#__وتين__🍃
🌷الحلقة12🌷
مريم : الو
احمد : مريم❤
مريم : مني
احمد : احمد
مريم قلبها وقف لما قال اسمه وايدها ترعش : كيف الحال
احمد : مش كويس بكل
مريم : اا عع ععلاش
احمد : انتي السبب
مريم : خلاص بعدين نكلمك
احمد : لالا توا مش بعدين اني ليا اسبوع نستنى وتوا صبري نفد يامريم اني مش طالب منك حاجة كبيرة ياقولي اي يالا بس
مريم : علي شني
احمد : ع الكلام اللي قتهولك
مريم :______
احمد : الوو
مريم : نعم😟
احمد : تحبيني ❤
مريم : _______ ايه ؛ وسكرت الخط
احمد ضحك : الو الوووو ههههههههه❤
~~
مريم ترعش ووجها احمممر ومتوترة وحاطة ايدها ع قلبها : ياربي قلبي يرعش 😦
~~
بحبك مش هقول تاني وعيزك وانتي عاايزاني بحبك حب مش عادي مشاعرك من زمن تاني
وروحك ساكنه في روحي في قلبك شفت شُرياني
دموعك تجري في عيوني وتدبل كل احزاني
احمد يسوق ويدندن مع الاغنية والدنيا مش سايعاته من الفرحة : الحمد لله ياربي اللي كتبتلي فيها نصيب الحمد لله
°
•
°
•
و تمت ايام العيد وكل واحد رجع لاشغاله
سافر سراج لمالطا لان عنده شغل غادي
عمر يجهز وغارق في امور العرس اللي مزال عليه اسبوع
رنا مزالت في كابوس اللي معيشهولها مؤيد وكل يوم يزيد خوفها اكتر
تسنيم معاش رد عليها سراج من هديكا الليلة
مريم واحمد يحاولو يتأقلمو مع بعض و حبهم يزيد يوم بعد يوم
°
•
°
•
اني : بابا نبي فلوس بنشري شيتات
بابا: شيتات شنو ؟؟
اني : شيتات بنقرا منهم امتحان القبول قريب
ايناس: امتحان شنو و احني ماقررناش حتى شن بتخشي
اني: امتحان البشري☺
بابا: والموضوع اللي دوينا فيه ؟؟وقتلك فكري وردي عليا
اني : اي فكرت وقررت نقرا طب واي موضوع تاني مش موافقة عليه
ايناس : مش كيف ماتبي ياليال احني اماليك واحني نقررو
اني : قرري علي بنتك مش عليا اني
بابا: ليااال احترمي نفسك
اني : خلاص بابا تو ناخد حق الشيتات من نادر
ايناس : موليا قليلة ادب انتي ره 😠
بابا: معاش تعلبدي صوتك والطب هدا اللي معششه فيه فوتيه
اني : هده حياتي ومستقبلي واني مش عيلة نرضع في صبعي
ايناس : لا انتي عيلة واحني واحني نعرفو مصلحتك وطب مافيش
نادر : خيركم شن في
بابا : هي كلمة ياليال الطب مافيشي اي مستقبل اهني وانتي بتخشي اي تخصص تاني غيره
نادر : يابوي خليها تخش التخصص اللي تبيه
ايناس : به خيره الاقتصاد من شن يشكي
اني : اني نخش اقتصاد حشاااني 😌
ايناس : علي من تلقحي انتي
نادر : اول حاجة ايناس هده مواضيع ليال تقررها لان هي اللي قرت وتعبت مش احني وتاني حاجة كان في حد يتدخل فهو بوي لا اني ولا انتي لينا علاقة
ايناس : لا اني عايشة في الحوش هدا في متابة الام غصبا ع اللي يبي واللي مايبيش وليال زي بنتي واني نعرف مصلحتها
اني : اني مش زي بنتك ولا عمرك عاملتيني هكي توا جاية بديري الام الحنون عليا
بابا : تبي تحترمي نفسك يابنت ولا...
نادر قطع علي كلامه : ولا شني بتضربها ولا بنلزها....تو الكلام اللي قالاته ايناس تشوف فيه عادي لكن ليال كل كلمة محسوبتلها حرام اللي ادير فيه حرام والله ماك لاقي واحد غيرنا لعلمك......وليال بتخش طب زي مامسرة خشت اللي تبيه ؛ وطلع
°
•
°
•
°
علا : ايوا خالتي اسماء كيف الحال
اسماء: علولا عاش من سمع صوتك
علا: سلمك بنقولك بش تتفضلي التلات فاتحة عمر والخميس الدخول والجمعة المحظر وبالله عليك قولي لخالتي غادة وخالتي وخالتي فتحية
اسماء : انشالله عقبال مانهيج في عرسك بنت اختي
علا: هههه انشالله عاد انتي نوارة العرس نبوك من الاحد تعولي معانا
اسماء: ولا يهمك نولع سيارتي وناخد بنياتي ونجي 😂
علا: اي تعالي تعالي😂
~~
ع عبد الله: تي شني خوك مش ناوي يروح مايبيش يحضر الفاتحة ولا شن قصته
عمر : قصدك سراج؟؟
ع عبد الله: اي ليه اسبوعين في مالطا
عمر : لالا جاي انشالله غدوا
ع عبد الله: انشالله نفرحو بيه حتى هو
فريال مرت عمي: انشالله نسقدوهم كلهم
عمر : علي شن ناوية فريالوو 😂
علا : 😂😂
فريال : خزي عليك رباية ؛ ومشت
عمر : ههههههههه😂
°
•
°
•
°
مسرة : بنقعد اسبوع العرس كله ره
بابا: خلاص اني بنمشي بسيارتي بش نلحق ع الفاتحة وانتو الحقو
مسرة : اني واتية ارفعني معاك
بابا : مش ماشي للحوش بنمشي للجامع طول
مسرة : ااه
ايناس: اهو وتينا...اركبي ناديها ليها ساعة توتي في روحها
~~
ماما: شن لبستي توا
اني : لبست سروال جينز وبلوزة لونها بزيلي ووشاح منور وصندلي عالي وحطيت مكياج خفيف هلبا
ماما: اها عرفتها بلوزتك حلوا
اني : هي باي توا
طلعت من الدار ومسرة كيف راكبة تلاقيت اني وياها قعدت تشبحلي من فوق لتحت : هي بنمشو 😒
اني نزلت و مارديتش عليها
°
•
°
•
°
علا : جييت 😮
سراج : اي جيت وين الزبون متاعي
علا : في دولابك
~~
مريم : مشاء الله كيف ولا حوش عمر
اسماء : اي تبارك الرحمن انشالله عقبالك مريومة
علا : خالتي اسماء وين نحطها هده
بلسم : يابنات بالله وحدة منكم تحدد سورية احمد
مريم : تو نحددهاله
علا : احم احم 😏😂
مريم : اسكتي مبردك 😑
رنا : هههههه تحشمت علي اساس
~~
خش احمد لداره ومريم مقعمزة عاطية بالظهر و تحددله جي طبس عليها وقعد يشم في شعرها وهي مش حاسة بيه و قرب اكتر وحطلها شعرها ورا رقبتها وقرب من ودنها
مريم نخلعت لما مسها وجسمها تبنج بالكامل حطت ايدها ع قلبها : خلعتني
احمد همسلها في ودنها : عقبالنا
مريم ابتسمت
احمد : شن درتي فيا انتي.... دخلتيني في عالم تاني
مريم: اا خلاص احمد امشي تو يجي حد ونقعد في موقف
احمد : والله هده داري وكل شي فيها من ممتلكاتي
مريم ضحكت
احمد : نجيلي اللي يضحك ❤
°
•
°
•
°
احني كيف وصلنا وكان سراج واقف مع خاله ويهدرز ويضحك لابس زبون ازرق كُحلي ومخفف لحيته ولابس نظارات شمسية
مسرة تشبحله بتاكله بعيونها وتنخص في امها تبيها تشوفه
~~
نقرت الفاتحة وبدي صوت الزغاريط يعلا ودربوكة وغني وبدو يركبو في الخيمة وبدت اجواء العرس وطبعا عمر كلي طريحة مرتبة 😂
فريال مرت عمي: جو الرجالة
اسماء : روروروووريي
جميلة مرت عمي: هيا بيطلعو قعاد الغدي فضو الطريق
°
•
°
•
°
اسماء : تباارك الرحمن علييها موليا زي الغزالة
غادة : اي كل ماتكبر تحلاو
سراج : من هيا
اسماء : ليال
بلسم : وكل ماتحلاو تشوف روحها حاله😏
اسماء : ومني اللي مش شايف روحه بالله الجيل هدا كله هكي والاولاد يبو البنت المغرورة ولا شني سيرجوو😉
سراج يسمع ومبتسم
اسماء : بعدين هي هويديا لا شيافة روحها لا شي
بلسم : اي قدام الناس لا قبلها لا بعدها لكن والله قالت ايناس في الحوش مدايرا حاله
اسماء : لكن صراحة تهبل زي الغزالة ماعندك ماتقولي يابلسم
سراج : خسارة ماعندكش ولاد كبار ولالا😂
اسماء : اي والله كان عندي مانظل الا واخدتها لولدي
سراج : عادي حتى الرسول واخد اكبر منه 😜
اسماء : زعما😂
°
•
°
•
°
ماما : مدايرين الدخول في الحوش
اني : اي جايبين صالة متنقلة
ماما : بالله عندهم الفلوس
اني : اي والله كلهم الاولاد حالتهم باهيا
عبسي : انتي خيرك مابتيش غادي
اني : لالا فكني تو نمشي يوم الدخول الصبح
ماما: وهديكا بايتة هي وبنتها
اني : لالا هيا روحت ومسرة باتت
ماما: شن غدو الرجالة
اني : دارو رز
عبسي : بنات عمك نخطبو ولالا
اني : لالا
ماما: معاش دويتو فيه موضوع التخصص
اني : لالا....نبيك تعطيني باش نشري شيتات لان بعد العرس بنبدا نقرا
ماما : غدوا نرفعك تشري شيتات وتاخدي الحاجات اللي ناقصاتك للعرس
اني : انشالله
°
•
°
•
°
عمر : احمد انت نظم امور السيارة وتكمها
احمد : ولا يهمك
نادر: تعرف ياعمر مفروض تاخد سيارة سراج
مراد : اياا سراج بيعطي الBM 😂
عمر : هو مايقول شي يعطيها لكن كان نقوله احمد بيسوقها مايصيرلاش 😂
نادر : هههههه
احمد : خلاص اعفوني امالا
عمر : لالا ارفع سيارتي
قيس : السلام عليكم
الكل : وعليكم السلام
قيس : شني ياعريس بدي العد التنازلي😂
احمد : علي شني😂😂
عمر : علي امك يا$$$$$
مراد : 😂 ماتزعلوشي العريس
قيس : انشالله ربي يتمم علي خير
°
•
°
•
°
علا : شن بتلبسي لونا
اني : قفطان
علا : بالله نحسابك بتلبسي بدلة عسكرية
اني: 😂😂 به لاش تسألي
علا : قصدي تفصيلته ياحمارة 😂
اني : تو تشوفيه 😁
مسرة : يابنات كلمت نادر بيرفعنا للمزين هيا بسرعة
رنا : الله
نهى : حنى اني بنمشي معاكم
مسرة : ماتسدش السيارة بنمشي اني وعلا ورنا و بلسم بسس
اني فتتها ماكلمتهاش ومشيت لبست عبايتي وخديت حوايجي وركبت في سيارة نادر من قدام
نادر : وعليكم السلام
اني : السلام عليكم ههههه
نادر : هيا وين الباقي بنمشي
اني : مصح وجهها اختك مقررة ان بتمشي هي وبنات عمي عبدالله واني ولا كأن معاهم الوقحة هده
نادر : غر صلي ع النبي 😂
اني : تسهوك مبردك
مسرة فتحت الباب القدامي وحطت ايدها في خصرها: شنوو
اني : سكري الباب وبسرعة وقت
مسرة : شن ركبتي انتي مش ماشيا معانا
نادر : امالا منو بيمشي
مسرة : اني ورانيا وعلا وبلسم
نادر : بالله 😒
مسرة : به شن بنقوللهم اني توا 😠
نادر : عادي انحشو في بعض وخلاص
مسرة : بتحشمني معاهم توا بعد ماقتلهم وبعدين بكل وقاحة ركبت من قدام
نادر : ادوي باهي مسرة خير ما نمشي وحتى انتي نفوتك ؛ ونزل من السيارة كلم احمد يرفع حتى هوا
نادر : خلاص اهو كلمت احمد
مسرة : به قلها تنزل تركب التالي
نادر : ركبت قبلك خلاص
مسرة :😠😠
اني :😌😌
~~
علا : مريم تعالي معانا في سيارة احمد
مريم : فاضيا
احمد واقف جنب السيارة : نفضوهالك 😉
علا : غر احترموني شوية
مريم : ههههههه
بلسم : يابنات رنا مفقودة
اني : بالك ركبت مع احمد
بلسم : احمد معاه مسرة وعلا ومريم بس
نادر : انزلي شوفيها لونا بسرعة
اني : به هي
~~
رنا : مانبيش مانبيش بالسييييف😠
مؤيد : شن رايك توا يمشو الصور لخوتك ويتفركس العرس
رنا انهارت بالبكي : لعنت الله عليك انشالله تلقاه في بناتك وخواتك ياحقيير😭
مؤيد : توا هما مشغولين بالعرس يعني تقدري تجي وماحد يركز عليك
رنا تبكي بصوت عالي : تحلم انت
اني : ر ررنا 😮
رنا سكرت الخط وحاولت ادرق دموعها : نعم
اني : خييرك
رنا : شي شي
اني : بنمشو هيا
رنا : اهو جاية
°
•
°
•
°
🌘
التمو ناسه اليوم عزيز .....التمو ناسه اليوم عزيز
التمو ناسه زاد وناسه داروله فرح وعراسه اليوم عزيز
علا : غر شوفي شوفي 😮
اسماء : يهبببل قفطانها 😮
رنا : محلااااه ❤
ايناس شبحت لمسرة وبعدين شبحولي الزوز
اسماء: طالعة تهببببببلي ❤
اني : انتي اللي تهبببلي ياأسماء 😘
"لبست قفطان قصير اسود شمواء وظهره مفتوح كله سمبل وصندلي فرنيز فضي #زي_في_الصورة"
فريال مرت عمي: الفرخة رنا بعتتها تجيب الصفرة معاش جت
اني : نمشي نشوفها
فريال : اي بري ليال وجيبي معاها صفرة تانية
~~
سراج يبدل في داره وطبعا الحوش فاضي لان كلهم برا في الصالة المتنقلة
سراج : رنااااا وين سوريتي يارناااا....طرش يطرشك😠
اني : رنا امك تستنى في....رناااا رناااا😨😓 ياربي😯
🌷يتبع🌷
قراءة ممتعة
.
.
.
#__timOo__💟
