#__وتين__🍃
🌷الحلقة 32🌷
علا تلفتت للقرسون وكان واقف علي طاولة والصدمة ان الطاولة كان مقعمز فيها احمد ومعاه ولد
علا تلفتت لسامي بسرعة :احمد😨
سامي : وينه 😮
علا : وراي بالزبط
سامي : اي شفته
علا : كيف ندير جاي مقابل الباب مانقدرش حتى نطلع
سامي :الزح شن جيبه توا
علا : كيف ندير سامي😦
سامي كيف بيتكلم لقي احمد يشبحله
سامي دارله باي بإيده : شافني 😑
علا : حي عليا زبطني
سامي :تي لالا.... تو انوض نسلم عليه ونلهيه وانتي حاولي تطلعي من غير مايشوفك
علا : انت امشي اوقف وراه خليه يتلفتلك
سامي مشي وقف ورا احمد : ادير في الجو متع ماشفتنيش
احمد تلفتله: تي لا والله لقيت معاك ناس قلت مانبيش نشغلك😜😂
علا استغلت الفرصة وطلعت بسرعة
سامي : اا هههههه😅 لا عادي
°
•
°
•
°
مطلب : به مرات كان طول نمشي نكلم بوها ماترفضش
خ ليلى: زعما🤔
مطلب : اي اي نكلم بوها بش تشوف الموضوع جدي مش كلام وخلاص
خ ليلى: خنسأل خالتك نجلاء قبل
مطلب : تي ماعندك من تسألي بنقول لبوي اليوم وغدوا نمشيلهم اني وياه
خ ليلى: باهي دبر راسك....المهم قوله انك تسناها عادي وكان تبي تكمل بعد الجواز قرايتها وقوله ان حوشك بروحك
مطلب : تي غر صلي ع النبي بالك مايوافقوش بكل
~~
مطلب : شن رايك يابوي
عمي صالح: به عادي لكن غدوا عندي خدمة خليها الخميس
مطلب : تي هي ساعة من زمان يابوي شن بتاخد منك
صفاء : اي بابا برا غدوا ونبي مانبوش الموضوع يعطل
ع صالح تنهد : باهي امالا عطوني رقمه خلي نكلمة من اليوم بش يكون عنده علم
~~
بابا : ايوا السلام عليكم
ع صالح: وعليكم السلام تلفون علي
بابا : اي تفضل
ع صالح: اني صالح ال$$$$ ياعلي
بابا : ااه اهلين صالح كيف حالك
ع صالح : كويس والله ياعلي قاصدك في موضوع ونبي ندوي فيه معاك كان غدوا فاضي نجيك في الحوش
بابا : تفضل ياصالح غر قولي مع الساعة كم تجي
°
•
°
•
°
وجي عمي صالح وطلبني لولده وبابا ماكانش رافض الفكرة لكن مش متشجع لان عارفني بنرفض زي كل مرة
~~
بابا : جي ولد خالتك وبوه العشية
اني : ولد خالتي😕
بابا : اي ولد صالح
اني : ااا شش شن يبو😮
ايناس : تو ديري في الجو واضحة جايين يخطبو فيك واكيد هاطيينك خبر قبل مايجو
اني ركبت لداري و مابيتش حتى نتلفتلها
~~
ماما : شن قتلي خالتك ليلى مشولكم صالح ومطلب
اني : اي😑
ماما: وشني بوك
اني : بابا مدابيه يفتك مني هدا حلم حياته
ماما : به وانتي افتكي منهم
اني : حتى انتي ماما😡 اني نبي نكمل قرايتي ونعيش حياتي مامبيش ننطمس في حوش ونعاني المفرخ من توا
ماما : يامهبوله هدا يعيشك احلى عيشة ويفرهدك ويسفرك ويخليك تلعبي بالفلوس لعب وبعدين خالتك عندها اني الكل في الكل وولد واحد لاعندك سلفات لاهم احرف وحتى عمك صالح يموت فيك شن مزال تبي تبدي بسيارتك ودكتورة ومدلعة ماناقصك شي ولا عاجباتك العيشة مع ايناس وجه الفقر وبنتها
اني : ايناس هده مش حاسبتها بكل وبنتها سيورها تتجوز ونفتك منها
ماما : باهي باهي براحتك
°
•
°
•
°
_________________________________________
مراد : قصدك انتي تحبي تقري
_________________________________________
ميرا : اي مدمنة كتب وقصص وروايات
_________________________________________
مراد : اها...ثقافة مشالله
_________________________________________
ميرا : وانت شن اهتماماتك
_________________________________________
مراد : والله نحب هلبا حاجات
_________________________________________
ميرا : زي شنو
_________________________________________
مراد : اهتماماتي السيارات وانواعهم والجو هدا
_________________________________________
ميرا : اها....به اسمع علاش مش حاط صورتك
_________________________________________
مراد : هكي خايف ياخدوني بالعين
_________________________________________
ميرا : هههههه تصدق انت اكتر ولد نشوفه دمه خفيف وجوه حلو
_________________________________________
مراد : بالله عليك
_________________________________________
ميرا : والله
_________________________________________
°
•
°
•
°
عبسي : رنا
رنا : نعم
عبسي : نسألك سؤال
رنا : اي
عبسي : جاوبيني بصاحة ره
رنا : اكيد
عبسي : عمرك حبيتي قبل
رنا : قبلك انت يعني
عبسي : اي قبلي
رنا تفكرت مؤيد واللي صار بينهم واللي داره فيها : لا 😖
عبسي : بكلل
رنا : بكل واني علي يقين ان الراجالة نادرين....وطبعا انت واحد منهم😍
عبسي : هههه
رنا : وانت
عبسي : اني ماعمري حبيت غيرك
رنا : نحبببك اني
عبسي : بجديات
رنا : اكيد ياعمري انت نمووت فيك
عبسي : واني نموت فيك حبي
°
•
°
•
°
العشية ايناس في عرس بنت اختها هي ومسرة وبابا حتى هوا حضر الفاتحة وقعد مع الرجالة ونادر مع صحابه كالعادة
تررررن 📱
اني : الو
رتاج : حبي شن جوك
اني : تمام توجا شن جوك انتي
رتاج : وين
اني : في الحوش
رتاج : مش ايناس وبناتها في العرس
اني : اي
رتاج : بروحك في الحوش
اني : بروووحي
رتاج : به اطلعي شن قاعدة في الكساد....تعاليلي عندنا اختي
اني : مافيش من جيبيني واصلا اني ماعنديش نية نطلع فرصتي نبي ناخد راحتي مدامه ايناس مهناش
رتاج : والله عندك حق😂....شديري
اني : لافة روحي في بطانية قدام الدفاية ومتمتعة بصوت المطر تبشبش ونتفرج علي مسلسلي😌
رتاج : سعدودك ... اني نعاني في مفرخ اختي زي الهم
اني : ههههه ونزيدك حاجة حاطة قدامي نوتيلا وناكل😜
رتاج : ههههه عاد انتي حشيشتك...غر راهو يجيك السكر
~~
كملت من مكالمة رتاج وقعدة مقعمزة ونتفرج وبعدين قعدت تفكر
علاش اني هكي حظي مافي شي يجي زي مانبي علي قد ماتسنيم مسخفتني وواجعني حالها وتوا نحس في روحي نخون فيها....لو عرفت حتتدمر واني السبب به علاش سراج بالدات.. علاش الاحساس هدا مش لمطلب لمروان لاي حد غيره علاش ماحبيتش مراد ع الاقل امه تبيني ليه ومش مرتبط بحد....علاش ماكانش سراج ولد عم رتاج وكنت اني نسمع عليه بس ولا نكلمه لا يكلمني ولا عندها كيف تلوم عليا
به كيف بنطلع منها القصة هده....كيف شن الحل شني😓 اااه 💔.....والله مرات كلام ماما صح علاش مانتجوزش مطلب ع الاقل نعيش في حوش بروحي ونستقر ....خيرلي من ايناس اللي مش متحمله وجهي وفنفس الوقت ننهي قصة سراج....
°
•
°
•
°
نادر : اي قالولي
مطلب : اي وانت شن رايك
نادر : والله يامطلب كانك عليا اني مش حنلقى خير منك ولا من بوك لكن اختي راسها مسكر نعرفها
مطلب : به كلمها انت مرات تجيب نتيجة
نادر : وانت تخليها تكمل قرايتها....لان هيا هدا اللي تفكر فيه
مطلب : اللي توه اني فيه يانادر
نادر : يصير خير
°
•
°
•
°
تررررن ترررن📱
شفت لقيته رقم غريب توقعته هوا فمبيتش نرد...
وقعد يتصل اكتر من مرة ومابيتش نرد وبعدين سكرت تلفوني
~~
سراج : مابتش ترد شدي تلفونك المنحوس
هنادي : من قال....انت بجلالة قدرك تجري ورا بنت وهيا ماتبيكش
سراج ضحك : من قالك ماتبينيش
هنادي : به علاش ماردتش
سراج : ااا ماتردش علي ارقام غريبة😅
هنادي : امممم وعلاش ماكلمتهاش من تلفونك
سراج : تسألي هلبا انتي
هنادي : امتا طيارتك؟
سراج : علاش انتي مش ماشية
هنادي : no
سراج : مش باعتينك حتى انتي
هنادي : الحق ضروفي ماتسمحش
سراج : فيها خيرة مرة تانية
°
•
°
•
°
☀️⛅
ايناس : اسمعي
اني : نسمع
ايناس : اليوم صالة بنت اختي وبنمشي اني ومسرة ومناسك بتقعد معاك
اني : هدا طلب ولا امر 😒
ايناس : طلب مانقدرش نأمرك تقعد معاك لان كان قعدت غصبا عنك بنقعد مشغولة وخايفة عليها 😏
اني : مني بتخافي عليها؟؟
ايناس : طبعا
اني : انتي اصلا ماتقدريش تأمريني بشي 😊
ايناس : تقعد معاك ولالا 😑
اني : اي عادي
ايناس كيف بتمشي
اني : غريبة بابا ماجاش يقنع فيا نوافق زي كل مرة شكلك لاهية بالعرس ماعبيتيلاش راسه
ايناس : هه😏 تتجوزي ولا تنحرفي شن دخلي فيك
اني : تؤتؤتؤ😏 جو الاستعراض فكينا منه اني وانتي عارفين انك مش طايقتيني وطبعا القلوب عند بعضها
ايناس : نعرف 😊
اني : اي....اني فكرت ولقيت ان جوازي لمصلحتنا احني الاتنين...انتي وبنتك تفتكو مني واني نفتك من المشاكل اليومية
ايناس والفرحة في عيونها : يعني بتوافقي علي ولد خالتك هدا
اني : اي ع الاقل خالتي وحاستني زي امي خير ماعايشة زي الغريبة
ايناس : ماكانش هدا كلامك شن تغير
اني : المهم القرار هدا قوليه لبابا خلي يرد عليهم ؛ ومشيت وخليتها
~~
في السيارة
بابا : مناسك قعدت مع لونا؟؟
ايناس : اي والله لونا قريب نبوسلها رجليها بش قالت عادي تقعد معاي
مسرة : تقول مش اختها
بابا ساكت
ايناس : حقا علي موضوع ولد خالتها هدا
بابا : خيره
ايناس : ذن رديت عليهم
بابا : لالا مزال
ايناس : وشن تستنى هيا بنتك فرحانة بالطير
بابا : بالله عليك
ايناس : والله فرحانة وتبي ويخي اليوم قعدت تقولي قولي لبابا اني موافقة والدوا هده
بابا : به الحمد لله...والله هما عيلة كويسة وصالح مشالله عليه راجل كويس ويخاف ربي
ايناس : به خلاص رد عليهم
بابا : انشالله خير
~~
مناسك : نونا
اني : عيونها
مناسك : ابي تاته
اني : عطيني عسسيل قبل
مناسك : اممممه😘
اني : تعالي نعطيك شكلاته هي
°
•
°
•
°
في هولندا
سراج : اي هيا هده المشكله بسيطة
محمود : يعني العطل مش كبير يا بش مهندس
سراج : لالا ينحل
محمود : خلاص نمشو للاجتماع بعدين نشوفو موضوعه
سراج : اي تمام هي
°
•
°
•
°
نادر : قصدك موافقة ع الموضوع😮
اني بحزن : اي
نادر : خيرك شكلك مش مرتاحة
اني نزلت دمعتي طول : تؤتؤ😢
نادر خداني ف حضنه : انتي مش مجبورة علي شي والله مانخلي واحد يغصبك علي حاجة
اني نبكي : لالا هكي احسن نبي نرتاح
نادر : مطلب كويس ره....وامه خالتي وتعرفيها قداش تعزنا وهوا يلح هلبه شكله😉
اني: شكله شنو
نادر : شكله واقع في الغرام 😂
اني : نوض اقلب وجهك 😑
~~
~~
بابا : وربي يقدم اللي فيه الخي
ع صالح: انشالله كله بالتساخير
~~
خ ليلى : شنوو 😀
ع صالح: موافقين وقالي تو نحددو يوم ونقولولكم امتا تجو رسمي ونديرو خطبة صغيره
خ ليلى : روروروروري 😄
صفاء : حي اني بنقووول لمطلب
شهد : افتحي المايك لما بتقوليله
°
•
°
•
°
_________________________________________
مراد : تمام وين مغطسة ليك مدة
_________________________________________
ميرا : اي معاش نفتح هلبا....
_________________________________________
مراد : اها
_________________________________________
ميرا : ماتبيش تبعت صورتك
_________________________________________
مراد : ماهو قتلك خايف من العين
_________________________________________
ميرا : تو نقول مشالله 😒
_________________________________________
مراد :😂😂
_________________________________________
~~
قعد مراد يفكر : زعما نبعتلها ولا لا لكن مرات كان نبعت تزبطني وتقول لسامي ولا تخاف معاش تدوي معاي تي اللي بيصير يصير وكان قالت لسامي نطلبها منه طول...والله خشت لراسي هالبنت رزينة وماخشتش معاي في مواضيع غلط وواضح عليها ماتتصنعش بكل
بعتلها صورته وطبعا هي دابت فيه وعجبها هلبا وقعدت تحكي لاختها
ميرا : يهببببل مانقدرش نوصفلك
ميار : كيف...عنده لحية💜
ميرا : شعره قهوي هافت سوية ولحيته نفس الشي وطويل يهبببل امالا جسمه يحليييلي 😍وعيونه حتى هم قهويات لكن هافتات هلبا 🙈والله لما نطيحة
ميار : ديري ف راسك لحد الان يحسابك يارا وهوا شكله عاجباته يارا
ميرا: سكريها ف وجهي تو انتي 😒
_________________________________________
مراد : توا دورك 😉
_________________________________________
ميرا : في شنو
_________________________________________
مراد : ابعتي صورتك
_________________________________________
ميرا : قول انك تبصر بش مااطيحش من عيني
_________________________________________
~~
مراد قعد يقرا ومبتسم وعجبه ردها هلبا حسها رزينة
_________________________________________
مراد : مش واتقة فيا
_________________________________________
ميرا : لو قتلي نشوفك ع الطبيعة مرات مانرفضش لكن صورة والله بجديات اطيح من عيني
_________________________________________
مراد : ماشي ماشي
_________________________________________
ميرا : شن زعلت
_________________________________________
مراد : اي
_________________________________________
ميرا: عندك خوات👊😏
_________________________________________
مراد: عندي.....ونخاف عليها من النسمة اللي تفوت ولو نسمع انها تبعت صورتها ندفنها حية وانتي زي مامتوقعك بنت بيتية وخوتك رجالة وربوك ع الصح وكبرتي ف عيني هلبا 👌
_________________________________________
ميرا : شكرا.. 😅
_________________________________________
مراد : به نقدرو نتلاقو
_________________________________________
ميرا : بالك حتى توا تجرب فيا
_________________________________________
مراد : هههه لا والله ندوي جديات لكن نبي نسألك.. لما بعتتلك صورتي مازبطينيش
_________________________________________
ميرا :لالا
_________________________________________
مراد : به احسن
_________________________________________
ميرا : من تكون انت به
_________________________________________
مراد : مع الايام تعرفي كل شي
_________________________________________
°
•
°
•
°
صفاء : الشكلاته هده احلى
شهد : هده ارقى
مطلب : خودو قرار درهتولي كبدي
صفاء : خلاص خود هديكا
شهد : هي نمشو للمحل تللي قتلكم عليه بش ناخدو الورد
صفاء : تي باهي وانتي تتأمري علينا😒
~~
جانا مطلب وبوه وعمامه زوز وطلبوني رسمي من بابا وحددو موعد الفضانية
نادر : ليااال
اني : شنو
نادر : تعالي بيكلمك مطلب😑
اني : علي شن بيكلمني الهم 😒
نادر : كله من بوك هدا ناديها ناديها عشش الزح خشي للمربوعة هوا مقعمز غادي واني تو نجي معاك
اني : افففف 😑
~~
مطلب مبتسم : كيف الحال
نادر : اا باهي كيف بيكون حالها هيا قول اللي عندك بسرعة
مطلب شبحله وتكلم ف خاطره: تو هدا شن دخله ولاش خاش اصلا
اني : اعتقد ان الشروط اللي عندي قالوهالك
مطلب : اا لا قوليهم شن هما
نادر : تي هداكا اليوم قتلك بتقرا وبتسوق ولا غر تبي تسمع صوتها😒
اني : ناادر😮
مطلب : قصدي مرات عندها شروط تانية بعدين هده ولت خطيبتي وبتولي مرتي واني مش حد براني
نادر : انت قلتها بتولي مزال ماولتش
اني : نااادر خيرك😕
~~
°
•
°
•
°
ع عبدالله : باهي الف مبروك انشالله ربي يتمم علي خير
بابا : انشالله
ع عبدالله: والله صالح من انعم الناس
بابا : اي والله عطيته واني مرتاح وبعدين خالتها مش حد براني
~~
فريال : شنو ؟؟
ع عبدالله: ليال بنت علي عطوها
علا : الله...من خطبها
بابا : قال ولد خالتها
فريال بسم : باهي
~~
احمد : بالله عليك😀
نادر : والله....غدوا فضانيتها
احمد : واني اخر من يعلم يامسخ
نادر: تي كله صار بسرعة هيا فجأة خطرلها قالت باهي
احمد : ربي يتمملها علي خير انشالله
°
•
°
•
°
مريم : ليال نخطبت
جميلة : نخطبت😨
مريم : السبوع اللي فات وغدوا فضانيتها
جميلة : ياقعاااادك ياوليدي اهو اللي كنت نبيها مشت
مريم : ماهو احني ماستعجلناش وانتي ياماما تدوي وخلاص لا تلحلحتي لا مشيتي
جميلة: تي كيف بنمشي كيف وخوك التيس مسكر راسه
مريم : نصيبات معليشي
جميلة : عطيني خنكلمها نباركلها
مريم : هاك
جميلة : من قالك انتي
مريم : هي كلمتني وقتلي
جميلة : ااه
~~
طبعا مراد وصحابه في تونس وسراج في هولندا وهم الوحيدين اللي ماسمعوش والحمد لله هدا اللي فرحني
°
•
°
•
°
ماما : تي ياعبسي ماديرش زي خوك محمد البنت فضانيتها وانتو خوالها لازم تحضرو
عبسي : تبيني نمشي لحوشه واني مش متحمل حتى ندوي عليه
ماما : معقوولة هكي ونادر مادرتلاش حساب
عبسي تنهد : والله الا علي عيون نادر بس
ماما : وقول لراجل اختك فاطمة
عبسي : تي اكيد صالح يقوله
°
•
°
•
°
الفضانية
بابا : تفضلو تفضلو
ع صالح : يزيد فضلك
مطلب : اهلين عمي كيف حالك
ع عبدالله: شني خوالك مش جايين
مطلب : لا خالي عبد السلام جاي في الطريق
عم مطلب : انشالله ربي يتمم علي خير
عبسي : السلام عليكم
الكل : وعليكم السلام
نادر : اهلا
راجل عمتي خيرية : ترا مدلي طرف عبمبرة ولدي ماخديتش
نادر خدي زوز حطهمله ع الطاولة : هاك😒
بابا : توا بنهدرزو في اهم شي وهوا موعد العرس
مطلب ضحك من عيونه
ع صالح : والله اني نقول نديروه الشتي الجاي بش البنية تبتت وتوتي روحها علي راحتها
ع عبدالله: وقرايتها اهم حاجة ياولدي
مطلب : كله متفقين عليه قرايتها وتسوق وكل شي
وتمت الفضانية وفات هاليوم اللي كان علي قلبي زي الجبل ونستنى امتا يجي ويفوت..
°
•
°
•
°
رنا : مبروك علي بنت اختك
عبسي : ههههه الله يبارك فيك....عقبالنا ياقلبي
رنا : انشالله حبيبي❤
عبسي : جيتي في الفضانية
رنا : لالا لو جيت كنت سألتك قبل 😏
عبسي : هههههه زعما
رنا : شن نكدب عليك
عبسي : حشاك ياعسسل انتي
~~
_________________________________________
علا : امتا بتروح حياتي
_________________________________________
سامي : يومين تلاته تانين
_________________________________________
علا : يومين تلاته😑 اففف هلبا
_________________________________________
سامي : تي هني ولا غادي علي اساس نشوف فيك كل يوم
_________________________________________
علا : ع الاقل نكلمو ف بعض....توا حتى تهدريزنا بالرسايل
_________________________________________
سامي : سلمه اللي مستاحشني
_________________________________________
علا: علاش انت مش مستاحش
_________________________________________
سامي : مستاحشك موووووووووووووووووووت 😘
_________________________________________
علا : ياعمري انت نحبك
_________________________________________
°
•
°
•
°
ديما : مبروك علي لونا والله فرحتلها
نادر : يبارك فيك
ديما : مطلب كويس باهي الي ربي طيحها فيه
نادر : معاش تشكري ولد قدامي خير مانطلعلك من التلفون😡
ديما : سلمهولي الغيور
نادر : العقبالنا ياقلبي 💕
ديما : قصدك مفكر في المواضيع هده ندور
نادر : اكيد ونستني امتا تبدي حلالي بالدقيقة لكن غر انظم اموري شوية بس
ديما : انشالله
نادر : نحبك اني
ديما : يحليييلي واني نحبك نحبك نحبك💓
°
•
°
•
°
☀️⛅
فريال : وتي الصفرة خوك علي جيه
علا : مشي احمد بيروح بيه
فريال : لا بيروح ف تاكسي لان احمد مشنوق في القهوة
علا : افتح الباب عصومي شكله سراج جي
~~
عصومي : مش سراج بلسم
فريال : انستينا انستينا
بلسم : الله يآنسك شن جوك
هداية : كيف حالك اميمة
فريال : هدوشة....باهي كيف حالك انتي
علا : وين حمودي
هداية : مشي مع بابا
بلسم : اااه صنت الماكلة تهبل شن غداكم
~~
سراج : السلام عليكم
فريال : الحمد ع السلامة وليدي ربي يحفظك
سراج : الله يسلمك...اووو هداية عندنا
هداية : خاالي حمدالله ع السلامة
سراج باسها : تي وييين مغيبة
~~
ع الغدي
سراج : وين رنا
ع عبدالله : تقرا هيا وصاحبتها
سراج : ااه
عمر : مش علي اساس بتروح اول امس
سراج : تأجلت الطيارة
سندس : بلسم...سمعتي بليال
علا : اي حقا سمعتي
سراج كيف قدام الكاشيك وقبل مايصول لفمه رده للصونية
بلسم : خيرها
علا : نخطبت ياحنة 😏
بلسم : بالله عليك
سراج ....
🌷يتبع🌷
600 كومنت = حلقة جديدة
.
.
#__timOo__
