Chapter 671: ခေါင်းဖြတ်သည်
ခြေမှုန်းခြင်း မိစ္ဆာလိုဏ်ဂူ သုံးဆယ့်ခြောက်ခုမှ တစ္ဆေဝိညာဉ်များအားလုံး ပျောက်ကွယ်ကုန်ကြသည်။
ရှီယန်က နောက်ဆုံးတွင် သွေးနွယ်ရှင်လက်စွပ်နှင့် အဆက်အသွယ် ပြန်ရသည်။ လက်စွပ်ထဲတွင်တော့ မှိန်ဖျော့ဖျော့ မီးခိုးရောင်အရိပ် သုံးဆယ့်ခြောက်ခု ရှိနေလေ၏။
ဒါတွေက တစ္ဆေဝိညာဉ်တွေ ဖြစ်မှန်း သိသာပါသည်။ သွေးနွယ်ရှင်လက်စွပ်က သူတို့အားလုံးကို ဝါးမျိုခဲ့သည်။
ရှုပ်ထွေးသော စွမ်းအင်အတက်အကျများနှင့် သွေးနွယ်ရှင်လက်စွပ်သည် သွေးနီရောင်အလင်းတန်းများ ဖြာထွက်နေသည်။ ထူးဆန်းသော မျက်လုံးတစ်ခုသဖွယ် လူအများအား မလုံခြုံသော ခံစားချက်ကို ပေးစွမ်းသည်။
နီရူက တစ္ဆေဝိညာဉ်ဓားရှည်ကို လက်တွင် ဆွဲကိုင်ထားပြီး ဖြူဖျော့သော မျက်နှာဖြင့် မတ်တပ်ရပ်နေသည်။ သူ့မျက်လုံးတွင် နတ်ဘုရားအလင်းရောင်များ တောက်ပခြင်း မရှိတော့ပါ။ တစ္ဆေဝိညာဉ်ဓားသည် တစ္ဆေဝိညာဉ်များအားလုံးကို ဆုံးရှုံးခဲ့ရသည်။
နတ်ဘုရားလက်နက်သည် နောက်ထပ် နတ်ဘုရားလက်နက် မဖြစ်နိုင်တော့ပါ။
ဓားကြီး၏ စွမ်းရည်က ခုနှစ်ဆယ်မှ ရှစ်ဆယ်ရာခိုင်နှုန်းအထိ ပျောက်ဆုံးသွားခဲ့ရလေပြီ။ ယခုတော့ ရှည်လျားထက်မြက်သော ဓားတစ်စင်းအပြင် မည်သည့်အော်ရာ မည်သည့်မှော်စွမ်းအင်မျှ မရှိတော့ပါ။
နီရူက သွေးအန်လုမတတ် ကြေကွဲနေသည်။ သူ၏လည်ပင်းက ပိန်လိုက် ဖောင်းလိုက် ဖြစ်နေသည်။ အလွန်အမင်း မောပန်းနေသော လက္ခဏာ ဖြစ်၏။ သူ့ထံတွင် နောက်ထပ် လှုပ်ရှားရန် စွမ်းရည် မကျန်တော့ပါ။
အင်ပါယာယန်ခမ်းဒီနှင့် တိရှန်းတို့ အံ့အားသင့် ငေးငိုင်နေကြသည်။ သူတို့က သွေးနွယ်ရှင်လက်စွပ်နှင့် ခပ်လှမ်းလှမ်းတွင်သာ ရှိနေကြသည်။ သူတို့က သွေးနွယ်ရှင်လက်စွပ်ကို ကြောက်လန့်နေဟန် တူသည်။
ဒါက အမှန်တကယ်ပင် ကြောက်စရာ ကောင်းပါသည်။
တစ္ဆေဝိညာဉ်ဓားသည် နတ်ဘုရားအဆင့် လက်နက်တစ်ခု ဖြစ်သည်။ သို့သော်လည်း ၄င်းကို ဖျက်စီးရန်အတွက် သွေးနွယ်ရှင်လက်စွပ်က စက္ကန့်ပိုင်းသာ အချိန်ယူခဲ့သည်။ ဘာဖြစ်ခဲ့တာလဲ ဆိုတာ အားလုံး မြင်တွေ့ခဲ့ကြသည်။ သို့သော် သူတို့က မယုံကြည်နိုင်သေးပဲ ဖြစ်နေကြသည်။
