#Unicode
📱"အကုန်လုံးစီစဉ်ထားတဲ့အတိုင်းဖြစ်သွားပါပြီ Boss ... ပုံတွေကလည်း လွန်ခဲ့တဲ့၁၅မိနစ်လောက်ကတည်းက တောက်လျှောက်ပြန့်နေပါပြီ... ပြီးတော့ ဟိုဘက်ကသတင်းတွေလည်းအကုန်နီးပါးဖြန့်ပြီးနေပါပြီ... "
"အင်း... အချက်အလက်တွေအကုန်စုပြီးအပ်လိုက်တော့... ငါခဏနေရင်ထွက်လာမယ်..."
"ဟုတ်ကဲ့ Boss"📱
"ကိုကို... "
ခေါ်သံလေးနဲ့အတူ သူ့ဘေးရောက်လာတဲ့ခန္ဓာကိုယ်သေးသေးလေးကြောင့် မာန်တင်းမာနေတဲ့မျက်နှာထားကိုအရင်ပြင်ရသည်... ပြီးတာနဲ့လက်တစ်ဖက်ကိုဆန့်လိုက်ပြီး သူထိုင်နေတဲ့ဘေးမှာလာရပ်တဲ့သူမလေးကို ခါးကနေဆွဲလိုက်ကာ သူ့ပေါင်ပေါ်မှာဘေးတိုက်ထိုင်လျက်သားလေးဖြစ်အောင်လုပ်လိုက်သည်...
"ကိုကို့!..."
ရုတ်တရက်ကြီးဖြစ်သွားတဲ့သူ့အပြုအမူကြောင့် သူမဆီမှအလန့်တကြားအော်သံလေးထွက်လာသလို သူ့လည်ပင်းကိုလည်းသူမလက်လေးတွေကသိုင်းဖက်လာသည်... ပြီးမှအလန့်ရှိန်ပြေသွားပုံရတဲ့သူမလေးက သူ့ပေါ်ကနေထဖို့လုပ်တော့သည်... မာန်ကလွှတ်မပေးပဲပိုပြီးခပ်တင်းတင်းဆွဲချုပ်ထားတော့ သူမက ခါးပေါ်ကမာန့်လက်ကိုမရမကအတင်းဆွဲခွာပြီး
"ကိုကို... ဘာလုပ်တာလဲ?... ရွယ့်ကိုလွှတ်ပေး... တော်ကြာသားရောက်လာလိမ့်မယ်... ကိုကို့!"
သူမ ဖြစ်ချင်သလိုဖြစ်မလာတော့ အသံလေးကအစဆူဆောင့်သလိုလေးဖြစ်လာပြီး သူ့ကိုမကြည်ကြည့်နဲ့စိုက်ကြည့်သည်
ဆံပင်အရှည်ကြီးကိုအခုလည်းစုထုံးတင်ထားပြီး အနည်းငယ်ဘေးပြဲချင်တဲ့ ရှေ့နောက်Vသဏ္ဍာန်လည်ပင်းပုံစံအင်္ကျီလေးကိုဝတ်ထားတော့ ရှင်းလင်းနေတဲ့လည်တိုင်နဲ့ညှပ်ရိုးနေရာလေးတွေ ဖြူဝင်းနေတဲ့ကျောပြင်လေးနဲ့သွေးကြောစိမ်းလေးတွေယှက်ဖြာနေတဲ့ဂုတ်သားလေးတွေကြောင့်သူ့စိတ်ကယိုင်ချင်ချင်ဖြစ်နေရတဲ့ကြားထဲ နှုတ်ခမ်းဖူးဖူးလေးကိုစူပြီး သူ့ကိုဒေါသထွက်လာသလိုစိုက်ကြည့်နေတဲ့ပုံစံလေးက ဘယ်လောက်အသည်းယားကောင်းနေမှန်းသူမကိုယ်သူမသိရဲ့လားတောင်မသိပါ...
ESTÁS LEYENDO
လရိပ်ဘယ်ဆီ (လရိပ္ဘယ္ဆီ)
RomanceMy Own Creation### First Story### both Zawgyi&Unicode### cover Photo is not mine### all credits to original owner### #Unicode အချစ်တွေ အမုန်းတွေ ဘာတွေကျွန်တော်မသိဘူး... သူများမိသားစုတွေဘယ်လိုဖြစ်နေလဲကျွန်တော်ဂရုမစိုက်ဘူး... ကျွန်တော်သိတာ ကျွန်တော်ဂရ...