#__وتين__🍃
🌷الحلقة 29🌷
كيف نزلت من الطاولة وطالعة شدني من مرفقي
سراج : انتي ماتطلعيش
اني نفسي تقوا ووجهي ولا احمر : حول 😳
سراج : ولي قعمزي ف مكانك
اني : حول بنطلع
سراج : بندوي معاك
اني : مانبيش حوول 😡
سراج ضغط علي ايدي : قعمزي بلا عناد
اني سندت روحي ع الطاولة: شن تبي
سراج حك راسة وشبحلي وضحك : صوتك حلو
اني : بالله عليك خليني نطلع
سراج : اني غلطت معاك في حاجة ضايقتك
اني : اا لا ماضيقتني ف شي
سراج : به علاش هكي تتعاملي معاي
اني : نتعامل عادي اني
سراج : فهميني كان في حاجة غلط ... قصدي مافهمتش العلة فيك ولا فيا
اني : مافي حد فينا فيه علة ولو كان واحد منا فيه فمش مجبور يغر شي علي خاطر التاني
سراج : شن نفهم من كلامك
اني : انت ولد عمي وع العين والراس بس هده خلاصة الموضوع😊
سراج يشبحلي وساكت
اني : نقدر نطلع
سراج : لكن اني مانشوفش في الشي زي ماتشوفي انتي
اني عرفته شن بيقول لكن مانبيش نسمع : شوف زي ماتبي عادي
سراج علا صوته : انتي علااش اديري هكي علاااش....انتي عارفتني شن نبي وفاهمة لكن اديري في جو الاستعباط قصدي لامتا بتقعدي هكييي لامتاااا
اني نشبحله وساكته
سراج : ليال اني من الاخير مليت من التمتيل واني فاهم وانتي فاهمة
اني : ااا شش شن تقول شني الي فاهماته اني مش فاهمة ولا كلمة من اللي تقول فيه
سراج : مش فاااهمة به تو نفهمك....
اني قطعت علي كلامه : مانبي تفهمني شي خلي العلاقة بينا جدية ياسراج لو سمحت
سراج : علااااش فهميني علاااش....اني من الاخير تعبت معاك 💔
اني عليت صوتي : اني مانبي نفهم شي مانبي نعرف شي
سراج قعد يعيط : لاااا لازم تفهمي لامتى بتهربي سيوره كل شي ينكشف.....ومجبورة تسمعيني
اني : ماتقووووليش مجبورة اني مش مجبورة علي شي وانت مش مجبور تقول شي
سراج: لا مجبوووور
اني: لا مش مجبووور
سراج : مجبوور
اني : علاااش
سراج علا صوته : لاني نحببببك❤ لاني نبيك ؛ قعد يأشر علي صدره فااااهمة شن يعني نبيك تعبتيني معاك ومابيتيش تحسي 💔 تعبتيني
شدلي يدي وحطها علي قلبه : شفتيه هدا ؛ يتعدب منك كل يوم وانتي ولا كأنه
اني جبدت ايدي بقوة ومشيت بسرعة خشيت للحمام وانهرت بالبكي...
ومن لما شد ايدي قعدو يديا يرجفو ومابتش تتنحى الرعشة منهم بكل قعدت حاطة يديا علي قلبي ومقعمزة في الحمام وندكر في اللي صار نبكي بالعبرة
~~
سراج : اول ماحطيت ايدها علي قلبي حسيت براحة مع اني كنت متوتر...ايديها ناعمات زي البيبي شن دارت فيا البنت هده.... اااه تعبت اني
حط ايده اللي شدني بيها علي خشمه وقعد يشم فيها
~~
~~
رنا : نديرو شاهي
علا : اي وحطي معاه الكعك هدا
اني : ندير معاكم حاجة
نادر خش : من مدايرا الكعك هدا عجبني
رنا : اني
نادر : يسلمو يا...😂
رنا ضحكت وشبحتله: ياشنوو؟؟
نادر : يامرت خالي😉
اني استغربت لكن ماهتميتش لان كان بالي مشغول بللي صار والحاجة الوحيدة اللي نبيها ان نروح ومانشوفاش
°
•
°
•
°
الليل كله ماجانيش نوم ودموعي ينزلو بروحهم....قعدت ع الحال هدا لين سمعت ادان الفجر
توضيت وصليت ووليت لسريري
حاسة روحي مش قادرة نتكلم مع حد ولا نشوف اي شخص خاطري نقعد في داري ومايجيني حد لين نحس روحي كويسة....لكن غصبا عني بنوض للجامعة وغصبا عني حنشوف تسنيم💔 وحتكيلي علي حبها لسراج كالعادة
اااه ياربي 💔 حتى صاحباتي واقرب الناس ليا مانقدرش نفضفضلهم ونحكيلهم اللي ف قلبي
~~
تسنيم : لولو صباح الورد
اني : صباح النور
تسنيم : خييييرك😮
اني : شي
تسنيم : وجهك اصفر يابنت وعيونك مش عارف كيف
اني : اي ماهو البارح مارقدتش
تسنيم : بكل 😮
اني : اي ماجانيش نوم
تسنيم : اها به احكيلي شن صار امس شفتيه
اني : من هوا😑
تسنيم : سراج من غيره
اني : حي محاضرتي بتبدا
تسنيم : به باي
°
•
°
•
°
مراد : تمام سامي شن جوك انت شن امورك
سامي : ماشيا وين سراج خيره ماجاش معاكم
اياد : سراج يخدم
محمد : كيف حالها امك صابرة ولا شني
سامي : بتصبر بالسيف يامحمد
ترررن ترررن📱
مراد : الو ....الووو مانسمعش فيك
سامي : مافيش تغطية اهني اطلع للجنان
مراد مشي وقف في الجنان: ايوا
جميلة : شني ندير عشي ولا متعشي برا
مراد واقف في الجنان ومقابله روشن المطبخ كان الروشن مسكر لكن شفاف ويارا كانت عاطية بضهرها
ولابسة تيشيرت ربع كم وتلم في شعرها
مراد يشبحلها : شن قلتي يام
جميلة: ندير عشي ولا متعشي برا
مراد سارح في يارا : عشي شنو
جميلة : عشي طيح سعدك تعرفه 😡
مراد فاق لروحه :😂😂 ماديريش متعشي برا
جميلة : كملتلي رصيدي
مراد قعد واقف ويتفرج عليها وهي تحوس توتي في العشي وبعدين قامت عيونها بالصدفه لقاته واقف لكن ماتحساباش يشبحلها لان الجنان ضلام و تشبح في شخص واقف لكن مش عارفاته منو
قعدت تشبحله ومركزة فيه وماتحساباش يشبحلها
سامي : مرااااد
مراد خش : ايوا
°
•
°
•
°
ايناس : خلاص قنعك خوك 😡
بابا : اي قنعني وكلامه حق علاش نجوز فيها من توا صغيرة البنت
ايناس : اي اقعد هكي لين تعنس
بابا : حوش بوها مش لازها
~~
مسرة : الحمد لله ع السلامة
مؤيد : الله يسلمك حبي
مسرة : كيف وصلت ؟؟
مؤيد : اي توا .... جايبلك حاجات
مسرة : حقااا شن هما
مؤيد : تو تشوفيهم
مسرة : امتا
مؤيد : كانك عليا حتى توا نجي عادي
مسرة : توا صعب
مؤيد : تعالي غدوا في حوشنا
مسرة : حوشكم😮
مؤيد : اي عادي امي واختي قعدين
مسرة : تو نشوف روحي
°
•
°
•
°
1 رمضان🌙
ع عبد الله: كول ياعلي خيرك
بابا : اهو ناكل
فريال : نصبلك شربه يامراد
جميلة : لا مايشربش فيها مراد
رنا : مديلي خبزة
مسرة : هاك
ع سعاد: خيرها ليال ماجتش
نادر : فاطرة في حوش خالتي
ع خيرية: بنت خالاتها هديكا
ايناس : اي تحب خوالها 😏
ع سعاد: لا تحب حتى عمامها وعماتها نعرفها اني
سراج يسمع ويشبح لمراد
مراد : خيرك سراج شبعت😂
سراج : لالا قاعد ناكل😑
°
•
°
•
°
ترررن ترررن 📱
شفت لقيته رقم سراج معاش عرفت نرد ولالا
ماما : ردي علي تلفونك
اني : ااا ههده تسنيم فوتي تو نكلمها بعدين
ماما : تي ردي عيب شن تكلميها بعدين
~~
اني : الو
سراج : كل سنة وانتي طيبة
اني : وانت طيب..
سراج : عاش من سمع صوتك
اني : تبي حاجة
سراج حط التلفون ع فمه وتكلم بهدوؤ : نبيك انتي💔
اني : سلملي ع العيلة كلهم بالسلامة
سراج : ماتسكريش ليال
اني : لا لازم نسكر باي ؛ وسكرت الخط
°
•
°
•
°
علا : اي اي صح
سامي : ههههههه صح ؟؟
علا : معاش تتسهوك
سامي : علا
علا : نعم
سامي بصوت هاااادي : صوتك يجيبلي ف احساس غريب
علا : رمضااان فكنا
سامي : هههههههه😂 هدا علاش في النهار ماتكلميش فيا
علا : اي لكن نتكلمو مرات في النهار
سامي : لكن الاغلب تبدي تتهربي
علا : اي وتوا الفجر بيإدن
سامي : مش حنسكر ره😒
علا : غدوا نهدرزو حبيبي
سامي : ياعمري تو لما نتجوزو نرفعك للحج توا خلي نعيشو حياتنا
علا : ترفعني للحج😂😂
°
•
°
•
°
مراد : شني ارتبطت بجولييت ولا مزال 😂
سراج : كان عندي شوية امل يامراد
مراد : وشن صار
سراج : امل طلعت رقاصة
مراد : 😂
سراج : اضحك اضحك عيش حياتك قبل ماتحب وتمشي فيها ياولد عمي
مراد : غر بجديات شن صار
سراج : والله مافهمت حاجة حتى اني
~~
°
•
°
•
°
رتاج : انستوني
اني وتسنيم : الله ايانسك
رتاج : هي نوتو الصفرة بسرعة المغرب قريب
اني : اي هي
تسنيم تصب في الشربة : يابنات نحس في روحي تعباااانه
اني : من شني 🙁
تسنيم : منه 💔
اني حسيت روحي اخي لما قالتها ورغم اني نصد فيه لكن حسيت روحي نخون فيها مش عارفة علاش... ممكن لان الحب من الطرفين ولاننا متبادلين الشعور حاسة روحي خنتها...لكن اني شن دنبي اللي صاير مش بيإرادتي 😢
رتاج : قصدك قاعدة مانسيتيش سراج
تسنيم : بككل مايمشيش من بالي بكل 😢
اني : خلاص اششش ماتبكيش
تسنيم مسحت دموعها : هيا نفطرو نكدت عليكم
رتاج : عادي نكدك راحة 😂
اني : ههههههه
قعمزنا نفطرو في حوش رتاج والجو مشي تمام ومعاش جبدنا سيرت سراج شوين وجتني رسالة طبعا تلفوني ولع ضي شبحتله واني ناكل لقيته رقم سراج تقشعرت مع بعضي سكرت التلفون وخليت روحي عادية
تسنيم : حلوا الضولما توجا
رتاج : يسلمو يدياتي😌
تسنيم : حنعتبرك قتيلي صحة 😒
~~
روحت للحوش وكنت ميتة من فضولي وقبل حتى مانبدل حوايجي قعمزت ع سريري وفتحت الرسالة
_________________________________________
مش عارف علاش اديري هكي ومش عارف شن اللي مانعك انك تكلميني لكن اللي مهون عليا شوية اني واتق ومتأكد انك تحبيني ياليال .....ممكن مش بالقدر اللي اني نحبك بيه لكن المهم تحبيني وهدا كافي
ليال اني تعبت اني نتعدب كل يوم والله نتعدب
تعرفي انقص من حق مشاعري اتجاهك لو اكتفيت بكلمة نحبك اني مش نحبك اني ميت فيك.....وصلت لحالة الادمان ....تخايلي ان مفيش ولا لحظة...لحظة وحدة تمشي بالي في الليل في النهار حتى في النوم لاحقتيني...
_________________________________________
