#__وتين__🍃
🌷الحلقة 43🌷
اني : تسنيم 😮
ع سعاد : ايوا هيا هده...انعتيني حوشها بنتي..عمك يستنى برا
اني : اا علاش..
ع سعاد : بنمشي نخطبها لقيس...
اني : ااا قق قيس هوا قالك😮
ع سعاد: هوا مايندري علي شي بنمشي بادرقة عليه
اني استغربت
ع سعاد : عطيني النعته عمك برا
اني : عرفتي لما تمشي من طريق#### تلقي ####
°
•
°
•
°
_________________________________________
يارا : استاحشتك ي فرخة 😢
_________________________________________
ميرا : حسستيني كنت عايشة جنبك...تي اني عمري كله ف اميركا
_________________________________________
يارا : الفترة هده تعودت عليك يامسخة
_________________________________________
ميرا : شن جوك المهم...وشن مدايرا
_________________________________________
يارا : باهي جوي...حال هروب الضي والكساد😔
_________________________________________
ميرا : شن جو خطيبك
_________________________________________
~~
يارا عصبها شوية السؤال وحست بنوع من الغير لكن خدت الموضوع عادي
_________________________________________
يارا : زي السمنة ع العسل ❤
_________________________________________
ميرا : ي عمري...امت بيجي عرسك ونفرحو بيك
_________________________________________
يارا : انشالله 😍
_________________________________________
~~
~~
مراد يبي يكلم ميرا لكن كبريائه مانعه يكلمها بعد ما فاتاته وحتى ماسألتش ولا اتصلت طول هالمدة...
ومع هدا رايفلها وحان ويفكر فيها طول الوقت 💔
قداش ماالحب يدل 👌😔
°
•
°
•
°
تسنيم تمد ف القهوة ومتوترة : تفضلي😳
ع سعاد : سلمها سلمها....بيموووت عليك وليدي بيهبل فيييك 💕
تسنيم وجهها ولا احمر وتحشمت وبعدين خشت لدارها وحاطة ايدها علي قلبها اللي يدق بسرعة وحاسة بمشاعر غريبة فرحة وصدمة ولهفة غريبة تلوحت ع السرير وعيونها يلمعو وارتسمت الابتسامة علي شفتها لا اراديا
~~
~~
ع عدنان : شن صار
ع سعاد : الحق امها تحسها تبي وفرحت...لكن بتقول لراجلها وتسأله
ع عدنان : وعلاش ماتفرحش...ولدي تتمناه الف بنت
ع سعاد : والله نبيك تنزل تكلم بوها
ع عدنان : تي كيف ننزل للراجل من غير موعد ومن غير مايعرف قيس...مايجيش منه الكلام هدا لما بنمشي لازم ندرسها ونقول للناس قبل مانجيهم
°
•
°
•
°
تسنيم : تي اي خطبني خطبنيييي 😀💓
رتاج : ياعمممممري انتي واخيراااا واخيراا...والله الا ولد عيلة يوخييتي مقنينه 🙈😀
تسنيم : امه تقولي ولدي بيهبل فيك ف خاطري اني هبلت وفات فيا🙈😻
رتاج : ياعيني ياعيني...هدا غر تكرهيهم العيلة هده😌😏
تسنيم :😒
رتاج : تبيش تكلمي لونا
تسنيم : شن بنقوللها
رتاج : قوليلها نخطبتي
تسنيم : حسستيني فضو فيا ودرت بيان...تي هوا قاعد لتوا ماكلمنيش...والغريب ان امس يقولي مافيش دوا بيناتنا بالرسايل
رتاج : مدايرلك سوربرايز
تسنيم : شن رايك نكلمه
رتاج : غر هدي شوية 😂😂
°
•
°
•
°
ع خيرية : سمعت قالو بيان علا قريب
فريال : انشالله بنديروه الخميس الجاي
ع خيرية : انشالله ربي يتمملها علي خير وعقبال عرسها
فريال : بش تجي عاد انتي والبنات
ع خيرية : بديروه بيان كبير
فريال : لا العيلة وصاحباتها بس...لكن خوها عمر بيديرلها صالة متنقلة 😌
ع خيرية : به مشالله...نحسابه حاجة بسيطة
فريال : اي والله.. .توتيله هيا وخواتها ليها شهرين تقولي عرس مش بيان😌
ع خيرية : باهي كويس😑
~~
سندس : وانت علاش ادير فيها الصالة المتنقلة 😐
عمر : اختي مش خسارة فيها 😑
سندس: اي لكن احني توا نبنو مش ف بابه الكلام هدا
عمر : هما الفلوس فلوسي...انتي كان نقصاتك حاجة تكلمي
سندس: شورا اني ماعنديش كلمة ف هالحوش هدا
عمر : طفي الضي بنتمرقد 😒
~~
~~
🌒
اني : ربي يتمملها علي خير
سراج : الفال ليك انشالله😉
اني : اجمعين 😜
سراج : ههههه......ليال !
اني : هممم
سراج : تحبيني
~
تشنجت وتحشمت...اول مرة يسألني هكي ومن اول ماتكلمنا لحد هالحظة ماتجرأتش نقولهاله
اني : اا شن رايك يعني
سراج : خليك منه رأيي😑...جاوبيني
اني : مع الوقت تو تطلع بروحها من غير ماتسألني
سراج : مش حنلح عليك تقوليها لان نبي نسمعها فيس تو فيس...لكن خودي بروفات من توا😂
°
•
°
•
°
قيس : كييييف😨
ع سعاد : زي ماسمعت
قيس خبط الصفرة : تي شن اني عيييل قدامك...كيييف تتصرفي كيييف اديري حاجة من غيير علمي كيييف😠
ع عدنان عيط : سكر فمك ياحيوان...تعيط واني موجود ياوغد تفوو عليك يالمش متربي
قيس : تي كيف تمشو تخطبولي وحدة من غير علمي ومن غير مانعرف تي هيا حياتي ولا حياتكم
ع سعاد : مش تحبها ودايرلي يامات غبر علي خاطرها
قيس : اني جيت شكيتلك...جيت قتلك جوزوهالي...فحاااالي طول عمري فحااالي انتي علاش تدخلي ف حياتي مافهمتش ؛وناض بغل
ع سعاد قعدت تعيط : تبيني نشبحك كل يوم للاسوأ ونقعد نتفرج.. الحق فيا اني انشالله ربي يرزيك فيا ياقيس بش ترتاح.. انشالله ربي ياخدني
ع عدنان : تي اسكتي شن الكلام اللي تقولي فيه😡..تي اني الحمار اللي نحسابه كبر وماشي نخطبله تي هدا عيييل
قيس ف داره يتمتم ويدوي بروحه ومتعصب بينفجر...بدل حوايجه وطلع..
~~
~~
اني : اي اصلا جت خدت مني النعته
رتاج : الله
اني : اي...وشني تسنيم تبي ولا رافضة
رتاج : كان عندها جنواح راهو طارت من الفرحة
اني : قصدك بدت تحبه
رتاج : تي تعرفي الفترة اللي فاتت كان تشوفيها تقول مرا ف العدة وجهها اصفر وماتاكلش والمشكلة تقولي لا مانحباش ولما جي خطبها قريب تنقب السقف
اني : اا و وسراج نساته
رتاج: نقولك ميته علي قيس...تقوليلي سراج😒
°
•
°
•
°
☀️⛅
انوار : باي حبي نتلاقو بعدي
تسنيم : كملي فطورك
انوار: عندي محاظرة
تسنيم : باي
مشت انوار لمحاظرتها وتسنيم مقعمزة ف الكافيتيريا تفطر قامت عيونها لقت قيس واقف تشنجت لا اراديا والتوتر بان علي وجهها كأنها اول مرة تشوفه
قيس يتكلم بطريقة جدية كأنه مايعرفهاش: صباح الخير
تسنيم ابتسمت وعيونها ضحكو : اهلين..صباح النور
قيس : بندوي معاك شوية لو ممكن
تسنيم متلخبطة : اا اكيد...اا ق قصدي اي عادي😳
قيس قعمز قدامها وقاعد ماتكلمش
تسنيم : قبل ماتقول اي حاجة...قيس اني اسفة ع اللي قلتهولك
قيس : امتا!؟
تسنيم طبست راسها وبصوت يادوب طالع: اا ا يعني اني صديتك وماعرفتش قيمتك الا...
قيس قص عليها : علاش تتأسفي...انتي حرة...الحب مش بالطلبة
تسنيم شبحتله وضحكت : ااا انت اللي بتتكلم و اني استحودت ع الحديث😅
قيس : لا عادي
تسنيم : شن كنت تبي تقول
قيس : بنفهمك ان اللي صار كله واني مانندري علي شي و....
تسنيم قصت عليه : ااه قصدك هديكا الليلة....اي عارفة انك ماكنتش بوعيك لكن غلط تسوق وانت سكران....
قيس فهم انها تتكلم ف موضوع تاني غير الخطوبة :
ااا شن قتلك اني هديكا الليلة
تسنيم شبحتله وابتسمت : قلت هلبا حاجات حلوا
قيس نصدم من ردها : حلوا !؟...زي شني
تسنيم تحشمت وسكتت
قيس استغرب وحسها متغيرة هلبا : المهم اني جاي بندويلك علي موضوع الخطوبة
تسنيم ابتسمت وعيونها لمعو وهوا حس الشي هدا من ملامح وجهها: عرفت قيمتك لما غبت ياقيس... والفترة اللي ماتكلمناش فيها فاتت عليا امر من العلقم...
قيس يسمع فيها ومصدوم
تسنيم : كنت نحسابه خلاص😢...اللي بينا انتهي وانك معاش حتكلمني تاني....
قيس ابتسم لا اراديا ونسي الكلام اللي بيقولهولها...نسي انه جاي بيفهمها ان امه مشت من غير علمه وانه مايبيش يخطبها نسي اللي حامله عليها ف قلبه نسي انه كان مقرر ينساها...
قيس تنهد : به علاش رفضتيني مدامه هكي صاير فيك
تسنيم غاصرتها العبرة : لاني غيبة وحمارة😢
قيس حط ايده هلي خدها و مسحلها دمعتها : اي عارفك
تسنيم ضحكت وقيس قعد يضحك ويشبحلها وبعدين شدلها يدها : نقولك حاجة
تسنيم : اي
قيس : كنت جاي نقولك ان امي مشت خطباتك من غير علمي وامس درتلها عركة وقلبت الدنيا وطلعت من الحوش وبنقولك ان اللي صار اعتبريه ماصارش واعتبريها لاجت ولا طلباتك
تسنيم نصدت وقعدت تشبحله
قيس ابتسملها: وتوا ماشي لامي بنبوسلها علي راسها لان لولها ماكانش صار اللي صار توا
تسنيم : واني اللي فرحت ونحسابك جاي تخطب فيا🙁
قيس : موقحك الزح بعد اللي قلتيهولي تبيني نجي نخطبك....تي اني قعدت ندعي انشالله تعنسي 😂
تسنيم :😒
قيس شدها من يدها وجبدها: تعالي للسيارة بش ندوو علي راحتنا
تسنيم : شن بندوو
قيس فتح الباب : اركبي
تسنيم ركبت وقعدت ساكته
قيس : غدوا نقوللهم يمشو يطلبوك رسمي ونقول لعمامي يجو معانا..شن رايك
تسنيم : بجديات
قيس : اي...
تسنيم : به مش درت لامك مشكلة😔...يعني توا مش حترضى تجي معاك
قيس : تجي تجي... امي طيبة😂
تسنيم : هههه
قيس شدلها يدها بحنية وقرب منها: بنجيب امي وخالاتي وعماتي وجدودي كلهم وبنديرلك احلى عرس❤ وبنعيشك احلى عيشة....
تسنيم مبتسمة : واني حنحطك فوق راسي وحنحبك لييييييين نموت
قيس : ضيعنا هلبا وقت واحني بعاد
تسنيم : نعوضوه توا
قيس : انتي متأكدة من مشاعرك تسنيم
تسنيم : اي الفترة اللي فاتت تأكدت وميه ف الميه...لكن امك ماتقوللهاش تجي غدوا
قيس : علاش
تسنيم : لين نهدرز اني وماما وتقول لبابا ونرد عليك
قيس : شني قصدك مرات يقولو لا
°
•
°
•
°
اسماء : غر صفي النية ياسيرجوو😜😂😂
سراج : بعدين بعدين مش قدامهم😂
فريال : ريتي ريتي....خزي ادي ف اسرار علي امك
سراج : ياودي بلاش مش قايلك حتى انتي ياأسماء
رنا : 😂😂
بلسم : هيا سراج
سراج : وين انشالله
بلسم : تي اختك تراجي ف المزين
سراج : احمد بيجيبها🐸
بلسم : لالا احمد بعتناه بيجيب العبمبر
سراج : زبري😑
اسماء : عيييب
سراج : ماتخلينيش نقول كلمة اكبر
~~
~~
ماما: وين انتي
اني : ف حوش عمي مش قتلك بيان علا
ماما : اي نسيت....شن لبستي
اني : لبست جيمسوت لونها زيتوني وصندلي عالي اسود
ماما : المهم...صوري وابعتيلي فايبر
اني : اكيد
اسماء : اهلا
اني : اهلين اسماء كيف حالك
اسماء : يوخيتي طااالعة تهبببلي
اني : ههه وانتي طالعة تهبلي تقولي صبية ومش متجوزة
اسماء : سلمها
مسرة : كيف حالك خويلة اسماء😌
اسماء : معاش تقوليلي خويلة...تكبري فيا اللطف
مسرة : ههههه به سومة كيف حالك
~~
وطلت علا بقفطان كلوش وردي ف الدهبي طويل وتسريحة شعر ملفته...
طلعت ملكة رغم بساطت اللوك وبرزت انوثتها بكل معنى الكلمة
علا : روجي ملبز ؟
حلا بنت خالتها: تؤتؤ حلوا طالعة
علا : انتي احلا...وتسريحتي مساوية
حلا : اي
رنا : سامي ماباش يخش ره😑
علا : اي سكر راسه الدراه☹
اسماء : اطلعيله ف المربوعة وتو نجيبو التورته غادي
علا : هدا اللي بيصير
فريال تشبح لحلا : انشالله الفال ليك ياحلا
حلا ضحكت : سلمك خويلة
فريال غمزت لاختها غادة : بنتك دسيهالنا
مريم شبحتلي
غادة : ههههه لسراج ولا احمد
فريال : لا احمد مزال خلينا في اللي قبله😉
غادة : اي والله وين بنلقو خير من سراج
حلا ضحكت من عيونها
~~
سراج : تعالي شوية
اني: وين بنجي
سراج : جنب الباب
اني : علاش😏
سراج : بنقولك حاجة 😑
اني : قولها ع التلفون
سراج : غر تعالي النم
اني : تؤتؤ
سراج : قبل بنعطيك حاجة...لكن عادي تو نعطيها لحد تاني
اني : انت قتلي بنقولك حاجة مش بنعطيك
سراج : باهي خلاص فوتي الموضوع 😒
اني : خيرك تكشخ ياأخ
سراج : شن الاسلوب هدا
اني : نتكلم عادي انت اسلوبك مش حلو
سراج : باهي بتجي ولالا 😑
اني قعدت نضحك :😂😂
سراج : قلت حاجة اضحك
اني : جو انت...تو مش كنت تقولي فوتي الموضوع 😂
سراج : ضحكاتك 😒
اني : خلاص اللي بتعطيهولي ابعته مع عصومي...نحلت
سراج : ماسد نعطيهالك ماسد ماتبيش تجي
اني : شن بيطلعني واني ندعدع بالعكعب فكني
سراج : نحيه شن بتخسري😑
اني : يضيع برستيجي بعدي😂
سراج : تعالي من غير برستيج عادي
اني : لالا...مايجيش منه الكلام هدا 😂
سراج : حسستيني الباب ف المريخ
اني : باهي شن جايبلي
سراج : بتجي ولا مش جاية
اني : مش جاية
سراج تعصب : باهي كويس
اني : باي
سراج سكر من غير مايرد
~~
في المربوعة 💛
رنا : مديلي عبايتي سامي بيخش
بلسم : تي ديري الوشاح وخلاص
خش سامي "نحكيلكم علي شكله شوية 😁"
طبعا هوا طويل وجسمه حلو اسمراني شوية وعيونه ملونات وكبار ولابس بدلة رسمية ومخفف لحيته يعني وسيم بكل معنى الكلمة وجذاب...💕
اول ماشافها ابتسم وقلبه بيطلع من مكانه...متمني يطلعو كلهم ويقعد هوا وياها بس ومتمني هاليلة تكون زفافهم مش بيان متمني يهرب بيها لمكااان بعيييد ومافيش غيرهم فيه 💓
علا تشبح لعيونه بجرأه ومبتسمة ونست الموجودين كلهم
لبسو الدبل 💍وقصو التورته🎂 وكانت ليلة تهبببل
وطبعا سراج شادينه الولاد برا بالسيف ومش راضي ان سامي يشوف اخته بقفطان والجو هدا
سامي : مبروك ❤
علا : الله يبارك فيك
رنا : هي اطلعو بتخش المصورة
طلعو كلهم وقعدو بروحهم قبل ماتجي المصورة...
سامي يشبح لعلا ولكل تفاصيلها ضحكتها عيونها شعرها كل تفاصيل جسمها ومغرايته ويحاول ينحي عيونه لكن معاش قادر يقاوم
علا متحشمة ومنزلة راسها...سامي حط يديه تحت دقنها وقاملها راسها : امتا بتبدي حلالي ❤
علا ابتسمتله
سامي قرب وباسلها خدها ويتكلم بهدوء : شن درتي فيا انتي
علا دابت معاه ومسكره عيونها
~~
~~
سراج : تي عطلو الززززح
مراد : سكر فمك ياراجل
سراج يهز ف رجله : تي شن بيدخل عليها هوا 😠
احمد : خييير فيتك اسسكت...
فوت شوية واتصل برنا ماردتش اتصل بيا
اني : الو
سراج : اسمعي...امتا بيطلع الاخ ولا بيبات داخل
اني : 😂غر اهدى خيرك طايرتلك
سراج : الزززح..اني ندوي بجديات وهيا تضحك 😠
اني : توا كيف وصلت المصورة
سراج : يعني توا هوا وعلا والمصورة داخل
اني : اي
سراج : بروحهم 😒
اني : تي معاهم المصورة
سراج تنهد
اني : شوية ويطلعو يا غيوور ❤
سراج : تي باهي به 😡
اني : اهو خشو امك وعماتي توا
سراج : خلاص توا كان بيدير حاجة اكيد دارها 😑
اني ضحكت : به سكر توا
سراج : به نبي نشوفك
اني : اختك غاير عليها لكن اني تبي تشوفني😒
سراج : ماطلبتش منك تطلعيلي بقفطانك اني...البسي عبايتك وتعالي
اني : الااا😌
سراج : خيييرك هكي
اني باستفزاز : مانبييش 😌
سراج : اني نبي 😊
اني : تؤتؤ
سراج : 5 دقايق بسسسس
اني : هأءه 😌
سراج : قصدي وصلتيني لين ترجيتك شن تبي تاني😡
اني : no
~~
ايناس : انشالله الفال لرنا والولاد
فريال : انشالله...والعقبالمسرة نشوفوها عروسة
ايناس : ههه انشالله
ناضت فريال و قعدت ايناس مقعمزة هي وغادة اخت فريال...
غادة : كم مواليدها مسرة
ايناس : 93
غادة : ربي يقوي سعدها
ايناس : توا انتي مش برانية والله كان يطلبها سراج مانولي بكل وليد زي العسل
غادة انسمت : بكري فريال تلقح علي بنتي حلا تبيها لسراج 😌
ايناس انصدمت
~~
ماما : تباتي عييينك 😡
اني : تي كلهم بايتين ياماما
ماما : روووحي....قولي لنادر يروح بيك
اني : علاااش
ماما : هكي...ناقص غر تباتي
اني : قصدي جديدة هده...ماهو كنت نبات عادي مش اول مرة
ماما : قبل لما كنت نحسابك ظابطة روحك.....توا ابيني نخليك بايته مع فرخهم امالا 😡
اني : ضابطة روحي😒...ماما معاش تعامليني كأني وحدة امسخة....خير مانبدا هكي بجديااات
ماما : لياال روحي فاااهمة وماتحرقيليش دمي
اني : نادر روح ومافيش من يروح بيا
ماما : عمتك سعاد نعرفها ماتباتش الا ف حوشها...قلها تحطك
اني : تي نتحشم نقوللها 😡
~~~
وفات الوقت وتمت الحفلة ومقعمزين كلهم ف الصالة
اتصلت ماما بعمتي وهي مقعزة مع العيلة
عمتي : اي عادي نروح بيها حتى تبات معاي
ماما : باهي خلاص ونبي روحي بيها
عمتي : هي لونا قيس يستنى
سراج شبحلها : وين
عمتي : تروح معاي
~~
فوق السطح
مريم : خيرك اهني بروحك
احمد : ندخن
مريم : مش ناوي تبطله
احمد : تؤتؤ
مريم تكح : به احترمني واطفيه الهم
احمد لوحه وعفس عليه : لوحناه انسة مريم ارتاحي هي
مريم : بجديات احمد حاول تبطله
احمد قرب منها وحاط يديه ف جيوبه: في شن زاعجك
مريم : مش متعوده عليه اني
احمد : تتعودي مع الوقت
مريم : مش مظطرة
احمد : واني مظطر نسيبه ؟؟
مريم : لو تبيني اي
احمد : وانتي لو تبيني تعودي عليه
مريم : يعني ممكن تفوتني علي خاطره
احمد : خيرك ادوري ف المشاكل
مريم : انت تشوف فيا زايد ناقص شكلك😒
احمد ضحك وقرب منها لين لصق فيها
مريم : بعععد
احمد : صار نشوف فيك زايد ناقص
مريم : بعععد يابارد
احمد حط ايديه علي خصرها : شفتي النااس كللللللللللهم
مريم : شفتهم 😑
احمد يلعبلها بشعرها: هما ف كوم وانتي ف كوم تااااني
مريم : حقاا❤
احمد ابتسم و هز راسه بمعنى ايه
~~
فريال : علاش بتروحي...شني البيته ف حوش عمتك خير من حوشنا 😏
سراج : مش عاجبها جونا
اني تلخبطت معاش عرفت شن نقول
جميلة : عاد كلنا بايتين جت غر عليك انتي
احمد ضحك : تقيس ف غلاها😂
سراج شبح لاحمد:😒😒
عمتي : امها تبيها تروح هي مادخلهاش ياناري
اني نلبس ف وشاحي وسراج يشبحلي
رنا : مبردك اقعدي نسهرو ونديرو جو
اني : القرار ليس بيدي 😁
سراج : اقعدي وقوليلها امك روحتي
اني : نقدرش نكدب
سراج طلع لقيس برا : قيسوو...وين مروح فهالليل
قيس : امي تعرفها ماتحبش تبات برا
سراج : تي ياودي الليلة اقعدو....تو نشدو فيها عمتي
قيس : كانك عليا اني عادي
وعشش سراج لين خلا قيس ينزل واصرو علي عمتي تبات وسكرو راسهم وطبعا احمد وسراج متفقين...وفريال لما لقت ولادها معششين تحشمت من عمتي وشدت فيها وف النهاية بتنا
سراج : ياعمتي حتى انتي تتجكتري وماتباتيش الا ف حوشك
قيس : ماترتاحش الا علي سريرها😂😂
احمد : جنب عدنان 😂😂
فريال : خزي عليك رباية 😒
قعدنا كلنا نضحكو
احمد شبحلي : وانتي اديري ف جو الجكترة 😏
سراج : اي بش نترجوها😉😏
اني شبحت لرنا : استلموتي خوتك 😑
خشيت لدار البنات بنسلب عبايتي وكانو كللهم مقعمزين ف الجنان...ناض سراج انسحب من بينهم ولحقني ومسرة معاه ع الخط...
اني نحيت عبايتي ووقفت ع المرايا نساوي ف شعري وواخدة راحتي وتلفتت لقيته واقف ف الباب
اني : هيي خلعتني😨
سراج يشبحلي ويتكلم بعتب : صار ماتبيش تباتي
اني : ماما قتلي مش اني
سراج : وانتي ماصدقتي
اني شبحتله ومابيتش نرد ومشيت بنطلع...سراج سكر الباب بيديه
اني شبحتله : ممكن 😊
سراج : تؤتؤ
اني : فكنا تو يخش حد ونقعدو ف موقف
سراج يشبحلي ومبتسم
اني طلعت ابتسامتي لا اراديا : حوول
سراج : علاش مابيتيش تجي بكري
اني : تو نقولك ع التلفون توا برا بالله عليك
سراج : نمشي بشرط
اني : شنو
سراج : قوليلي اي كلمة تقيم القلب شوية...تعبت من معاملتك اني
اني خايفة : خلاص سراج بعدييين....برا توا
سراج : مش ماشي لين نسمع اللي نبيه
اني : شن تبي تسمع
سراج : اني بنقولك 😒
اني تحشمت ومتوترة من الوضع : به والله اللي تبيه تسمعه ع التلفون توا مش وقته
سراج تعصب لين ملامح وجهه تغيرت ومشي من غير مايدوي واول ماطلع ووصل للمر تلاقى هوا و.....
🌷يتبع🌷
.
.
#__timOo__💜
