"Boss... ရောက်ပြီလား?... အထဲမှာကိုတေဇတို့ရှိပါတယ်"
မာန်ကားပေါ်ကဆင်းလိုက်တာနဲ့ အိမ်ထဲကထွက်ပြီးလာကြိုတဲ့ခြံစောင့်ကောင်လေးကို တစ်ချက်ကြည့်လိုက်ကာ ဟန်မင်းနဲ့အတူအိမ်ထဲဝင်လာလိုက်သည်
ရှင်းလင်းနေတဲ့ဧည့်ခန်းကိုမြင်လိုက်ရတော့
"အားလုံးဘယ်ရောက်နေတာလဲ?"
"ထောင့်ဆုံးအခန်းထဲမှာရှိပါတယ်Boss... ဟိုအစ်မရုတ်တရပ်မေ့လဲသွားလို့အားလုံးအဲ့အခန်းမှာရှိနေပါတယ်"
မာန်ဘာမှပြန်မပြောတော့ပဲကောင်လေးပြောတဲ့အခန်းဆီသို့လျှောက်လာလိုက်တော့သည်
ဖွင့်ထားလျက်ရှိနေတဲ့တံခါးကနေအခန်းထဲကိုကြည့်လိုက်တော့ ကုတင်ဘေးမှာစွန်းမှာထိုင်ပြီး အိပ်ရာပေါ်မှာလှဲနေတဲ့သူမရဲ့လက်ကိုဆုပ်ကိုင်ထားတဲ့ဟိုကောင့်ကိုမြင်လိုက်ရသဖြင့် ခြေလှမ်းကျဲများနှင့်အခန်းထဲဝင်လိုက်မိသလို
"ဒါကဘယ်လိုဖြစ်တာလဲ?"
ရုတ်တရပ်မာန့်အသံကိုကြားလိုက်တာနဲ့ကုတင်စောင်းမှာထိုင်နေတဲ့ဟိန်းလက်ယာတစ်ယောက်ထိုင်နေရာမှဆတ်ခနဲထလာကာ
"မင်းစက်မာန်... ခင်ဗျားကြီး..."
👊'ခွပ်'
မေးရိုးကိုပင့်ထိုးလိုက်တဲ့အငိုက်ထိုးချက်ကြောင့်မာန်နည်းနည်းတော့အီသွားရသည်
"ဟာ... Boss!.... ဟေ့လူ..."
👊'ခွပ်'
"Boss!... ဟေ့လူ... ခင်ဗျား..."
မာန်ကဘာမှပြန်မလုပ်ရသေးပေမယ့် မာန့်အတွက်စိတ်ပူပေးကြတဲ့တေဇနဲ့ဟန်မင်းနှစ်ယောက်ကတော့ ဟိန်းလက်ယာကို ထိုးတဲ့လူကထိုးလိုက်သလို ဆွဲလားရမ်းလားလုပ်တဲ့လူကလုပ်နေပြီဖြစ်သည်
"တေဇ ဟန်မင်း တော်တော့....
ဟိန်းလက်ယာ... မင်းကအသက်သာကြီးလာတာ... အရင်လိုကမူးရှုးထိုးအကျင့်ကတော့မပျောက်သေးပဲ... အရင်ဆုံးမင်းစိတ်ကိုအေးအေးထားလိုက်... ပြီးမှငါနဲ့မင်းစကားဆက်ပြောတာပေါ့"
မာန်ပါးစပ်ကဟိန်းလက်ယာကိုပြောနေပေမယ့် အကြည့်တွေကတော့အိပ်ရာပေါ်ကသူမဆီမှာ
ESTÁS LEYENDO
လရိပ်ဘယ်ဆီ (လရိပ္ဘယ္ဆီ)
RomanceMy Own Creation### First Story### both Zawgyi&Unicode### cover Photo is not mine### all credits to original owner### #Unicode အချစ်တွေ အမုန်းတွေ ဘာတွေကျွန်တော်မသိဘူး... သူများမိသားစုတွေဘယ်လိုဖြစ်နေလဲကျွန်တော်ဂရုမစိုက်ဘူး... ကျွန်တော်သိတာ ကျွန်တော်ဂရ...
