#__وتين__🍃
🌷الحلقة 62🌷
مراد : اني ماشي للمستشفى...شكلك ماتندريش
سراج : علي شنو
مراد : ليال في المستشفى
سراج : كك كييف في المستشفى 😨
مراد : تي مستبردة قالو...خير امك قريب تطلعلي من التلفون
سراج : غر وين في اما مستشفى
مراد : تي حسستني بتجي وانت في اخر الدنيا
سراج : ادوي النم
مراد : في###
ناض سراج بسرعة وكان متوتر ومش عارف كيف يتصرف...
طلع من غير حتى مايستأدن من مديره
هنادي شافاته يمشي بسرعة استغربت ...لحقاته
هنادي : سرااج...سرااج😮
سراج : نعم
هنادي : خيرك انشالله خير
سراج وهو يمشي : بنروح
هنادي :علاش....ره غدوا يسجلوك غياب
سراج يفتح في باب السيارة : تي يسجلو ولا ينحرقو
هنادي : انشالله خير
سراج : بالسلامة
°
•
°
•
°
مراد :به شن قالولكم بالزبط
نادر : هي عندها نزلة معوية بس...لكن اللي استغربته ان طلبو عليا تحاليل مافهمتهمش
مراد : درتهملها
نادر : اي
مراد : انشالله خير
ماما : لالا عاديات التحاليل مايخوفوش
مراد : سراج جي
ماما تلفتت وشبحاته جاي قرنت حواجبها 😡
نادر : مشالله العيلة كلها سمعت
سراج : السلام عليكم
كانو ماما ونادر واقفين ويشبحوله باستغراب علاش وشن اللي خلاه يجي...وهو مع ان موقفه غريب شوية وجيته مش في محلها لكن مافكرش في شي الا امتى يوصل فيا ويشوفني💔...ماكانش هامه شن ردت فعل ماما او موقفها قدام نادر
نادر : اهلين سيرجو شن الجو
سراج كان واضح عليه التوتر والخوف في عيونه كأنه اخته ولا بنته اللي في المستشفى : تمام
مراد : يشبح لماما وكانت بتنفجر وهي تشبح لسراج وطبعا سراج ماعطاها شي وماشافلهاش بكل
نادر : من قالك سراج
سراج : ااا مراد كنت خاطم عليه عندنا موضوع مشي قالي مشيت للمستشفى
مراد : شاد ضحكته بالسيف
سراج يبي يسأل ومش قادر...
الدكتور كيف طلع
ماما : نخشولها دكتور
الدكتور : اي تقدرو تخشولها
خشو ماما ونادر وقعدو سراج ومراد برا
سراج : شن قالولها
مراد : طلبو عليها تحاليل ومش عارف شني
سراج : تحاليل شني
تررررن ترررن 📱
مراد : الو
ميرا : وينك حبيبي من بكري نتصل
مراد : صار موضوع ماقدرتش نرد حبيبي
ميرا : موضوع شنو
مراد : مش قتلك بندوي مع نادر
ميرا : اي دويت معاه ؟
مراد : لا اخته مرضت ومافضاش
ميرا : الله ياناري 😯
سراج : تي سكر التلفون النم وافضى بيا شوية😡
مراد : باي حبيبي بعدين نكلمك
ميرا : باي....نحبك 💕
مراد : واني نموت فيك ياعمري
سراج : موت يرفعكم في يوم واحد
مراد : شن تبي هي 😒
خطم الدكتور من جنبهم...
سراج : دكتور
الدكتور : تفضل
سراج : شن هم التحاليل اللي طلبتوهم
الدكتور : قصدك ع المريضة اللي دخلناها توا
سراج : اي
للدكتور : عطيتهم لخوها
سراج : اي عارف قصدي لشني بالزبط
الدكتور : عاديات مافيهم شي يخوف...؛ ومشي
سراج خش للغرفة وكنت اني راقدة مانندري علي شي
ماما شبحت لسراج : صحيت بارك الله فيك خلاص حالها كويس تقدرو تروح😊
نادر : خيرك يام 😡
ماما : قصدي هو ومراد مش لازم يتعبو روحهم الوقت تأخر
سراج : تعبكم راحة مدام نجلاء
خش مراد : نستأدنكم اني كان صارت حاجة طمنونا
نادر : ادنك معاك...بارك الله فيك مراد
~~
طلع مراد ولحقه سراج
سراج : مرااد
مراد : نعم
سراج : مش كنت بتكلم نادر
مراد : فوتها توا مش وقتها
سراج : لالا وقتها هو الموضوع عائلي...برا نادي نادر ونادي امه وادوي معاهم
مراد : وانت قعمز تأمل في حبيبة القلب براحتك 😂😂
سراج : ايوا اك تفهم 😂
~~~
مراد ولى للغرفة ونادى نادر وماما وقعدو واقفين برا الحجرة وطبعا سراج استغل الفرصة وخش
اني كنت نص راقدة ونص فايقة ومش حاسة بشي
جي سراج قعمز ع حاشية الطاولة وطبس عليا
سراج : حبيبي ❤....ياقلبي انتي كان تصيرلك حاجة نهبل والله نهبل💔
قعد يفيق فيا لين فتحت عيوني...قعدت نشبح ونحساب روحي نحلم ولا نتخايل
سراج ابتسم : فقتي ❤
اني : سس سراج 😪
سراج حاط ايده علي راسي ويلعب بشعري : عيون سراج ❤
اني : ابتسمت وعيوني مغمضات مش قادرة نفتحهم
~~
نادر : شني انشالله خير
مراد قعد ساكت شوية وبعدين تنهد : والله يانادر اهو قدام امك... انت زي خوي وعارف معزتك عندي
نادر : صحيت بارك الله فيك والله حتى انت معزتك كبيرة
مراد : اني سمعت كلام لكن مافهمت شي الحق
ماما : كلام شنو انشالله خير
مراد : قصدي انت واحمد نعرفكم صحاب ومادسو في شي علي بعضكم...لكن الموضوع اللي صار لخبطلي دماغي الحق
نادر تنهد : قصدك علي موضوع مريم
مراد : اهو فاهم الموضوع...شكلي اني بس زي الاطرش في الزفة
ماما ضحكت : حشاك
نادر : والله كلنا مشوشين ودماغنا ملخبط مش غر انت
ماما : توا كل شي بالنصيب وهدا اللي صار
مراد : باهي...لكن من حقي نفهم ياعمتي نجلاء ولالا
ماما : اكيد
نادر : غر تعالا برا وتو نفهمك القصة
طلعو مراد ونادر قعمزو في السيارة
مراد : نسمع فيك
نادر : يامراد الموضوع ومافيه ان اختي مسرة تبي تنتقم من احمد علي عركتها هي وياه
مراد : وشن دخل اختي
نادر : احمد واختك يبو بعض وانت عارف احمد وش اخلاقه والله من يامات هي في التانوي يبي يخطبها لكن متردد و في الاخير مسرة وامها.....وحكاله
~~
~~
اني : كك كيف جيت 😪..وين العيلة
سراج : برا
اني : نن نادر تو يجي...
سراج قص علي كلامي : اششش ماتعبيش روحك حبيبي❤...نادر برا مع مراد ماتخافيش
خشت ماما ولقت سراج مقعمز ع الطاولة جنب راسي وشاد في ايدي
ماما : انت ماروحتش
سراج بكل برود : تؤتؤ
ماما : تاعبة هي ماتقدرش تدوي
سراج شبحلها : شن هم التحاليل اللي طلبوهم
ماما : شن دخلك
سراج : كان اني مادخليش مني اللي دخله
ماما : قصدي اول علي اخر بنتي مش ليك ياريت تستوعبه الموضوع هدا
سراج : والله اني محترمك ونتفادى في المشاكل معاك لابعد الحدود ومخلي مكان للعشرة اللي حتصير بيننا
ماما : هههه عشرة...والله لو تكون اخر راجل في الدنيا ماتحلم تناسبني
سراج غمزلها : الايام بيننا
علي جية نادر وطاحت في ودنه الكلمة
نادر واقف يشبح ومستغرب وماما تلخبطتسراج شبح لنادر : نحلت ولا مزال
نادر ضحك : انتو عليكم تموشو تخطبوها لخوك ومحلولة بادن الله
سراج شبح لماما : شكلي بنخط اني وياه في مرة وحدة 😜
نادر : ههههه شكلك في عيلة ف بالك
سراج ضحك : اهو انتو قراب علاش نبعد بعيد...😉
نادر ابتسم باستغراب
سراج مشي : تصبح علي خير
نادر : وانت من اهله...صحيت سيرجو
°
•
°
•
°
#بريطانيا
عمر : حبي ❤...اني مروح
داليا : علاش بسرعة هكي 💔
عمر : ليا قريب اسبوعين اهني...معاش فيها كيف
داليا : ماتعطلش عليا
عمر : علاش نقدر اني 💕
داليا باساته من خده : نحببببك
عمر نزل راسه وغرسه في رقبتها وباسها بوسة طويلة وهاااادية وتكلم بهدوء : نموت فيك❤
°
•
°
•
°
مرتضى : الحمد لله ع السلامة
محمد : الله يسلمك وين العيلة 😞
مرتضى : امك ومودة عند اختك مرام ومرتك عند اماليها
محمد : اه
ركب محمد لحوشه بدل واتكى واتصل برنا...
كان الشوق اللي في قلبه ليها ماينوصفش💔وكانهم ليهم سنين متجوزين..رغم معاملتها الجافة و غرورها عليه...رغم انها تنكد عليه من اتفه سبب وعلي ابسط موضوع لكن الاحساس اللي في داخله ضد كل الصدمات اللي تجيه منها
محمد : الو
رنا : روحت...
محمد : اي
رنا : تجيني تروح بيا ولا يجيبني سراج في الليل
محمد : الناس يقولو الحمدلله ع السلامة...كانك تعرفي حاجة اسمها دوق😑
رنا : به الحمد لله ع السلامة
محمد طارتله منها : خلي خوك يروح بيك وحتى كان بتقعدي تباتي باتي
رنا : 😑
°
•
°
•
°
______________________________________
مسرة : مرحبا
______________________________________
وليد : خيرك جاية تدنحسي🙄
______________________________________
~~
مسرة انغاضت واستفزتها كلمته وتبي تردها بأي طريقة
______________________________________
مسرة : اولا ليك الشرف اصلا انك تشوف اسمي ف ايميلك وليك الشرف اني تواضعت وكلمتك وكنت نحسابك كويس نوعا ما لكن طلعت تافه زيك زي غيرك
______________________________________
وليد : شن الجريدة هده 😂 والله ماعندي خلوق نقراها بالله ابعتيلي التلخيص 😂😂
______________________________________
~~
مسرة حطاته في الحظر...
°
•
°
•
°
☀️⛅
رتاج : لووونتي ياقلبي خوفتيني عليك😢
تسنيم : هلبااا خوفتينا عليك 💔
اني شبحتلهم وابتسمت
رتاج : شن حالك توا
اني بتعب : احسن😪
تسنيم : ياعمري بعيد السو عليييك
اني : وين ماما
تسنيم : احني قنالها تروح حسينها تعبت
اني : اي احسن مادرتو
قعدو تسنيم ورتاج مقعمزين جنبي ويهدرزو ومن غير مانحس خداني النوم💤 ...
فاتت شوية وشرين تلفوني
رتاج : تلفون لونا جنبك يشرين
تسنيم : هدا سراج
رتاج :ردي قوليله راقده
تسنيم : ردي انتي نتحشم 😑
رتاج : لالا فكيني حتى اني نتحشم ماعمري دويت معاه
تسنيم ردت : الو
سراج : ايوا
تسنيم : ااا اهلين
سراج : مني ؟😞
تسنيم : اني صاحبت ليال...
سراج : اه...وينها هي
تسنيم : والله راقدة هي تعبانة شوية
سراج : قاعدة في المستشفى
تسنيم : اي قبل بيديرولها خروج اليوم لكن مصارش
سراج : به امها معاكم
تسنيم : لا روحت بكري
سراج : تمام تمام
°
•
°
•
°
مودة : الحمدلله ع السلامة
محمد : الله يسلمك
امه : شورك وليدي ماجبت معاك شي
محمد : جبت شوية حلقوم تو انزله
مودة : خلي تختار مرته الحاجة الباهية قبل 😜
محمد 😒
مودة : شني هي لين تقطن عند اماليها
امه : اي حق برا روح بمرتك شني قعمزت غادي
محمد : اني اليوم بس روحت تو غدوا نجيبها ولا يجيبها خوها😑
مودة : قصدي هي ماتجيش ادير دورة علي حوشها ولا تتصل ع الاقل بالك صايرة حاجة بالك صارت حريقة بالك حد مات
امه : لا برا جيبها عيب هكي عاد
محمد : هي من لما مشيت اني ماروحتش
مودة : انت سافرت اليوم تاني يوم هي عند اماليها ومنها معاش سمعنا حتى صوتها😏
محمد تنهد ومشي
~~
محمد : وتي روحك اهو جيك
رنا : جايني
محمد : اي😒
رنا : سراج كيف كلمني قال بيمشي يشوفك وبنروح معاه
محمد : توا جاي
رنا : اهو جايني في الطريق
محمد : باهي تمام
~~
~~
علا : ماشي لمحمد حتى انت
سامي : اي
علا : تعرف استاحشتك اني ❤
سامي : بجديات😍
علا : اي 😘
سامي : كان تشوفي اني قداش مستاحشك ياعمري انتي...امتى بتبدي حلااالي بسس
علا ضحكت
°
•
°
•
°
🌒
#في السيارة
رنا : اسمع سراج... اا بب بندوي معاك ف موضوع😓
سراج : ادوي انتي ديما بمواضيعك
رنا : علي ليال
سراج : خيرها
رنا : ااا مم مش تعاركت اني ويها
سراج : اي
رنا : قصدي الحق راجعت روحي ولقيت روحي غالطة فيها...ونبي نرجع العلاقة قصدي هي والله كويسة معاي واني...
سراج قص علي كلامها : هي كويسة مع الكل لكن المشكلة ماحد نفع فيه 😒
رنا : ماتبالغش😑
سراج : لا مامنبالغش هدا الواقع وانتي توا قلتيها بلسانك
رنا : به كيف ندير توا...كلمها انت 😅
سراج : شن بنقلها
رنا : مش عارفة !
سراج : يصير خير
رنا تنهدت وسكتت
سراج : عندك علم راقدة في المستشفى هي
رنا 😨😨: شنوو
سراج : اي
رنا : خيرهااا
سراج : مريضة
رنا : الله...ماسمعتش😯
~~
~~
سامي : تي حمدالله ع السلامة يابروو
محمد : الله يسلمك ياقدر شن الاخبار
سراج : انشالله مادرتش حاجة غلط غادي😜...
سامي : تو خديت اخته بيبدا واقفلك ع الغلطة😂
سراج : اي اماله هو يزيط في التركيات غادي واختي امبومه اهني😏
محمد : سامي شد فرينو ماتتسرعش في قراراتك 😂 بالك تندم يوم لا ينفع الندم قال القدافي
سامي : 😂😂 زعما...
سراج : لا توا فات الوقت...القدافي قال حتى لا رجوع الى الامام الى الامام...😒😂
سامي : ثورة ثورة 😑😂😂
محمد: باهي كترتو
سامي : 😂😂 نوض دوقنا من اللي جايبه...ولا مخليه لمرتك واماليها
سراج شبح لسامي: قصدي ادور ادور وتوليلي مافهمتش قصتك النم
سامي : هو مسكت شكله ماجاب شي😂
محمد : تي برا ياجعان الفلوس اللي راقدين عليهم يجيبو تركيا باللي فيها
~~
~~
سالمة : وينك بنيتي مخليا حوشك ودنيتك وماشيا مقعمزة عند اهلك
رنا : اللاي اني مالياش حتى تلاتة ايام ره..واهني مانقدرش نبات بروحي😑
سالمة : لا عاد تعودي بنيتي وانزلي مرة مرة كسدي مع مودة وساعديها في الضمان
رنا : تصبحي علي خير 😒...وركبت لحوشها
°
•
°•
°
______________________________________
وليد : صار حطيتيني في الحظر علي اساس
______________________________________
مسرة : تي كيف نحيت الحظر انت 😨
______________________________________
وليد : شكلك بتلعبي يابنت...واللعب معاي مش ساهل 😉
______________________________________
مسرة : بجديات ندوي معاك كيف حولت الحضر
______________________________________
وليد : سر مهنة 😉
______________________________________
مسرة : شوف من اللي يدحنس توا
______________________________________
وليد : تؤتؤ اني ماندحنسش ولا يكتبها عليا التاريخ لكن بنفهمك ان مش اني تقوليلي تافه
و لو انتي تقدري تحطيني في الحظر اني نقدر نسكرلك حسابك كله للعلم
______________________________________
مسرة : مريض نفسي انت
______________________________________
وليد : شوفي روحك كيف تغلطي انتي
______________________________________
~~
مسرة معاش ردت عليه وكان راكبها الرعب ومستغربة كيف نحى الحظر وخيره يتكلم بالجرأة هده وبطريقة تخوف
بعد شوية جاها مسج منه فتحاته لقاته باعتلها صورة دردشة بينها وبين هيام وكانت هي تحكي عليه لهيام وتحكيلها في اللي صار بينهم
______________________________________
مسرة : هكرتلي ايميلي 😏
______________________________________
وليد : مشالله انتي وصاحبتك دوتكم كلها عليا😂
______________________________________
مسرة : هه ع فكرة الايميل مافيه شي نخاف عليه وتو نسكره وتنتهي القصة
______________________________________
وليد : كيف بتسكريه واني غيرت الباسوورد ياحلوا
______________________________________
~~
مسرة وجهها احمر ومتوترة وتحاول تتماسك اعصابه بقدر الامكان
______________________________________
وليد : حلو ايميلك
______________________________________
مسرة : غريب الاطوار انت ع فكرة
______________________________________
وليد : الطيور على اشكالها تقع
______________________________________
مسرة : وشن استفدت توا
______________________________________
~~
بعد رسالتها عطل شوية ماردش وهي بتهبل من التوتر وخايفة تطلع من الحساب معاش تقدر تخشله ومعاش فهمت شي وهي مش من نوع اللي تفهم هلبا في الفيس والحاجات هده...وطبعا ايميلها في ولاد قدم وجدد وفيه اسرارها كلهم
وبعدين جاها منه مسج فتحت لقاته باعتلها صورتها
نسمطت في مكانها ويديها يرعشو وصايرة فيها حالة
°
•
°
•
°
اني بتعب : تعرفو عظامي بيتكسرو نحس فيهم 😪
تسنيم : مشنها النزلة المعوية واااك
رتاج اتصل سراج بكري
اني : الله
تسنيم : اي سأل عليك قلناله راقده
ماكملتش تسنيم كلمتها طق باب الغرفة وخش سراج
سراج : السلام عليكم
رتاج وتسنيم شبحوله ونصدمو😨....وهو كان لابس سروال جينز وسورية سودة وفوقها جاكيت جلد سودة وسبيدرو اسود وطالع طرف مش عادي 😍 واول ماخش ريحته سبقاته
تسنيم و رتاج : ااا وعليكم السلام
سراج : كيف الحال
رتاج : الحمد لله
سراج شبحلي وابتسم بحنية ❤
اني ابتسمتله وكنت داهشة مش قادرة حتى ندوي
سراج : شني بايتين معاها
رتاج : اي
سراج شبح لرتاج بستغراب : مني انتي مانعرفكش!😞
رتاج : اني صاحبت لولو 😊
سراج ضحك : به تشرفنا بيك
رتاج : بيك اكتر
سراج شبح لتسنيم : وانتي كنتنا عاد
تسنيم ضحكت وتحشمت
سراج : ربي يتمملكم علي خير
تسنيم : تسلم العقبالكم 😊
رتاج تكلمت بطريقة اضحك: توا احني مفروض نطلعو؟
سراج ضحك : والله كيف ماتحبي
تسنيم : هي تعالي نتمشو برا
رتاج : ع فكرة موصيتنا خويلة نجلاء ان مايخشلها حد غيرنا😜
سراج اشر علي باب الغرفة وضحك: شفتيه الباب هدا
رتاج : ههههه اي شفته
سراج : افتحيه واطلعي منه
تسنيم ضحكت : تي هي نمشو مبردك
طلعو تسنيم ورتاج.. وسراج جي قعمز ع الكرسي جنب راسي وكانت ريحته مخلطة مع ريحة الدخان واول ماقرب قلبي بدي يدق بسرررعة 💓....
شدلي ايدي وبإيده التانية يلعب بشعري
سراج : تعبانة ؟ 💔
اني ابتسمتله : لما شفتك ارتحت ❤
سراج قاملي يدي اللي فيها التغدية وباسها بهدووء وبحنية
سراج : ياريته فيا ولا فيك
اني : بعيد السو عليك
سراج : ضاعفة هلبا
اني : حقاا🙁..وليت شينة ؟
سراج : هههه لالا ماوليتيش شينة
اني : لالا والله اكيد وليت شينة 🙊
سراج : اني نشوف فيك تهببببلي ❤
اني ضحكت
سراج شبح جنبه : قصدي جنبك سلة معبية بالماكلة وضاعفة...معناها كان مافيش ماكلة تموتي
اني : ايااا.. ماتجبدليش حتى سيرتها الماكلة بكل😷
سراج وقف: مانجبدلكش عينك😒
اني : وين ماشي
سراج : بنجيب عشي
اني : مش حناكل ره 😴
سراج خدي مفاتيح سيارته : تاكلي تاكلي مش كيف ماتبي
اني : قصدي واني طبيعية ماناكلش فمستحيل توا حتى نفكر فيها الماكلة 😑
طلع سراج ومشي لرتاج وتسنيم
سراج : حتى انتو ماتعشيتوش
رتاج : لالا عادي تغدينا موخر 😊
سراج : غر برو قعمزو معاها تو نجيب عشي ونجي
تسنيم : لا والله ماضروري ره اللي يجيها يجيب معاه ماكلة ماعندناش نية
سراج : غر برو جنبها خليتها بروحها اني😑
°
•
°
•
°
مسرة : الحيوان هكرلي ايميلي😭 وعنده صورتي
هيام : نهااار حرف😨
مسرة : حي عليا يا هياااام حي عليا😭
هيام : غر اهدي...من وين جاب صورتك
مسرة : في دردشة بيني وبين علا زمان اني كنت ماشيا لحفلة و بعتلها صورتي 😦😭
هيام : لابسة عريااان 😨😳
مسرة :.....
🌷يتبع🌷
