🌷الحلقة 24🌷
مراد شبحله وابتسم : تحبها ؟
سراج ضحك : تؤتؤ
مراد : اااه.....معناها تموت فيها 😉
سراج : هههههه ايوا 😂
مراد : وداير روحك بتدس عليا.... المشكله عيونك فاضحينك😑
سراج تنهد وسكت
مراد : حاسك متردد ؟؟
سراج : هلبا
مراد : علاش
سراج : تعرف...اول مرة في حياتي نحس بالخوف
مراد : خايف منها ولا عليها ولا كيف
سراج : خايف من كل شي
سراج : خايف تصدني...و خايف لو ماصدتنيش تواجهنا مطبات...بجديات الموضوع يخوف
مراد : قصدي انت طبعك مش زي عمر واحمد انت كلمتك ماشيا وامك ماتزيدش معاك حرف لو اتخدت قرار
سراج : اماليا مش مفكر فيهم حتى التفكير ولا شاغل بالي ان يرفضو ولا يقبلو هده حياتي واني حر فيها وزي ماقلت والله مايقدر واحد يزيد معاي حرف ....لكن اني خايف منها هيا....هيا طبعها صعب ومش عارف كيف.... مرات حتى مانعرفش كيف نتفاهم معاها عندك علم
مراد : وكيف عرفت ان طبعها صعب
سراج : نهدرز معاها وكل يوم نفهم فيها حاجة جديدة .... غريبة البنت هده بجديات مش زي باقي البنات....
مراد : هي صح طبعها صعب شوية لكن حتى انت واهق لانك تحبها وخايف تجرحك هدا علاش تقول هكي
سراج : تي لالا هيا صعبة طبعها صعب.... مختلفة علي اي بنت عرفتها في حياتي
مراد : لكن عاقلة ورزينة ره وماعندهاش في التفتفيت والتجكتير الزايد متع البنات
سراج : اااه 💔
مراد : وتهدرز معاها علي اي اساس
سراج : مش عارف
°
•
°
•
°
الخميس
معتصم :😭😭 نبي نمشي معاااكم
رنا : خلي يمشي خيركم
علا : مش لازم غر بنقعدو نعانو فيه وخايفين عليه يغرق
احمد : لالا خلي يمشي عادي
~~
مراد : الو مسرة واتيين
مسرة : اي....وصلت؟؟
مراد : اي هي اطلعو
~~
في البحر 🏖
قعدنا انزلو في الدبش ونحطو فيه في العشة قعدت اني ومريم ورنا بس نضمو في العشة شوية وخش احمد
احمد : وين علا ومسرة
مريم : نزلو للشط
احمد يشبح لمريم ومبتسم وطبعا اني ورنا ولا كأننا موجودين
اني نخصت رنا : هي نطلعو خوك مش ناوي ع الخير 😂
رنا : اي نوضي خير مايصير فيها الدق 😂
نضنا بنطلعو
مريم : استنو جاية معاكم😳
احمد شدها من يدها : تؤتؤ انتي مافيش مشي
مريم وجهها ولا احمر : ااا احمد فكنا مراد يدرس في السيارة وجاي
احمد قربها ليه : اششش
مريم تشبحله وساكته
احمد حطلها ايديها علي كتافه ولف ايديه علي خصرها ويشبحلها بنضرات شوق وحب : استاحشتك ❤
مريم : كل يوم تسمع في صوتي شن تبي تاني
احمد : نبي نشوفك كل دقيقة صوتك مش كافي
مريم ضحكت : طماع هلبا
احمد قعد ينزل في راسه بالشوية ويتكلم : طماع ❤ واناني ❤ وغيور 😍 ؛ قعد يتكلم لين وصل لي رقبتها غرس راسه فيها وقعد يبوس فيها بحنية ومريم دايبة ونست الدنيا كلها معاه
~~
اني : ههههههه احمد نسانا ولا مايشوفش فينا
علا : اكيد معاش يشوف في شي اصلا
رنا : ههههههههه اي يشبحلها ولا كأننا موجودين
مسرة : به اللي استحيتو وطلعتو
~~
نظمنا كل شي ووتينا الفطور وقعمزنا نفطرو ونهدرزو وكان الجو حلو 💕
مراد : تي وينه سراج مركه
احمد : عنده شغل قالي نكمل ونلحقكم
مسرة : ديما وهوا بمواضيعه
اني : تمت الخبزة
علا : في داخل نوضي جيبي ياحلوا
اني : وين نلقاها
علا : اهوني في كيسة
مريم : اهو جي سراج
احمد : طيب فيك
سلم ع الكل واني كنت داخل ماشافنيش نسي اللي مقعمزين كلهم و قعد يدور لدرجة انهم لاحظوه
احمد : خيرك😞
مسرة : قعمز خيرك قعدت واقف
سراج شبح لمراد : ماجاش ؟؟
مراد : من هوا
سراج : ال...😉
مراد : ههههههه يالونا وين الخبزة
اني : ساعة واني ندور
سراج قام عيونه بلهفة وشبح لمراد وضحك : قريب روحت يامراد
مراد : ههههههه غر صلي ع النبي
اني مديت ايدي : شن الجو
سراج مد ايده ومبتسم ويشبحلي من غير مايتكلم
علا : نديرولك تفطر
سراج ضحك : انتي كريمة واني نستاهل 😉
اني ضحكت زبطته يتسهوك عليا لكن مابيتش نشبحله بش مايحسوش المقعمزين بشي
مسرة : بنعوم اني قبل ماتبدا الشمس تحرق
علا : حتى اني
سراج : البسو حاجة مستورة قبل
مسرة : بنعوم هكي اني خيرها لبستي مستورة
سراج : غيريها
مسرة : ماعنديش غيرها
سراج : مش لازم تعومي 😒
اني : به خشي غيريها ولا اسكتي من غير كترة دوا
مسرة : انتي من دوي معاك
اني : الجو ماشي كويس وانتي بتنكدي علينا 😒
~~
سراج : عصوم ماتبعدش باهي
معتصم : مش صغييير اني 😡
سراج : ههههه حتى الكبار يغرقو
علا : هيا ننزلو
سراج : ساوي وشاحك
اني : سراج معقد الامور هلبا انت 😊
علا : بكل.....في الميه وين يشوفو فينا
سراج شبح لعلا : ساوي امه الوشاح بش تروحيش 😒
وشبحلي اني : وانتي اسكتي
اني عجبت وسكتت
رنا : هيا ليال
اني : مش عايمة
احمد : علاش
مريم : تخاف 😂
سراج : بجديااات 😂
مسرة : هيا ننزلووو فوتوها
سراج : هيا نوضي ليال
اني : لالا تو نقعمز ع الشط جنب عصومي
سراج : تي غر نوضي بلا جو زايد
مريم : هيا مبردك
اني : هههههه خيركم عششتو والله مانحب نعوم
~~
نزلو كلهم وسراج ومريم ومراد قعدو يقنعو فيا وطبعا مسرة واقفة تستنى في سراج تبي تنزل معاه
معتصم : هيا لونا اني مانخليكش تغرقي😅
اني : ههههههه بالله عليك
مريم: مبرد دمك هيااا
اني كنت مقعمزة ع الكرسي و سراج قعد واقف يشبحلي وبعدين شدني من ايدي ونوضني من ع الكرسي اني نصدمت من حركته ومريم نفس الشي مسرة وجهها ولا اصفر من الصدمة ومراد جاته بالضحك
سراج شادني من ايدي ومتجه للمية : انتي ماتمشي معاك الا العين الحمرا
اني : تي وين رافعني مانبيييش نعوم
سراج : ماتخافيش اني شادك
اني : لااااا يامراد كلمه
مراد : ههههههه😂 عومي عومي
مريم : ههههههه خوافة
اني : سراج نخاف بالله عليك اطلقني
سراج قعد يبل فيا بالمية : تي من شنو خااايفة
اني : ااااه مصقعة.....ياباااارد 😆
مسرة : شن الوقاحة هده....ادير في الشو هدا بش يدخلها سراج الوقحة
مريم : وكان دخلها عادي😒
مسرة : لا مش عادي 😏
دخلني هلبا وكنت خايفة وطبعا اني قصيرة والمية واصلة لرقبتي وهو قاعدة ماوصلتش حتى لصدره...
اني مانحبش نعوم بكل ونخاف هلبا من البحر قعدت متشنجه ومتكعبشة في ايده
اني : باهي وين رافعني بالله عليييك
سراج شدلي ايديا : هههههه اهدي خيرك خايفة
رنا : ههههههه جو منظرك
اني : كلا من خوك 😑
سراج : خوافة تقول عمرك 10 سنين
اني : ماتطلقنيش سرااااج
سراج زاد قرب وشادلي من جيهة كتافي : مش طالقك 😂
احمد: 😂 عصومي يعوم خير منك
اني : هاهاهاها😒
°
•
°
•
°
بابا : من رفعهم البنات
ايناس : رفعهم مراد ولد خوك
بابا : بايتين
ايناس : اي
بابا قرب من ايناس وباسها في ضهرها : رقدي مناسك خلي ناخدو راحتنا
ايناس تلفتت وحطت ايديها ورا رقبته : بنرقدها توا بتسهر في الليل
بابا قرب وباسها من 🔞: لالا رقديها مش قادر نصبر
ايناس : ههههههه
°
•
°
•
°
🌒
مسرة : ريتيها دارت الجو بش سراج يدخلها امبكري
رنا: لكن هيا ماتعرفش تعوم من زمان قصدي ماتمتلش
علا : اي صح وبعدين سراج عشش فيها ره
مسرة : والله علي نياتكم انتو
احمد : شن توشوشو انتي وياها
معتصم : جعان اني
سراج : اهو نشوو ياهامع
اني : ماكلي شي من بكري ياناري
رنا : ديما هكي ماياكلش
علا : نديرلك ساندوتش مابين طاب الشوا
معتصم : الااا نبي لونا اديرهولي مش انتي
مراد : واقع في حبك الولد ياليال😂
اني :هههههه به تو نديرلك
سراج ومراد شبحو لبعض وضحكو
~~
تعشيينا وبعدين نزلت اني ومريم قعمزنا ع الشط بروحنا
اني : شن شكلك انتي واحمد زي السمن ع العسل
مريم : ههههه هلبا
اني : طالعين علي بعض تهبلووو😘
مريم : ربي يطيحك في اللي احسن منه مع ان ماعتقدش في احسن
اني : ههههه ماتبالغيش
مريم : محلاه الهدوء وصوت الموجة
اني : تعرفي شن الحاجة الوحيدة الغلط في الموضوع
مريم : شني
اني : ان مفروض في مكاني اني مقعمز احمد 😂
مريم : ههههههه وانتي في مكاني اني من مفروض يقعمز
اني : حد خلي الكرسي فاضي لين يجي صاحب النصيب
تلفتت مريم وراها : احمد وسراج جايين
اني : هههه عمره طويل
احمد : نقعمزو جنبكم
اني : ههههه انتو جايبين حتى كراسيكم 😂 ومزال تسأل
سراج حط كرسيه جنب كرسية وطبعا احمد قعمز جنب مريم
احمد : اي كملو هدرزتكم خيركم سكتو
سراج : ولا كنتو تقرو في القرآن 😂
اني : يوجعك راسك كان مالقحتش
احمد بالشوية : نوضي نقعمزو بروحنا
مريم : عييينك
احمد : غر نوضي
سراج شبحلي وضحك : علي اساس مانسمعوش فيهم
اني تحشمت : ههههه
احمد ومريم ناضو بعدو علينا وقعدت مقعمزة مع سراج بروحي تحمشت انوض وتحشمت نقعد مقعمزة ارتبكت معاش عرفت نتصرف
سراج شبحلي وتكلم بهدوء : نعطيهالك توا
اني : عادي براحتك
سراج : نوضي نمشو للسيارة
اني : لالا برا بروحك مش لازم اني
سراج : تي غر نوضي كيف ينجيبهالك اهني مرات يجي حد
نضت معاه ومشينا لسيارته فتح الباب التالاني بانتلي كيسة كبيرة حلو شكلها.... طبعا نحسابه بيمدلي منها حاجة لكن صدمني ان خدي الكيسة كلها ومدهالي
اني : شني هده😮
سراج : شدي
فتحتها لقيتها معبية جميع انواع الشكاليط اللي اني نعرفهم وفي اللي اول مرة نشوفهم وطبعا منضرها الكيسة من برا يهبل
اني : هدا كله ليا
سراج : والله تبي توزعي عليهم انتي حرة
اني قعدت نشبح للكيسة ونتفرج ع الشكاليط و نضحك ولما قمت راسي لقيته يشبحلي بطريقة غريبة ومبتسم وحتى عيونة يضحكو....تحشمت هلبا وتلكمست
سراج : ههههه شكلها الكيسة عجباتك اكتر من اللي فيها
اني : هههههه اي محلاها الكيسة
سراج يشبحلي ويتكلم بهدوء : انتي احلا ❤
اني وجهي ولا احمر ونزلت راسي وبعدين فتحت طرف شكلاته : اول مرة نشوفها الشكلاته هده
سراج : انشالله بطول عمرك
اني : شكرا مرة تانية 😊
~~
مريم حاطة راسها ع كتف احمد : حبيبي هي نولو تو مراد يحس اني مهناش
احمد : تي اكيد يحسابك مع ليال ....بعدين هوا رقد ممكن
مريم : الله
احمد : اي من بكري يقول ينعس فيا النوم
مريم : سراج وليال خشو شكلهم
احمد تلفت : اي شكلهم
مريم : الساعة كم
احمد : اممم الساعة 3
مريم : حي ع جووو تأخر الوقت
احمد تلفتلها : نعستي حبيبتي
مريم : تؤتؤ
احمد حط ايده ورا ضهرها : اصلا حتى كان نعستي مش حنخليك تمشي
مريم : ههههه امالا علاش تسأل
احمد : كان نعستي ارقدي في حضني وتو نرفعك لمكانك
مريم : مزال ماتجوزناش ره 😂
احمد : 😂
مريم كحت
احمد : دهشك الدخان شكله
مريم : لا عادي
احمد طفي السبسي : حاولي تتعودي بتتعايشي معاه مستقبلا
مريم : مش مفكر تبطله شكلك
احمد : لا والله
°
•
°
•
°
سراج قعمز في سيارته : تهبل تهبببل ❤ دوتها وضحكتها وهدوئها كل شي فيها يهبل ااااه ياقلبي...
يارب اجعلها من نصيبي ياااارب ماتكسرش بخاطري يااارب...
كان تردني مش عارف شن يصير فيا اني 💔 نخش في حالة نفسية
~~
مشيت قعمزت ع الشط لان ماجانيش نوم وقعدت نفكر في حركاته وطريقة دوته ونضراته كل شي متغير مش زي قبل
اني : الولاد عينهم واسعة وهدا شكله حطني في راسه زعما يحساب ان في شي اتجاهه لان نهدرز معاه وهكي😞
لكن هوا رزين هلبا ومش متع دوا فاضية..!؟
لكن واضح ان معاملته متغيرة معاي هلبا تي معقولة نحسابة بيجيب شكلاته ولا اتنين كان كتر لقيته جايبلي كيسة معبية....وحتى نضراته ليا لما جنب السيارة وطريقة تهدريزه معاي ع الفيس متغيرة....متغيرة هلبا اووووف كله من تسنيم كله منهااا اكيد خدي عليا فكرة غلط ....اني لازم نوقف الموضوع عند حده لاازم
~~
مؤيد : صباح الخير حبيبتي
مسرة : صباح النور
مؤيد : روحتي من البحر
مسرة : لا مزال
مؤيد : به بنقولك علي مكان وتعالي اوقفي فيه نبي نشوفك
مسرة : علاش جيت😮
مؤيد : علي خاطرك
مسرة : اني ماقتلكش تعالى
مؤيد : اطلعيلي من غير كترة دوا
~~
مسرة تنوض في رنا بالشوية : رنا رناااا
رنا : هممم خيرك
مسرة : نوضي معاي
رنا : وين
مسرة : غر نوضي بسرعة قبل ماينوضو الولاد
رنا : تي وين رافعتيني خلي نغسل وجهي بس😩
مسرة : اغسلي وجهك والبسي وشاحك واطلعي من غير مايحس حد واني نستنا فيك جنب سيارة سراج
رنا : اختك ليال مش راقدة داخل ره
مسرة : اي مش عارفة وينها....المهم انتي اطلعي وكان شفتيها برا قوليلها علي اساس بتخشي للحمام وماتخليهاش تجي معاك
رنا : به
°
•
°
•
°
تسنيم : الو حبي صباح الخير
اني : صباح النور تعرفي كيف بنكلمك
تسنيم : قاعدة في البحر
اني : اي بنروحو الظهر
تسنيم : وسراج معاااكم 😍🙈
اني : اي معانا.....
تسنيم : بش تجيني غدوا عيد ميلادي😌🤗
اني : اي اكيد اني اول وحدة 😅 وكل سنة وانتي طيبة حبيبتي
°
•
°
•
°
مسرة : ليااا ساعة نستنى
رنا : تي وين ماشيا فهميني
مسرة : بري وانتي ساكتة النم
~~
مؤيد كان واقف عاطي بالظهر ورنا تمشي مع مسرة ومش فاهمة شي...
🌷يتبع🌷
600 كومنت وانتظرو حلقة جديدة الليلة 🌘
.
.#__timØø__🌟
