Chapter 712: သခင်မလေး ပိယူ
ရှီယန့် ခန္ဓာကိုယ်ထဲ ရုန်းကြွနေသော ဆေးအာနိသင်များ ငြိမ်သက်သွားချိန် အဆင့်ခုနှစ်ဆေးလုံးနှစ်လုံး၏ စွမ်းအင်လဲ ကုန်ခမ်းသွားပြီဖြစ်သည်။
သူ့ဒန်တျန်ရှိ ရှေးဟောင်းကီသစ်ပင်သည်လည်း ကီစွမ်းအင်များဖြင့် ပြည့်လျှံနေပြီဖြစ်သည်။
သူ့ အသွေးအသားများထဲရှိ သွေးကီသည် အလွန်အမင်း မြင့်မားသော ပမာဏအထိ ရောက်ရှိနေပြီး အချိန်မရွေး အဆင့်တက်သွားနိုင်သော အနေအထားတွင်ရှိသည်။
ရှီယန်က စွမ်းအင်မုန်တိုင်းများအကြားတွင် အမှောင်ကလန်၏ ဝိညာဉ်သတ္တဝါကိုလည်း သတ်ဖြတ်ခဲ့သေးသည်မဟုတ်လော။
ခန္ဓာကိုယ်မရှိသော ထိုသတ္တဝါထံမှ ကီအဆီအနှစ်များ စုပ်ယူလို့မရသော်လည်း ထိုသတ္တဝါ၏ ဝိညာဉ်ယဇ်ပလ္လင်ကိုတော့ စုပ်ယူဝါးမျိုခဲ့သည်။
၄င်းထံမှ ရရှိသော အသိအမြင်အသစ်များက သူ့ကို အဆင့်အသစ်သို့ ပို့ဆောင်ပေးရန် လုံလောက်နေပြီဖြစ်သည်။
ဥက္ကာခဲ သတ္တုမိုင်းတွင်းတွင် အလုပ်လုပ်ခဲ့ရစဉ်ကလည်း စွမ်းအင်ဖော်ထုတ်ခြင်းများကို စဉ်ဆက်မပြတ်လေ့ကျင့်နေခဲ့သည်။
ယခု သူ၏ ကြယ်တာရာစွမ်းအင်၊ဟင်းလင်းပြင်စွမ်းအင်နှင့် သေခြင်းရှင်ခြင်းနိမိတ်တို့ကို အသုံးချနိုင်စွမ်းက ကဏ္ဍအသစ်တစ်ခုသို့တိုင် တိုးမြင့်သွားပြီဖြစ်သည်။
အခြေအနေအရပ်ရပ်က သူချိန်မရွေး အစစ်အမှန်နတ်ဘုရား ဒုတိယအဆင့်သို့ တက်လှမ်းနိုင်အောင် တွန်းပို့ပေးခဲ့ပြီဖြစ်သည်။
ယခု သူ့လက်ထဲတွင် အဆင့်ခုနှစ် အားဆေးများရှိနေသည်။
သူ့ကံကြမ္မာက ထင်သလောက်လဲ မဆိုးသေးဟု ရှီယန် တွေးမိလာသည်။
မြွေစုပ်ယူနေသော ပမာဏက သူ့ကိုယ်ထဲတွင် ပြည့်လျှမ်းလာသော ပမာဏထက် အဆပေါင်းများစွာ နည်းပါးပါသည်။ဂရုစိုက်စရာမလို။
ယခု သူက အစစ်အမှန်နတ်ဘုရား ဒုတိယအဆင့်သို့တက်ရန် အချိန်ကောင်းစောင့်ရန်သာ လိုတော့သည်။