#__وتين__🍃
🌷الحلقة 77🌷
ترررررن ترررن 📱
شافت الرقم لقاته رقم عبسي
رتاج :😨😨اا الو😳
عبسي : مساء الخير
رتاج قبله بيطلع من مكانه : مم مم ممساء النور😶
عبسي ضحك وبينه وبين نفسه "خيرها هده استاكت😑"
رتاج دارت جو الاستعباط : من معاي؟؟😓
عبسي : انتي اللي مني😏جتني رسالة من رقمك
رتاج : اا اا😳...
عبسي: رتاج صح ولا ؟
رتاج : اااا اي
عبسي : نقدر نشوفك ؟
رتاج فنصت عيونها وعضت شواربها وندبت : تت تشوفني 😨
عبسي : اي عندي كلام ضروري نقولهولك
°
•
°
•
°
مريم : شديني ترا بنخش للحمام 😖
شديتها من ايدها وقعدت نقرب فيها للحمام لين خشت وليت ساويتلها سريرها طلعت راسي نشوف في احمد مالقيتاش وليت قعمزت وقعدت نبربش في تلفوني📱 شوية وسمعت صوت سراج : السلام عليكم
#سراج " خشيت للغرفة نشبح فيها مقعمزة ع السرير وشادة تلفونها نصدمت ماتوقعتهاش تكون اهني ....اول ماشفتها قلبي نقبض💔 وجيت بنمشي قبل ماتقيم عيونها وتشوفني وبعدين غيرت رأيي" وتكلمت عادي : السلام عليكم
قمت عيوني شبحتله وبعدين رديت : وعليكم السلام
ورديت عيوني في التلفون.... حط الكيسات متع الماكلة ع الطاولة وبعدين معاش حسيت بيه قمت عيوني مالقيتاش 💔
طلعت مريم من الحمام قعمزت وجبت الماكلة حاولت نوكلها مابتش تاكل رديت الكيسات زي ماكانو وعلي خشت احمد : افتحي ليال كولي
اني : لالا والله ماعندي نية
خش سراج وشبح لاحمد : بنمشي اني
احمد : تي خيرك هادو كلهم من بياكلهم
سراج : تو ناخد وحدة ناكلها ف الحوش😑
احمد ضحك : تي قعمز ياراجل بلا جو العشاق متعك😂
اني تحشمت
سراج ولا ابتسامة ولا ردة فعل خدي الكيسة وطلع واني قعدت نشبحله
احمد : مركه الزح 😶
ترررن ترررن📱
اني : الو
رتاج : لوناااا كان نقووولك كان نقوووولك😆
بعدت التلفون من ع ودني من صوتها العالي : خخ خيرك اللطف 😶
رتاج : بنحكيلك حاجة ضروري نتلاقو ضروووري
اني : وين بنتلاقو ف هاليل
رتاج : غدوا بتمشي للجامعة
اني : كملت اني ماعندي لاش ماشية
رتاج : اففف منك
اني : تعاليلي في الحوش غدوا العشية
رتاج : خلاص تم 😊
°
•
°
•
°
☀️⛅
وليد : مشالله مشالله شني صفرة الفطور المتكمة هده🤤
غزل : شن رايك 😌 درتها بروحي ماخليتش الشغالة توتيها
وليد : شن المناسبة
غزل : امممم جايتني مسرة😁
وليد ابتسم : مسرة ❤
غزل : اي عزمتها ع الفطور
وليد : يعني اني بنطلع توا😅
غزل : لالا عادي قلتلها نفطر اني وياك ووليد 😊
وليد ضحك من عيونه وجبد الكرسي وقعمز: به كلميها قوليلها تستعجل
غزل : كلمها انت😏😜
وليد : شن قصدك😒
غزل مشت : كلمها كلمها
اتصل بيها وليد
مسرة شافت الرقم ابتسمت: الو
وليد : جوعتينا ره 😜
مسرة بصوت هااادي : صباح الخير 💛
وليد جسمه رعش من صوتها وتكلم بنبرة هادية : صباح الورد 🌸
مسرة : قريب نوصل
وليد : ماتعطليش عليا💓.....قصدي علينا 😜
مسرة ضحكت : تمام 💓
~~
وصلت مسرة وكانت بكامل اناقتها وبارزة كل انوثتها 💕
غزل : ياهلا ياهلا 😘
مسرة سلمت عليها : صباااحو
غزل : ورد وفل وياسمين اطلعي للجنان وليد في انتظارك😜
مسرة تحشمت : مبرد تعالي معاي
غزل : شوية نجيب العصير ونجي
خشت مسرة وكان وليد مقعمز عاطي بالظهر وشاد تلفونه ضرباته ع كتفه : هااي
وليد تلفت مبتسم وزادت ابتسامته لما شاف لبستها وشكلها...ناض وقف وشدلها ايدها قامها فوق : اوف اوف اوف شن هالحلا ❤
مسرة : هههه اخجلتني الحقيقة😌
وليد : اي واضح عليك الخجل 😂
مسرة : مبردك ماتعرفش تكمل الاتيكيت
وليد يضحك وجبد الكرسي : تفضلي مادموزيل مسرة
مسرة قعمزت : ميرسي😌
حط ايديه ع مسند الكرسي وراها ونزل راسه قربه من ودنها وتكلم بهدوء : لكن بجد طالعة حلوا ❤
مسرة تحشمت : هههه شكرا
خشت غزل وقعمزو يفطرو ويهدرزو وكل شوية وليد يشبح لمسرة ولما تجي عينها في عينه يبتسملها وغزل دايرا روحها مش مركزة...
°
•
°
•
°
مرتضى : عطيني فلوس النم خيرك قفاصة
مودة بصوت عالي : معنديييش ما عندييييش شني كل يوم جاي تطلب ناقص غر نديرلك معاااش😡
مدها مرتضى كف لا يقرا لا يكتب لين ودنها زنت
مودة حطت ايدها ع خدها وقعدت تعيط : ياحيواااان كسسسرة ف ايدك😭
جو امها وبوها : خيييرك
مرتضى واقف ويشبحلها بغل
مودة : المسخ الحشاااش الخناااب ضربني ضربة وضرب كبده انشالله😭
بوه : ضربك😠
مرتضى : كدااابة لعنة الله عليك
مودة : جايني كل يوم يبي فلوس يحسابني مسؤولة عليه وعلي حشيشه المسخ الخناااب
مرتضى : تعرفي ماتسكريش خرارتك نجي نكسرك توا😠
بوه : تكسرها...تحسابها ملوحتلك في الشارع ياولد الكلب تفووو عليك وع اللي جابك ياوسخ
مرتضى طلع ويقربع في البيبان ويخبط زي المهبول
مودة تبكي : يحسابني بنفوتهولة الكف تي وراس امي لما اندمه 😭😏
شوية وخش محمد ورنا: السلام عليكم
سالمة : وعليكم السلام خشو خشو
سلمو وقعمزو وسالمة تحاول تغطي ع العركة وتخلي ف الاجواء طبيعية وطلعت مودة تمسح في دموعها
وسلمت ع رنا ومحمد وكيف قعمزت جتها رسالة من مرتضى
📩
______________________________________
ياق$#### يا$#### يابنت ال##$ والله لما نوريك ع الكلام اللي قلتيه يامسخة والله لما نديرلك العار قدام خطيبك تو تشوفي
______________________________________
مودة ماقدرتش تسيطر ع روحها وتعصبت وقعدت تبكي ورنا تشبحلها مستغربة
محمد : خييييرك😮
مودة : خوووك المسخ شوف شن باعتلي كلام يخلع😭😭 الحيوان هدا....كل مايطلب مني فلوس ومانعطيشي يسمعني وسخ وداني الوسخ😭😭
محمد خدي منها التلفون يقرا ومصدوم بالكلام
سالمة تفنص في مودة متع لاش داوية ومودة ولعت فيها:معاااش تفنصي فيا يام معاش تفنصي😭 انتي تبيه يدير مايبي فينا ونسكتووو😠
محمد : شن الكلام هدا اللي كاتبه الوسخ 😡
سالمة : هي ردت عليه الدوا ماهيش خصيصة حتى هي
رنا : خلاص ساعة غيض معليشي
مودة تعصبت من امه : بعد هدا كللله طلعت اني الغالطة 😭 امالا والله لما ندوي معاد ساااكته...وشبحت لمحمد ورنا
مودة : هو اللي خاش لحووشكم وخانبكم مرتين الحشاش هدا لما ينقص عليه يبدا ينهب ويخنب 😭
محمد نصدم : شش شن هيااا
رنا شبحت لمحمد 😏
محمد جي شدها من كتفها بقوة : وعلاااش قعدتي سااااكتة 😠
مودة خافت : اا هه هو يهدد فيا قالي تقولي نقتلك😢
محمد قعد يهز فيها من كتفها : مشي حضرتك دسيتي عليه يامسخة تفو عليك وعليه
وطلع محمد مغلول يدور في مرتضى
رنا بينها وبين نفسها " الله هدا وين تريحت😏نفضح المسخ هدا "
°
•
°
•
°
اني : شن هو الموضوع شغلتيني 😮
رتاج : عبسي🙊
اني قعدت نصفق👏: معجبة مغرمة انا بقا مش عايزة الا هوا 😂
رتاج : بلا تسهويييك مش ناقصاتك
اني : شن في
رتاج : شكلي درت عملة ولا ممكن مادرتش مش عارفة
اني : ربي يشفيك 😂
رتاج : خلي نحكيلك القصة من البداية 😶
اني : نسمع فيك
رتاج : في عرس تسنيم مشيت.......وحكتلي القصة من الالف للياء
اني : يافاانص😮😂😂
رتاج : اللي درته صح ولا غلط زعما😓
اني : به وين بتتلاقو وامتى
رتاج : غدوا في##$$
اني : ترررك مايطلع منك 😂...قصدك بتولي مرت خالي
رتاج : خايفة غدوا يقول كلام تاني مش زي مامتوقعاته😓
اني : ربي يستر
°
•
°
•
°
🌒
روحو محمد ورنا والاتنين ساكتين ولا كلمة وبعدين رنا ضحكت بهزوة :😏 هه مرة تانية معاش تقول كلام مش مسؤول عليه
محمد ساكت ومغلول
رنا : المشكلة كلكم ادافعو الهم😑
محمد شبحلها وتكلم بصوت مش عالي: شن تبي انتي...تبي الدهب تبي الفلوس تو نجيبهملك.... تبي حاجة تانية
رنا متكية ايدها ع الروشن وساكته
محمد قعد يعيط عليها : تبييييي حااااجة تانية ادوووي😠 الزززز$### متشمتة انتي لا شنو 😠
رنا علت صوتها : ماقلتتتتش متشمته لكن مادافعش علليييه
محمد يعيط: دافعت لان انتيييي ماقلتيش شفته بعيوووني انتي جاية تقوووليلي شبه متأكدة....شن تبيني نقوله مرتي قالت شبه متأكدة انت خنبت😠
رنا : لا قللللتلك..... قللتلك خوووك خناااب مابيتش تصدق فيه
محمد وجعاته الكلمة ..... درس ايمينه وهاج فيها : بااااهي احنيي عيلة خناااابة احني مش ناااااس يابنت الناس بااااهي....شن تبي توااااا 😡هي شن هو اللي تبيييه تبي دهببببك تو نجيبهووولك والباقي رزقي اني ينخنب ولا ينحرق😠...
قعدت رنا متكيه ع الروشن وخانقتها العبرة طول الطريق وحست روحها كلمتها غلط.... وصلو للحوش نزلت رنا ومحمد ولع السيارة ومشي ماخشش حتى للحوش وقعدت الليل كله بروحها
~~
~~
~~
اياد : صب حمادي صب 🍻
محمد صبله : اششششرب اشششرب😩
سراج شاد طاسة ويدعدع ايمين وايسار : تتتعرفوووو ياووولاد اانيييي كرررهت ججد ام الدنيااا نبي نموووووت
محمد جاياته ع الضحك : تحيييييا المووووت 😂
اياد : تحييييا الموووت😂😂
سراج : ياعنديييين اللي يحكيييلكم بكل😩
محمد لسانه رزين : نبييي نمووووت
وقعدو يشربو ويدعدعو سكارة وكل واحد يعبر عن مشاعرة زي المهبلة .....وبعدين رقدو وقعد سراج بروحه....طلع للجنان وخدي معاه شيشة الشرب وقعمز ع الدروج وبدي يشرب وبعدين عيونه ولو حمر هلباااا ونزلت منه دمعة حاارة💔...تكى راسه ع الحيط اللي وراه وقعد يخبط في راسه عليه : ااااه ياربي ااااه💔
°
•
°
•
°
بابا متكي ع السرير ومرقد جنبه مناسك
ايناس جت اتكت وراه ولفت ايدها ع ضهره : وين سارح الحلو
بابا رد بجفاف : شي ....وحولها ايدها من عليه : تعبان بنرقد😑
ايناس ناضت متعصبة :انت الفترة هده ديما تعبان حسيتك😒
غطى راسه بالبطانية وفاتها
~~
~~
مقعمزة مسرة وفاتحه الفيس شوية وجتها رسالة ع المسنجر من وليد...ضحكت بفرحة وفتحتها
______________________________________
وليد : ارقدي ياهبلة 😛
______________________________________
مسرة : ارقد انت 😌
______________________________________
وليد : يقولو السهر هلبا من علامات الحب
______________________________________
مسرة : اها...وانت تحب ؟
______________________________________
وليد : بديت نسهر هلبا...شكلها هده اول علامة....
______________________________________
مسرة : باهي يافيلسوف شن جوك
______________________________________
وليد : مش مليح بكل💔
______________________________________
مسرة : علاش خيرك
______________________________________
وليد : تي فوتي...المهم انتي شن دايرا
______________________________________
مسرة : احكيلي خيرك
______________________________________
وليد : ماتنحكاش هكي لازم بالصوت 😜
______________________________________
~~
مسرة " يحليييلي يتسبل يبي يكلمني🙈 محلاااه ياربي محلاااه💕 معقولة يجي يوم ونحب وليد...وليييد وليد البارد....اي عادي علاش لا😌 اصلا حتى هو يتدحنس واضع يبيني "
ترررن ترررن 📱
مسرة : ماأذنتلكش تتصل اني 😌
وليد : اسف خلاص تو نسكر
مسرة : ااا لالا ماتسكرش😮
وليد ضحك : مش قلتيلي ماأدنتلكش
مسرة : نبصر 🙊
وليد : معاش تبصري نزعل بسرعة ره
مسرة : من امتى القلب الرقيق😂
وليد : من زمان قلبي رقيق غر انتي ماتعرفينيش 😉
مسرة جمعت كل انوثتها في نبرة هااادية : احكيلي خيرك 💕
وليد عض شواربه وغمض عيونه (الصايع😂) وتكلم بهدوووء : صوتك 😍
مسرة : شش شنو😳
وليد فاق علي روحه : اا علي صوتك مانسمعش فيك😅
مسرة : امممم 😏...قتلك احكيلي خيره جوك
وليد : تعرفي انتي باردة ودمك رزين و عصبية لكن نرتاح لما نهدرز معاك❤
مسرة حطت ايدها ع قلبها وابتسمت : اني عصبية ودمي رزين 🙁
وليد : وباردة نسيتيها 😂
مسرة : خزي عليك....
ولييد ضحك
مسرة ....
وليد : تعبااان تعرفي
مسرة بحنية : شن متعبك 💔
وليد : كل شي....تعبان من كل شي
°
•
°
•
°
☀️⛅
عبسي : صباح الخير
رتاج تشبحله وقلبها بيطلع من مكانه : صباح النور❤
عبسي : تفضلي قعمزي
رتاج قعمزت وقعدو شوية ساكتين وبعدين تكلم عبسي : تعرفي يارتاج اني انسان لانعرف نلف ولا ندور وكله نفقش فيه هكي طول...قصدي اني بنقول كلام مرات يزعلك الحق
رتاج : اا عادي قول اللي تبيه نسمع فيك اهم شي الدغري حتى اني مانعرفش نلف وندور😊
عبسي : اي واضح عليك صريحة هلبا...وقام عيونه وشبحلها...وجريئة
رتاج قعدت ساكتة
عبسي : اني نحترم مشاعرك واحاسيسك...لكن الحق رسالتك ماأترتش فيا ومن ناحيتي مافيش اي شعور وحتى جيانك للمحل ماكنتش مدايرله اعتبار الحق...ومن الاخير اني راجل فايتها الدوا هده وماعنديش ليها خلوق 😑 وانتي....
رتاج قطعت علي كلامه وعيونها حمر : خلاص فهمتك....سلام
وخدت شنطتها وناضت وكانت مخنوقة تستنى امتى تطلع من المطعم واطلع البكية اللي كاتمتها 💔
طلعت وقعمزت ف سيارتها اتكت ع الدومان وانهارت بالبكي...بكت بحرقة بكت ع كبريائها اللي طيحاته وع كرامتها اللي هانها وع حبه اللي لازم تنساه وع العداب اللي جايها...بكت بكت لين دموعها نشفو💔
~~
طلع عبسي من المطعم يشوف فيها قاعدة مدرسة ركب سيارته وخطم من جنبها وركز فيها كويس...زبطها تبكي قعد يسوق ويشبحلها وبعدين مشي
°
•
°
•
°
كلمتني مريم قتلي تعالي لحوشي اقعدي عندي لان ادوخ هلبا وماتقدرش تتحرك وامها مريضة ماتقدرش تعول عليها...المهم تحشمت ماقدرتش نقوللها لا مع اني مانبيش نتلاقى مع سراج
~~
مريم : لونا تعبتك معاي
اني : ياسر منها الدوا هده
جميلة : سلمها لونا والله حق تعبناها
اني : عادي مرت عمو مريومة وخيتي❤
خش احمد : مريومة وخيتك 😜...به حسي بالناس التانية ياطيبة انتي
اني استغربت : من ناس؟
مريم : تستعبطي😜
عرفتهم يلقحو علي سراج طلعت وواضح علي وجهي اني تعصبت منهم
مريم واحمد شبحو لبعش
~~
خش سراج للحوش مالقي حد اتصل بأمه : وينكم النم مزال ماروحتوش 😡
فريال : اي مزال العرس ماتمش وليدي
سراج : تي باهي به😑
فريال : اركب لاحمد تعشى عنده...كلمت جميلة قلتلها تقطعلك عشاك
سراج : به
سكر من امه....شوية واتصل احمد
سراج : ايوا
احمد : ايوا سيرجو روحت
سراج : اي كيف وصلت
احمد : هي اركب تعشى
سراج : من في
احمد ضحك : عمتي جميلة
سراج : بس؟؟
احمد : تي اي ياراجل اركب😑
ركب سراج طق ع الباب فتحتله جميلة : اهلين خش سراج
كنت نحط في العشي ف الصالة سمعت اسمه "واااك عليك حظ 😑"
خش سراج للسقيفة واني كيف طالعة للكوجينة شبحني
احمد يشبحله ويضحك : تي خش
سراج طارتله : تتمهتك علي جد امي انت😒
احمد : تي خش ياراجل بلا جو زايد
سراج لف وفتح الباب بيطلع...قعدت نشبحله من بعيد " اااه لو كانت عندي سيارة كنت قتله يقعد ولبست عبايتي وطلعت اني 😡"
جميلة : خيرك وليدي مش بتتعشى
سراج : لا صحيتي مرت عمي تو ندير حاجة ناكلها بروحي😑
احمد لحقه : تي خيرك ياسراج الزح شن الجو اللي ادير فيه
سراج نازل في الدروج : فوتني😒
جبت العشي لاحمد
احمد : صحيتي
اني : نزل علي خاطر اني اهني ؟؟
احمد ضحك وهز راسه بمعنى اي
اني : اا به انزل كول انت وياه لوطا
احمد : تي فوتيه هدا يتشرط علينا 😑
اني بعفوية : بيرقد جعان 🙁
احمد ابتسم : واجعك😉
اني : لا لكن قصدي
احمد قص ع كلامي : به زيدي كاشيك تو ننزل ناكل اني وياه
ساويت الصفرة وهكي ونزل احمد خش للحوش لقاه مقعمز يدخن...حط الصفرة جنبه : خير امك انت
سراج : قيم دين امها مانبيش نتسمسم
احمد شبحله : وراس امي ماكنت نبي ننزلك ياخرا😒....وغمزله... غر ليال قتلي بيرقد جعان 😜
سراج يسمع وساكت
تعشو وكملو وركب احمد وخش رقد هو ومريم..
ضميت حوسة العشي وكملت وخشيت فراشي وقعدت نهدرز اني ورتاج ع المسنجر وحكتلي ع اللي صار معاها وتبكي وحالتها حالة...سخفتني هلبا 💔 وقعدت نواسي فيها شوية وطق الباب وكلهم راقدين اضطريت انوض نفتح
فتحت لقيته سراج
سراج : احمد وين
اني : ااا رر راقد 😳
سراج تنهد : اففف
اني : تبي انوضه
سراج مشي من غير مايرد عليا وكيف بنسكر الباب رجع: اسمعي
طبعا كنت مغلولة وشي طبيعي بنردله نفس الحركة...لما رجع بيكلمني سكرت الباب ومارديتش
سراج وقف : خيرها هده😡
قعد يخبط ع الباب بقوة
فتحت: خيييرك اللطف ليل
سراج : اني اللي خيرني ولا انتي 😒....علي من تسكري في دين امه الباب 😡
اني : نقص صوتك...خيره هدا
سراج حدفلي وراقي : اعطيهم لاحمد
اني تعصبت بننفجر : تعالى قيمهم😡
سراج ولا : شن هيااا عاودي ماسمعتش 😒
اني : قيمهم زي ماحدفتهم 😑
سراج شبحلي من فوق لتحت : تأمري حسيتك 😒
اني : اللي حدفته قيمه امالا تبيني اني نطبس نقيمهم وياريت تخلي المعاملة طبيعية بلا جو العداوة لان بدت سيرتنا علي....
قعدة ماكملتش كلامي جبدني بقوة لصقني فيه وجبد الباب سكره وقعدنا الزوز برا...لصقني في الباب وحط ايد ايمين وايد ايسار وقارن حواجبه منظره يخوف
اني سخنت مع بعضي نسمطت معاش عرفت شن ندير😳 قرب وجهه من وجهي
سراج : شن تبي مني انتي....وين مانهرب تلحقيني علااااش
اني : مم مالحقتكش اني نحسابكش اهني 😢
سراج :😏 جاية لحوشنا وتقوليلي مانحسابكش😡
اني : حح حول بنخش😢
سراج يشبحلي وعيونه مليانات غل وقعد يخبط علي قلبه بايده:كل ما نحاول نداوي الجروح اللي خليتيها اهني...وزاد قعد يخبط ع قلبه...تجي انتي قدااام خليقتي وتزيدي ع الجرح ملح
اني خنقتني العبرة ونشبحله وخلاص
سراج قعد يشبح لعيوني بغل ومتعصب وبعدين النضرة بدت تتغير بدي يشبحلي برغبة🔥...شبحته دارتلي رعشة في كل خلايا جسمي حسيت روحي متبنجة بالكامل ❤
قعدنا نشبحو لبعض فترة وهو يحاول يخلي روحه عادي لكن خانته دمعته ونزلت...
قعد مدرق وجهه بكم فانيلته ويبكي....لا شعوريا نحيتله ايده من ع وجهه ولفيت ايديا علي رقبته وحضنته ❤
لف ايديه ع خصري لين حسيت عضامي خشو بعضهم من قوته💕...غرس راسه في رقبتي وقعد يحولي في شعري بوجهه لين حولي شعري من ع رقبتي وحط خشمه ع رقبتي ونحس في دموعه ينزلو ع كتفي
#سراج
" اول ماحطيت خشمي علي رقبتها مش عارف شن صارلي...اول مرة يجيني شعور هكي...حسيت برعشة في جسمي ولفيت يديا عليها بقوة جهدي.... وكان خاطري نقيمها ونرفعها ونطلع اللي في خاطري كله فعل مش كلام❤ ااه قداش مانتمناها تكون حلالي ونقول اللي نبي نقوله واني ف حضنها🔥"
قعدت حاضناته ونبكي ونشهق زي البيبي اللي كان رايح من امه 💓 و نزيد نقوي في حضنتي ونطلع في كل الهم اللي حسيته واني بعيدة وكل مانقوي ونحضنه كل مايزيد يضغط عليا بايديه ويقرب فيا منه🔥 قعد يحرك في خشمه ولحيته ع رقبتي وبعدين حط فمه وباسني بوسة خفييييفة وطويييلة 💋 واني حاسة رجليا معاش يحملوني حاسة روحي ع شوية بنفشل وبنجي بين يديه
سراج غارس وجهه في رقبتي ويتكلم : ارجعي لونا معاش قادر من غيرك 💔...ارجعي علاش العداب علاش
اني نسمع فيه ونبكي وخلاص
بعد راسه شويه وحولي شعري من ع عيوني بانامله وحط خشمه ع خشمي : نبيك ليال نبيك ليا نبيك مرتي وام صغاري💔
اني لا اراديا زادو دموعي لما قال ام صغاري....حولتله ايديه من عليا وهزيت راسي بمعنى لا: مانقدرش اني مانقدرش😭
°
•
°
•
°
#بريطانيا
خش عمر للحوش وكان كيف واصل من ليبيا....لقي الاضاء مطفية فتح ضي الصالة لقي شموع وقاتو وجو رومانسي...شوية وطلعت داليا من المطبخ لابسة روب احمر قصير هلبا وقايمة شعرها ودايرا ميك آب
شبحلها وابتسم ❤ جت قربت منه ولفت ايديها ع ضهره : استاحشتك 💕
عمر حط ايديه ع وجهها : بتهبليني انتي ره
داليا : اممم وهدا المطلوب
قعمر نزل راسه وباسها من رقبتها
داليا بعدتله وجهه شويه وحطت خشمها ع خشمه : عندي ليك خبر حلووو
عمر : خبر شنو ؟؟
داليا :......
عمر نصدم 😮
🌷يتبع🌷
.
.
#_timOo_💫
