لو وصلو الكومنتات ل200 حنزل الحلقة السادسة ف الليل...
_________________________________________
#__وتين__🍃
🌷الحلقة 5🌷
رتاج : من تتوقعي لقيت 😮
اني : منو؟؟
رتاج: رنا بنت عمك ترا قولي هي ومني
اني: ادوي مبرد دمك 😡 حرقتيلي اعصابي
رتاج : هي ومؤيد حبيب اختك 😶
اني :تبصرررري
رتاج: والله العظيم ولما جينا لقيناهم مقعمزين وقعدنا فترة طويلة وطلعنا وخليناهم مقعمزين
اني: حي ع الجو
رتاج: وتحسي بينهم نقاش حاد هو مرات يخبط في ايده ع الطاولة وهي تبان زي اللي تبكي
اني😊: وانتي مشالله ع الخط
رتاج: وجت تقعميزتي مقابلة رنا
اني 👀: شافاتك ؟؟
اي : جت عيني في عينها👀 في الاخير وطول نضنا
اني 🤔: غريبة ⁉️
ماما حطت صفرة الغدي: كيف حال ماما رتوجة
رتاج😊: كويسة الحمد لله ديما تسأل فيا عليك
ماما: سلميلي عليها
رتاج: يوصل
اني: مع انه تحسيه يدحنس لمسرة وديما هي تطنفر عليه 😕
رتاج: تحب تفهم ادوخ
اني : رنا العاقلة😶 كان قلتي علا ممكن
~~
نادر : السلام عليكم
جدي وماما : وعليكم السلام
عبسي: هي حطيلنا يانجلاء جعنا
نادر لحق ماما للمطبخ : تي وين ياست الحبايب ليك وحشة ؛ وباسلها خدها
ماما💔: انت اللي وين ماسرع ماتسأل عليا
نادر😉 : اهو مقعمزلك سبوع ولا اتنين
ماما بأستغراب : علاش⁉️
نادر: باهي سامحينا تو نقعد في حوش خالي عبد الوهاب
ماما ضرباته ع كتفه: ياحمار ماقتلكش ماتقعدش لكن نبي نعرف السبب
نادر: تعاركت اني وعلي
ماما: علاش تعاركتو
نادر: تو نهدرزلك....وين لونا امالا
ماما: في المربوعة عندها صاحبتها
•
°
•
°
•
°
رنا تبكي بعبرتها😭: كيف ندير يا علا كيف
علا😟: اااخ من عمايلك ااخ بنمشو في داهية كلنا
رنا: هالوسخ الحقير اني الحمارة اللي وثقت فيه اني
علا: حي تخايلي خوتك وبابا يعرفو والله يدفنوك في ارضك امالا مسرة كان سمعت تشهدر بيك في العيلة كلها 😑
رنا :😭😭يهدد فيا الحقير ويستفز فيا بالصور
تن تن📱
رنا قامت التلفون لقت مؤيد باعتلها رسالة فتحتها لقتها تسجيل صوت
علا: خيرك
رنا😢: باعتلي تسجيل صوت
علا ناضت سكرت الدار: ترا افتحيه
وفتحوه
_________________________________________
"" بحركة وحدة مني يمشو صورك 📸ورسايلك 📲💬لخوتك ياق### ياف### اني قاعد نساير فيك هي ليلة ⛼ونمسح كل شي ولا نعرفك لاتعرفيني
رنا: وشن يضمنلي انك تمسحهم
مؤيد: والله موضوعك 😏
رنا: ماهو نخليك تبعتهم هكي خير مانمشي معاك ونزيد الطين بلة وتطلع كداب وماتمسحهمش
مؤيد: ااه مدام هدا رأيك خلاص براحتك عندي رقم سراج ورقم احمد 😉
رنا: به فهمني لو مشيت معاك كيف نضمن انك تمسحهم كيف
مؤيد: يعني انتي حتمشي😍
رنا: شوف مؤيد اني نمشي معاك مرة وحد وتنتهي✋ وتمسح الصور 👌وتمسحني من راسك بكل😡 ونبي دليل انك مسحتهم
مؤيد : يارنااا يارنا اني قلتلك نمسحهم وعد نمسحهم رنا: ومن قال مايكونش عندك نسخ 😢
مؤيد : ايااا علينا وشن تبيني نديرلك كان ماتبيش تصدقي""
_________________________________________
علا مصدومة : هدا صار امبكري
رنا 😨: هدا مش بني ادم هدا شيطااان شيطان😭شن يبي مني شنووو
علا 😡: درتيه لروحك ياخفيفة قالك اللي يخف عقله
يتعبو رجليه😑 شوفي وين وصلتينا بمواضيعك
رنا: ماتزيدينيش علي مابيا ترا😠
علا : اي هوا هدا فشي غلك فيا اني
رنا : المشكلة بكري في المطعم شفت رتاج صاحبت لونا هي وخواتها
علا : عادي هدا مش موضوع المصيبة التسجيل هدا
رنا: مرات رتاج تطلع تعرف ان مؤيد حبيب مسرة😯
علا: مستحيل تي هي لونا وماتعرف شي علي اختها تبي رتاج تعرف
رنا: ربي يستر
•
°
•
°
•
°
توا مسرة ساهرة مع مؤيد وتشوف في روحها هي البنت اللي في نهاية كل يوم متعب يكلمها ويحكيلها ويفضفضلها في همومه وتحس في روحها في حياته لاقبلها لابعدها ...وهو مقضي النهار كله مع وحدة غيرها وياريت اي وحد ؛ بنت عمها وصاحبتها اللي كل ما تتعارك معاه تمشي تشكيلها منه
بنت عمها اللي قضت طفولتها كلها معاها مقعمزة مع حبيبها يخونو فيها وهي اللي عاطيا فيهم الثقة اكتر من روحها
لكن من ناحية تانية لما مؤيد يهدرز مع مسرة ويحكيلها قداش مايحبها ويموت فيها وهي تردله نفس الكلمات ؛ في الوقت اللي هي اليوم اللي قبله كانت تشبح لسراج في شبحات مغرية وكأن هي وياه ومافيش حد معاهم حتى هده اسمها خيانة ؛ هي في اللحظة هده فكرت في مؤيد ولا في الكلام اللي يقوللها فيه ولا في حبه ليها
ومؤيد لما يخون في مسرة مع بنت عمها يحساب انه مسرة الضحية مايحسابش روحه هو الضحية الاكبر
قداش ماأنك غريبة يادنيا وغدارة...🍃
•
°
•
°
•
°
☀️⛅
بشير: بش مهندس صباح الخيرات
سراج: صباح النور
بشير: ندور ع البش مهندس اياد ماشفتاش
سراج: اليوم مش جاي عنده ضرف غر مش لازم تقول
بشير: اها به تمام
هنادي: صبااحو جبت فطور وحسبتك معاي
سراج: اووو والله جي في وقته
هنادي: تعالى نخشو لمكتبك
سراج استغرب: ااا لااهني احسن نشمو هوا نظيف
هنادي: براحتك
سراج: نمشو للطاولة هديكا
هنادي: محلاه البريوش هدا
سراج : والله اني الحلو ماعنديش عليه
هنادي: والله
سراج: اي
هنادي: تعرف جايبينلي دستة وراقي يبوني نوقعهم ...شن بيكملهملي
سراج: وراقي شنو
هنادي: اني بروحي مش فاهمة...انت بايت حتى اليوم
سراج: اي
هنادي: خلاص بعدين نجيبهم نتسلو بيهم اني وياك
سراج: انتي امتا تروحي
هنادي: بعد العصر
•
°
•
°
•
°
سامي: اي شن تطلبي
علا: اممم اطلبنا انت علي ذوقك
سامي: غرسون
ترررن ترررن📱
علا انخلعت : تلفوني يشرين
سامي: تي اهدي حسستيني هربنا مع بعض
علا: قصدي اول مرة نطلع معاك طبيعي بنتوتر
سامي: غر ردي علي تلفونك
علا: الو
ندى: حبي صباح الخير
علا: صباح النور ندوش
ندى : بنجيكم اليوم قعدين
علا: اي تفضلي ندوو
ندى : به هي طيري توا
سامي يتفرج عليها ومبتسم
علا ابتسمت : خيرك
سامي همس بابشوية: نحبك ❤
علا ضحكت ونزلت عيونها
•
°
•
°
•
°
في المطار
احمد: توصل بالسلامة
عمر : نتصل بسراج مايردش
احمد : انت اول ماتوصل طلع شفرة
عمر : لا عندي شفرة
احمد : خلاص اول ماتوصل كلمنا
عمر : بادن الله
•
°
•
°
•
°
اني : صباح الخير
ماما: صباح الورد ياعسولتي...هي نوتو الفطور قبل ماينوضو
اني: نصلي ونجي
ماما: به
جدي : يانجلاء
ماما مشتله: ايوا بوي
جدي : اضربيلي يبرتي بنتي الله يفتح عليك
ماما : اي هي
اني كملت صلاة وكيف بنطلع من الدار شرين تلفوني :
الو
مطلب : صباح الخير
اني : صباح النور
مطلب: شن الجو لونا
اني: تمام الحمدلله
مطلب : قتلي امي بايتي في حوش جدي من امس
اني : من يوم الجمعة
مطلب: مش قتلك لما تكوني غادي قوليلي
اني : ههه نسيت
مطلب: به قعدة غادي
اني : اي ممكن العشية مروحة
مطلب : به اهو جاي بنفطر معاكم
~~
ماما: يالوناا
اني: جيت
ماما: هي طيبي الشاهي
اني: بيجي مطلب ولد خالتي
ماما : من قالك
اني: اا هو اتصل
ماما ضحكت : ياعيني ياعيني
اني: هو اتصل شن دخلي اني
ماما: منين جاب رقمك
اني: وين نندري عليه
ماما: اصلا ملاحظاته مطلب عينه عليك
اني: هههه اي مسكين
ماما: علاش مسكين شن ناقصة
اني: ماناقصة شي لكن عابي بنكلمه
ماما: وعلاش ماتكلميشي خير ماتكلمي حد براني
اني: مطلب ؟؟😑
ماما: وخيره زي الاجنبي مشالله عليه وحالتهم فوق الريح شوفي خالتك كيف عايشة وخالتك تحبك
اني: دخلتيني في سريب تاني...وين السكر
~~
قعمزنا نفطرو شوية وطق الباب
ناد : تو نفتح ؛ وناض فتح
مطلب : اووو حتى انت اهني
نادر : اهلا مطلب شن الجو
مطلب : السلام عليكم..صحة صحة
الكل: وعليكم السلام
مطلب : عبسي وين
ماما: طالع من الساعة 7
مطلب: كيف حالك ياجدي
جدي: باهي ياولدي كيف حالك انت
مطلب يشبح لعيوني: شن الجو
اني نزلت راسي: تمام
ماما: قعمز افطر
مطلب: اي هي
"طول ماحني مقعمزين وهو مانحاش عيونه من عليا لدرجة اني معاش قدرت نتحرك تلكمست وكل ما يتكلم يوجه الحديث ليا اني واغلب كلامه تلميح"
مطلب : امتا نتيجتك لونا
اني: مش عارفة
نادر: اني طالع
اني: تروح بيا ؟
نادر: كلمي بوي
اني: به
نادر: وكان مش فاضي نروح بيك اني لكن في الليل
اني: خلاص تمام
نادر : هي ماتبو شي
ماما: سلامتك
نادر مشي جنب الباب: امي
ماما: هيا هي ؛ وناضت
مطلب يشبحلي ومبتسم: شن جوك
اني : تمام شن جو خالتي وشهد و صفاء
مطلب: كويسين
~~
نادر متعفلق : هدا بيقعد اهني ولا كيف
ماما: شن تبيني نلزه
نادر: قولي لبنتك تندبس في دارك معاش تطلع منها لين يمشي
ماما: باهي
نادر : مانوصيكش
ماما ضرباته ع كتفه: تي برا
اني : ناديت الشغالة قامت الصفرة ونضت لدار ماما
مطلب يتبع فيا بعيونه
ماما: لونا اني ماشيا للمدرسة توا نوصلك في طريقي
اني: اي ياريت
مطلب: ماشيا كويس مدرستك خالتي
ماما: اي الحمدلله...والله تخدم احسن من المدارس العامة
مطلب: به قداش في السنة يدفعو
ماما: علي حسب الاعمار
مطلب : اها
ماما: اي
مطلب: هي ماتوصي شي خالتي
ماما: سلامتك...بالك نخطم نشوف امك بعدين
مطلب: به تمام
~~
في السيارة🚗
ماما: مادووش علي عرس عمر في حوش عمك
اني: قالو في شهر8
ماما: اممم..اسمعي تو المبلغ اللي بيعطيهولك بوك بش تشري تو نزيدك عليه واشري احلى قفطان
اني فتحت تلقوني : خاطري نفصل زي القفطان هدا اني
ماما: محلاه
اني: لكن قماشه غالي
ماما: خلاص اللي بيعطيهولك تو نزيدك عليه وتو نكلم الخياطة اللي نعرفها
اني : محلاك ياعمري انتي
ماما: لازم تطلعي احلى وحدة وتقهريهم يالونا
اني: هه اصلا اني احلى وحدة حتى كان لبست قفطان عادي😌
ماما: بدون شك
اني: ههههههه
•
°
•
°
•
°
ايناس : وينها ليال شورها مزال مش مروحة
بابا: خلي تقعد كانت في امتحانات ماشافتش امها ليها هلبا
ايناس: توا هي قاعدة مصممة ع الطب
بابا: اي تبي تخش طب
ايناس: ماتخليهاش علي مش علي مزااجها احني نعرفو مصلحتها اكتر منها الطب مافيشي مستقبل في ليبيا ولا عابيا بيبعتوها برا والمطار مرا مفتوح وعشرة لا والدنيا حرب توا
بابا: به الضروف اللي احني فيها توا مرات ماتقعدش لثلاته ولا اربعة سنين تانيات
ايناس: نبي نفهم علاش ماتخشش اقتصاد زي مسرة وتتخرج بسرعة وتخدم وادير فلوس على الاقل تلقى شغل بسرعة مش زي الطب وهده في الاخير بتعطيها لراجل ومرات يقوللها قعمزي ماتخدميش ويضيعو السنين اللي قرتهم ع الفاضي
بابا: اي عندك حق تو نقنعها تغير رايها
ايناس: اياا ياعلي قداش مادلع فيهم بناتك تي انت قرر شن تخش مش تقنعها انت تعرف مصلحتها
بابا : انشالله خير ؛ اني طالع تبي حاجة
ايناس: لا سلامتك
مسرة جت لامها: شن نسمع فيكم تدوو
ايناس: علي ليال وتخصصها
مسرة: قنعتيه مايخليهاش تخش طب
ايناس: اي تحسيه اقتنع لكن هي اللفعة راسها مسكر زي العبيد
اني لقيت باب الحوش مفتوح خشيت وصوتهم كان عالي لان يحسابو الباب مسكر وهم بروحهم
مسرة: راسها مسكر يتكسر😏وعلي جثتي تخش طب
ايناس: لالا مستحيل نخليها تخش طب ناقص غر يقولو بنت نجلاء دكتورة وبنت ايناس تخدم في اي كلام
مسرة : ااخ كان نشد عليها غلطة ونخلي بابا يبطلها 😌
اني:.....
🌷يتبع🌷
.
.
#____timØø_____💟
