#__وتين__🍃
🌷الحلقة 90🌷
ع سعاد : شني سيرجو امتى دورك عاد😜
سراج : اربت اربت ههههه
ع سعاد : انشالله ربي يفرحنا بيكم
سراج : شني قالو قيس جاي
ع سعاد : اي مرته تبي تحضر المحضر
سراج : امتى جاي
ع سعاد : غدوا يوصلو
~~
~~
~~
عمر : ماتبيش تمشي للعرس
سندس : بنمشي للمحضر بس
عمر : غدوا مش حتمشي ؟
سندس : اي
عمر : علاش
سندس شبحتله وابتسمت : خلي تحضر مرتك هديكا ساد 😊
عمر : هديكا شن جاب سيرتها توا...خيرك ادخلي ف المواضيع ف بعضها 😠
سندس : مانبيش نمشي اني حرة مش بالسيف 😒
عمر : اقعدي علي اساس كان مامشيتيش بيوقف 😑
ومشي وخلاخا خانقتها العبرة
طلع عمر م الحةش دمه محروق ويتمتم بروحه وهو نازل كان سراج كيف طالع من حوشه....
سراج : خيرك تدوي بروحك...فكرتني ف عصام متع بار الحارة 😂
عمر قعمز ف اخر درجة : وقتك انت 😒
سراج قعمز جنبه وطلع باكو الدخان ومدله سبسي
عمر : مفهمتش خيرني رديتها اهيا 😑
سراج شبحله باستغراب 😶 وبعدين تكلم بهزوة : اي ماعندكش حظ مفروض طلقتها 😒
عمر تنهد بحرقة : مافيش حد قادر يفهمني
سراج : لا فاهمينك والغلط من البداية منك وماتستغباش وتصل الغلط بالغلط
عمر : ساولتك بالله تخايل روحك عايش مع بنادم منكد للز### الصبح نكد الليل نكد حياتها ماشيا بالنكد ياراجل 😡
سراج شبحله : توا طلعتلك منكدة 😒....قصدي انت معاش طايقها شي يرجعلك لكن ماديرهاش فراسها هي
عمر : وراس امك انت مش عايش معاي ماتقعدش ترغي وخلاص 😡
سراج : تي شن دخل عايش معاك ولا مش عايش معاك تي جايب عليها مرا وتبيها كل ماتجي تستقبلك بابتسامة ولا كيف قصدي انت غالط فيها ومفروض تقدر مشاعرها ....لكن انت زي التيس مسد مستكردها وتمشي للتانية مسد كل ماتجي اهني اديرلها مشكلة....حط روحك مكانها بس وتو تعرف ان اللي ادير فيه غلط😒
عمر تنهد
°
•
°
•
°
•
☀️⛅
كانو ولاد العيلة ساهرين مع بعض في استراحة صاحب مراد ودايرين توديع عزوبية وجو.... وباتو مع بعض
" وطبعا السهرة ماتخلاش من الصياعة والضياعة متعهم"
ترررن ترررن 📱
احمد مد ايده خدي التلفون وعيونه مغمضات : الو😪
مريم : قاعد رااقد 😡 واني نستنا ليا ساعة
احمد : وااك الزح قولي لمراد يرفعك
مريم : مراد مش ملزوم بيا ومش فاضي اصلا ....توا نوض من فراشك وتعالى ارفعني هيااااا😆
احمد : باهي النم باهي😴
مريم : بسرعة وقت ع المزين اهو نستنى فيك باهي
احمد سكر التلفون وحدفه جنبه ورجع تغطى
نادر متكي ف فراشه : شكلي بنعيد النظر في موضوع الجواز
احمد : نصيحة مني فوت الموضوع 😂
نادر : لا بعد ماشفت المشهد توا قتلك شكلي بنعيد النظر😂
ترررن ترررن 📱
سامي قام تلفونه شبح وداره صامت وحدفه جنبه وشبح لنادر : تعرف كان تتجوز تبدا مريض نفسي
احمد شبح لسامي : انت انت احترم نفسك ايوا....كان ماخديتهاش راهو نبتت ف راسك نخلة
سامي يضحك : لالا مصارليش بنردلكم بضاعتكم
نادر يضحك
تررررن ترررن 📱
سامي قام تلفون ولفتهولهم : شوفو التعشيش ها 😑
سراج فتح عيونه : تي نقص النم بنرقد 😪
°
•
°
•
°
•
داليا : السلام عليكم
الكل ردو السلام
ع سعاد : اهلا بعروستنا التانية
داليا ضحكت : كيف حالك عمتي
ع سعاد : سلمك بنيتي كيف حالك انتي
داليا : كويسة الحمدلله 😊
وقعدت داليا ادور وتسلم ع الكل ووصلت فيا اني : مساء الخير 🙂
اني : اهلا كيف الحال 😊
داليا : تمام الحمد لله
فريال : هده سلفتك المستقبلية ياحنة
اني ومسرة شبحنا لبعض باستغراب
داليا : اها انتي ليال 😊
اني : ههه اي
داليا : تشرفنا
طبعا مصدومة ومستغربة من كلمة فريال....مستحيل بدت تحبني 🤔 ماعرفتش تستعرض قدام الناس بش تبان طيبة ولا رضت بالامر الواقع 😶
