطلع
رنا تضحك : تي قداش بنكلم واحد
اني : باهي حمدالله ع سلامتها شني البنوته حلوا 🙈
رنا : ههههه اي تهبل❤....وشبحت لسراج وضحكت : العقبا ليك انشالله 😜
سراج ابتسم من غير مايشوف لرنا
اني ضحكت : انشالله
°
•
°
•
°
•
ماما : والله امس اخت العروسة ماقدرت نحول عيوني من عليها تبارك الرحمن ❤
عبسي : به شن دخلي 😒
اني : مهزبة 😂😂
ماما : 😒
اني : اصلا هي مخطوبة وعرسها قريب قتلي مريم
ماما : في الف غيرها غر يقول باهي هو 😒
اني : حقا صورت في تلفونك في العرس ترا نشوفهم
ماما مدتلي تلفونها....فتحت قعدت نتفرج ع الصور وبعدين لقيت صورة رتاج اللي شفتها في تلفون عبسي...
" اه يهني عبسي واخد الصورة من تلفون ماما🤔..."
ماما مشت للمطبخ و ناض عبسي بدل ووقف ع المراية يدير في شعره وخدي مفاتيحه وكيف بيطلع واني طالعة م المربوعة تلاقينا ف السقيفة
اني : طالع😁
عبسي : حاجة زي هكي 😁
وتلفت بيطلع
اني : عبسي
تلفتلي
اني : لحق عليها قبل ماتتجوز وتقعد نادم 🙁
عبسي قعد يشبحلي شوية وبعدين لف وطلع وسكر الباب...
.....
ترررن ترررن 📱
اني : كيييف بنتصل اتصلت انت
سراج : اممم قصدك القلوب عند بعضها وجو😂
اني : مش مصدق😒
سراج : هههه مصدق مصدق
اني : مبروك عليكم المزيودة ❤
سراج ضحك : مبروك علي امها وبوها شن دخلي اني
اني : مش بنت خوك 😶
سراج : باهي ياودي الله يبارك فيك.....نشوفوها عندك انشالله 😜❤
اني قعدت ساكتة
سراج : اللي عند ربي مش بعيد
اني : اي صح....انشالله يارب نشوفوها عندنا ❤
سراج ضحك : انشالله ياقلبي 💕
°
•
°
•
°
•
🌒
احمد : شن حالك توا
مريم : كويسة الحمد لله
احمد : كليتي حاجة ياعمري ❤
مريم ضحكت : اسس تو يسمعوك عيب
احمد ضحك : خلي يسمعو
مريم : شفتها البنية 🙂
احمد : اي شفتها💕
فريال خشتلهم : قالت الدكتورة غدوا يديرولك خروج
احمد : مشالله ع السريع😂
فريال : ماهو جابت طبيعي تطلع بسرعة
احمد تحشم من جميلة طلع وخلاهم ومريم تضحك عليه
....
ميرا : السلام عليكم
الكل ردو السلام
فريال : اهلين ياعروسة نورتينا
ميرا : النور نورك عمتي فريال
جميلة قعمزي بنتي
مريم : جي مراد ؟
ميرا : اي واقف مع راجلك....ترا نشوفها البيبي 🙈
جميلة مدتهالها
مراد : السلام عليكم...وشبح لمريم حمد الله ع السلامه
مريم ابتسمتله : الله يسلمك 💛
ميرا : ي حلييييلها تهبل شوف مراد 🙈💓
مراد : ترا مديهالي
ميرا : هاك شد بالشوية
مراد : مشالله دبة 😂
احمد : قول مشالله قول 😶
مراد : قلت النم وانت زي العزايز
°
•
°
• 🌸
°
•
°
#بعد_مرور_3_أشهر 🍃
☀️⛅
ماما : لالا هده حطيها اهني احلا
خ ليلى : اهني هكي
ماما : اي هده عمتك ليال تأمر ديرو هكي وحطو هكي وماعاجبها شي 😑
خ ليلى : عاد جيل توا بكل...وحشيشتهم الموضة
ماما : هي نستفو الحلوات بش بعدين مانقعدوش متوترين ونجرو
خالتي : اسمعي هما قداش نفر عيلته
ماما : قالت بتجي امه وخواته التلاته وخالاته الزوز وطبعا عماتها سعاد وخيرية
خ ليلى : باهي مش هلبا
ماما : اي احسن
رتاج: هدا المترد نحط فيه خويلة
ماما : اي رتوجة الحلوات اهني والمالح حطيه اهني
طقطق 🚪✊
ماما فتحت لقت مسرة واقفة
مسرة : مساء الخير 🙂
ماما مافيش اي ردت فعل ف ملامحها : تفضلي
مسرة ابتسمت : يزيد فضلك...قلت خلي نجي بكري بالك نساعدكم في حاجة
ماما : اها....لا عادي احني مكملين كل شي
رتاج : اهلين مسرة
مسرة : هلا رتاج شن الاخبار 😊
~~
~~
~~
رنا : لالا قتلك شعري ماديريهوليش هكي اني 😡
المزينة : يامدام هده تالت مرة نغيرهولك ماعرفتكش كيف تبيه
علا : اا معليشي سايرها تتوحم موليا اعصاب فوق اللزوم😅....رنا خلاص درهتيلها كبدها😒
رنا : مش اني اعصاب هي ماتفهمش ليا ساعة نشرحلها كيف اديرهولي
علا : الصبر ياربي....قصدي عندها زباين المرا ره مش علي حسابنا وخوك سراج من بكري يقول هيا 😑
~~~
هداية : نمشي معاكم خالو 🙈
سراج ضحك : ماهو زحمة ياهدو
هداية : اها به
سراج : ههههه باهي بري وتي روحك والله مانقدر نزعلك
هداية : لالا عادي مش زعلانة 😊
سراج : بري بري وتي روحك عادي
هداية : حقاا😀
محمد طرم شواربه : واني😡
سراج جبده قعمزه ف حجره : شني انت ولد😶
محمد : خيرا انت ولد وبتمشي 😡
°
•
°
•
°
•
🌒
ماما : رتاج تمشي انتي مع نادر
رتاج : وين 😶
ماما : للمزين بيجيب ليال قتلي قولي لرتاج تجي معاه مش عارف شن تبيك
رتاج : اا باهي اهو تمشي مسرة 😳
مسرة تمكيج : لالا رتاج اني مش واتية لتوا تخايلي 😦
رتاج : باهي به تو نمشي
ماما : امالا هي اطلعي بسرعة بنيتي
.....
نادر متكي ع روشن السيارة : وين ماشي انت
عبسي مقعمز ف سيارته : والله الا عندي موضوع مع وليد ماشي بنشوفه
نادر : اها
عبسي : وانت امتى بتمشي تجيب اختك وقت
نادر : تي اهو ماشي نستنى ف صاحبتها الخرية معاش طلعت😑
عبسي : صاحبتها؟😶 من صاحبتها
نادر استغرب : شني ؟
رتاج طلعت م الباب لابسة عباية ولافة الوشاح وشعرها طالع من تالي ومن ققدام قصتها ع عيونها : وين سيارتك نادر
عبسي يشبحلها اول ماطلعت م الحوش ومازبطش ملامحها ويحاول يقنع روحه ان مش هي ولما قربت وتكلمت زبطها
نادر تلفت : اهي والعة اركبي تو نجي
رتاج مشت للسيارة وكانت سيارت نادر مدرسة ورا سيارة عبسي
عبسي فتح ونزل : قصدك بتمشي انت وياها بروحكم 😒
نادر : شن قصدك 😒
عبسي : قصدي من اهني للمزين بتركب معاك بروحها البنت عادي
نادر ضحك باستغراب : قصدي اول حاجة هده زي اختي وتاني حاجة يامسخ شني تشوف فيا رديف ولا بنخطفها ولا شني😒
عبسي تعصب: اقعد انت تو نمشي نجيبها اني ليال
نادر : اني عيب تركب معاي بنت برانية وانت شني
عبسي : اا اني...خلاص قنالك تو نمشي نجيبها اني وخلاص اقلب وجهك هي 😑
نادر : ساولتك بالله فسرلي كلامك الغبي
رتاج فتحت الباب ونزلت : نادر وقت ره...وف النزلة شبحت عبسي واقف هو ونادر لان اول ماطلعت ماركزتش عليه ف السيارة
نادر شبح لرتاج وشبح لعبسي وركز ع النضرات اللي صارت.....وطبعا هي اول ماجت عينها ف عينه ركبت السيارة طول
عبسي : هات المفاتيح تو نمشي اني
نادر يضحك : والعة السيارة....غر ماتغلطوش بس
عبسي متعصب : بلا تمهتيك زايد 😒
......
📞اني : وينكم لتوا
📞 رتاج : خوك الخرا موسع باله واقف يهدرز
📞 اني : قوليله هيا رتاج شحطوني ره
كانت رتاج متلفته للروشن وتتكلم وسمعت باب السيارة نفتح
📞 رتاج : اهو جي اهو جي هي مسافة الطريق ونكونو عندك
عبسي سكر الباب وشبحلها
رتاج تلفتت : ااا انت بتجيبها😶
عبسي يسوق: حاجة زي هكي
رتاج : مش ع اساس نادر ب....
عبسي قص ع كلامها : علي اساس نادر لكن ماصارش....شني معارضة ولا حاجة 😒
رتاج تشبح وساكتة ومصدومة ومتوترة وتخلطت عليها
عبسي يسوق بسرعة ويتكلم بغل : عادي هكي تركبي ف سيارة ومع اي حد
رتاج : ع فكرة اني ماركبتش معاك انت فرضت روحك فرض😡
عبسي : خليك مني اني...ونادر اللي بتركبي مع جد امه ف الليل 😡
رتاج : اولا نادر زي خوي وتانيا انت ماليكش علاقة ومش من حقك تقيمني
عبسي زاد قوا سرعت السيارة ووجها احمر وبينفجر من الاعصاب : ادوي باهي وماتخلينيش نفش جد ام غلي كله فيك😠
رتاج : تي انت منين ليك الحق بش تفش غلك فيا ومن قالك اصلا اني نبي نركب معاك انت....شن الوقاحة هده 😡....ارجع للحوش مانبيش نمشي معاك
عبسي يجري بالسيارة ومتعصب ويحاول يهدي ف روحه
رتاج بصوت عالي : قتلك ارجع تسمع فياااا
عبسي : نقصي صوتك😠
رتاج : مانيش منقصاته رجعني توااااا ترجعني خير مانتصل بنادر
عبسي لاد بالسيارة وخش لزنقة ووقفها بقوة وتلفتلها : بتتصلي بنادر
رتاج : اي بنتصل بنادر اللي حصلني فيك ومشي
عبسي : تقدري تحترمي نفسك وتنقصي صوتك بش مانبداش نخرط عليك 😠
رتاج : تعرف ياإما ترجع بيا للحوش ياإما خليني ننزل
عبسي : تنزلي😏
رتاج : ننزل ونص بالك تحسابني خايفة
عبسي : نعرفك مرا تنزلي 😒
رتاج فتحت الباب ونزلت وخلاته مفتوح
عبسي عيط ع قوت صوته : رتاااااج😠
رتاج ماشية ولا كأنه
نزل عبسي ولحقها : تعاااالي....نكلم فيييييك
رتاج سرعت مشيتها
عبسي زاد سرع مشيته لين وصلها وشدها من مرفقها بقوة وجبدها : تعاندي انتي ولا 😡
رتاج تفك ف ايدها : سيبني مريض انت 😡
عبسي زاد ضغط ع مرفقه بإيده وقرب منها وضاغط سنونه ع بعض ويتكلم بغل : بري اركبي للسيارة بش مانغلطش فيك😠
رتاج : انت مني بش تشدني بالطريقة هده....حووول
عبسي يشبحلها والغل ف عيونه وضاغط ع ايدها
رتاج تفك ف ايدها بقوة : حووول ايدي😣حوووول
عبسي جبدها ليه بقوة لين لصقها فيه ولف ايده التانية ع خصرها بغجرية وضاغط ع مرفقها بإيده التانية : وجعاتك ايدك ؟...اني واجعني قلبي 💔
رتاج متوترة وترجف مع بعضها: حح حول 😢
عبسي زاد لصقها فيه ولف ايده اكتر وايده التانية ارتخت من ع مرفقها ويشبح لعيونها : نبيك رتاج❤
رتاج جتها رعشة في قلبها وزادت توترت وتشبحله وخلاص
عبسي زاد قرب وجهه من وجهها : غيرتي نضرتي للدنيا...غيرتي فيا هلبااا رغم ان حتى المواقف اللي صارت بيننا معدودة لكن اترت فيا بجديات...لقيت روحي يوم علي يوم نتعلق بيك اكتر ❤...كيف صار هكي ماعرفتش
رتاج تشبح لعيونه ومستسلمه لنضراته🔥 وتحس في جسمها مش ليها ومش قادرة تتحكم في اي شي داخلها....دابت من كلامه وصوته الهادي وريحته....وخانقتها العبرة 💔....حولتله ايده من ع خصرها وفكت روحها منه ومشت ركبت ف السيارة من غير ماتقول ولا حرف
قعد واقف شوية ومتخدر بالكامل من ريحتها اللي قعدت وراها بعد مامشت ❤
~~
~~
~~
📞اني : قصدي مش معقولة هكي ره 😡
📞ماما : تي شني مزال ماوصلوكش 😶
📞اني : متشحطة الهم الحرف شيطتولي ريقي
📞ماما : تو نشوفهم هي
اني : كلميهم بش مانتصلش اني نهزبهم
رتاج خشت : اهو جينا وانتي تعيطي زي العانس
اني : مبردكم الهم 😑
رتاج : محلااااك يافرخة 😍...نحس فيه سراج بيحول البيان لدخول 😂😂
اني : مبردك😂
°
•
°
•
°
•
ترررن ترررن 📱
يارا: وصلتو
علا : اي وصلنا
يارا : وجت هي ولالا
علا : جت
يارا : شن لابسة قوليلي قوليلي😀
علا : تو بنقعد نشرحلك😑...تو نوريهالك ف الصور
يارا: باهي غر قوليلي قفطانها كيف
علا : لابسة قفطان طويل ماشي ع جسمها لونه رصاصي داكن وفي سبعة ع طول ضهره ومن قدام مسكر صدره وكمامه طوال ودايرا شعرها فلو وحاطة ميك آب ترابي واكسووارات بسيطة
يارا : شكله كله بسيط
علا : اي سمبل هلبا لكن طالعة حلوا الحق 💕
يارا : به صوريلي ونبي
علا : به
.....
طبعا كل شي ف التلبيسة كان سمبل واني هكي نبي....وحتى قفطاني ومكياجي هكي لان بنخلي الاوفر للعرس بش يكون في تغيير 💛
عششو خواته ان امه تلبسني لان مايبوشي هو يخش يشوفني بالعناد واني لاول مرة سكرت راسي معاهم وعاندن ان يخش
....
📞سراج : اسمعي م الاخير مايمشيش معاي جو نخش نلبسك وكدس نساوين واقفين يتفرجو ومنضرنا ابصر كيف ره
📞اني : متحشم🙈😂
📞سراج ضحك : تتسهوكي انتي
اني : من هما النساوين....قصدي العيلة هما وخلاتي بس
📞 سراج : لالا فكيني خلي تلبسك امي وخلاص
📞 اني : بجديات تدوي😡
📞 سراج : تي فكيني منه جو الشلافطية مقعمز مع كمشة نساوين ف دار وحدة ....حتى كان صالة ولا مكان كبير نقولو 😑
📞اني تعصبت : باهي تمام
📞سراج : به نخش للمربوعة نشوفك
📞اني : لالا مش ضروري تشوفني 😏
📞سراج : شن هيااا😡 كيف مش ضروري
📞اني : اي لو عندك ضروري كنت خشيت...وحتى خواتك مش حنصور في تلفوناتهم
📞سراج : شن الجو اللي اديري فيه 😒
📞اني : اني طلبت منك طلب ورديتني ولا....خلاص مانبيكش تشوفني هي باي
📞سراج هدى صوته: باهي نخش نلبسك لكن بروحنا
📞اني : لالا ماتخشش تو تلبسني امك عادي 😏
📞سراج : به نبي نشوفك اني
📞اني : لا 😌
سراج : تي باهي النم قتلك نخش ماتحرقيليش اعصابي 😡
اني : شني بروحنا من بيتفرج علينا الحيوط😡
سراج : تي هو عرض بهلواني بش يتفرجو 😑
اني : لالا عرض رومانسي 🤗
سراج : نخش لكن بروحنا 😑
اني : باهي ع الاقل رتاج بش تصورنا ماهو عندها كاميرا ماجبتش مصورة 😁
سراج تنهد : باهي به
اني : وماما وامك لازم 😶
سراج : وخلاتك وعماتك 😡
اني ضحكت : لالا مش ضروري هادو لكن مسرة مانقدرش نفوتها 🙈
سراج : ليااال😡
اني : باهي خلاص😶
......
بلسم : بيخش سراج 😒
ماما : اي بيلبسها هو 😌
فريال : ماهو كلماته رنا😏
رنا بعفوية: لا ماكلمتاش اني 😶
فريال وبلسم فنصو فيها
خ ليلى : لونا كلماته قتله خش 😏
مسرة : وهو مايرفضلهاش طلب
ماما شبحت لمسرة وضحكت
.....
وتولنا طاولة ف المربوعة وخشيت اني وياه وامه وماما ورتاج وبعدين خشت عمتي سعاد بالبارد ولحقتها مسرة وف اخر حلقة خشو كلهم😜😂
سراج قارن حواجبه: حسابك بعدين باهي
اني : شن درت
سراج : لا مادرتي شي
اني : هما خشو🙁
سراج ابتسم : غر خلينا ف العسل توا اجلي المشاكل بعدين
اني : علاش اصلا بديرلي مشاكل 🙁
سراج ضحك : قصدي مهبلتيني وبتزيدي تدلعي هلبا هكي ره ❤
اني ضحكت ونزلت راسي
قصينا التورته ودرنا المراسم اللازمة😊
مسرة : بياكلها بعيونه🙊
رتاج : اني تقشعرت من نضراته يابال هي 😂
....
سراج يشبحلي : تهبلي طالعة 🔥
اني نهرب ف عيوني من عيونه ومتحشمة ووجهي احمر
سراج : اااه كان نقدر ناخدك لاخر الدنيا 💕
اني ضحكت
خدالي ايدي اليسار وبيلبسني الدبلة
اني : اليمين حشمتنا 😂
سراج ضحك : قلت خلي نختصرو الطريق 😂
طبعا الكل قعدو يضحكو الا امه مطرمتهم😑
°
•
°
•
°
•
☀️⛅
بلسم : وينهم كناينك خيره مااطيبش وحدة منهم الغدي وهم لابدات في ديارهم وخلاص 😏
فريال : داليا طلعت الصبح عندها مراجعة ف العيادة ومريم قالت بتمشي لحوش ليال هه بتباركلها😑
وعلي نزلت مريم : السلام عليكم
بلسم عوحت فمها : وعليكم السلام 😏
فريال : مقنييينها نيتي عطيهالي عطيهالي😍
مريم مدت البنية لفريال
فريال : قنوشتي عسولتي حلاها حلاها
مريم : والله مارقدتني الليل كله تعيط
بلسم : والله بتجيبي الصغار تحملي 😏
مريم استغربت من ردها ابتسمت وخلاص
فريال : تقدري تحطي الغدي قبل ماتمشي غر اني رجيلاتي بنيتي
مريم : اا تت توا 😶...ماهو احمد قريب يوصلني
بلسم : علاش وين ماشيا انتي
مريم : لحوش عمي علي
بلسم : شني بتمشي تباركي لليال ؟
مريم : اي انشالله
بلسم : قصدي هي ماعزماتكش ع البيان بتمشيلها توا 😒
مريم: اي عادي بنباركلها شن فيها
بلسم : كويس كويس
مريم : هي ماعزمتنيش زيني زي باقي الكناين وعندها حق
بلسم : كاني ف مكانك مانمشي هما بنات العيلة كلهم غادي قعدتي غر انتي من بنات العمام قدرت تعزمك لكن هي مش حاسباتك وانتو كلكم دايريلها قيمة 😒
هداية : لكن ياماما هي كان عزمت مريم بيحرجو نساوين خالي عمر عندها حق
بلسم : سكري فمك انتي ماتدخليش ف مواضيع ماتخصكش 😡
مريم ضحكت : تبي الحق يابلسم هو الموضوع مايخص حد لو بتجي تشوفي😊....حاجة ترجعلي هده
مريم ضحكت بهزوة : لا عندك حق حاجة ترجعلك غر اني نفهم فيك كيف تحافضي علي كرامتك بس لكن مدام مش هاماتك عادي
مريم طارتلها : كيف مش هامتني شن قصدك 😒
بلسم : لا ماقصدي شي....واشرت بصبعها علي مريم 👈 بري ديري الغدي قبل ماتمشي زي ماقتلك امي
مريم : خيرك بلسم حسيته اتر فيك اني بنمشي لليال 😏
بلسم مابتش ترد
مريم : غريبة 😒
طبعا ف الحوار هدا كله فريال ماكانتلهاش اي ردة فعل رغم انها عارفة بنتها غالطة لكن لازم اطلعها الصح......مشت مريم اطيب ف الغدي ودمها محروق كملت وجاها احمد رفعها
......
ف السيارة 🚗
احمد : بنيتي 😀....سلمها اللي تضحك
مريم قالية وجهها وساكتة
احمد شبحلها : خيرك انتي
مريم ابتسمت وخلت روحها عادية : شي 😊
احمد : مطرمتيهم حسيتك
مريم : احساسك غلط 😶
احمد : لا احساسي مش غلط وتوا غر وصلتي لكن بعدين تو نهدرزو...اصلا حسيت في حاجة من بكري
مريم : كيف حسيت في حاجة
احمد : غر انزلي توا مدرس ف الطريق
~~
~~
~~
عمر : تمشي معاي لحوش جدك
ماريا : اي اي 😀
سندس طلعت من الدار لابسة ومتكمة: كلنا بنمشو عمي ليا مدة ماشفتاش
عمر استغرب : اها باهي هي
سندس : ولا عندك مانع 😏
عمر سمعها وطلع من غير مايرد
......
ف السيارة 🚗
سندس بدلع : عمر
عمر يسوق : شني
سندس : بنقولك موضوع 🙈
عمر : اللي هو
سندس : اا اني حامل 🙂
عمر شبحلها : كك كيف 😶
ماريا : بيزينا بيبي وبيزينا بيبي 😀
سندس : خيرك حبيبي شكلك مافرحتش
عمر : تي غر كيف حامل كييف قصدي مش قايلك خودي احتياطك اني😠
سندس : خيرك انت تعصبت وبعدين علاش شن الغلط ف الموضوع 😒
عمر : الززز$#### الف مرة قايلك خودي احتياطك ولاخودي حبوب ولاديري اي شي اني مش مستعد نقعد نعاني ف دين ام المفرخ من توا 😠 اني راجل نسافر ف الشهر عشرين مرة واشغالي هلبا ومواضيعي هلبا
سندس : شني يعني لان اشغالك هلبا اني بننحرم م الصغااار 😡
عمر قلدها : بننحرم م الزغار....تي النم غر كبري هادي وبعدين ساااهل 😠....طيحي جد امه اهو قتلك
سندس قلبت وجهها وتلفتت للجيهة التانية
°
•
°
•
°
•
تسنيم : محلااااكم تهبلو😍
اني : حلوا الصورة هده ولا 🙂
تسنيم : اي طالعة تهبلي انتي
مريم : اي حلوا تعرفي❤
مسرة : ترا نشوف
رتاج : قنوشة قنوشة....شن سميتوها مريم ؟
مريم : جمانة 😊
رتاج : حلاااتها.....انتي سميتيها ؟
مريم : احمد سماها
رتاج : ههههه ريتيه عنده دوق
مريم شبحت لمسرة : شني انتي كملتي بتاتك ولا مزال
مسرة : لا خلاص شبه كملت
مريم : وقررتو انتي ونادر بديرو مع بعض
اني ضحكت : تي حتى حجزنا الصالة😂
مريم: الله😶 خزي خيركم ماتقولوش
مسرة : تعرفي السبوع اللي فات بس حجزناها وبعدين لهينا ف بيان لونا معاش هدرزنا ف موضوع العرس
مريم : باهي ديروه التلاته مع بعض وافتكو
تسنيم ضحكت : واطرشقكم عين 😂
اني : وطبعا ح تجي فيا اني نعرف روحي 😂
مريم : 😂😂
اني : اصلا مزال شهر تقريبا علي عرسهم مش حنلحق اني
تسنيم : لالا خليه براحتك احسن
مريم : ونادر بديروله محضر
اني : والله في صالة عاجبتنا ممكن نحجزوها للمحضر
اني : خلي انوض نشوف رتاج خليتها عالقة ياناري
مريم : مصحك تحرتيها عليها البنت جاياتك ضيفة
اني : سكري فمك انتي😒
.....
رتاج تصب ف العصير : واااك يتصل كل دقيقة الهم نفخهم😑
اني نحط ف الشكلاتة : غر ماتحبيشي لو تحبيه راهو علي قلبك زي العسل 😏
رتاج : ونبي 😒
اني : حقا امس لهينا ماحكيتيليش علاش جيتوني انتي وعبسي بدل نادر وكيف فوتو الطريق😜
رتاج : حتى اني مافهمتش كيف صار😑 وف الطريق ماصار شي
اني : امممم😏 تو نلهى بيك بعدين
ترررن ترررن 📱
رتاج شادة السفرة : واااك اكيد هو النفاخ ونبي طلعيلي التلفون من جيبي
طبعته من جيبها ووريتلها الرقم مازبطاتاش: مش هو هاك شدي السفرة خنرد😕
خديت منها السفرة ومشيت و عاود اتصل الرقم تاني خشت للكوجينة وردت بعفوية وبصوت عالي : ايوا
عبسي بصوت هاااادي : الو ❤
رتاج نصدمت : اا انت😳
عبسي : اي اني
رتاج : شن تبي
عبسي : بنقولك حاجة
رتاج : ماعنديش وقت😑 باي
عبسي : لازم تسمعيني
رتاج : شنو😒
عبسي : اول شي بنقولك اللي صار البارح ياريت تنسي انه صار و...ونحيه من بالك لو تقدري 💔
رتاج : اعتبره منسي وياريت انت تنسى لو تقدر
عبسي : نكدب عليك لو نقولك نقدر لكن حنحاول 💔
رتاج : لازم تقدر....سلام
عبسي : اا وشي تاني....ياريت مايعرف حد ب....
رتاج قصت ع كلامه : اكيد مش مجنونه اني بش نحكي عليك واني مخطوبة 😊
عبسي : باهي عارف انك مخطوبة مش ضروري كل مانتحاورو تعاوديهالي
رتاج : بش ندكرك بس
عبسي : مافيش داعي ادكريني اصلا اني مش قادر ننسى 💔
خلاته يكمل كلامه وسكرت الخط
.....
ايناس : امتى بيروحو هادو😒
مسرة : نقصي صوووتك ماما يسمعو خيرك😶
ايناس : سمعو سمعو ماعندي مانديرلهم😑
°
•
°
•
°
•
ميرا : مرااااد
مراد : نعم خيرك تعيطي
ميرا شادة تست الحمل : شوف 😓
مراد : حامل 😶
ميرا هزت راسها بمعنى اي 🙁
مراد : بجديااات😑
ميرا هزت راسها تاني🙁
مراد : واااك مش اتفقنا مزال النم
ميرا عيطت عليه : انت تبي ديما ف اي وقت....نقولك اني خلي ندير حساباتي بش مانحملش لكن هات من يفهم😡
مراد ضحك علي منضرها : سلمه المتعصب تعالي تعالي مستاحشك😍
ميرا: ااقلب وجهك من عليا😒
°
•
°
•
°
•
ع عبدالله: شني بنتي امورك كويسة وصحتك باهيا
داليا ابتسمت : اي الحمد لله عمي😊
فريال : شن قالتلك الدكتورة
داليا : اا شش شي 😓...نفس الكلام الاول😅
فريال : انشالله ربي ينوضك بالسلامة
داليا : روحت بلسم ؟
فريال : اي جاها راجلها بعد الغدي
عمر : السلام عليكم
سندس خشت وراه : السلام عليكم😊
داليا : وعليكم السلام😳
سندس.....
🌷يتبع🌷
.
.
#__timOo__🤦♀️💛
