#__وتين__🍃
🌷الحلقة 97🌷
رتاج : لازم نحكي معاك ف موضوع😢
خطيبها : انشالله خير
رتاج شبحتله : متمنيا تسامحني😢💔
خطيبها : خيرك ياعمري فهميني علي شن بنسامحك....وكيف حط ايده ع ايدها
رتاج نفضت ايدها بقوة وكأنها مخلوعة
خطيبها : اا اسف اسف مش قصدي
رتاج : اني اللي اسفة 😭
خطيبها : غر خلاص اهدي اهدي....ومدلها شيشة امية
رتاج : اا اني اني ...
خطيبها : شنو 😯
رتاج حولت الدبلة من ايدها ومدتهاله : اني اسفة 😢
خطيبها يشبحلها وبعدين يشبح للدبلة ف ايدها ويرجع يشبحلها ويشبح للدبلة تاني : مم مفهمتش..!!؟
رتاج حطت الدبلة جنب المارشا وقعدت تمسح ف دموعها : اني مانقدرش نكمل معاك
خطيبها : انتي شكلك هبلتي ولا مش فايقة علي روحك شن تقولي😒
رتاج شبحتله : اني ماحبيتكش....وحاولت بس ماقدرتش والله ماقدرت 😢 ومانبيش نضلمك ونضلم روحي معاك ...الدنيا نصيبات
خطيبها : تعرفي قداش مزال علي عرسنا...قداش مزال ونكونو مع بعض...وتكوني مرتي ومعاي تحت صقف واحد...عارفة قداش مزال عليه الكلام هدا
رتاج : مستحيل الانسان يقدر يعيش مع شخص مافيش اتجاهه اي شعور
خطيبها : وو وانتي مافيش منك اتجاي اي شعور
رتاج : اني 😢...اني مانبيش نكدب عليك لان مافيش علاقة تمشي صح وهي اساسها كدبة 💔
خطيبها : وعلاش بديتيها مدام تشوفي فيها كدبة
رتاج : غلطت...مافيش انسان معصوم ع الغلط
خطيبها ضحك بأسف : توا طلعتلك اني غلطة
رتاج : سامحني....بجديات سامحني لكن...
خطيبها : ماتبرريش شي...لكن طلعتي ف اخر حلقة هه طلعتي مش بنت ناس ومش...
رتاج قصت ع كلامه : شن لزمته الكلام هدا😢...وعلاش التجريح
خطيبها : علاش التجريح😏...انتي تسألي فيه السؤال هدا......تعرفي احسن حل تنزلي م السيارة بش مانغلطش فيك
رتاج تشبحله
خطيبه عيط بقوة صوته : انزلليييييييييي😠
رتاج نزلت من غير ولا حرف
°
•
°
•
°
•
عمر : السلام عليكم..صحة صحة
فريال : وعليكم السلام حصانك جراي هههه
عمر : لا صحتين والله ماعندي نية
ع عبدالله: تي قعمز ياراجل كول خيرك
عمر عطاهم بالظهر و خاش : شبعان شبعان
ع عبدالله تنهد : بالي مشغول عليه الولد هدا
فريال : اااه وخلاص☹...حتى مصيبته مش ساهلة ياعبدالله 😔
عمر م الدار : يماااا
فريال ناضتله تجري : ها وليدي تبي حاجة
عمر : سراج وين
فريال : مشي لخدمته
عمر : اها...والبنية وين
فريال : قبل مانتغدو جت ركبتها مريم بش بترضعها
عمر : اركبي جيبيهالي يام
فريال : باهي هي
ركبت فريال نزلتهاله ودخلتهاله ف الدار وهو كان متكي ع ضهره وحاط ايديه وراه
فريال : هاك هي
عمر ناض قعمز وحطتهاله بين ايديه💔...
عمر : بالله عليك سكري الروشن يام صقع عليها
فريال : اللطف صقع عليك حتى انت خيرك مخليه علي وسعه
عمر ماردش عليها ومكانش لاهي معاها اصلا لان عيونه ف البنية.....ويشوف فيها ف داليا وريحة داليا.....كان يستنجد بيها بش يحس بالحنان اللي كانت داليا تعطيله فيه 💔....قرب وجهه منها وباسها ع جبينها...وتنهد بحرقة
~~
~~
~~
سندس : معقولة المدة هده كلها ومش مركزة عليه...قداش ما انه راجل...راجل بمعنى الكلمة❤محلاه كيف نايض الصبح وصوته مبحوح اااه يهببل 💕...واني مانطيح غير ع المنكد اعود بالله منه ومن سيرته😑
لكن اني علي اللي داره فيا والله لما نفلق ام العيلة علي 16😏...مش تجوز عليا هو ومش خواته ماعبرونيش وماحسبونيش بكل....خلاص تو بيشوفو مني الوجه التاني 😈
اصلا عيلة كامله مافيش من وقف معاي فيهم غير سراج...هو الوحيد اللي يجي ويسأل وحاس بيا وبحرقتي لما خوه تجوز
°
•
°
•
°
•
🌒
بو رتاج : فهميني 😠علاش خيره ضايقك بحاجة دار معاك شي غلط لاسامح الله
رتاج منزله راسه وتسمع وخلاص
نوال : يابوي ماتحاولش مسكرة راسها
بوها : واللي حجزتوه والصالة والماكلة تي شن بديروله هدا كله
رتاج : هدا مش اهم من حياتي ومستقبلي يابابا 😢
بوها : مافهمتش كيف....دوختيني يابنتي وشوشتيلي راسي
رتاج : بابا اني تفاهمت اني وياه وخلاص كل شي انتهي و....
بوها قص عليها : مافيش حاجة اسمها تفاهمتي انتي وياه😠 هده جواز مش لعب عواويل....الراجل لما جي خطبك جي هو وبوه وعمه وتوا احني بنطلعو عيلين وبكلمة منك انتي تقوليلي انتهي كل شي....شن موقفي قدام الرجالة اني والراجل صااااحبي صاااااحبي😠
امها : غر اهدى اهدى ماترعشش روحك
خو رتاج : به فهمينا السبب بش ع الاقل نقدرو نبررولهم الناس
رتاج تبكي : هكي مش مرتاحة 😭...
امها : اي عروسة قبل عرسها بتخاف يارتاج انتي لاك اخر ولا اول وحدة تجوزتي....وتو بعدين ترتاحي يابنتي
رتاج : لالا مش هكي....اني الراجل هدا ماهضمتاش ماتريحتلاش...هو كويس ومحترم لكن اني مش مرتاحة هكي مش مرتاحة😢
بوها : لا حول ولا قوة الا بالله
نوال : خلاص خلوها علي راحتها مش بالغصب هو
خوها : علي راحتها تحشمنا احني مع الناس؟😡...تي شن الهبال هدا بالله عليك ولما بتقولو للعيلة مصارش شن فرايكم حيجي ف بالهم...قبل العرس بشهر ماصرناش 😒
نوال : والله هما حرين يفكرو زي مايبو مدام هما تفكيرهم خامر...واحني حياتنا وحرين فيها ماحد يدخل لا عمام لا خوال😑
°
•
°
•
°
•
☀️⛅
_____________________________________
اني : مستاحشاااااتك هلبا 😘
_____________________________________
تسنيم : حتى انتو والله ليكم وحشة😔...بكل مليت اهني الهم
_____________________________________
اني : تي احمدي ربي من زيك 😶
_____________________________________
تسنيم : الحمل متعبني وقيس يرفعه النهار يجيبه الليل وملييييت مليت😑
_____________________________________
اني : تو تجيبي وتفتكي...وبعدين علاش مقعمزة ف الحوش اطلعي امشي للاسواق ادهوري غيري جو لين يروح قيس
_____________________________________
ترررررن ترررن 📱
اني : الو
ديما : صباح الخير
اني : صباح الورد شن الجو
ديما : تمام شن جوك انتي
اني : الحمد لله كيف حال نادر
ديما : كويس...اسمعي يوم التلات اربعين داليا ولا اني غالطة🤔
اني : ههههه مشالله تحسبيلها😂
ديما : ههههه لالا غر كنت نهدرز اني ومسرة البارح ع المسنجر وهي قتلي
اني : اي صح
ديما : معناها لازم نمشو😮
اني : اكيد 😶
ديما : باهي نمشو مع بعض...ياأما انتي تعالي ويرفعنا نادر ولا اني نجي نمشي معاكم
اني : به تمام تو غدوا نتفاهمو
ديما : باهي هي باي
اني : باي باي 😚
°
•
°
•
°
•
🌒
عبسي : نبي ندوي معاك ف موضوع
ماما : انشالله خير
عبسي تنهد : خير خير
ماما : شنو😮
عبسي يتكلم بتردد : ااا والله كيف بنوقولهالك
ماما : شكلك تبي تخطب 😂
عبسي : والله...اي
ماما : روروروري
عبسي : تي خير امك ليل النم 😑
ماما : شني في وحدة 😜
عبسي : اي
ماما : مني 😕
عبسي : رتاج
ماما: 😨
~~
~~
~~
ترررن ترررن 📱
اني : الو
ماما : ايوا
اني : اهلين ماما
ماما : كان تشوفي العملة اللي دايرهالي خالك 😱
اني : انشالله خير😮
ماما : جي قالي بنخطب...ونحسابه الولد عاجباته بنت ويبيها
اني : اي به
ماما : طلع الاستاد متفق هو وصاحبتك هديكا شن اسمها😑
اني : رتاج😳
ماما : ترا قولي شن جاي يقولي الاخ 😑
اني : شني شني 😶
ماما : عمتك رتاج سيبت خطيبها وصايرتلها مشكله ف الحوش ويبيني اني وياك نمشولهم علي اساس انتي صاحبتها وعرفتي اللي صارلها ولان عرسها قريب وكل شي واتي بتقوليلها ناخدك لخالي ف نفس الموعد وكل شي يمشي زي ماهو ماشي 😒....وطبعا بنمتلو علي اماليها بمعرفتنا
اني قعدت نضحك وخلاص
ماما : خيرك تهسترتي😒
اني : والله شر البلية مايضحك
ماما : سيبلي بنات الدنيا كلهم وجاي لوحدة مخطوبة معششلي فيها
اني : عادي كل شي نصيب لكن اللي مافهمتاش امتى بنوتو روحنا وكيف...!؟ قصدي كيف بنعولو ف شهر واحد شن بيسدنا
ماما : شن دخلي فيه هالمريض هدا😑
اني : علاش مريض خيرها رتاج توا طلعت مش عاجباتك 😒
ماما : لا كرامته فوق كل شي...مش مشالها مرة ورفضت خلاص علاش يتلصق
اني نتسهوك : يحبها يحبها😜
ماما : حبك برص منك ليه....😑
~~
~~
~~
اني : اني اخر من يعلم ياحقيرة
رتاج : تي كله صار ف يومين....وتنكدة ماقدرتش حتى نكلمك
اني : شن منكد عليك😂
رتاج : تي اسكتي ماشفتيش شن صار...بابا قريب ضربني حتى الضرب
اني : خلاص تو نمشو حسب تخطيطاتكم 🙄 غدوا انشالله ننقدو الموقف😂
رتاج : زعما مايصير شي 😢
اني : ماعنده شن بيصير يخي بتنحل القصة اكيد
رتاج : انشالله خير 😪
°
•
°
•
°
•
☀️⛅
" زعما نبعتله رسالة🤔....لكن هكي بيحس بالاهتام هلبا...لالا بيقول كترت علي ماوصها احسن شي نفوته اليوم هو غدوا مروح م العمل اكيد تو يجي "
وفات الوقت وسندس تفكر في سراج وكيف تكلمه وتحسسه بأهتمامها
عمر : صباح الخير
سندس : صباح النور😑
عمر : ترا ديريلي قهوة
سندس : تمت 😒
عمر شبحلها : مش امس شريت
سندس : جو الجيران امس درتلهم منها
ماريا : ثباح الحير بابا
عمر : صباح النور بابا 😘
سندس : تعالي بنيتي نبدلك
عمر : اسمعي سندس
سندس شبحتله
عمر : تو اني لما البنت تسكر شهر بنجيبهالك اهني باهي
سندس طرمت شواربها : وكيف بنرضعها اني
عمر : ع الرضاعة تو تفطمها مريم ورضيعيها انتي بالشيشة
سندس : ماعنديش جواجي اني نرضع ونشمل اهوني قاعدة مع امك ومريم خلاص😒
عمر : نبيها معاي البنت اني😡...مريم مش ملزومة بيها
سندس ضحكت بهزوة: حتى اني مش ملزومة 😏
عمر : باهي به اعصابك 😒
سندس : باهي ايامك
تررررن ترررن📱
سندس : الو
فريال : اهلين سندس كيف حالك
سندس تتكلم براس خشمها : الحمد لله
فريال : بنقولك يوم التلات بش تجي تعولي معاي وعيب يجو الناس ومايلقوكش
سندس : علاش شن المناسبة
فريال : اربعين المرحومة داليا😒
سندس : لكن اني يوم التلات ماشيا لماما علي خاطر....
فريال قصت عليها : ختى امك مفروض تجي 😡....وانتي نبيك اول وحدة اهني خير مايصير شي مايعجبكش راني نسكت نسكت ولما ننفجر مايعرفني حد
°
•
°
•
°
•
رتاج : اا ماما 😳
امها اطبق ف الحوايج : شن تبي😒
رتاج : كك كلمتني لونا...قتلي ندهورو ف السوق اللي جنبكم هي وامها مشي امها قتلها بنخطم علي ام رتاج نسلم عليها
امها : تو عارفة الجو مكهرب و منكدين تجيبيلي ف المرا واني خليقتي مقلوبة😡
رتاج : تي قتلي بنجو شن تبيني نقوللها لا الجو مكهرب ماتجوناش 😒 هدا اللي صار
امها : اقلبي وجهك حطي شاهي ع النار وبلا طولت لسان خير مانعصعصلك رقبتك😠
رتاج :😑
~~
~~
~~
ماما : السلام عليكم 😊
ام رتاج : اهلن اهلن تفضلو
اني : زيد فضلك خويلة
سلمنا وخشينا للمربوعة ورتاج متخزرطة😂
وامها تحاول تخلي روحها عادي وادرق الجو الكأيب م الحوش
اني : شن جو نوال
امها : باهي كويسة البارح بس روحت
اني : اها 😁
ام رتاج : شن الجية المفاجئة ياريتكم قلتونا م الصبح راهو استنيناكم ع الغدي
اني شبحت لماما متع ادوي
ماما : صحيتي تو مرة تانية نديروها
رتاج : السلام عليكم
ماما : اهلين رتوجا كيف حالك بنتي 😊
رتاج : كويسة خويل كيف حالك انتي
اني بالشوية : اهلن اهلن بعروستنا😄😂
رتاج قرصتني
اني : تعالي نخشو داخل احسن
رتاج : اي هي
.....
ماما : تبي الحق هالجية هده مش بالصدفة
ام رتاج شبحتلها باستغراب
ماما : وقلنا لرتاج قريبين م الحوش بش نحطوها ف الامر الواقع وماتتهربش😂
ام رتاج : ههههه لا حشومة الحوش حوشكم....شني في حاجة
ماما : تبي الحق امس مقعمزة اني وليال دورا اتصلت رتاج تبكي وقالت بتفسخ
ام رتاج تعصبت لان ماتحسابش ماما تعرف : اي والله ماني عارفة شن بنقول...ياوخيتي البنت بروحها بروحها سكرت راسها معاش تبي مافهمناش خير بلاها
ماما : تبي الحق اني لما سمعت بالموضوع زعلت عليها لكن ف نفس الوقت مانكدبش عليك والله الا ارتحت
ام رتاج استغربت😕
ماما : ياوخيتي والله والله الا خوي يبيها...وعاجباته ومن لما جيناكم وماحصلش نصيب وهو الولد معاد يبي يخطب ومنحي فكرة الجواز من راسه
ام رتاج : عاد الدنيا ماتوقف علي حد...كل شي بالنصيب...والله يانجلاء حتى اني وجهي مسود منك من لما جيتو وهي رفضت مع ان اني فرحت والله فرحت بيكم لكن هالبنت راسها مسكر شن بديري هي 😔
ماما : المهم اني تبي الحق ولا ماطاقنيش الصبر ومشيت قتله البنت فسخت وتوا فرصتنا كان يقولو باهي نلملمو كل شي فيسع فيسع وناخدوهالك...وانتو عاد اكيد موتين كل شي وجاهزين
ام رتاج تخلطت عليها فرحة مع صدمة مع خوف من ان رتاج ترفض زي المرة اللي فاتت...جتها ع الابتسامات والضحك وخلاص 😁
°
•
°
•
°
•
🌒
عمر : والله الا متحشم من مريم..راميين بلانا علي المرا والله عيب
احمد : تي شن الكلام اللي تقول فيه ياراجل خيرك😒...لعلمك والله الا تبيها تقعد معانا عادي لكن امك تنزل فيها ره
عمر : لالا خليها تنزلها مرة مرة احسن بش مانتقلوش عليها...تصدق الوسخة هديكا مابتش تاخدها عندها
احمد : تي عندها حق البنت ترضع ياراجل كيف تبيها تاخدها بالعقل😑
عمر : خليني من توا....تي هي ماتبيش تخليها عندها بكل
احمد : بالله عليك
عمر : والله العظيم
احمد : تي خليها اهني ف حوش جدها البنت تو تكبر وتتربى شن بيصيرلها...ومادامها قالتهالك ف الوجه ماتبيش تاخدها معناها ماتخاطرش وتخليها البنت تقعد مسكينة مدلولة
عمرة : لا مانخليهاش تندل وبنجيبها تحب تكره بنجيبها....مش عاجبها اهوني حوش اماليها تتوكل 😑
احمد : لاحول ولا قوة الا بالله
°
•
°
•
°
•
☀️⛅
اليوم اربعين داليا...
ومشينا كلنا طبعا والحوش تعبى بالناس...وسندس جت تبي ولا ماتبيش وجو حتى امها واختها
.....
فريال : حطي السفرة من ايدك رزينة عليك...تو تجي سندس تقيمها😏
علا ماصدقت حطتها : سندس تعالي قيميها ونبي😌
فريال شبحت لسندس : مدي انتي علا حامل ماتقدرش تقيم رزين😒
سندس قامتها وتطنفر
فريال : بري بومبة تفجرك😒
علا : 😂😂
......
كنا مقعمزين ف الصالة ونهدرز اني واسماء خالتهم ومعانا رنا...جت سندس شادة الصفرة وتمد
اسماء شبحت لرنا: وين سراج والله مستاحشاته هلبا
سندس انتخصت بروحها : سراج اهوني مقعمز برا كان ماسك ف العمل توا كيف وصل😌
شبحتلها باستغراب!...ماستغربتش من ردها علي اسماء اكتر من اني استغربت من شبحتها ليا بعد ماكلمت كلامها علي طول ...حسيتها تبي توصلي حاجة...
لكن مافهمتهاش!!
......
لما بدو يخشو الجيران وخوات فريال وهكي خليناهم ف الصالة ومشينا ف الجنان من تالي وحطينا طاولة وكراسي وقعمزنا فيها البنات بس
رنا : نشم ف صنة لحم😍
مريم : هادو الجيران عندهم عرس تعرفي من امس واحني نستنشقو ف الروائح
رنا : والله لما نبعتلهم عصومي يجيبلي منهم حتى طرف...جي خاطري فيه
اني : اي عادي وناكلو معاك😂
رنا : اني حامل😌
اني : واني عدراء مش كويس يقعد ف خاطري😌
نهى : قولولهم يجيبو قعد ونتغدو كلنا😂
علا : تصدقو اني بنرجع من صنته🤢...اللي جاني جاني عليه اللحم
اني : هييي محلاه😍
عمر : السلام عليكم
ردينا السلام وقعد شوية وهدرزنا معاه ونضحكو وطبعا واضح عليه يساير فينا بالسيف ويجامل
عمر : وين بلسم
رنا : داخل
عمر : ترا ناديهالي يارنا ونبي
ناضت رنا بتناديها ولحقها عمر مش عارف شن يبي منها
نهى : عمر واضح عليه الارهاق هلبا اسود تحت عيونه 😶
اني : اي لاحضته...شكله من قلت النوم
سندس : لا ارهاق لا شي عمر من يومه في اسود تحت عيونه😏
علا شهقت : هييييي 😱 كان مانعرفوشي نقولو حق
مريم ضحكت : لالا سندس توا هدا الارهاق جديد
سندس : اني راجلي وعايشة معاه مش انتو 😒
علا ضحكت بهزوة : المشكلة خواته وبنات عمه مامعانا حد براني😂...علي من تفوتي فيه
اني بالشوية : اسكتي الهم خيرك عششتي
سندس تلخبطت : لا من سنتين فاتو فيه اللقطة هده مش جديدة
علا : تؤتؤ...قبل مافيشي 😏...اصلا هو من بعد ماماتت داليا معاش مشي لقدام
سندس دمها نحرق ووجها ولا احمر
اني حاولت نغير الموضوع : محلاها البنوتة تهبل زي الاجنبيات مشالله
مريم : اي زي امها الله يرحمها هلبا
علي جيت رنا : وخيره خوي مش قنين😌...
اني : وووك عليا تهربي من وحدة تعلقي ف التانية😂
مريم : هادو ياحنة بيبدو حماوتك خليك مستعدة😂
علا : ايوااا...وحدة بطلع البنت حلوا زي امها والتانية بطلع خوي شين وتبينا نسكتو 😏
اني : ياودي خوتك غزلة ماقلنا شي 🙄
سندس : توا المشكلة كان نقول عمر مش قنين هلبا بتحرجو
اني : ههههه عمر مش قنين؟؟
سندس : اي عادي وخلاص شكله
علا : باهي تو يقولو اخته وادافع هليهم هما يتكلمو اني بنسكت...توا يانهى عمر مش قنين
نهى : تؤتؤ الحق ولاد خوالي من عمر لنادر قنينين واحد احلى م التاني
مريم : انتي مفروض تفرحي راجلك حلو😂
سندس : افرحي انتي ساد😑
علا : والله ماعندك ماتقولي فيه زي الغزال واحلى منك هدا الواقع
رنا فنصت ف علا تبيها تسكت
نهى ضحكت : به مدامه شين علاش خديتيه سندس😂
اني ضحكتني كلمة نهى ماقدرتش نشد روحي😂😂
سندس شبحتلي بسم وتكلمت : بصراحة ولا ف العيلة كلها احلى واحد سراج 😌
" تو انها شكراته هدا شي عادي لكن علاش شبحتلي مرة تانية ونفس الشبحة الاولى 😕...خيرها هده"
رنا : اي هده جبتي فيها 😌😂
اني : ماديرين ف روحتكم ياكبدي
علا ضحكت: شني حتى انتي بطلعينا سراج شين توا
اني : هييييي سراج غزال مصور تبارك الرحمن....تي اني نقدر ندوي وانتي موجودة ولسانك اطول من شهر سبعة😂
علا :ماهو الكلام اللي يكسر الرقبة يخلي ف لساني يتمدد ويتمدد😂😂
سندس شبحتلها 😒
~~
~~
~~
🌒
ع خيرية : هي بالسلامة تصبحو علي خير
فريال : هي بسلامة خيرية صحيتي
نهى : باي مرت خالي
فريال : معقووولة بتروحي يانهى خزي عليك
نهى ضحكت باستغراب لان اول مرة اديرها
فريال : عاد اقعدي مع البنات ع الاقل ساعديهم ف الماعين وغدوا تو يروح بيك عمك
نهى تحشمت قعدت
فريال : وحتى انتي ليال اقعدي باهي
اني : اا والله اني يامرت عمي عندي قراية لازم نروح
فريال : لا عادي تو يروح بيك عمك الصبح حتى انتي😒
اني :به😑
نهى شدتنا بتحرت علينا 😒
اني فتتها ومشيت بش مااطيحليش فيها قرمة وبعدين تمشي تنقللهم....مشالله نهى في النقل تنقل مليح 😑
.....
سبقتهم للكوجينة وقعدت نغسل ف الماعين...
سمعت باب الجنان نفتح من جيهة الكوجينة
تلفتت لقيته سراج واقف يشبحلي
اني ضحكت درتله باي🖐وايدي كلها رغوة
رد الباب وخشلي جي اتكى بالجنب ع الرخامة اللي جنب اللوندينو : تستعرضي ف فلاحتك علي اساس😂
اني : لا نستعرض لا شي امك شدتنا بيتتنا بالسيف😶
سراج قعد يضحك
اني : بتبات اهني ولا في حوشك
سراج ضحك : زي ماتبي
اني : شن دخلي اني😌...سألتك بس
سراج : امممم😏...بنروح
اني : اها اي احسن
سراج : تناشبي انتي ره 😉 والبادي اظلم
اني : لا مش اناشب لكن برا احسن لان الحوش معبي نساوين وبنات😊
سراج : معناها قوليلي نبيك تمشي مش شن دخلي😏
اني : باهي ممكن تطلع بش ماتجيش السيدة امك ووجهي يتقشر
سراج : لالا ربي حامينا😂
اني : قول والله 😑
سراج : مش ماشي باهي 😒
اني : اففف امشي سراج
سراج : كوجينتنا انتي امشي
اني : باهي اقعد فيها 😏....وفتحت الشيشمة بنغسل ايديا وبنطلع
سراج حاط ايده اليمين ع الرخامة جنبي ولف وراي وحط ايده التانية جنبي ع الايسار " قعد محاصرني بايديه الاتنين " : اطلعي توا كان قدرتي.....حسيت قلبي وقف م التوتر والخوف...وترني صوته وقربه مني 🔥 كان قريب...قريب هلبا وما فيش بيننا اي مساحة
قعدت واقفة زي الصنم حتى صوتي هرب
لكن لازم نتلفت بش نبعده من عليا ولو تلفتت احرفين😳
استجمعت القوة اللي فاضلتلي : سراج بعد 😶
سراج مطبس راسه ونفسه ع رقبتي: معاش تعاندي مرة تانية باهي
سمعت صوت حد ف الممر وخفت يخش علينا واحني ف الموقف هدا...مالقيتش روحي الا متلفتتله وبنحاول نطلع من الحصار اللي دارهولي
اول ماتلفتت جي وجهي ف وجهه...وقعدت لاصقة فيه...جسمي ماس جسمه
الدم اللي ف عروقي يغلي وحسيت جسمي كله يرجف...ونضراته زادوني ع اللي اني فيه 🔥
سراج يشبح لعيوني ويهمس بصوت هاااادي يادوب طالع : تو اني بنمشي...مش لانك انتي تبيني نمشي...لان اني لو نزيد دقيقة تانية ممكن نتصرف تصرف اني مش مسؤول عليه لانك زي المخدرات تخلي العقل مش علي وعيه❤
اني : بب به امشي بسرعة😳
سراج : به قبل مانمشي بنقولك
اني هزيت راسي بمعنى شنو
سراج طبس راسه لودني وهمس بنفس الطريقة: نحبك ❤
اني نفسي تقوا : به اا امشي هي
سراج ضحك ومشي
......
#سراج 💓
"لفيت وجيت وراها كانت نيتي نحرقلها اعصابها شوية وبنمشي لان نعرفها ماتحبش الحركات هده واول ما قربت منها حسيت بخوفها...كنت نبي نلعب بأعصابها مانحسابش روحي جيت ع الوتر الحساس...كنت نبي نوترها مانحسابش روحي اني بروحي بنتوتر 🔥....اول ماقربت حسيت شعرها ف وجهي وحسيت بيها كيف متوترة وتتنفس بسرعة ومع كل نفس تاخده تبان الحفرة اللي ف رقبتها وااضحة...مغرية البنت هده كل تفاصيلها مغرية❤ ....قعدت سارح فيها حسيت روحي معاش قادر نبعد رغم اننا ف منطقة الخطر وممكن يخش اي حد واحني ف الوضع هدا...!
كان مزال فيا شوية حيل ممكن نقاومها بيه لكن ضعفت بالكامل اول ماتلفتتلي والتوتر ف عيونها وشعرها جاي ع وجهها...مش عارف شن صارلي حسيتها قلبتلي المود كله وطلع مني كلام مش عارف حتى كيف طلع...كنت زي السكران مانندريش علي روحي حتى شن نقول....كانت تقوي ف روحها وتبي تتكلم وتقولي امشي...ماتندريش ع اللي يصير فيا لما نسمع صوتها وخاصة وهي متوترة...اااه امتى بتبدي حلالي بس💓"
~~
~~
~~
عمر : تي خير جد امك انتي😠 اني بايت اهني ماتفهميييش
سندس : ماتبيتنيش اني بالسيف...اني نبي نروح😑
عمر : خلاص روحي مع سراج 😒
سندس : اا علاش هو بيمشي لحوشه
عمر : اي ووتي روحك بسرعة ماشي توا
سندس : باهي هي
ناضت سندس توتي ف روحها وف بنتها : هي ماريا بنروحو
كملت اني ومريم ضمان الكوجينة وكيف بنخشو للدار اللي فيها سندس
مريم : مروحة سندس
سندس : اي
بلسم : عمر قال بايت اهني ولا ؟
سندس : اي بنروح مع سراج ماهو ماشي لحوشه
" سراج 😶...اي قالت سراج
به علاش تروح معاه خيره راجلها😑 افففف شن الافكار العبيطة اللي فراسي ؛ قصدي اكيد مش حيعادي مرت خوه علي خاطر ماتحبنيش🙄
لكن لا اني مقلتش يعاديها لكن ينقص من العلاقة بينه وبينها حتى علي خاطري
هده ف الاخير بكل مش اخته 😑ومش حينقص منه كان خلا علاقته بيها جدية...!!
اا اني مافي شي ف راسي لكن نغار🙄 اي نغار ومن حقي نغار عليه...واصلا مايجيش يروح بمرت خوه ف نص الليل مش حلوا حتى ف حقه "
~~
~~
~~
عمر : ماشي للحوش ولا
سراج : اي انشالله
عمر : باهي استنى سندس بتروح معاك😑
سراج : باهي غر قللها بسرعة ماتشحطنيش
عمر : باهي به
تررررن ترررن📱
سراج ضحك : مسرع استاحشتي
اني : مشيت ولا مزال ؟
سراج : علاش في حاجة
اني : اممم نسأل بس😊
سراج : توا بنمشي
اني : تستنى ف حد
سراج : اي مرت عمر مروحة معاي
اني : علاش 🙄
سراج : شني علاش
اني : علاش تروح معاك خيره راجلها 😒
سراج ضحك : شني شكله نظام الغيرة بدي يشتغل عندك 😉
اني : امم..اي هلبا 🙈💕
سراج : سلمهولي الغيور 💗
اني : تو هي مش راجلها بايت...خلاص تبات زيها زيه انت مش ملزوم بيها
سراج :باهي تو بالعقل حبيبي... تبيني نقول الكلام هدا لعمر
اني : دخليش اني المهم ماتروحش بيها
سراج ضحك : خيرنا لونا
اني : ماخيرنيش ماتروحش بيها وخلاص...اصلا هي لابستني كل مايصير موضوع تبدا تجاكر فيا وتلقحلي تحسابني ضرتها ولا مفهمتش😒
سراج : تي باهي مواضيعكم هده اني شن دخلي
اني : كيف شن دخلك...توا طلعت اني مانعنيلكش😑
سراج : تي مش هكي لكن قصدي شن تبيني ندير بالزبط
اني : ماطلبت منك شي غريب سراج...حِد من علاقتك معاها بس هدا اللي طلبته
سراج تنهد : باهي تو كيف بنحلها اني ؛ عمر جي قلي وصلها نقوله لا ولا كيف
اني : عمر قالك وصلها واني قتلك ماتوصلهاش وانت وراحتك🙄
سراج : تي باهي به
اني : باي
سراج : باي
حط التلفون وتنهد : عليك هم وخلاص😑
عمر جاه : اهو واتيين ياسراج كان بتمشي
سراج : تي طلعلي موضوع اني ياعمر بنبات وخلاص
عمر : بالله عليك
سراج : اي بنطلع الصبح بكري من اهني فهمت
عمر : باهي تمام
~~
~~
~~
سندس : علاش😑
عمر : تي ماصارلاش وين نندري علي امه علاش اني😒...
سندس : مانبيش نبات اني
عمر : باتي بالسيف وماتخلينيش نولع فيك توا😠
" سمعتها وهي تكلم في عمر وعرفت انه ماباش يروح بيها😍...."
سندس : شفوتي ونبي شن دارلي😕
رنا : باهي باتي وخلاص انتي خيرك حارقة دمك
سندس : مش دايرا ف حسابي نبات اني😑...تو نزيد نشوفه سراج مرات لما نكلمه اني يروح علي خاطري😌
ودارتلي نفس الشبحة الغريبة....خيرها هده مريضة نفسيا😶....قصدي تجاكر بيا ف سراج ع اي اساس شني هو خوها ولا راجلها ولا شني بالزبط 🤔
📞سندس : الو سراج
📞سراج : ايوا
📞سندس : شني ماصارلكش م المشي
📞سراج : لا والله
📞سندس : هههه شني كادك الحال تروح شكلك
📞سراج : لا مش هكي لكن عندي مشوار قريب من اهني الصبح فهمتي
📞سندس : اها باهي فيها خيرة
طبعا الحوار كله وهي مقعمزة قدامي وكأنها تبي تحسسني انها تكلم فيه 😕....
.......
تن تن 📲🗨
_____________________________________
سراج : تو فرضتي عليا نقعد نبي ولا مانبيش واني بنفرض عليك تسهري معاي لين ياخدني النوم
_____________________________________
اني : ههههه حاضر 💓
_____________________________________
°
•
°
•
°
•
☀️⛅
واول يوم في شهر واحد...مزال مدة قصيرة ع العرس وبما ان مايسعفناش الوقت نديروله عرس كبير وكامل ف اضطرينا نديرو يوم واحد في الصالة ويكون عرس بسيط...!
.....
اني : تعرف والله متحشمة من خواتك ماعرفتش كيف ندير
سراج : علي شنو 😕
اني : علي عرس عبسي وهكي...قصدي لان داليا ماليهاش هلبا و....
سراج قص ع كلامي : ايااا شني بتنوضيها حية انتي...وبعدين هي ليها قريب شهرين وبعدين هدا خالك مش حد براني بش ماتمشيش
اني تنهدت : والله معاد فهمت...احسن حل نكلمهم نقوللهم ولا ؟
سراج : مش عارف...براحتك
اني : ولا نكلم امك
سراج ضحك : امي حتى كان مش خاطر عليها الموضوع لما تكلميها اديرلك مية من 16😂
اني : ههههه به من نكلم
سراج : احسن حل كلمي رنا تو تقولك عادي وهم ما عندهمش كيف يلومو عليك
~~
~~
~~
ديما : نبي كندرا ومزال والقفطان عربنته وماكملتش حقه...امممم🤔 ايوا وبنحجز ف المزين هداكا اللي قتلك عليه
نادر : شوية نحسابه عرسك انتي😑
ديما : باهي هي
نادر ضحك : شنو
ديما ايدك ع الجيب💵😂
~~
~~
~~
عبسي : حاس روحي ف حلم
رتاج : حسيت الروح رجعتلي💓
عبسي : كان بإيدك اديريها من قبل لكن انتي تعدبي فروحك و فيا
رتاج : عادي 😌..اعتبره امتحان بش نتأكد من حبك ليا
عبسي : لا اني نشوف فيه عقاب لان رديتك المرة الاولى😏
رتاج : معاش تفكرني فيها الايام هديكا 😔
عبسي : تدكري لما قعدتي تجي هلبا للمحل وبعدين اعترفتيلي....تبي الحق درت ف راسي جو اعجاب وتبي اضيعي معاي وقت وخلاص واني كنت مضايق وماعنديش خلوق للمواضيع هده بكل ومخلطة عليا
رتاج : وبعدين 🙄...كيف جت لما جيت تخطب
عبسي : تبي الحق حتى لما مشيت ماكانش في شي اتجاهك...كنت نبي نتجوز وخلاص...لكن حبك بدي من لما رفضتيني
رتاج : الكلب مايحب الا خناقه😂
عبسي : نعم ؟؟😒
رتاج ضحكت : نبصر نبصر 😂😂
عبسي : دمك خفيف
رتاج : عارفة روحي😌...
°
•
°
•
°
•
تررررن ترررن 📱
رنا : الو
اني : اهلين رنا شجو
رنا : تمام الحمد لله شن امورك انتي وكيف حال العيلة
اني : والله تمام كويسين...كيف حال محمد
رنا : بخير الحمدلله
اني : اسمعي والله تبي الحق بنقولك حاجة ومتحشمة منك 😅
رنا : من امتى الاخلاق الحميدة😂
اني : مبردك 😂
رنا : شني انشالله خير
اني : اني الحق عندي عرس ومتحشمة نمشي ومرت خوك ماليهاش هلبا....والمشكلة العرس في العيلة و...
رنا قصت علي كلامي : ههههه هده انتي تستأدني تصدقي سندس مرت خوي ماشيا لعرس بنت عم امها بعد اربعين داليا بيوم
اني : تكدبي😮
رنا : اي...لما جيتونا ف اربعين داليا مش هي معششة بتروح كان سمعتيها
اني : اي اي
رنا : اي تخايلي تاني يوم ماشيا تهيج ف العرس
اني : لا حول ولا قوة الا بالله
رنا : اسمعي قصدي اني مايمشيش معاي جو الحزن ره...اللي مات مات علي روحه وبعدين انتي شن جابك ليها مسكينة لا اختها ولا امها
اني : هو والله لو حد براني وهكي عادي نفوته لكن...
رنا قصت ع كلامي: عرس مني هو
اني : .....
🌷يتبع🌷
800كومنت = حلقة جديدة☺
.
.
#__timOo__💛
