#__وتين__🍃
🌷الحلقة 4🌷
رنا: حقااا ترا قولي من اتصل بيا امس😳
علا : منو ؟؟
رنا: هداكا التافه الحقير
علا: 😨 شن يبي
رنا : يبي يشوفني 😔
علا: تبصررري😮...هدا كل شوية بيديرلك نفس السيناريو
رنا: نقصي صوتك حسكة
علا: ياحمارة الموضوع مش لعبة تعرفي كان سمع عمر شن يصير ولا كان يسمع احمد ولا سرااااج 😨 حي علي امك كان يسمع سراج ماعنداش الريح وين يدور
رنا: ماتزيدينيش علي مابيا بالله عليك 💔😔
علا: اااه من عمايلك وخلاص 😠
فريال مرت عمي: خيرك انتي وياها
رنا: شي خيرنا
فريال : نوضو ديرو الفطور قبل ماينوضو الاولاد
علا:كلهم باتو الاولاد
رنا: قيس بس روح
علا : ريتيه محلاه هالقيس
رنا: اي غزال مصور
بلسم : صباح الخير غر من هو الغزال
علا: ولد عمتك سعاد
هداية: اي محلاه
بلسم: اسكتي يامفعوصة حتى انتي خشيتي في الجو هدا
هداية تحشمت وسكتت😳
بلسم : ليال متمقرسة وموليا خشمها في السمي ولالا😒
علا: هه علي اساس قبل كانت طيبة علي نياتها
رنا: شفتوها امس كيف هزبت اختها
علا: حتى مسرة ماسكتتش😏
رنا: لكن عطتها علي راسها
بلسم : علاش علاش احكولي
علا : مسرة بدت ادير في جو الاوامر متعها وبعدين.....
~~
📱💬اني اسفه حبيبي ع اللي صار البارح 💔والله اللي ندير فيه كله لاني نحبك💕 والله نحبك ياسراج ونموت فيك
سراج قري و حط التلفون 📱 ع الكمدينو وولا اتكى ع المخدة : ااخ عليك نفخ ع الصبح😑
نادر : خيرك تدوي بروحك😮
سراج: من الحب😂
نادر: اي واضح😂
سراج: شني شكلك مسكت الفترة هده ع ال❤
نادر: خليها في القلب
سراج: لا ياراجل😂....شكلها مورياتك نجوم الضهر
نادر: 😂توري امها
~~
رنا: بنمشيله بعدين شوية علي اساس عند ندى باهي
علا: قداش بتقعدي 😡
رنا : نحاول مانعطلش
بلسم:جاني سعيد اني هي بالسلامة
هداية: حموووودي بابا جي بسرعة
عمر: عنده سيارة راجلك
بلسم: سيارة خوه علي
محمد: اعطيني الساكو ماما
عمر: تي مبروك النجاح ياحموود
محمد: بارك فيك نبو الهدية
بلسم ضرباته علي كتفه : شن قلت علي الطلبة😡
عمر حط ايده في جيبة وطلع فلوس: خاله مش براني هاك راهو ياخدوهم منك امك وبوك
محمد: مايحلموش
فريال مرت عمي: امس لهينا ماعطيتكش هديتك تعالى هاك
محمد : هييي
معتصم: بتعطيك سيارة لعبة زي اللي وريتهالك امس😜
هداية: علاش تحرقله في المفاجآة
احمد: هدوو كم تقري توا
هداية: بنخش اولى عدادي السنة الجاية
عمر: مشالله كبرت عروستنا😚
•
°
•
°
•
°
اني : صباح الخير 😊
ماما وجدي:صباح النور
اني: وين عبسي
ماما: امس قعدتو للساعة3 توا يبيلك بش ينوض
اني: الساعة كم🤔
ماما: 12 وربع
اني: خلي ندير الفطور
ماما: الفطور واتي نستى فيك امتى تنوضي ونفطرو
اني: اها به هي
ترررن ترررن📱
اني: الو
رتاج: صباااحو 😚
اني: مشالله نشاط وحيوية
رتاج: كنت نكلم في تسو واتفقنا يوم التلات بنمشو للفروسية
اني: اي عادي🙈
رتاج : اهو علمتك مش التلات اديري برامج تانية😑
اني: لالا نجيك نمشي معاك
رتاج: تمام يالحب ❤
اني: مبردك انتي وهالكلمة😒
رتاج: تعرفي عندي ليك هلبا دوا
اني: تعاليلي اليوم اني في حوش جدو
رتاج: بن عاشور ؟؟
اني: اي
رتاج: كان بابا قال باهي تو نجي
اني: تعالي تعالي مايقول شي
رتاج: انشالله
•
°
•
°
•
°
مسرة: هي اعطيني فلوس💵 بابا معاش وقت ع العرس
بابا: قداش يسدوك
مسرة : مبدأيا اعطيني 100 😌
بابا : هدا مبدأيا 😐
مسرة: اي حق القفطان👗 بس...ومزال نبي كندرة👠 واكسسوارات🛍 وبنمشي للمزين💄
بابا: وقداش يبي هدا كله انشالله
مسرة:300 ممكن
بابا تنهد: هاك 💵معاش تطلبيني في ولا قرش
مسرة بصوت عالي: وكان ماسدونيش😡
نادر كيف خش: علي من تعيطي 😠
مسرة: مادخلكش 😐
بابا 😠: احترمي نفسك يابنت
مسرة قلبت عيونها ومشت
نادر: ياسر منه التمهتيك خير مانجي ناكلك توا
مسرة😏: هه تاكل البط
نادر امشالها بقوة بيضربها شده بابا : خلاص صغيرة هده
نادر: صغيرة علي حاجات دون حاجات😏...هده تبي رباية من الاول
بابا قعد يعيط: احترمني شوية الزفت تقول مش واقف جنبك 😠 اني اللي مربيها كانك ناسي
نادر : توا هي كانت تعيط عليك قريب تضرب علي قلبك زي العسل اما احني كلامنا كله محسوب شن هالعيشة الغبرة اقعدو فيها؛ وطلع
مسرة تسمع من فوق: انشالله فخار يكسر بعضه المهم حصلت الفلوس😌
•
°
•
°
•
°
رنا: تفضل شن تبي 😐 الف مرة نقولك مانقدرش نطلع ونخش زي مانبي عندي خوت😡 مش عارفة امتا بتفهم
مؤيد: غر هدي اعصابك😂 خيرك هجتي فيا😌
رنا: شن تبي مؤيد شن تبي؟؟
مؤيد حط ايديه ع الطاولة وقرب راسه ليها: نبيك😍
رنا: اختك هديكا😏
مؤيد: ادوي باهي خير مانبدا نخرط ويسمعوني اللي في المطعم كلهم
رنا: ندوي باهي لما نحسن الفاظك الوقحة 😏
مؤيد: حاسك بديتي تدوي بجرءة 😂 شكلك مش خايفة😏
رنا : انت عارف لو قلت لخوتي شن حيديرو فيك😏 حيدفنوك⚰ وانت حي
تررررن ترررن 📱
مؤيد قام التلفون ولفته لرنا😊شوفي من يتصل
رنا : متفهك 😡
مؤيد : تكلمي بأسلوب خير مانقوللها اني توا مع من مقعمز ؛ورد ع التلفون
مؤيد: الو
مسرة: ايوا
مؤيد: نعم😐
مسرة: شكلك مش فاضي
مؤيد:اي لما نفضى نكلمك😑
مسرة: OK!
رنا: خاطري نفهم شن اللي يدور في راسك
مؤيد: ليلة وحدة بسس ونمس كل شي
رنا: ههههه 😂ربي يشفيك
مؤيد سكر سنونه علي بعض : بحركة وحدة مني يمشو صورك 📸ورسايلك 📲💬لخوتك ياق### ياف### اني قاعد نساير فيك هي ليلة ⛼ونمسح كل شي ولا نعرف لاتعرفيني
رنا غصرتها العبرة😢: وشن يضمنلي انك تمسحهم
مؤيد: والله موضوعك 😏
رنا: ماهو نخليك تبعتهم هكي خير مانمشي معاك ونزيد الطين بلة وتطلع كداب وماتمسحهمش
مؤيد: ااه مدام هدا رأيك خلاص براحتك عندي رقم سراج ورقم احمد 😉
رنا: به فهمني لو مشيت معاك كيف نضمن انك تمسحهم كيف
مؤيد: يعني انتي حتمشي😍
رنا: شوف مؤيد اني نمشي معاك مرة وحد وتنتهي✋ وتمسح الصور 👌وتمسحني من راسك بكل😡 ونبي دليل انك مسحتهم
مؤيد : يارنااا يارنا اني قلتلك نمسحهم وعد نمسحهم
رنا غاصرتها العبرة ودمعتها نزلت و بصوت يادووب طالع : ومن قال مايكونش عندك نسخ 😢
مؤيد : ايااا علينا وشن تبيني نديرلك كان ماتبيش تصدقي
رنا: عندك خوات ره دير في حسابك
مؤيد: هههههههه علاش انتي لما بعتيلي صورك في العريان واللاصق درتي في حسابك ان عندك خوت 🤔
رنا: اي مادرتش في حسابي واهو توا ندفع في الثمن وحتى انت حتدفع الثمن وحتدفعه غااالي ؛ وناضت وقفت وحطت ايدها ع الطاولة ونزلت راسه ليه : وبالاخص لو عرفو خوتي😏؛ ومشت
•
°
•
°
•
°
اياد😕: شني فكرت في الموضوع
سراج: والله هو المعرض مشروع مليح لكن..
اياد قطع علي كلامه : توكل علي ربي ياراجل
سراج🤔: زعما
اياد: قصدي اني مش اقدار بش تقيس غلاك عليا
سراج:😂😂
فادية: انستنا ياسراج
سراج: الله يآنسك عمتي فادية
فادية: وين الفترة اللي فاتت مغطس
سراج: غارق في الخدمة
فادية: شني عمتك اللي روحت من كندا معندهاش بنية هكي كويسة لهطرطور اللي مايبيش يتجوز
سراج😂: ههههههه قوية طرطور لا والله عندها راس طرطور مايبيش يتجوز وتعاني منه زي حلاتك
فادية : ههههه عليك حالة وخلاص
اياد: علي اساس انت تبي تتجوز توا
سراج: والله كان لقيت البنت المناسبة علاش لا
فادية: شوق بنات
سراج 😊: لا زم تكون مناسبة عمتي فادية مناااسبة 😂 عارف في شوق بنات
فادية: زيك زيه يساسي ويتشرط
سراج: تي هي نوض انت مابطلتش ماكلة🥗
