#Unicode
"ဘုန်းငယ်လေးရေ.... ထွက်လာပါအုံးကွယ်... ဒီမှာသမီးနွယ်မူးလဲသွားလို့..."
"ဗျာ!... ကျွန်တော်အခုထွက်လာပြီဘွားနု"
📱"ခြူး... ငါတို့နောက်မှဆက်ပြောကြတာပေါ့"
"အေး....အေ"
ဟိုဘက်ကပြန်ပြောတဲ့ခြူးစကားကိုတောင်ဆက်နားမထောင်နိုင်တော့ပဲဖုန်းချလိုက်ပြီးတာနဲ့အခန်းထဲကထွက်လာခဲ့လိုက်တော့သည်
"ဘာဖြစ်တာလဲဘွားနု... မေမေဘာဖြစ်တာလဲ?"
ပြောလည်းပြော ခြေလှမ်းတွေကလည်းမေမေနဲ့ဘွားရှိရာအပေါ်ထပ်ဆီသို့အလျင်အမြန်လျှောက်လှမ်းနေမိသည်
"ဘာဖြစ်လဲတော့ဘွားနုလဲသေချာမသိပါဘူးဘုန်းငယ်လေးရယ်... နွယ်လေးအပေါ်ထပ်ကနေအောက်ဆင်းဖို့အလုပ်မှာရုတ်တရပ်ကြီးမူးလဲသွားတာပဲရယ်... ကံကောင်းလို့... ဘေးမှာရှိတဲ့ကောင်မလေးသာထိန်းမထားရင်လှေကားကလိမ့်ကျသွားမှာ... မတွေးဝံ့စရာကွယ်"
ဘုန်းငယ်အပေါ်ထပ်ရောက်တော့မေမေကအိပ်ရာပေါ်မှာလှဲလျက်ရှိနေပြီး ဘွားကဘေးကနေမေမေကိုထိုင်ကြည့်နေသည်
"ဘွား.... "
"မြေး... လာ"
"ဘွား... မေမေဘာဖြစ်တာလဲ?... ဆရာဝန်ရောခေါ်ပြီးပြီလား?"
"အင်း... မြေးမေမေရဲ့သူငယ်ချင်းယမင်းဖြူကိုလှမ်းခေါ်ထားတယ်... ဘွားအထင်တော့မြေးမေမေ စိတ်အရမ်းပင်ပန်းသွားတယ်ထင်ပါရဲ့"
"ဖေဖေရော... ဖေဖေ့ဆီကိုရောဆက်ပြီးပြီလား?... ဘာတဲ့လဲ?"
"မြေးဖေဖေက...."
"ဘာလဲဘွား?... ဖေဖေဖုန်းမကိုင်ပြန်ဘူးမလား... ဟာကွာ..."
🤛'ဒုန်း'
"အို... မြေး... အဲ့လိုမလုပ်ရဘူးလေကွယ်... ဒီမှာမြေးမေမေလည်းနေကောင်းတာမဟုတ်ဘူး... စိတ်ကိုထိန်းစမ်း"
"သား ဖေဖေ့ကိုစိတ်ပျက်မိတော့မယ်ဘွား... တစ်နေ့လုံးဖြစ်နေတဲ့ပြဿနာတွေကိုရှင်းနေရလို့မအားဘူးဆိုတာသားလက်ခံတယ်... ဒါပေမယ့်အိမ်မှာဒီသတင်းတွေကြောင့်စိုးရိမ်ပူပန်နေတဲ့သူတွေရှိသေးတယ်ဆိုတာဖေဖေမေ့နေတာလား?... အနည်းဆုံးတော့အကျိုးသင့်အကြောင်းသင့်သားတို့ကိုရှင်းပြသင့်တာပေါ့... အခုဟာက... သားစိတ်ထဲအခုဖြစ်နေတဲ့သတင်းတွေကအမှန်တွေလားလို့တောင်ထင်နေမိပြီ"
YOU ARE READING
လရိပ်ဘယ်ဆီ (လရိပ္ဘယ္ဆီ)
RomanceMy Own Creation### First Story### both Zawgyi&Unicode### cover Photo is not mine### all credits to original owner### #Unicode အချစ်တွေ အမုန်းတွေ ဘာတွေကျွန်တော်မသိဘူး... သူများမိသားစုတွေဘယ်လိုဖြစ်နေလဲကျွန်တော်ဂရုမစိုက်ဘူး... ကျွန်တော်သိတာ ကျွန်တော်ဂရ...
