Pinagmasdan ni Max si Jade na nakaluhod sa harap niya. Lumuhod rin siya para abutin ang mga mata nitong naglilihim ng mga rason at kasagutan.
Katahimikan.
“Will you marry me?” tanong niya ulit—pero walang lumabas sa labi ni Jade. “Noon pa man, sinabi kong ikaw ang gustong makasama habambuhay. Did you believe me?”
Lumuha si Jade. Tumango. “I know. I believe you—everything you say.”
“Minsan din ba sa buhay mo, naisip mong…ako na yung hinahanap mo? That I’m the man you want to marry and to keep for the rest of your life?”
Naiiyak na namang tumango si Jade.
“Jade, minahal mo ba ko?”
“Max, I love you,” agad na sabi ni Jade. “Mahal kita.”
“But why can’t you say ‘Yes’?”
“I tried Max,” ginagap ni Jade ang kanyang kamay. “I tried.”
“I’m setting you free, Jade.” Desidido si Max.
“But I said I love you, Max!”
“But this isn’t going anywhere,” sagot niya, nanghihinayang sa lahat. “Maybe you love me, but not as much as I love you. Or not as much as you love him.”
Umiling si Jade. “Sino Max? Sino na naman yan?”
“I know it’s him. It’s Dexter.”
Ibinaon lang ni Jade ang mukha sa kanyang palad at humikbi.
“I want you to be happy, Jade. Pero sa tuwing hawak kita, pakiramdam ko, ako yung dahilan kung bakit hindi ka masaya. Nasasaktan ka. Pero mas nasasaktan ako, kasi alam ko, ang kaya ko lang gawin ay palayain ka. Hindi mo maamin yon, pero alam ko. Ramdam ko, Jade.”
Sa pagkasabing iyon ni Max, lumapit si Jade sa kanya para yakapin siya. “Alam ko, alam mo kung saan ka sasaya," sabi ni Max. "Pero hindi ka makapunta sa gusto mong puntahan kasi hawak kita. Hindi ko sinasadyang ipagkait sa iyo ‘yun Jade. Pero kahit itago mo yung luha mo, alam kong siya ang dahilan. At kahit itago mo ang ngiti mo, siya rin ang dahilan kung bakit ka masaya. Pero hindi kita pinamimigay. Hindi kita sinasauli sa kanya. Pinapalaya kita dahil mahal kita at gusto kong maging masaya ka. We both deserved to be free and be loved.”
Sa gabing iyon na walang tala, magkayakap sila ngunit malaya.
BINABASA MO ANG
Kung Magkikita Tayong Muli
ChickLit"Kapag tinalikuran mo ang isang tao at tumalikod na rin siya para 'di ka makitang lumayo, kailangan mong ikutin ang mundo para magharap ulit kayo. Pero 'pag nakita mo siya sa ikalawang pagkakataon, ano'ng gagawin mo?" Ikaw ba si Tasha na iiwan siya...
