#__وتين__🍃
🌷الحلقة 79🌷
مراد : ايوا حمووود
احمد : ايوا مراد....مريم تاعبة هلبا هلبا ره
مراد : كييييف 😨...وين انتو
احمد : دارولها دخول في مستشفى $####
مراد : مسافة السكة وننكون عندكم
واتصل بأمه : يام وتي روحك ماشيين لمريم
جميلة : شن في شن في😦
مراد خلا روحه طبيعي: مافي الا كل خير خيرك مخلوعة
جميلة : ...اختك فيها حاجة 😦
مراد : مافيها شي يام بنسألو عليها بس
~~
~~
~~
ميرا : باااباااا خيرك 😨
ميار : بابا حبيبي خيييرك بابا 😢
رفعوه للمستشفى ودخلوه للعناية وقالولهم الدكاترة تاعب هلبا
امها : ربي يستر بسس😢
ميار : يااارب كون معانا ياااارب
ميرا : اااه ياااربي ينوض بالسلامة ياااارب😭😭
امها : خلاص ميرا بنتي ماتفاوليش خلاص
°
•
°
•
°
☀️⛅
هيام : شكلها العلاقة متطورة بينكم 😉
مسرة ابتسمت وعيونها ضحكو
هيام ضحكت : ياعيني ياعيني البنت عيونها يلمعو😂
مسرة : مش عارفة كيف فجأة كل شي تغير 🙈 معاملته ليا متغيرة هلبا وبدي يحاول يتواصل معاي ديما💕
هيام : احم احم من قال يجي يوم تفكري في وليد هكي 😉
مسرة: اني مافكرتش فيه بكل هو يتدحنس😌
هيام : وانتي مش مقصرة 😏😂😂
مسرة : لا من ناحية مش مقصرة فأني مش مقصرة بكل🙊🙈من الاخير الولد يهبل ❤ ماعمري اتر فيا حد بالشكل هدا ياهيام وانتي تعرفيني
هيام : الاولاد مافيهمش امان ماتوتقيش بسرعة وتخدعك البدايات الحلوا
مسرة : لازم تنكدي عليا يعني😒
هيام : تدكري زمان كيف تحكيلي علي سراج ولد عمك وبتهبلي فيه وشوفي كيف طلع نصيب اختك واول ماخطبك مؤيد كيف فرحانه وجوك حلو وشوفي شن دار فيك ف اخر حلقة
مسرة: اي صح😔...مرات حلم ونفيق منه 💔
هيام حطت ايدها ع ايد مسرة : اني مانبيكش توثقي فيه وتعلقي قلبك بيه وبعدين يخدلك وينكسر قلبك زي كل مرة 🙁
مسرة : صح مفروض ندير حدود بيننا ولو ماحسيتاش هو المهتم مانبينلاش شي
هيام : اي وخليك متريثة ماتتسرعيش
مسرة : علي سيرة سراج...سيب هو وليال
هيام : الله...علاش
مسرة : اا نعرفش علاش😶...لكن هي سيباته
هيام : اممم...
مسرة : اول مرة تسخفني تصدقي
هيام : ههههه صلا انتي موليا عاطفية هلبا من يوم عرفتي وليد😂
مسرة : تتسهوكي انتي😒
هيام : وحق ربي الا ندوي بجديات...من لما بديتو تتلاقو هلبا طبعك متغير
مسرة : اي ممكن🙈💕
هيام : ومن امتى المشاعر الحميمة مع ليال
مسرة : مش عارفة لكن والله سخفتني...تخايلي هداكا اليوم خشيت عليها لقيتها تبكي بحرارة وجعتني هلبا
هيام : باهي ربي يحنن قلوبكم علي بعض❤....به هي شن السبب اللي خلاها تسيبه
مسرة : ااا نعرفش
هيام : وهو يبيها مزال ولا فاتها
مسرة : مش عارفة هو ماشفتاش ليا مدة
°
•
°
•
°
مشينا لمريم بعد ماروحت من المستشفى وكانو خلاتها عندها وامها وميرا و حتى خالت احمد (ام حلا) وبنتها حلا...المهم العيلة كلها في حوش احمد
مريم : باتي معاي لونا اليوم باهي
اني : نبات 😳
مريم : اي وغدوا يروح بيك احمد
تحشمت ماقدرتش نقول لا
طيبنا الغدي وبعدين قسمنا كل وحدة خشت اضم في جيهة...خشو رنا ومسرة يغسلو ف الماعين ومافيش وحدة كلمت التانية...قعدت رنا ساكتة وتفكر كيف تفتح موضوع وتخلي الوضع طبيعي
رنا : ترا مديلي الفوطة مسرة 🤗
مسرة مدتلها وساكتة مافيش اي ردة فعل
اما اني....خشيت نضم في المربوعة شوية وخشت حلا اضم معاي...قصدي هي مربوعة صغيرة تنضم في دقيقتين مافهمتش علاش جاية هي😑 يلا ماعلينا قعدت تهدرز عليا وهكي بس حاسة في حاجة غريبة ف دوتها حسيتها كلها تلقيح😏
حلا : شني قالو سيبتي انتي وسيرجو 😏
قعدت نضم ومارديتش عليها
حلا : علاش سيبك 😅
اني : اسأليه 😑
حلا : حكالي 😌
اني : كويس...وطلعت
~~~
🌒 ليل الليل وروحو كلهم الا المزيتة اللي اسمها حلا 😷 قعدت باتت...
نزلو كلهم لوطا مقعمزين في الجنان واني قعدت مقعمزة مع مريم وامها
جميلة طبست من البلكونة شافتهم كلهم في الجنان وهدرزة وجو : لونااا
اني : نعم مرت عمو
جميلة : انزلي بنتي هدرزي معاهم اهو اني جنب مريم
اني : لالا ماعنديش نية😅
شوية وطق الباب
فتحت لقيتها علا : خيرك ماتبيش تنزلي
طبعا ندوي معاها كلمة وقص : لالا
علا : علاش
اني : قاعدة مع مريم
علا : اهو معاها مرت عمي...غر انزلي
اني : صحيتي...وخشيت وخليت الباب مردود
علا سكراته من برا ونزلت
~~
في الجنان 💫
مقعمزين الولاد والبنات ع كراسي وطبعا حلا كرسيها لاصق في كرسي سراج وتتدحنس زي الكلبة😡
عمر : مسرة وليال روحو
سراج قام عيونه اول ماسمع الاسم
علا : مسرة روحت وليال فوق
احمد : خيرها مانزلتش
علا : علي خاطر....وشبحت لسراج وسكتت
سراج : نوضي سخني الشاهي برد
علا : نوضي رنا
رنا : نوضي انتي 😑
سراج : نوضي حلا بالله عليك
حلا همست بالشوية : من عويناتي🙈
سراج دار روحه ماسمعش
~~~
ركب احمد : رقدتو ياعيلة
اني : مرت عمي رقدت ومريم ترقد وتنوض
احمد : خيرك مانزلتيش انتي
اني : ماهو مريم بروحها ماقدرتش
احمد : اها...وخش للدار لقي مريم متكية عضهرها ع المخدة وتتوجع ....جي اتكى جنبها : نايضة حبيبتي
مريم : اي 😖
احمد حط ايده ع راسها وقعد يمسد علي شعرها : انشالله تنوضيلي بالسلامة وتجيبيلي احلى بيبي 😘
مريم : انشالله 🙈😍
احمد : زعما بنية ولا ولد
مريم : اللي يجي من ربي باهي المهم يجي سليم وصحيح بس
احمد باسها من خدها : مستاحشك اني😍
مريم : الدكتورة وصتني....
احمد قص ع كلامها : نعرف نعرف😑
~~
~~
طاير مني النوم قعدت نتمم ع الحوش كله انه مضموم وهكي
خشيت للحمام لقيت شوية حوايج اللي مروحة بيهم مريم من المستشفى حطيتهم في الغسالة وكملو خشيت للبلكونة بننشرهم...فتحت المنشرة وكيف بديت ننشر سمعت صوت ضحكة عاليا وكان الوقت متأخر استغربت...طبست من البلكونة لقيته هو مقعمز مع حلا💔 حسيت ركبت فيا نار 😢...حسيت الغيرة استوحتني بالكامل...وشرايين قلبي يتقطعو بالعرق😢...كان خاطري ننزل نشدها من شعرها لين نجيبه ف ايدي...لالا خاطري ننزل نحضنه بقوه ونردلها نفس الشعور اللي حسيته....به اني نقدر علاش مانديرهاش ونطفي ناري...علاش مانديرهاش ونبرد علاش😭
~~
سراج " كنت مقعمز مع النفاخة حلا ودوتها ماتكملش😑 المهم نساير فيها وخلاص وهي تتلصق ماصدقت....المهم قمت راسي وحطيت يديا علي رقبتي نطقطق فيها ايمين وايسار ولما ماقمت راسي شفتها واقفة ف البلكونة والدنيا كانت مظلمه واول ماجت عيني عليها دارت روحها تنشر ولا مش عارف شدير....ومن لما قمت عيوني وشفتها معاش قدرت انزلهم...وتكلم فيا حلا نشبحلها ولا شعوريا عيوني يرجعو لجيهت ليال💔"
حلا : ليال هديكا ولا ؟؟
سراج هز راسه بمعنى اي
حلا : قداش ماشايفة روحها واااك 😏
سراج يبربش ف تلفونه وساكت
حلا : افتكيت منها
سراج شبحلها : خيرك حاشية خشمك ف كل طبيخة😒
حلا : نهدرز بس 🙃
سراج : معاش تجبدي سيرتها باهي😒....بش مانغيرش المعاملة معاك
حلا : حتى سيباتك قاعد ادافع 😑 سعد الناس😏
°
•
°
•
°
مراد : ايوا حبيبي شن جوك
ميرا : مش كويسة يامراد بكل😭
مراد : خيرك حبيبي خيرك😦
ميرا : بابا في العناية بين الحيي والموت يامراد 😭
مراد : بالله عليك😮...من انتى
ميرا تبكي : البارح تعب هلبا مشينا بيه للمستشفى ودخلوه للعناية بنهبل نحس ف روحي 😭بنهبببل
مراد : اشش خلاص حبيبي معاش تبكي ادعيله بالشفي بس وراس قلبي معاش تبكي
ميرا : تعرف كان تصيرله حاجة نهبل يامراد نهبل
مراد : معاش تفاولي انشالله مايصير الا كل خير ياعمري❤
°
•
°
•
°
وفات يوم 🌒 وبعده يوم☀️⛅ وبعده يوم 🌒وكلنا ع نفس الحال وخش الصيف والجو بدي حلو⛱
علا ادور وتشري وتوتي ف روحها للعرس لان قرب
رنا ومحمد مجافيين بعضهم وكل واحد ف حاله💔واغلب الوقت رنا ادور مع علا
مريم كل يوم في المستشفى وحالتها حالة وتعودنا عليها وحمها واعر هلبا واحمد يعاني مسكين😶
عمر وداليا قررو يجيبو البيبي لكن عمر مزال مافتحش الموضوع لعيلته
اما رتاج ف بدت اضيع في وقتها وكل مرة تهدرز مع ولد بش تنسى...لكن تكدب علي روحها 💔
مراد ليه تلاته ايام يتصل بميرا ماتردش ومن يوم اللي كلماته تبكي علي بوها معاش قدر يوصل فيها وباله مشغول
اني وسراج ع نفس الحالة وحاسة روحي بنهبل من اللي اسمها حلا اللي معاش تبي تروح من عندهم😑
لكن شديت رجلي ومعاش مشيت لحوش عمي
اما مسرة...
🌒
اليوم عيد ميلاد غزل اخت وليد🎂 وعزمت مسرة وطبعا مسرة ماصدقت...وعزمت حتى هناء بما انها صديقة وليد حتى هي
~~
~~
هناء واقفة ع المراية : حلوا لبستي😌
اختها : تهببل ....بتنقهر مسرة 😏
هناء : وبتنقهر اكتر لما نعترف لوليد اني نحبه وتسمع بينا ارطبطنا 😏
اختها : قررتي بتعترفيله
هناء : يس😌
اختها : به اطلعي بسرعة الوقت تأخر
~~
~~
مسرة طقت ع باب داري وفتحت : ليال
شبحتلها وكانت لابسة ومتكمة
اني : نعم
مسرة : نخلي مناسك جنبك...لاني طالعة
اني : حسستيني انها مش اختي😑
مسرة : لا قصدي عطيتك علم بش مرة مرة تخشيلها تشوفيها ماهو راقدة هي
اني : تمام
حسيتها بجديات متغيرة ومتغيرة هلبا...مش مسرة اللي نعرفها وكانت نظرات الحنية ف عيونها وفي نفس الوقت عيونها فيهم حزن وواضح مأتر فيها ان امها حرجانة وهكي...
مسرة: خلاص كل مرة ديري عليها تشك
اني : به
وكيف جت بتطلع
اني : مسرة
مسرة تلفتتلي
اني : طالعة حلوا 😊
مسرة ابتسمت : عيونك الحلوا❤
~~
~~
~~
هناء : هااي 😊 هابي بيرث داي تو يو
غزل وصاحباتها يضحكو وجو يسلمو ع هناء وهكي
وليد : غزللل
غزل طلعتله : نعموش
وليد : ااا من جي😅
غزل : ماكنتش نسونجي ياولد شن جاك😶😂😂
وليد : يابهيمة عارفتيني علي من نسأل 😒
غزل : امممم😉...ماجتش ماجتش
وليد : الله 😑
مشي وليد وخشت غزل لصاحباتها
هناء : طلع وليد
غزل : اي مناديينه العمل
هناء : الله....
وليد كيف فتح باب الحوش بيطلع وناداته هناء
وليد تلفت : ايوا
هناء طلعتله في الزقيفة وقربت منه : بنكلمك في موضوع 🙈
وليد : انشالله خير
هناء: ااا تعالى نخشو للمربوعة قعدنا في الباب
خشو للمربوعة وخلو باب الحوش مردود وقعد وليد واقف جنب باب المربوعة لان مستعجل بيطلع جت هناء بجرأة اتكت ع الباب سكراته وقربت من وليد...
وليد : شن هو الموضوع
هناء حطت ايديها ف خصرها: قبل كل شي ماقلتليش طالعة حلوا ولالا 😌
~~
خشت مسرة للجنان شافت سيارة وليد ابتسمت : شكله قاعد 😍🙈
لقت باب الحوش مردود فتحاته وبتخش وطاحت في ودنها الكلمة
وليد : ههه اي طالعة حلوا
هناء قربت شوية : بجديات ؟
مسرة جت وقفت جنب باب المربوعة
وليد : اي والله بجد طالعة حلوا
هناء حطت ايدها ع ايده : وانت طالع تجنن 😍
وليد تحركت غريزته من نظراتها وكلامها ولمست ايدها وطبعا كانت لابسة قفطان لاصق وقصير فوق الركبة وصدرها عريان وجهها معبي مكياج فاقع....قعد يشبحلها وساكت
هناء : نحبك وليد ❤
#نرجعو_لمسرة 💔
واقفة جنب باب المربوعة وحاطة ايدها ع فمها وعيونها دموع وكاتمة بكيتها بش مايسمعوهاش وبعدين طلعت بسرعة من الحوش واتكت ع الحيط وانهارت بالبكي....
"الحقييير 😭 اني الغبية اللي حبيته اني 😭 اني ماعنديش حظ مهما يصير ماعنديش حظ 😭😭نحسابه حبني بجديات الكداب طلع الكلام يقول فيه لاي البنت البناوتي الحقيييير😢...."
وجي بين عيونها كلام هيام ونصايحها...مشت بسرعة ركبت سيارتها وهي تبكي....
~~~
وليد سحب ايده من ايدها : كك كيف مافهمتش؟
هناء : نحببك ومانقدرش نفسر اكتر ❤
وليد : لكن .... لكن اني ياهناء مانشوفش فيك زي ما انتي متوقعة...اني من يوم عرفتك نشوف فيك صديقة لا اكتر
هناء نصدمت وقعدت واقفة تشبحله وخلاص
وليد : ياريت تنحي كل هالافكار من راسك بش مانخسروش بعضنا...وطلع
اول ماطلع وليد للجنان يشوف في سيارة طالعة من الجنان ولما قدم لقاها سيارة مسرة استغرب خيرها مشت...ولحقها ع رجليه : مسرررة
مسرة تسوق وتبكي ولما سمعت صوته قوت السرعة
رجع وليد ركب سيارته ولحقها وجي جنبها يأشرلها بيده يبيها تنزل المرش بش يكلمها...شبحتله وقوت السرعة ومشت
وليد : خيرها هده😶
اتصل بيها ماتردش قعد مستغرب
~~
~~
غزل : مسرة تأخرت ولا
صاحبتها : تي هي قصي التورته بنروحو شكلها مش جاية
غزل شبحت لهناء : خيرك هناء منكدة 😶
هناء : شي 😑...
غزل اتصلت بمسرة : وييينك
مسرة خلت روحها طبيعية : وقفت بيا السيارة تعرفي
غزل : هييي به وين نجو نجيبوك
مسرة : لالا غزل كل سنة وانتي طيبة وهديتك محفوظة اني روحت
غزل : مشناااك...كان كلمتي وليد راهو مشالك عاد انتي تموني عليه😜
هناء 😡😡
مسرة : هه 😏 يمونو عليه البنات كلهم...المهم تصبحي ع خير
غزل استغربت : وانتي من اهله 😶
~~
~~
~~
سمعت صوت سيارة نحسابه نادر جي طبست لقيتها مسرة استغربت خيرها روحت بسرعة ؟!
ركبت وخشت صكرت ع روحها باب الدار قعدت مستغربة : اشبح شن صاير معاها🤔
....
خشت مسرة تلوحت ع السرير وقعدت تبكي ولقت منه مكالمات حطاته في الرفض
°
•
°
•
°
مراد : الو
يارا : اهلين مراد
مراد : اهلا يارا كيف الحال...بنسألك
يارا : تفضل
مراد : ميرا نتصل بيها ماتردش عليا بكل
يارا : ماهو يوتو في بوهم بيسفروه لاميركا حالته تاعبة هلبا...حتى اني كلمتني اول امس ومنها معاش حصلتها
مراد : وهي بتسافر ؟؟😡
يارا : لالا ماعتقدش...
مراد : باهي امتى بوها مسافر
يارا : بعد غدوا
مراد : باهي به...تمام
سكر مراد من يارا وقعد يفكر ان بوها بيسافر ومرات يموت وهو غادي لان تاعب هلبا فقرر يسبق ويكلمه قبل مايسافر ....خدي مفاتيحه وتوجه لحوش خاله الكبير...خش هدرز وتغدى وبعدين حكي لخاله وقاله انه يبيه يمشي معاه قبل مايسافر بوها؛ وخاله قاله يكلم عمامه ويقوللهم وطبعا السيد مراد ماصدق طلع من حوش خاله توجه لحوش عمي عبدالله وحكاله
ع عبدالله : اي نمشي معاك علاش لا
مراد : تفضى غدوا عمي
سراج يضحك : مستعجل الاخ😂
مراد 😒😒
المهم روح مراد وحكي لامه وفرحت وقرر غدوا بيمشي هو وخاله وعمي عبدالله وبيطلب ميرا في المستشفى ❤
°
•
°
•
°
☀️⛅
نضت الصبح درت فطور ناديت مسرة مابتش تاكل قعمزت اني ونادر ومناسك وبابا كلينا وغسلت الماعين وضميت وجيت لنادر
اني : ارفعني لحوش جدي مكسدة
نادر : ايااا ياليال والله الا بنمشي للولاد
اني : خزي حطني في طريقك🙁
بابا : تو نرفعك اني
نادر تكلم بالشوية : من امتى متسخر هكي 😶
اني بصوت عالي: سكر فمك لاترحم لاتخلي رحمة ربي تنزل😒
بابا : هي نوضي توا لان عندي خدمة
اني : هي🙈
نضت وتيت روحي وطلعت لقيت بابا طارح بالجني كله😎....قلت اكيد عنده اجتماع ولا حاجة
°
•
°
•
°
غزل راقدة ف فراشها فتح وليد باب الدار : غزااالتي نوضي ياخميرة
غزل فتحت عيونها وتتكسل : صباح الخير
وليد جي قعمز ع سريرها : صباح النور
غزل ناضت قعمزت
وليد دار جو الاستعباط : جت امس مسرة
غزل : لالا تعرف سيارتها وقفت 🙁
وليد : كك كيف 😶
غزل : اي خسارة قتلي سيارتي وقفت وليت للحوش
ناض وليد طلع ومسغرب..
" امس كانت موليا وناديتها مابتش ترد🤔...وقالت لغزل سيارتي وقفت...غريبة..
زعما نست الهدية وولت بتجيبها وقفت سيارتها...به حتى لو كان... خيرا انادي ماعدلتش ونتصل ماتردش "
قام تلفونه واتصل بيها وماحصلهاش لان حاطاته ف الرفض
°
•
°
•
°
ع عبدالله : هي حدديلي السورية مراد قريب يجي
علا : اهو نحدد فيها😊
احمد : انت ومني ماشي؟
ع عبدالله : اني وخاله فتحي
احمد : اها
علا : بابا
ع عبدالله : نعم
علا : مش قلت بتحجز الفيلا متع صاحبك
ع عبدالله : اي انشالله بنكلمه
علا : ماهو نبو نديروها المشيا توا لان بنلهو بالعرس وهكي بعدين
احمد : زعما زعما عرسي قريب😂
علا : اسكت انت😒
ع عبدالله : انشالله تو نكلمه اليوم ونحجزها منه السبوع الجاي كله نقعدو فيها
علا : انشالله
جي مراد هو وخاله وخدو عمي
في السيارة 🚗
ع عبدالله : تو انت من وين تعرفهم العيلة...قصدي لما يسألونا من وين تعرفو البنت شن نقولو
مراد تلخبط : ااا 🤔
خاله ضحك : تي ديرلهم جو النساوين يعرفو بعض😂هده الكدبة اللي ماشية توا وشبح لمراد😏ولا شنو
مراد ضحك : ايوا تفهم ع الطاير ياخال
~~~
ومشو للمستشفى سألو ع الحجرة وهكي ومشوله لقو عنده خوه وولده يجهزوله ف اوراق الخروج
خشو سلمو وطبعا بو ميرا وخوه مستغربين مايعرفوهمش وقعمزو وضيفهم ولد عم ميرا وبعدين تكلم ع عبدالله بما انه الكبير 👴
وقاللهم ان ع اساس ام مراد تعرف ام ميرا وعاجبتها ميرا وجايين بيطلبوها 💍وهدرزو وتعرفو ع بعض وعم ميرا قنين وجوه حلو💕....طبعا ماردوش عليهم لكن حسوهم فرحو بالموضوع وهكي وقالولهم يردو عليهم قبل مايسافر بو ميرا
°
•
°
•
°
🌒
عبسي متكي ع سريره ويخمم " تو هي البنت قنينه كشكل وواضح انها متعلقة بيا😎...واللي يحبك خير م اللي تحبه 💔 وبعدين ليال بنت اختي رزينة واكيد حتى صاحباتها هكي 🤔....(وتنهد ) يصير خير "
فتحت عليه ماما الباب : بتتعشى عبسي
عبسي : لالا ماعنديش نية
ماما طلعت وسكرت الباب
اني : مايبيش يتعشى
ماما : لالا هي حطي ناكل اني وياك
اني : اي هي بسرعة قبل ما بابا يكلمني
ماما : هو بيروح بيك
اني : اي الفرخ نادر مايبيش
وكيف حطيت العشي طق الباب
ماما : مني زعما
اني : نعرفش 😶
طلعت ماما بتفتح ولقاته....
🌷يتبع🌷
.
.
#__timOo__💜
