အိမ်ထောင်သက် ၃လအကြာ ........
ဒီနေ့က လစာထုတ်ရက် ဖြစ်တာကြောင့် ဌာနတိုင်းအစည်းအဝေးရှိသည်ဖြစ်သည်။
အစည်းအဝေးက ၄နာရီမခွဲခင်မှာ စတာဖြစ်ပြီး ၅နာရီခွဲပြီးမှသာပြီးဆုံးလေသည်။
ထို့ကြောင့် လင်မယားနှစ်ယောက်စလုံးအရင်နေ့များထက် အိမ်ပြန်နောက်ကျကြ၏။
အထက်လူကြီးများ၏ ဘာညာကွိကွ စုံစွမ်စိနေအောင် ဆွေးနွေးသလိုလိုနဲ့ ပွမ်နေသည့် စကားများကို ၁နာရီကျော် နားထောင်ခဲ့ပြီးနောက် ချမ်းသီရိမေမှာ အလွန်ပင်ပန်းငြီးငွေ့လို့နေ၏။
"ကိုရယ် လူကြီးတွေများ တယ်လေပေါနိုင်တယ်နော် သူတို့တော့မသိ နားထောင်လာရတဲ့မေတောင် မောလာတယ် တကယ့်လေအိုးကြီးတွေ "
မိန်းမဖြစ်သူ၏ပြစ်ပြစ်နှစ်နှစ်ပြောနေသံများကိုကြားကာ ခန့်တည်ပိုင်မှာ အနည်းငယ်ရင်နာသွားရသည်။ မေပြောသလိုဆို သူလဲ လေအိုးကြီးဖြစ်နေသည်လေ။ အစည်းအဝေးတက်ခဲ့ရတာချင်းတူသော်လည်း မေက နားထောင်ခဲ့ရသူဖြစ်ပြီး ခန့်တည်ပိုင်ကတော့ ဌာနအတွက် လုပ်ငန်းဆောင်တာတွေ လချုပ်စာရင်းတွေနဲ့ ပတ်သတ်ပြီး မေးမြန်းပြောကြားခဲ့ရတာဖြစ်ရာ လေပေါခဲ့သူဖြစ်လေသည်။
"အော် မေရယ် ဒါကလဲ အစည်းအဝေးဆိုတော့ တာဝန််အရလိုအပ်လို့ပြောရတာပါ"
"အမလေး မဟုတ်ဘူးသူတို့ကိုက လျှာရှည်.....အယ် sorry ကို ရုတ်တရက် ကိုယ့်ယောကျ်ားဘာလဲ မေ့သွားလို့ "
မေတစ်ယောက်တော့ ပြောချင်ရာပြောပြီးမှ ကိုယ့်လူကိုယ် ဒဲ့ဆော်နေသလိုဖြစ်မှန်း သတိရသွားတာကြောင့် ပါးစပ်ပိတ်လိုက်ရတော့သည်။
"အယ်...ဟို ယောကျ်ားမောလာမှာဘဲနော် မေ ရေခပ်ပေးမယ်နော် ခဏလေး "
လူကို စပရှယ်ဖဲ့ပြီးသွားမှ ပြန်ဖားနေသော ကောင်မလေးကြောင့် ခန့်တည်ပိုင်မှာ မနိုင်စွာခေါင်းရမ်းမိတော့သည်။
ခန့်တည်ပိုင်တစ်ယောက် အိပ်ခန်းထဲ ဝင်သွားကာ ရုံးအိတ်ကို ပစ်ချပြီး ကုတင်ပေါ်လှဲချလိုက်တော့သည်။
"ကို...ရေလေးသောက်လိုက်အုံး ရေခဲရေနဲ့ရောထားတာ အေးအေးလေး "
YOU ARE READING
You are My Story (Complete)
Romance"နောင်နောင် ငါနင့်ကိုအရမ်းချစ်တယ် သိလား " "အဟွန်း......ငါမှ နင့်ကိုတစ်ခါမှဖွင့်မပြောခဲ့တာ နင်ဘယ်သိနိုင်ပါ့မလဲနော်" ချမ်းသီရိမေ "မေသိလား ကိုယ်လေ... အူတူတူပုံလေးဖြစ်နေတဲ့မေ့ကိုလည်း ချစ်တယ် ဒေါသတကြီးပုံလေးနဲ့မေ့ကိုလည်းချစ်တယ် မေ့ရဲ့ဝမ်းနည်းကြေကွဲနေတ...
