"ကိုခန့် ကန်တင်းသွားစို့လေဗျာ"
"အေးကွာ ခဏလေး လာပြီ"
"ကိုခန့်လဲ နက်ဖြန်သဘက်ဘဲ ခရီးသွားရတော့မှာကို ခုထိ အလုပ်များတုန်းနော် "
"အေးပေါ့ကွ ငါ့မှာ သွားခါနီးလေ စီစဥ်ထားခဲ့ရတာတွေပိုများလေ ဖြစ်နေတာ "
"တော်သေးတယ် မေပါလိုက်ရလို့ ကိုခန့်တစ်ပူငြိမ်းသွားတာ "
"ဘာလို့လဲ ငါကမေဟိုမှာ အဆင်မပြေမှာစိုးရိမ်နေတာ "
"မေသာ မလိုက်ရလို့ရှိရင် ဒီ၃လလုံးလုံး မတွေ့မမြင်ရဖြစ်နေမှာပေါ့ ကိုခန့်နေနိုင်လို့လားအဲ့လိုထက်စာရင်
အခုလိုတူတူသွားရတာပိုမကောင်းဘူးလား
ဘယ်လိုဘဲဖြစ်ဖြစ် ဟိုမှာ တခါတလေတော့ဆုံမှာဘဲလေ"
"အေးအဲ့လိုကျမင်းပြောတာဟုတ်သား ခုလို အဆောက်အဦ တစ်ထပ်တည်းမှာရှိတာတောင် မေ့ကို ရုံးလာချိန်လေးဘဲငါ့မှာ မြင်ခွင့်ရတာ ကန်တင်းလဲ မေကနေ့တိုင်းမလာ ရုံးဆင်းချိန်ကျလဲ မတူနဲ့ ငါ့အဆင်မပြေပါဘူးကွာ "
"ကိုခန့်က လိုက်လေဗျာ တွေ့ရဖို့မျှော်မနေဘဲ မတွေ့တွေ့အောင် မဆုံဆုံအောင်လုပ်ရမှာပေါ့ အင်း ဒီပုံတိုင်းဆို ကိုခန့်လိုသေးတယ်နော် လိုသေးတယ် "
ပြောရင်းဆိုရင်းနဲ့ ကန်တင်းရောက်လာပြီဖြစ်သည်။ မေ့ကို လှည့်ပတ်ရှာကြည့်လိုက်ပေမဲ့ ဒီနေ့လဲ မတွေ့ရပြန်ပါ။ အရင်တုန်းကတော့ နေ့လည်စာကိုရံဖန်ရံခါမှသာလုပ်ဖော်ကိုင်ဖက်တွေနဲ့ ကန်တင်းသွားစားလေ့ရှိပေမဲ့ အခုတော့နေ့တိုင်းလာဖြစ်သည်။ မေ့ကိုတွေ့လိုတွေ့ငြားထမင်းချိုင့်ရှိပါလျက်နဲ့ကန်တင်းကိုလာနေပေမဲ့လည်း သူမလေးကိုတော့မတွေ့ရပါ ။
"ဟိတ် မှာမယ်"
"နဒီလှမ်းကြည့်နေတာဆရာခန့်နဲ့ဆင်ပါတယ်လို့ နဒီတို့ထိုင်မယ်နော် "
"ဟော နဒီတို့က ကျွန်တော့်ကိုတော့မမြင်ဘူးပေါ့"
"ဟီး မဟုတ်ပါဘူးဆရာမျိုးသန့်ကိုလဲမြင်ပါတယ် "
"ဆရာခန့် ကဟင်းမမှာဘူးလားဟင် နဒီကျွေးချင်လို့ပါ မိတ်ဖြစ်ဆွေဖြစ်ပေါ့ "
ESTÁS LEYENDO
You are My Story (Complete)
Romance"နောင်နောင် ငါနင့်ကိုအရမ်းချစ်တယ် သိလား " "အဟွန်း......ငါမှ နင့်ကိုတစ်ခါမှဖွင့်မပြောခဲ့တာ နင်ဘယ်သိနိုင်ပါ့မလဲနော်" ချမ်းသီရိမေ "မေသိလား ကိုယ်လေ... အူတူတူပုံလေးဖြစ်နေတဲ့မေ့ကိုလည်း ချစ်တယ် ဒေါသတကြီးပုံလေးနဲ့မေ့ကိုလည်းချစ်တယ် မေ့ရဲ့ဝမ်းနည်းကြေကွဲနေတ...
