ဒီနေ့မနက်ဆရာ့ရဲ့ချိန်းဆိုမှုအတွက် ပထမဆုံးအကြိမ်အကြာကြီးပြင်ဆင်ခဲ့ရသည်။ အကြောင်းကတော့ မိဟန်သာမေကြောင့်ဖြစ်သည်။ တစ်ခါမှမဝတ်ဖူးတဲ့အနီရောင်ကတ္တီပါသားကို ကျောက်လေးတွေနဲ့အလှဆင်ထားတဲ့အင်္ကျီနဲ့ အနီရောင်ချင်းလုံချည်ကို မေ့မှာဝတ်ဆင်ထားရသည် ။ ထိုအင်္ကျီနဲ့ ထဘီက အငယ်မက ချုပ်ပေးထားတာဖြစ်ပြီး အစကနေပြည်တော်ကို ထည့်ပေးလိုက်ဖို့လုပ်ထားတာဖြစ်ပေမဲ့ အခုတော့ သူက ဒီနေ့ဝတ်ကိုဝတ်ရမည်တဲ့လေ ။
နောက်ပြီး ဆရာပေးထားတဲ့ပစ္စည်းလေးတွေထဲက အနီရောင်ဖဲသားခေါင်းစည်းကြိုးလေးနဲ့ဆံပင်ကို ခပ်မြင့်မြင့်စည်းပြီး ပုံမှန်လိမ်းနေကျလိုသနပ်ခါးနဲ့မိတ်ကပ်ပေါင်းလိမ်းတာမျိုးမဟုတ်ဘဲ မိတ်ကပ်ချည်းဘဲသပ်သပ်လိမ်းထားသည်။ ထိုအရာအားလုံးကိုတော့ အငယ်မက ပြင်ဆင်ပေးတာဖြစ်ပြီး မေကတော့ အရုပ်တစ်ရုပ်လိုငြိမ်ခံနေရတာဘဲဖြစ်သည်။
"Okသွားပြီ ဂါဝန်တို့ဂျင်းဘောင်းဘီတို့ဝတ်မှလူငယ်ဆန်တာမဟုတ်ဘူး မြန်မာဝတ်စုံကို လူငယ်ဆန်အောင်ဝတ်ရင် ပိုတောင်လှသေး "
"ဆရာက ဒီတိုင်းတွေ့ဖို့ခေါ်တာကို ဒီလောက်ကြီးပြင်သွားလို့ကောင်းပါ့မလားဟဲ့ အလှူသွားမှာလဲမဟုတ်ဘူး "
"အလှူသွားမှပြင်ရမှာလားဟ လှလှပပပြင်ပြင်ဆင်ဆင်နေစမ်းပါဟယ်
ငါကနင့်ကိုအပျိုကြီးမဖြစ်အောင်ကူညီပေးနေတာ ဘာလို့လဲဆို ငါနင့်ကိုတာဝန်မယူနိုင်ဘူးလေ အဲ့တော့ ယူတဲ့သူရှိတုန်းထည့်ပေးရမယ် "
"ငါက ပစ္စည်းထုပ်မဟုတ်ဘူး လူနော်
ပြီးတော့ ဘယ်သူမှတာဝန်ယူစရာမလိုပါဘူး ငါ့ဘာသာရပ်တည်နိုင်ပါတယ် "
"တခြားသူသာယုံလိမ့်မယ် ပိစိကတည်းကတူတူကြီးလာတဲ့ငါ့တော့လာမပြောနဲ့ မယုံဘူး"
"တော်ပြီ နင်နဲ့မပြောတော့ဘူး ငါသွားတော့မယ် နောက်ကျနေလိမ့်မယ် "
"ကြွကြွ "
"ဇွန်လေး "
တံခါးပေါက်ရောက်နေမှ ခေါ်နေပြန်တာကြောင့်လှည့်ကြည့်တော့
"ဘာလဲ "
"ငါမနေ့ကပြောတာမမေ့နဲ့နော်
နင်သူ့ကိုမမေ့နိုင်ရင်တောင် သတ်ိရမနေနဲ့
သူလဲသူ့ဘဝသူလျှောက်နေပြီ နင့်ကိုမှတ်တောင်မှတ်မိမှာမဟုတ်ဘူး နင်လဲ စိတ်အသစ်နဲ့ လူအသစ်ကိုတွေ့သင့်နေပြီ "
ВЫ ЧИТАЕТЕ
You are My Story (Complete)
Любовные романы"နောင်နောင် ငါနင့်ကိုအရမ်းချစ်တယ် သိလား " "အဟွန်း......ငါမှ နင့်ကိုတစ်ခါမှဖွင့်မပြောခဲ့တာ နင်ဘယ်သိနိုင်ပါ့မလဲနော်" ချမ်းသီရိမေ "မေသိလား ကိုယ်လေ... အူတူတူပုံလေးဖြစ်နေတဲ့မေ့ကိုလည်း ချစ်တယ် ဒေါသတကြီးပုံလေးနဲ့မေ့ကိုလည်းချစ်တယ် မေ့ရဲ့ဝမ်းနည်းကြေကွဲနေတ...
