#__وتين__🍃
🌷الحلقة 98🌷
رنا قصت ع كلامي: عرس مني هو
اني : عبسي
رنا : عبسي...! نحسابه عرس صاحبتك رتاج لان سمعت توا هي ولا😕
اني : هههه هو خطب رتاج
رنا : بالله عليك 😶...مش هي...
اني قصيت ع كلامهت: اي فسخت
رنا : اها...باهي ربي يتمملهم علي خير
اني : سلمك
#رنا 💕
" والله فرحت ان خدي البنت اللي حبها وجت من نصيبه...
وفرحت اكتر ان لما قالتلي عرسه مانصدمتش وماتأترتش زي ماكنت نتأتر قبل لما نسمع سيرته
فرحت لان حب بعدي ومايأسش لما سيبنا بعض
فرحت لان قبل كنت حاسه بالدنب اتجاهه وحاسه اني خدلته لكن توا خلاص ضميري ارتاح من ناحيته 💜....ربي يهنيه ✨"
°
•
°
•
°
•
مريم : صدمتيني تعرفي😀
اني : كلنا مصدومين😂
مريم : مقنييينته خالك...شكله يحبها بجديات🙈
اني : اللي صادمني لحد الان كيف جتها الجرأة وسيبت الاول بعد كل شي...تعرفي كان اني مستحيل نتجرأ نديرها
مريم : والله الحب يخليك اديري كل شي💓
اني : طبعا انتي مستحيل تجي🙁
مريم : خلي عمتك فريال تاكلي كبدي😂
اني : اي😂😂...
اني :معاش شفتو عمر
مريم : لا يجي يشوف في بنته كل يوم ويخلي ف مصروفها
اني : معاش يبات ف حوش عمي
مريم : لا ليه فترة يبات ف حوشه
اني : وانتي قعدة ترضعي فيها البنية
مريم : اي حسيت روحي زي المعزة تخايلي تطلقني داليا تشدني جمانة😂
اني :وووه عليك😂
مريم : لا وطبعا سبع البرمبة واخد فيا حصة 😂
اني : 😂😂😂😂وووه جنابي
مريم : اما يوم يبدا العرس
اني : يوم الاتنين
°
•
°
•
°
•
#كندا
قيس : عندي شغل النم مانقدرش
تسنيم : مالياااش علاقة عرس صاحبتي 😭 ليا شهر نقولك هي نمشو وانت تتهرب والله مادخلي فييييك😡وحتى جو عمي وعمتي قتلك نمشي معاهم قتلي لا 😭
قيس : افففف 😪 بتموتي كان ماحضرتيشي
تسنيم : قييييس بالله عللييييك معقوله يوم زي هدا يفوتني😢
قيس : اي معقولة 😠 شن تحسابي جد امي راقد علي بنك روما امتى ماتبي تمشي وامتى ماتبي تجي
تسنيم : بالله عليك🙁
قيس :😑
°
•
°
•
°
•
🌒
سندس : سراج ف حوشه ؟
عمر : اي
سندس : نقطعله من العشي
عمر : عادي كان يسد اقطعي
سندس : ولا كانهدا قوله يركب يتعشى معاك بش مانقعدش نقسم😊
عمر : تو نشوفه
......
تررررن ترررن 📱
سراج : ايوا عمر
عمر : ايوا سيرجو شنج
سراج : ماشيا
عمر : شني راقد شكلك
سراج : لا والله
عمر : باهي هي اركب تعشى
سراج يحسابه عمر قاعد بروحه لان سندس كانت ليها يومين عند اماليها وماتوقعاش روحت
سراج : امرمد عشي بروحك امالا زي متع البارح😂
عمر : لالا سندس دايراته 😂
سراج : اها...لالا تعشو صحة شن بيركبني ولا ماعندي خلوق..
عمر : تي اركب ياراجل بلا جو زايد خيرك
سراج : تي ماهو....
عمر قص عليه : اركب النم ماتنفخهمش
سراج : باهي هي😑
......
عمر : حطي هي...اهو جاي سراج
ناضت سندس تفتلك ف الصفرة...وناض عمر بيخش للحمام...
و كانت بروب قصير وتلت ربع جسمها يبان واول ماناض عمر مشت فتحت الباب قبل مايجي سراج وخلاته مردود ومشت تحوس ف الكوجينة وبحيث انها تكون مقابلة الباب
......
ركب سراج وطبعا من لما طلع من حوشه وهو عيونه ف التلفون لين وصل قدام الباب وقام راسه بيطق ع الباب قابلاته هي تحوس وعيونها ع الباب واول ماجت عينها ف عينه نزل عيونه طول ووخر التالي وعاود طق ع الباب وعلي طلعة عمر : خش خش سراج
خش سراج وقعمزو تعشى هو وعمر بروحهم وهي حطت ليها ولبنتها مقابلتهم ومانحتش عيونها من علي سراج...
سراج : شني صايرلك م السفر غدوا
عمر : اي انشالله
سراج تنهد : اول مرة ولا
عمر : شنو
سراج بالشوية : بريطانيا من غير داليا
عمر تنهد بحرقة وهز راسه بمعنى اي 💔
سندس : سمعت قالو عرس خال نادر المدة هده ولا
عمر : من قالك
سندس : البنات قالولي
سراج : اي صح
عمر : مشالله الاخبار كلها عندك اني بروحي مانندريش
سندس : اي ليال تحكي...وعاد تعول للعرس معاهم...الحق ماتوقعتهاش بتمشي ههههه لان علي اساس تحب داليا وحازنة ومابطلتش بكي ف العزي😂
سراج مطبس وماقلاش ولا كلمة
عمر شبحلها : اول شي هو عرس خالها ولازم تمشي....وتاني شي حتى انتي بكيتي ف العزي 😏
سندس : لا اني الله يرحمها مافيش بيني وبينها اي علاقة ومانببش نحزن عليها😒 لكن ليال علي اساس صاحبتها وتحبها 😏
سراج حط الكاشيك من ايده بهدوء وقعد مقعمز وخلاص
عمر ضحك : انتي خيرك حاقة دمك
سندس : لا غر الواحد مايسكتش ع العوج😌
سراج ضحك: شني سندس شكلك مش ف الابيض انتي وليال
سندس : لا علاش بالعكس والله نحبها اني😌
سراج : ماهو حسيتك نازلة فيها من بكري 😒
سندس : هههههه لا نهدرزو بس 😅
سراج ناض ونكلم مع ابتسامة باردة : دايمة انشالله
عمر : تي خيرك كمل عشاك
سراج : لا الحمد لله شبعت
سندس : اقعد اشرب قهوة سراج 😊
سراج : تصبحو علي خير
عمر : وانت من اهله
طلع سراج واول ماطلع عمر ولع ف سندس
عمر : خير جد امك دوتك كلها تلقيح😠
سندس : قصدك هو حرج علي خاطرها🙄
عمر : انتي شايلة هم الناس علي كتافك مافهمتش علاش
سندس : نهدرز عادي اني😑
عمر ناض : اقعدي ف جد امها
°
•
°
•
°
•
☀️⛅
ايناس : اهلن اهلن الحمدلله ع السلامة😄
مسرة : الله يسلمك ماما
نادر : وينه وليد
مسرة : يدرس ف السيارة اهو جاي
بابا : خشو خشو خيركم واقفين ف الباب...نادر اطلع لراجل اختك شوفه وقوله يخش
مسرة : وين لونا
ايناس : اهوني داخل هي ومرت خوها😑
مسرة خشتلنا: هاااي
ديما ضحكت : حمدالله ع السلامة
اني : اهلا وسهلا 😄
مسرة : شن جوكم شن اخباركم
ديما : كويسين شن امورك انتي...شني مفيش حاجة هكي ولا هكي😜
مسرة : لالا بكل...مايبينيش نحمل هو الاستاد
اني وديما : علااش
مسرة : لا قال خلي نعيشو سنتين ولا تلاته مرتاحين وبعدين نجيبو ولا شن قالي....حتى كان بنجيبو مش اكتر من اتنين
ديما: يبي يعيش حياة الاجانب 😂
اني : افكاره كلها صحيحة...خير من سبعة وسته😶
°
•
°
•
°
•
🌒
في المطار ✈
عمر : السيارة روح بيها خليها قدام حوشنا باهي
احمد : باهي به
عمر : وكان احتجتها عادي
احمد : لا عندي سيارتي شن بندير بيها
عمر : من باب المجاملة بس 😅😂
احمد شبحله : تي حسيته مش طالع عليك الدور😂
~~
~~
~~
ترررن ترررن 📱
سراج الرقم لقاها سندس تتصل...
سراج : الو
سندس : اا اهلين سراج 😍 شن الجو
سراج : تمام
سندس : وين انت....اهني ف حوشك ؟؟
سراج : لالا في العمل
سندس : مش بايت اهني ؟
سراج استغرب من سؤالها : في حاجة ؟؟
سندس: اا لا غر قاعدة اني وماريا بروحنا ونحسابك بتجي قلت نتونسو بيك 😁
سراج : هههه مش اول مرة عمر يسافر ويخليك
سندس نحرجت من كلمته : اا ماهو الضي هارب ونسمع ف صوت معرفتاش تنوير ولا رصاص و...وخفت الحق😓
سراج : اها...لا انشالله خير مايصير شي ليلة وفراقها صبح وبعدي كان صار ما صار بري لحوش الجيران اقعدي عندهم كان سمعتي رصاص وخفتي 😑
سندس بصوت هاااادي : باهي غدوا بتجي
سراج استغرب : والله مانندري ع الجو😒
سندس : باهي تمام...باي
سراج سكر الخط من غير ما يرد " شن اللصقة هده😑 خير جد امها عششت "
°
•
°
•
°
•
#الاثنين 💛
🌒
رتاج : خسارة تسنيم مبردها😔
اني : تعرفي قلبها معانا 😂...كلمتني اليوم عشرين مرة ممكن
رتاج : حتى اني...قتلي متعاركة هي وقيس 😂
اني : 😂😂
نوال : تعالو يابنات مدو الشكلاطة ضهري نقسم نصين😑
اني : اللطف انتي توا كيف نضتي ياسر بلا كدب
رتاج : هده كان تحرك طاسة من مكانه معناها دارت انجاز 😂
نوال : ومني عالقة معاك التلاتة ايام اللي فاتو ياتافهة....والله ماعاد حاط ايد ف حاجة 🙄
°
•
°
•
°
•
#الحفلة 👰🤵
عندنا 🤵
اني : طالعة حلوا💓
ديما : حقا🙊...خوك عنده دوق ولا😌
اني : ياعيني😉
ديما : حتى انتي طالعة تهبلي
.....
اني : اسمعي ماما
ماما : نعم
اني : اني بناخد سيارتك وبنمشي لرتاج بش نحضر معاها شوية وبعدين نولي معاكم
ماما : ليل بروحك😐
اني : تي مش بعيدة الصالة🙁
ديما : اسمعي لونا اهو كلمت نادر بيرفعني اني وياك وبعدين هما يلحقو
اني : مش بكري قناله قال لا
ديما : قتله بطريقتي 😉
ماما : باهي هي برو😒...عليك جيل مايستحيش
اني : مهزبة 😂
~~
~~
~~
عند رتاج 👰
وصلت رتاج م المزين وزفوها للستيج وكانت طالعة زي الملكة 👑 والفرحة ف عيونها والضحكة مافارقتهاش...💕
كانت سعيدة بكل معنى السعادة
وللحظة هده وهي مش مصدقة ان يزفو فيها ل عبسي مش لغيره....مش مصدقة ان قلبها المجرو اداوا ورجع ينبض بعد ما كان شبه ميت❤
نوال : عندنا ليك مفاجئة 🙈
رتاج : انشالله خير
نوال : ترا قولي من جاك
رتاج : منو😮
نوال : توقعي😌
رتاج : تعرفي اني م الصبح علي اعصابي ماتزيدينيش 🙄
تسنيم جت من وراها : ياعروسة😘
رتاج : سووووومتي😆❤....وحضنتها...حقيييرة واني ليا يومين نفكر فيك ونقول مش حتحضر
تسنيم : نكدت عليه 😂 لين جابني
نوال : حي ع الجو 😂...اني راجلي نقوله ارفعني لماليا ويدير ف نهار احرف وهدا جايبك من كندا اما بعد هكي مافيش😂
رتاج : بنات حاسة بشوية توتر
تسنيم : عادي عادي تصير
ام رتاج : جت لونا ومرت خوها
رتاج : الله...وينها لونا 💕
نوال : الصبر ياربي كيف خشو هما
.......
اني : حي جيتي😀
تسنيم : جييت😂
اني : ي وخيييتي ليك وحشة 🙈😘
تسنيم : حتى اني مستاحشتكم..
ديما : بطنك كبرت تسنيم في اما شهر
تسنيم : اي ...حتى هما توامه 🙈💗
اني وديما: توااامه 😀
ديما : مشالله تبارك الرحمن
تسنيم : واصلا خشيت شهري خلاص
اني : شن قالولك
تسنيم : زوز ولاد
اني : محلاااهم🙈😍
ديما : بتجيبي في كندا ولا اهني ؟؟
تسنيم : في كندا انشالله...
اني : الله
تسنيم : اي...توا انشالله بنرجع اني وعمي وعمتي وحتى ماما بتمشي معاي...لان نبيهم يحضرو لما نجيب
اني : اي صعب بروحك
تسنيم : اي
.......
عمت رتاج : اهلن اهلن كيف حالك
خ ليلى : كويسة الحمد لله كيف حالك انتي
ام رتاج : تفضلو نجلاء ف الطاولة هديكا
ماما : يزيد فضلك 😊
وطلعت رتاج لدار العروسة وجاها عبسي 😍 وكان طاير من فرحته...❤
كانت واقفة ومتلفته للباب اول ما هو خش....
قعد يشبحلها ومبتسم وبعدين قرب ووقف قدامها
رتاج ابتسمتله وقامت عيونها ف عيونه : مبروك 💓
من غير تردد قرب وحط ايديه ع وجهها"بحيث كان وجهها بين ايديه" وقرب وجهه لوجهها وحط شفايفه ع شفتها وباسها 💋
رتاج لفت ايديها ورا ضهره ودابت معاه 🔥
........
اسألك يا من هو الله الذي لا اله الا هو الرحمن💕الرحيم💕الملك💕القدوس💕السلام💕المؤمن💕المهيمن💕العزيز💕الجباااااار💕
وقعدو يتمشو ع اسماء الله الحسنى...
وكانت رتاج متمنيا ان المسافة اللي يمشو فيها اطول...او بالاحرى متمنيا ان المسافة ماتمش بكل
وتقعد شادة ف ايده وتتمشى وكأنها مالكة الدنيا كلها وهي معاه وبالحلال ورافعة راسها بيه وبحبه ليها وبفرحته بيها ❤ فرحته اللي ماليا الدنيا واثرها باين من ملامحه وضحكاته وطول ما هما يتدرجو وهو كل شوية يقوللها كلمة احلى م اللي قبلها ويعبرلها ع السعادة اللي حاس بيها وهي معاه 💓...
حلو الحب 💛🌼
ويكون احلى لما تحبي راجل...راجل بمعنى الكلمة....راجل يظهر كل رجولته بش يثبتلك انه ليك وانه مستعد يدير المستحيل بش يشوف الضحة ف عيونك....💟
حلو لما تحبي راجل ممكن يتغير مزاجه 180 درجة بس لانك زعلتي...
حلو لما تحبي راجل يهتم لأدق التفاصيل في حياتك...تفاصيل يشوفها غيره تافهة وغيره مايشوفوهاش اصلا...
حلو الحب ؛ حلو بكل مافيه من تعب حلو 💝
.............______^^^^^______...............
كل اللي حبو بعض تزوجو حتى رغم اللي عانوه ورغم العداب اللي شافوه بس ف الاخر نكتبلهم نصيب مع بعض 💞
اما اللي ماكانوش من نصيب بعض وبعدو💔
ربي رزقهم بحب تاني عوضهم ع اللي قبله...!
~~~
ورجعت تسنيم لكندا وجابت زوز ولاد عسولين يشبهو قيس🙈 وسموهم جواد ورواد 💓
داليا بنت عمر كبرت شوية وفطموها م الرضاعة وبدت تمرد وتلعب وكل ماتكبر تزيد تجيب من ملامح امها اكتر....وعمر يصبر في روحه بيها 💔
مريم حامل مرة تانية وبنوتتهم👧🏼 بدت تمشي وتتكلم شوية شوية
اما ميرا بطنها بدت تبان ووحمها زايد ومراد متحمل وخلاص😅
رنا نفس الشي تتوحم وتدلع علي محمد وهو قاعد تحت اوامرها 🙄
مسرة ووليد عايشين ف العسل ومسكر راسه انها مزال ماتحملش في الوقت اللي ديما حامل وتاكل ف هزايب من خالتي لان حتى هي بنفس فكرة اياد ماتبيهاش تجيب صغار بسرعة لكن نادر فرحان بيطير ويستنى امتى يجيهم بيبي 💕 وكلنا نفس الشي نستنو في اول حفيد 😍
غزل تفكر مرة مرة ف اياد وتخش تتفرج ع صوره وع ايميله بس معاش راسلاتها ولا راسلها
اما علا وسامي 😍
.....
☀️⛅
تررررن تررررن 📱
فاطمة (ام سامي) : الو ...اهلين بنتي
يارا : ايوا ماما كيف حالك
فاطمة : باهي...بنقولك علا جابت
يارا : الله😀 باهي حمدلله ع سلامتها شن حالها توا
فاطمة: باهية كويسة
يارا : والبيبي
فاطمة : لا الحمدلله صحته مشالله رايح زي القمر
يارا : باهي الحمد لله جنبك هي
فاطمة: اي غر الدكتورة تغيرلها ف التغدية تو بعدين تكلمك
يارا : باهي تمام
فريال: ي قنييينه وليدي 😘 شوفي مقنينته
فاطمة ضحكت : اي شعيراته مسبسبات تبارك الرحمن
فريال : اي طالع لامه😌
فاطمة : هههه😁...😒
........
🌒
سامي : حمدالله علي سلامتك ياعمري ❤
علا : الله يسلمك حبيبي
سامي : شن تحسي ف روحك توا
علا : توجع فيا العملية شوية 😖.... وتلفتت للبيبي...شفته محلاه😍
سامي : اي زي مامته 💕
علا ضحكت : اي وحتى بابته 😍
ترررن ترررن📱
علا : الو
عمر : مبرووك مبرووك يتربى ف عزكم
علا ضحكت : الله يبارك فيك عمور
عمر : شن الجو شن الاخبار
علا : تمام الحمد لله شن جوك انت وكيف حال سندس والبنات
عمر : كويسين شن حالك انتي وشن حال الوليد
علا : والله الحمد لله كويس
عمر : قاعدة ف المستشفى ولا طلعتي
علا : قاعدة
عمر : باهي الحمد لله علي سلامتك
علا : سلمك سلمك 😘
°
•
°
•
°
•
مسرة : علا بنت عمي جابت.... قتلك؟
غزل : الله...شن جابت
مسرة : جابت ولد...والسبوع الجاي مدايرا لمة
غزل : اها
مسرة : وعازماتك حتى انتي ره
غزل ضحكت : الله
مسرة : اي قالتلي حماتك جوها حلو ونبي اعزميها😂
غزل : قلها ولا يهمك اني اول وحدة😂
مسرة : اي اي قتلها ماتخمميش 😂
غزل : بدير اسبوع ف الصالة هي ؟
مسرة : لا ف الحوش بديره
°
•
°
•
°
•
سراج : شن سميتوه ولا مزال
سامي : لا والله مزال....اختك مفيش اسم عاجبها
سراج : ايا كانك عليها هده معاش بتلقوله اسم بكل😂
علا : هاهاها 😬
فريال : اني لقيت اسم ومايعارضني حد 😌
ع عبدالله: انشالله خير 😂
سراج : لالا يام سادك سميتي اربعة ولاد خلي امه وبوه يسموه
فريال : ولدك هو ؟؟😒
سامي : يامهزب😂
سراج : 😒
فريال : سموه عبد الله علي جده 😌
علا : اي حلو ندلعوه عبدو🙈
احمد : عبدو سامي عجبتني😂
سراج : تي شن عبد الله مكبره عليه الاسم
ع عبدالله: تو اسمي معاش عاجبك ياتيس 😒
سامي : يامهزب مرة تانية 😂
سراج : الحق فيا اني انشالله تسموه بو عجيلة شن دخلني 😑
ع عبدالله: لالا خلي الراي رايهم يسموه زي مايبو
سامي : لا والله مانسموه الا عبدالله مدامها عمتي فريال هكي تبي
فريال : خود بخاطرك وليدي
ع عبدالله: مع ان مفروض واحد من ولادي يجيب الحفيد ويسمي علي اسمي لكن الله غالب طايحين فيها بنات بنات 😑
علا : قول مشالله بابا خير ماترزيهم فيهم 😂
عمر : بعيد السو😒
فريال : والله احني صايرلنا بالعكس البنات بكرهم ولد والولاد بكرهم بنت
عمر : معجزة 😮
ع عبدالله: لا بجديات نبو ولد....عاد نبو احني نجيبو اول حفيد قبل صغار عمكم ايوا
احمد : تو نسحرولك هي....كيف تبي شكله
ع عبدالله: تو سراج انشالله يجيبما اول حفيد...انت خليك ف البنته
سامي : اوووو😮😂
سراج ابتسم ابتسامة باردة
احمد : درتولي جو باب الحارة 😑
عمر : ههههه والله حق
فريال : المهم وليدي هدا سموه علي جده 😌
°
•
°
•
°
•
🌒
ميرا : هيا اللاي مراد يستنى
جميلة : اي واتية هي
ميرا : اهو سبقتك للسيارة
جميلة : اهو جيت اهو جيت
........
مراد : اني رافع العويلة توا
سراج : لحوش سامي
مراد : اي
اياد جبد التلفون من سراج : اسمع يامراد
مراد : نسمع
اياد : بنديرو البرادة لساني يطيننا قعد نتعشوه😂
مراد : اي المسخ هدا جايب ولد وماعزمناش حتى علي فنجان قهوة😂
اياد : اي وقح ونكونو احني اوقح منه 😂
سراج جبد منه التلفون : خلاص نتلاقو ف حوش سامي كملتي رصيدي مكتر دوتك النم😒...وسكر عليه
مراد يضحك : تفي💦
~~
~~
~~
بابا : تي هي اطلعو شحطوني😡
اني : شوية بابا ديما بتجي تمشي معانا
ايناس : وبنقعدو نستنو احني 😑
اني : اي بنستنو😊
بابا : حتى انتي بتمشي يامفعوصة
مناسك : اكيييد😌
ايناس : وخيرها مايرفعهاش راجلها ديما 😒
بابا : بالله فكيني م النكد ترا 😑
°
•
°
•
°
•
علا : شن صار فيها يارا 😮
فاطمة : قاللي جابت بنية 😀
علا : بااهي الحمد لله...من كلمك
فاطمة : راجلها كلمني...زعما نمشيلها
علا : هيييي شن تمشي واني ناسي جايين ومايلقوكش عيب
ميرا : عادي خويلة فاطمة بري حتى غدوا الصبح
.......
مسرة : اهلين علولا مبروك المزيد يتربى ف عزك انشالله
علا : سلمك مسرة تفضلي خشي
غزل : اهلين علا كيف الحال
علا : اهلا اهلا كيف حالك انتي كويسة
غزل : تمام الحمد لله
........
رنا : نمدو توا 😕
مريم : لالا خلي تتعبى الصالة مزال
رنا : شفتيها اللي اسمها سندس😒 جت تقول برانية سلمت وقعمزت
مريم : تي فوتيها فكينا م المشاكل
رنا : لا لامشاكل لا سو مانكلمهاش بكل اني اجعنها معاد ناضت🙄
.......
حلا : شن سميتيه علا
علا : عبد الله 😊
غادة (ام حلا ): علي جده هههه
علا : اي ماما سماته
غادة : تعيشي وتسميلهم ياحنة
فريال : سلمك عقبال حلا تشوفيها بصغارها انشالله
غادة : ماقلتيش لخالاتك ياحلا 😌
حلا ضحكت : لالا
اسما وفريال شبحو لغادة
غادة : جو ناس السبوع اللي فات خطبوها والحق عجبنا الموضوع ناس مشالله عليهم
فريال : ونبي😀
اسماء : وشني تميتو
غادة : اي ردينا عليهم وتو بيجو انشالله جية رسمية
اسماء : انشالله خير
مريم وشوشتلي : نخطبت افتكيتي منها 😂
اني : اي مركها😂
اسماء : شني مريومة قالو حامل
مريم : اي
اسماء : ربي ينوضك بالسلامة
مريم : سلمك يارب
اسماء شبحت لسندس : وانتي سندس مافيش شي 😜
سندس : لا والله لتوا مافيش😊
اسماء : وشني البنية قاعدة معاك
فريال : لالا قاعدة معاي اني😏...سندس مابتش تاخدها
سندس نحرجت : اا لا اني مابيتش ناخدها اول مانزادت لان بترضعها مريم لكن توا عادي
فريال : هه😏 لا احني معاش نعطوهالك
اسماء ضحكت : ياكلمتي وليلي😂😂
سندس ساكتة وخلاص
اسماء تلفتتلي : شني لونا عاد اكيد بديتي تبتتي
اني ضحكت : اي
مرت خو فريال شبحت لفريال : حقا شنو حددتو موعد العرس ولا مزال
فريال تتكلم ووجها مقلوب : اي بعد تلاته شهور
اسماء غمزتلي : يافرحة سراج
اني تحشمت تمنيت نختفي من قدامهم والمشكلة هي تكلمت وهما شبحولي كلهم😑
سندس : عاد قولي يافرحتها هي بسراج وين بتلقى زيه 😏
اني شبحتلها لقيتها تشبحلي ف شبحة سم
اسماء : لا حتى هي بعيصة علي قولت الولاد😂
اني : ههههه سلمها اسماء ديما قايمتها بيا 😌
علا : سندس ونبي نوضي وتي معاهم صفرة العصيدة 😊
سندس : والله ضهري يوجع فيا مداير فيا حااالة 🙄
~~
~~
~~
سامي : اهلا اهلا بالغوالي 😂
سراج : فرحان بينا😂
سامي : بنطير بالفرحة
سراج : غر قول الحق 😏
اياد : تي شن ادور في فرحته يفرح ولا ينحرق المهم اركب نزلنا حلوات وماكلة جعانين
سامي : انتو امتى مش جعانين
مراد : قصدك نروحو 😒
سامي : كان قتلكم روحو تروحو 😂
سراج : لالا 😂...واهو جاي حتى محمد
سامي : في عصيدة تبو 😶
سراج : دليت جد امنا الزح 😑
اياد : اي نبو
سامي : هي انزلو هي....انستو انستو 😬
مراد عزقه علي ضهره : الله يآنسك ياقدر
دخل سامي الولاد لحوش بوه بما ان حوشه فيه نساوين...
خشو للمربوعة واتصل ب علا
~~
~~
~~
علا : بالله عليك تو وقته هدا 😡
رنا : مبرده راجلك بصراحة...قصدي عارف عندك نساوين علاش الجو هدا
علا : خوك سراج البهيم جابهم وهو تحشم شن بيدير
..........
غزل تلعب لمناسك بشعرها : بديتي تقري ولا مزال
مناسك : اي روضة
غزل : اممم وشطورة ولالا
ايناس مقعمزة مقابلتها : تعالي نسوكة نوكلك شكلاته
مناسك ناضت بتمشي لامها ناشت كاس العصير وتبزع ع قفطان غزل
مسرة : هيييي يعطيك السلامة 😧
ايناس : خيرك ماتشبحيييش😠
غزل : عادي عادي هي ناشتها ياناري
مسرة : نجيبلك امية وصابون
غزل : لالا تو انوض للكوجينة عادي
ناضت غزل مشت للكوجينة وكانو فيها رنا وعلا يوتو ف صفرة للولاد
رنا : حي خيرك
غزل ضحكت : قفطاني تلبز شوية
علا : اهو مزيل بقع ديري عليه
غزل خداته وقعدت واقفة ادير فيه
رنا : اسمعي علا...قداش نفر هما
علا : اممم🤔 سراج ومراد وسامي واياد ومحمد
رنا : خمسة
غزل سمعت اسم اياد جاها شعور غريب وقعدت مركزة معاهم....
علا : بكل الهم والله ماوقتهم مش فاضيتلهم بكل
رنا : لا والمشكلة يبو حتى عصيدة 😑
غزل : تبو ندير معاكم حاجة
علا : لالا صحيتي هههه
غزل : لا والله عادي كان تبو حاجة
رنا : لا غر خوي جايب صحابة فجئة واحني مش حاسبين حسابهم فهمتي
غزل : ووو مشناها اللقطات هده
علا : هو اياد بس براني الباقي عادي والله مامعدله عليهم
غزل : مفروض عارفينكم مشنوقين مايجيبوش حد براني
رنا : جيبي من يفهم 😑
طلعت غزل وعيونها قلوب قلوب وبالطير بالفرحة مع ان مافيش اي امل تشوفه لكن فرحانة لمجرد ان هو قريب ❤
......
غزل بالشوية : اياد لوطا 😍
مسرة ضحكت: قاعدة تفكري فيه😂
غزل : نبي اي طريقة نشوفه بيها
مسرة : هبلتي انتي 😒
غزل : اي هبلت😌 ونبي نشوفه🙈
مسرة : اهدي غزل ماتحشميناش
غزل : افففف 😪
~~
~~
~~
سامي : كول ياراجل
سراج : لا الحمد لله عبيتها😂
اياد : تي وين ياحموود مغطس
محمد : والله الا قاعد انت معاش تبان
مراد : اي عيوني بيتسكرو
سامي : شني بديت ترقد بكري😂😂
سراج : كيف عاد ممنوع السهر بعد الزواج 😂
مراد : تهمتك تمهتك تو تجوز حتى انت😏
اياد : لالا هو مش بيرقد.... اني نعرفه شن يبي😜
مراد : نبيك انت 😁
سراج : 😂😂
اياد يفتش ف جيوبه: ياجماعة تلفوني اختفي
سراج : مخليه ف السيارة ياأهبل
اياد : اي والله نسييت
~~
~~
~~
تررررن ترررن 📱
مسرة : ايوا حبيبي جيت ؟
وليد : اي هي انزلو
مسرة : باهي هي
وليد : تلقوني مدرس ف الزنقة اني
مسرة : علاش تهالانا قدام الباب وليد
وليد : مالقيتش وين ندرس 😑
مسرة : باهي به
غزل : جي
مسرة : اي هي قال انزلو
غزل نطت بسرعة لبست عبايتها ولفت وشاحها وساوت مكياجها وطلعت قصة وخلت شعرة من تالي باين : اسمعي بنسبقك اني😌
مسرة : تي استنيني اهو نلبس ف عبايتي😒
غزل : لالا بالك نشوف اياد 😍 بننزل اني الاولى
.......
سامي : تي وين ماشي
اياد : بنجيب تلفوني م السيارة وجاي.... ماتخافش ماتخافش مش مروح😂
سامي : لالا مش خايف حتى اني😂
......
نزلت غزل وقلبها بيطلع...وبعدين وقفت ف نص الدروج
" تو اني حارقة دمي ومتوترة وهو مرات يكون حتى روح 🙄...وحتى لو كان قاعد اكيد مش حيكون مقعمز قدام الباب😑...لكن مانقدرش نعرف مرات نلمحه حتى لمح😌 خلي ننزل شن خاصرة "
كانت غزل واقفة وتفكر وقطع افكارها صوت باب الحوش اللوطي نفتح
اول ماسمعت غزل الصوت سرعت مشيتها بتطلع وكان اياد كيف طالع وغزل واصلة ف اخر درجة
اول ماشافاته تجمدت ف مكانها " هو 😳..اي هو"
اول ماشبحها اياد عطي بالضهر وتلفت للباب
غزل من غير ماتحس ع روحها وبتردد : إياد
إياد .....
🌷يتبع🌷
سوري ع التأخير 😕💔
800 كومنت = حلقة جديدة 🙃
.
.
#__timOo__💕
