နေ့တွေ ရက်တွေ လတွေအလီလီပြောင်းလဲလာခဲ့တယ် ။
မေနဲ့ကိုကတော့ ဒုတိယ မွေးရပ်မြေအခြေချရာနေရာလေးဖြစ်တဲ့နေပြည်တော်မှာဘဲ မိသားစုတာဝန် ဝန်ထမ်းတာဝန်တွေထမ်းရင်း ပင်ပန်းလို့ပင်ပန်းမှန်းမသိ နေ့ရက်တွေကို ဖြတ်သန်းဖြစ်ကြတယ်။
ဘာတွေထူးခြားသေးလဲဆို အင်း..... အိမ်ကအရှုပ်ထုတ်လေးသုံးထုတ်က ပို..ပိုအရှုပ်တွေလုပ်လာတာရယ် အရှုပ်ထုတ်ကြီးကလည်း အိမ်ထောင်ကျခါစနဲ့မတူ ပို..ပိုလူကိုခိုင်းစားလာတာရယ်ဘဲဖြစ်သည်။
အခုလဲကြည့် သားကြီးပထမနှစ်ဝက်လပတ်စာမေးပွဲပြီးလို့ ငွေဆောင် ငွေဆောင်နဲ့ တစ်ဆောင်တည်းဆောင်ပူဆာနေလို့ ခရီးထွက်လာပါတယ် hotelရောက်ကတည်းက အဲ့ကိုယ်တော်ကြီးကအိပ်နေလိုက်တာ နေ့လည်စာစားချိန်ရောက်နေပြီခုထိမထသေးဘူး ။
"ဟမ့် နင်တို့အဖေ အဲ့လောက်အိပ်နေတာကြာရင်ဝက်ဖြစ်လိမ့်မယ်သိလား ကြည့်နေ ဗိုက်ပူနံရွှဲကြီးဖြစ်လာတော့မှာ"
ကိုယ်ကပြောလိုက်တော့သူ့အဖေဘေးထိုင်ဆော့နေတဲ့မိုင်မိုင်က အဖေ့ဗိုက်ကို လက်နဲ့ပူမပူသွားစမ်းကြည့်နေသည်။
"ဦးခန့်တည်ပိုင် ရှင် ..ထမလား မထဘူးလား ကျွန်မတို့ကနေ့လည်စာဘာစားရမှာလဲ
ယောကျ်ားကိုခေါ်လာပါတယ် သူနေငါသွားပစ်ထားလို့ကတော့ ကမ်းခြေပေါ်က ကောင်လေးတစ်ယောက်ဆွဲယူပစ်မှာ ဘာမှတ်နေလဲ"
"ဘာ ပြော တယ်သတ္တိရှိရင်ပြန်ပြောကြည့်လိုက်"
"ရှိတယ် သတ္တိ အမလေး အိမ်ထောင်ကျတာဖြင့် ၁၀နှစ်ကျော်နေပြီ ဒီလူနဲ့ဒီလူ ဘာကြောက်စရာရှိလဲ"
"လာစမ်း ဒီမိန်းမကမကြောက်ဘူးပေါ့လေ"
လူကိုခါးကနေဆွဲပွေ့ပြီးအတင်းအိပ်ယာပေါ်လှဲချနေသည်မို့
ကိုယ့်ခါးကသူ့လက်ကိုဆွဲဖြုတ်ပစ်ရသည်။
"ဖယ်နော် မေ စိတ်ထဲမှာပန်းတွေပွင့်နေတာမဟုတ်ဘူး
ဗိုက်ဆာရတဲ့ကြားထဲ ပိုစိတ်တိုအောင်မလုပ်နဲ့"
"အော်..ကိုယ့်ကလေးလေး ပူတူတူးလေးက ဗိုက်ဆာနေတာကိုး အဲ့ကြောင့်ဒီနှုတ်သီးလေးကစွာနေတာပေါ့လေ"
YOU ARE READING
You are My Story (Complete)
Romance"နောင်နောင် ငါနင့်ကိုအရမ်းချစ်တယ် သိလား " "အဟွန်း......ငါမှ နင့်ကိုတစ်ခါမှဖွင့်မပြောခဲ့တာ နင်ဘယ်သိနိုင်ပါ့မလဲနော်" ချမ်းသီရိမေ "မေသိလား ကိုယ်လေ... အူတူတူပုံလေးဖြစ်နေတဲ့မေ့ကိုလည်း ချစ်တယ် ဒေါသတကြီးပုံလေးနဲ့မေ့ကိုလည်းချစ်တယ် မေ့ရဲ့ဝမ်းနည်းကြေကွဲနေတ...
