#Unicode
🌛လရိပ်ဘယ်ဆီ🌜
★အပိုင်း ၁★
#ဘုန်းစက်ညွှန်း
အထက်တန်းကျောင်းသားတစ်ယောက်မို့လူကဟိုမရောက်ဒီမရောက်အရွယ်...
ဒါပေမယ့်အရွယ်နဲ့မလိုက်အောင်ရင့်ကျက်တည်ငြိမ်တယ်...
သူသိပ်ချစ်တဲ့သူ့မိဘနှစ်ပါးနဲ့ သူ့အဘွားဖြစ်သူရဲ့ရှေ့မှာတော့ ကလေးတစ်ယောက်လိုအပူအပင်ကင်းစွာနေထိုင်လေ့ရှိတယ်...
'အဖေချစ်သား' လို့ပြောရလောက်အောင် မိသားစုဝင်အားလုံးထဲမှာ သူ့အဖေမှသူ့အဖေဖြစ်ရလောက်တဲ့အထိ ဖခင်အပေါ်ကို ချစ်ခင်အားကိုးတွယ်တာတယ်....
ဒါပေမယ့် သူ့အဖေရဲ့ဥပေက္ခာတွေကြောင့် အမြဲအထီးကျန်နေခဲ့ရတဲ့မိခင်ကိုတော့ သနားချစ်နဲ့ချစ်သလို အမေဖြစ်သူပျော်ရွှင်ရအောင် အဖေနဲ့အမေကြားမှာ Cupidဆန်ဆန် အောင်သွယ်ပေးပြန်တယ်...
တခြားလူငယ်လေးတွေလို အချစ်တွေဘာတွေကိုစိတ်ဝင်စားခြင်းမရှိပဲ သူ့မိသားစုလေးပျော်ရွှင်ရဖို့ပဲ သူ့စိတ်ထဲမှာရှိတယ်...
🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸
မာန်စံအိမ်ရဲ့မနက်ခင်းကဒီလိုမျိုးစတင်၏...
ကြိုးတစ်ချက်ဆွဲလိုက်တာနဲ့ လိုက်ကာတွေဟာ တစ်ဖက်တစ်ချက်စီကိုရောက်သွားပြီး မနက်ခင်းအလင်းရောင်က တိတ်ဆိတ်မှောင်မိုက်နေတဲ့အခန်းထဲကို ကျရောက်လာသည်...အလင်းရောင်ကြောင့် နှစ်ယောက်အိပ်အနက်ရောင်မွေ့ရာပေါ်မှာ ဖက်လုံးကိုခွကာ အိပ်နေတဲ့လူပျိုပေါက်အရွယ်ကောင်လေးက လှုပ်လှုပ်ရှားရှားဖြစ်သွားတယ်...
"သား... ဘုန်းငယ်... သားရေ... ထတော့လေ... မေမေတို့ ဒီနေ့ဖေဖေ့ကိုသွားကြိုမယ်လေ...သားမလိုက်ဘူးလား?"
အမေအသံကြားတာနဲ့ ကြိတ်မှိတ်အိပ်နေတဲ့ကောင်လေးရဲ့မျက်လုံးတွေဟာ ချက်ချင်းပွင့်သွားသည်...
"ဘယ်နှစ်နာရီရှိပြီလဲ မေမေ?"
ပြောလည်းပြော... ခေါင်းရင်းကနာရီကို လှမ်းယူကြည့်ကာ
"ဟာကွာ... ၉နာရီတောင်ထိုးတော့မယ်... ဖေဖေ့ကို သားလာကြိုမယ် ပြောထားတာ... နောက်ကျတော့မှာပဲ... "
အိပ်ရာဘေးမှာရပ်နေတဲ့အမျိုးသမီးက ကောင်လေးကို ပြုံးပြီးကြည့်ကာ
YOU ARE READING
လရိပ်ဘယ်ဆီ (လရိပ္ဘယ္ဆီ)
RomanceMy Own Creation### First Story### both Zawgyi&Unicode### cover Photo is not mine### all credits to original owner### #Unicode အချစ်တွေ အမုန်းတွေ ဘာတွေကျွန်တော်မသိဘူး... သူများမိသားစုတွေဘယ်လိုဖြစ်နေလဲကျွန်တော်ဂရုမစိုက်ဘူး... ကျွန်တော်သိတာ ကျွန်တော်ဂရ...
