#__وتين__🍃
🌷الحلقة 84🌷
سراج حك راسه وضحك : والله شن بنقولك...تبي الحق فكرت في ليال بنت عمي...
ع عبدالله: اووو والله ونعم التربية
سراج : شن رايك ف الموضوع
ع عبدالله : لا اختيار كويس...خلوقة ليال صراحة تعجب فيا اني
سراج مبتسم
ع عبدالله: خلاص نكلمه عمك
سراج : باهي عادي كلمه....لكن بالله امي قوللها ماديرليش جو النساوين الحرف مش ناقصني مشاكل😑
ع عبدالله: امك هده نوعها نوع...تو بديرنا سريب 😑
سراج : لاسريب لا سو قولها كان ماعجبهاش الموضوع نرفع خلاتي ورنا وعلا سادين
ع عبدالله: لالا تو نتفاهم معاها اني
سراج : باهي تمام
°
•
°
•
°
ماما : توا جوك عادي ؟؟....نقدر نهدرز معاك
عبسي يدخن : شني
ماما : خيرك البارح روحت بينا فجأه لين حشمتني قدام المرا...وفي السيارة مابيتش تدوي بكل😶
عبسي : فوتيه الموضوع طلعته من راسي😑
ماما : علاش 😮
عبسي : هكي فوتيه وخلاص😒
ماما كيف بتطلع م الدار
عبسي : بنتك اهني؟
ماما : اي جت بكري
عبسي : ترا ناديهالي
ماما : لونااا تعالي يبيك خالك
جيت خشيت ورديت الباب وكان متعصب لين خفت
اني : نعم
عبسي شبحلي : بالله شن اللي يخيلك اديري هكي😠...نقدر نفهم
اني : شش شن درت😳
عبسي : تو مش سألتك وقتيلي فرحاااانة وشبه عاجبها الموضوع 😡
اني : ااا اي امها فرحت لما قلنالها
عبسي : اني قتلك اسأليهاااا هي ولا امها😠...تي علاش اديري هكي ياليال علاش😠
اني : لما لقيت امها عاجبها الموضوع قلتلك حسيتهم يبو
عبسي : تعرفي منك انتي اني حسيت روحي زي الكلب😠
اني : حح حشاك😣
عبسي : اني الزح ماشي علي اساس موافقين والامور تمام في الاخير تطلع ماتبيش بكل تي النم مش صاحبتك ومش سألتيها خيرك جيتي قلتيلي كلام تاني😠 علاش الكدب علاش
اني : ماكدبتش اني 😡 قتلك اللي قالتهولي امها
عبسي طلع وصرفق الباب بقوة
°
•
°
•
°
رنا وعلا وبلسم : شنووو😨
فريال : اي تجوز وحدة من بريطانيا غادي
علا : بريطانية
مريم : لالا ليبية لكن قاعدة غادي
بلسم : حي ع العااار 😒
فريال : علاش عار شني هارب معاها هروب😒...ماهو واخدها بسنة ربي ورسوله ومادار شي عيب الشرع محلله اربعة
علا : اي صح عادي خلي يتجوز😌
مريم شبحت لعلا
علا شبحت لمريم وضحكت : اي مدامها ماتهتمش بيه خلي والله يتجوز
رنا : وسندس سمعت ☹
فريال : حرجانة عند اماليها وطالبة الطلاق
رنا شهقت : هيييي 😯
بلسم : مسكينة 😦
علا : تي حتى خوك مسكين ره 😒 تي بالله عليك عمرك شفتي وحدة صغيرة وف عز شبابها وماتهتمش بروحها بكل
مريم : اي هي هاملة روحها هلبا الحق
فريال : اي حق ياكبدي ماعمري ريتها حاطة حاجة ف وجهها كان ف العراس
رنا : حرام لكن والله واعرة اللقطة 🙁
علا : هي صح تسخف لكن ماتهتمش بيه بكل ره تي تبات عند اماليها بالخمسة ايام وحتى مكالمة ماديرلاش😑 تي اما راجل بيتحمل الجفاف هدا كله
مريم : لكن والله وجعتني...حطو روحكم مكانها
بلسم : اي بكل مايحسوش😒...وناضت تنطفر
محمد من الصالة : تي وين الغدي ياعيييلة
رنا : اهو نسقي هي
مريم : بلسم راجلك ماجاش ؟
بلسم : لالا زي البومة هداكا ميجيش😒
مريم ضحكت
~~
~~
سامي : الليلة متسقدين
سراج : انشالله
محمد : وين بتمشو بالزبط اما منطقة
سراج : ماشيين ل$### لان عمر خدمته غادي
محمد : وعنده حتى شقة ولا
سراج هز راسه بمعنى اي وضكك : وعنده حتى مرا والحياة مستقرة غادي😂😂
محمد : بجديااات
سامي : مرا؟؟
سراج : اي متجوز غادي البيك
محمد يضحك : والله الا راجل😂
سامي😂😂
°
•
°
•
°
🌒
اني : شن قلتيله انتي
رتاج : قلت اللي ف قلبي 💔
اني : به قصدي اللي ف قلبك ماخطرلكش تقوليه الا توا😑
رتاج : مافيش فرصة تانية 😒
اني : لعلمك غله كله رده فيا اني😑
رتاج : تستاهلي انتي السبب
اني : بارك الله فيك😊وفيه صح اني الحمارة اللي نبي نرضي الجميع وف الاخير تجي علي راسي
رتاج : ياليال انتي مفروض...
اني قصيت عليها : سراج خش انتظار خلي نكلمه قبل مايركب الطايرة باي😑
رتاج : باي
طبعا لا سراج خش انتظار لاشي لكن وجعتني كيف كلهم داروني اني الغالطة😔 ومعاش قدرت ندوي معاها زقررت نوزعها ونسكر 💔
شوية واتصل سراج فعلا
اني : الو
سراج : نستنى.....اهو البنت تتصل ولا ادور و قريب نمشي وشي شي مادورتيش
اني ضحكت : كلمتك بكري قتلي جنبك حد قلت تو يعاودلي ولما ماعودتش قلت اكيد مشغول تو يفضى ويتصل
سراج : شن جوك المهم
اني : تمام شن جوك انت
سراج : مليح
اني : امتى طيارتكم
سراج : نص ساعة تانية
اني : ماتعطلش باهي💔
سراج : ههههه علاش
اني : ع خاطر بنستاحشك❤
سراج : ولا يهمك مش حنخلي فرصة للشوق يجي بيننا بكل...تو نهدرزو كأني اهني
اني : مكالمات دويلة تصرف هلبا
سراج : عادي المهم نسمع صوتك ❤
اني ضحكت : اول ماتوصل طمني
سراج : حاضر 💓
"محلاه لما يقولها يحسس فيا اني مهمة ف حياته 💕 يحسس فيا بشعور حلووو 😍"
سراج : باي حبيبي...لما نوصل نكلمك
اني : باي
سراج بهمس : نحبك ❤
اني : واني نموت فيك 🙈💛
......
وسافرو واول ماوصلو مشو للحوش ولقو داليا مجهزة عشي ومتكمة الجو
داليا : انستنا يااحمد اا قصدي سراج😅
سراج ضحك : الله يانسك ياسندس اا قصدي داليا😜ههههه
داليا قعدت تضحك
عمر خش يبدل ف حوايجه ولحقاته داليا : خيركم ماقلتوليش جيت خديتكم من الماطار
عمر جبدها من خصرها لصقها فيه : استاحشتك ❤
داليا لفت ايديها ع رقبته : حتى اني هلبا هلبا💕
عمر قرب باسها تحت فمها بشوية : خلاص ياعمري هانت اقل من شهر ونجيبك لليبيا وماتفارقينيش بكل😘
داليا : قلتلهم اماليك😮
عمر : اي قلتلهم تو نحكيلك غر تعالي نتعشو سراج قتلناه بالجوع😂
داليا : هههه باهي هي
°
•
°
•
°
ع عبدالله : غدوا بنمشي لعلي بنكلمه علي بنته ليال
فريال فنصت : علاش 😨
ع عبدالله ضحك : بناخدوها لسراج
فريال بصوت عالي : هااادااا ماناقص غير ناخدها لولدي 😡
ع عبدالله: خيرها شن ناقصها بنت محترمة وقنينة ومستواها مشالله شن تبي تاني
فريال : كتر الله غير القنينات والمحترمات ع الاقل ناخدوله وحدة مستورة في حوش اماليها
عمي تعصب من الكلمة : وشني بنت خوي مش مستورة ولا كيييف😠
فريال خافت : لل لا ربي يستر عليها لكن اني وحدة امها مطلقة ماناخدهاش😒
عمي ناض يعيط عليها : عيييب عليك الكلام اللي تقووولي فيه عيييب هده ولية 😠....تي حطي بين عيونك ماريا بنت عمر اللي امها طالبة الطلاق😠كان جو ناس بيخطبوها بتقوليلهم ماتاخدوهاش بنتنا امها مطلقة ولا كيييف ادوووي😠...وشكلك نسيتي من سبب طلاق ام ليال .... كانك نسيتي خلي ندكرك😡
فريال : ياسيدي امها ماليهاش علاقة اني البنت هده مش خاشتلي دماغ مانبيهاش مش مقتنعة بيها
عمي : اني ماصدقت اللي قال باهي وبنخطبله توا انتي بتسكريها ف وجهه الولد...وديري فراسك راهو قالي كان امي بدير نكد بيرفع خالاته يخطبوله....هكي ولا هكي بيخطبها ماتحرقيليش دمي ع الفاضي ترا
فريال : اني والله مانقص معاه خطوة
عمي : بتخسري ولدك وخلاص ره مش حديري فايدة 😠
فريال خلت عمي يطلع من اهني واتصلت ب بلسم من اهني
فريال : خوك بيخطبها هالمفعوصة هااادي😠
بلسم : ينحرق هو وياها اني معاش دخلي فيهم اللي يتجوز من ورانا واللي واخدلي فرخة السم يجري ف عروقها تي والله معاد نخش لواحد في موضوع
فريال : شكلي بنمشي نكلم امها اني...بالك تستحي وتباعد فرختها علينا😒
بلسم : اي صح بريلها يام وهزبيها وكان عندها شوية حيي بالك تفوتنا
فريال : بيني وبينك خوك التيس معشش فيها
بلسم : اي اشبح شن موكلاته انشالله تاكله زقوم ف جهنم الحمرا هي وامها😑
فريال : سكري سكري بوك خش
°
•
°
•
°
سامي شاف الساعة : اكيد وصلو خوتك
علا متكية ع صدره : اي اكيدة....اسمع
سامي : نسمع
علا تضحك: تندري علي عمر شن داير من عمله
سامي ضحك : قالي سراج...ياعليك حالة وخلاص
علا : انشالله غر ماتوصلش بينهم للطلاق بس 😔
سامي يلعب بشعرها : لالا تغلي تغلي وتنطفى وتولي 😂
علا : زعما 😂
سامي : اي
علا : واعرة لكن...مش اي مرا تتحملها💔
سامي : هو واخدها علي علاقة مرته الاولى
علا بعدت من ع صدره وشبحتله وقايمة حاجب واحد : كانه واخدها علي علاقة مستحيل يتجوز عليها....ولا شن رايك😉
سامي ضحك وقرب منها : مانديرهاش ماتخافيش
علا : ههههه مانقصدكش انت🙈
سامي : هاها علي اساس😜
علا رجعت ع صدره وباساته: عارفاتك ماديرهاش 😘
سامي : مانتحملش العسل هلبا ره...قلبي ضعيف ❤
علا باساته تاني : لازم تتعود 😌
°
•
°
•
°
عمر راقد ع بطنه وداليا متربعة ومقعمزة جنبه وتلعب بشعره : هي احكيلي عمر
عمر : قلتلهم كلهم
داليا : حتى مرتك 😮
عمر : امم
داليا : شن دارت
عمر حكالها شن صار وشن كانت ردة فعل مرته وامه والعيلة وداليا تلعب بشعره و تسمع
عمر : لكن امي فرحت😂
داليا تنهدت : خايفة تصيرلك مشاكل من وراي😔
عمر تلفت ع ضهره وجبدها رقدها ع صدره ولف ايده ورا ضهرها وايده التانية شبكها ف ايدها❤
عمر : معاش نبي نسمعها الدوا هده باهي....قتلك امي خدت الموضوع عادي واني كنت خايف من مشاكلها هي اكتر حاجة
داليا : ومرتك
عمر : معاش تفكري ف شي ياقلبي💕 المهم انتي معااي بسس والباقي كله ينحل...ومعاش نبيك تزعلي روحك باهي...عارفة الدكتور شن قال صح ولا
داليا : اي صح
عمر : فوتي مادوري شي كل شي يمشي تمام انشالله
داليا تنهدت : انشالله
عمر: تمشي تراجعي ولالا
داليا : اي امس كانت عندي مراجعة
عمر : قالولك حاجة جديدة ؟
داليا : لا الجنين صحته كويسة
عمر بعدها من عليه شويه واتكى وقرب وجهه منها : انتي شن قالتلك علي حالتك.....اني هامتيني انتي اكتر من الجنين تسمعي فيا😡
داليا : ااا عع عادي حالتي زي ما هي😳
عمر : الدكتورة قالتلك حاجة داليا؟؟ 😒
داليا : تؤتؤ😳
عمر ناض قعمز وهي قعمزت وشدلها ايدها : حبيبتي انتي قاعدة ماسكرتيش شهر...طيحيه وسيورك تحملي تاني
داليا : عمررر خلاص بالله عليييك😢
عمر قرب من وجهها : انتي علاش ماتبيش تفهميني علاش 💔....في احتمال تصيرلك حاجة لو تولديه لقدر الله...علاش تسكري ف راسك بسس
داليا تبكي : اني نبي نجيبه نبي نخلي اثر في حياتك حتى لو مشيت😢...ماتحرمنيش منه عمر
عمر : اني نبيك انتي تقعدي مانبيش اثارك ودكرياتك نبيييك انتي....انتي مانقدرش نعيييش من غيرك افهميني 💔
داليا تبكي : عمر اني الموت تاخد فيا بالقطعة 😢...اني المرض خاش في كل جزء في جسمية...اني ميتة ميتة ياعمر خليني نجيبه...وحتى متت نحس روحي مخليا حاجة في الدنيا😢
عمر حط جبينه ع جبينها وعيونه دموع : اشششش خلاص بالله عليك خلاص 💔....
داليا حاطة ايديها الزوز ع وجهه وتبكي
عمر : بنروح بيك لليبيا في اسرع وقت قبل مايبدا يبان بطنك وبنديرو فاتحة من جديد قدام الناس كلهم وحتعيشي بأدن الله حتعيجي ونجيبوله خوت وخوات
داليا بعدت وجهها وقرنت حواجبها : من قالك بيجي ولد
عمر : هكي احساسي
داليا : نبيها بنت اني ❤
عمر : ياودي انشالله يجو توامة باهي
داليا : ههههه تخايل
°
•
°
•
°
رتاج متكيا ع سريرها وتفكر في الكلام اللي قالاته لعبسي وهل اللي داراته صح ولا غلط وهل تعتبر ردة اعتبارها ولا زادت كرهاته فيها💔....كانت افكار ادور في راسها مانعتها من النوم والسبب انها ع قد ماسمعاته من كلام وع قد ما عيطت وتعاركت معاي ومع اماليها بش ماتاخداش لكن تحبه💔وهدا الواقع اللي ماقدرتش تهرب منه ...حبها ليه 😔
°
•
°
•
°
☀️⛅
وتمت العطلة والراحة...واليوم عندي محاضرة مشيت للجامعة وكملت وبنروح...
اتصلت بيا رتاج...طبعا من اخر مكالمة بيناتنا معاش تكلمنا رديت عليها
اني : الو
رتاج : شني زعلانة شكلك
اني : لا ماعندي من شن نزعل
رتاج : نهيتي معاي الكالمة هداكا اليوم قتيلي سراج بيسافر ولا شنو..وتوا سراج قريب حتى يروح وانتي ماتصلتيش
اني : نسيت😑
رتاج : معاش كلمتي خالك ؟
اني : خالي بعد ماهزبني معاش تلاقيت معاه😊
رتاج : ياليال الغلط منك اني لما قلتيلي....
اني قصيت ع كلامها : قصدي فهمت وحق ربي فهمت ان الغلط مني...اني كل اللي في بالي ان بالك يصير نصيب وتاخدي الشخص اللي حبيتيه لكن دفعت ثمن غبائي غالي بالهزايب منك ومنه 😒
رتاج تنهدت...
اني : هي باي توا جاني بابا بنروح
رتاج : غي الجامعة انتي
اني : اي ومروحة توا
رتاج : به باي
اني : باي
~~
اني : بابا ارفعني لحوش جدي وفي الليل تو يروح بيا نادر
بابا من غير نقاش : باهي به
طبعا عادة لما نقوله يقولي زحما وبنرقد وتعبان والدوا هده...لكن شكله يبي اي فرصة بش يشوفها
°
•
°
•
°
طقطقطق ✊
ماما : مني ...ولما فتحت الباب نصدمت
فريال : مساء الخير
ماما : تفضلي 😒
فريال : في موضوع ضروري ندوي معاك فيه
ماما : اللي هوا
فريال : ....
🌷يتبع🌷
.
.
#_timOo_💛🌼
