تفاحه ادم

اقتباس

اقتباس

أنا مش عارفه انت بتحبني علي عفره اي وطالع بيا للسما فحبك فيا كده ،انا الكل بيبعد عني وبيتريق عليا وعلي بوقي معوج مش معني أنت اللي حببني كده إذ كان مبحبش نفسي ..

ابتسم بخفه وترك كوب الشاي ،نظر لها بعينيه الوميضتان دائما حينما ينظر لها ،مع تلك الابتسامه المشرقه التي تزين وجهه قائلا بنبره تؤده ويتخللها اليتم والحب لها وحدها::

تؤتؤتؤ مسمحلكيش تقولي كده ،مسمهاش بوقك معوج اسمها مميزه ومختلفه عن البنات كلها ،وعلي راي سي عمرو دياب اللي بتسمعيه أنتي لسا زي منتي قمر في عيني ،انتي ايون مختلفه بس دي حلاوتك يا رنا اختلافك ميزك ومخليكي مختلفه عن البنات كلها لدرجه انك خليتيني بعد 30سنه اقول يا جواز واتشعبط فيكي واحبك وانتي حتي ولا هنا،انا اللي بستغرب من ساعه معرفتك من وانتي عندك 15سنه انتي ازاي مش شايفه نفسك حلوه ازاي بتطلعي كل العيوب دي فيكي وانك متتحبيش وانا اللي من اول مره اقابلتك وكلمتك حبيتك ،متبصليسش كده كأنك بتكلمي عيل عنده ١٨ سنه وبيضحك علي البت بتاعته انا مش بحبك تتكلمي عن نفسك بطريقه وحشه انتي فيكي حاجات جميله وانا مصمم انك تشوفيها ،مصمم تشوفي ضحكتك حتي اللي انتي بتتريقي عليها وتقولي مبعرفش اضحك وبوقي وبتعع انتي ضحكتك دي لما بتضحكي بتخلي قلبي يرقص وربي مع انك مصيبه في ضحكتك وممكن تجبلنا بوليس الاداب إلا أنها بتخطف قلبي وبتخليه يحبك اكتر من ساعه لما كنت براقبك واجي اقول لنفسي متنفعكش انت في وادي وهي في وادي عالمكم غير بعض هي نفسها صغيره عليك يجي صدفه اشوفك في شارع احس كأن قلبي بيقول ياابن العبيط انت كداب انت متقدرش تبعد عنها وده اللي شعبطني فيكي ،برغم انك ماسحه بكرامتي الأرض ومصره علي الطلاق من اول يوم إلا أني بردو مصر احبك كل يوم اكتر ،،ومصر اتراهن اللي بيقولولك الحب بيبقي فأول الجواز واني هيجي اليوم واشوفك عاديه اراهنه اني عمري في يوم مهشوفك عاديه . لانك مختلفه وفيكي حاجات مخلياني مصمم اني أغوص فيكي واكتشفك اكتر ،،

مرضك زادك حلاوه ،مرضك حلوك في عيني ..حتي عينك اللي مش عجباكي عشان ضيقه بسبب العصب بحبها ..لما بتتكسفي لما بتتكلمي وتريلي غصب عنك بحبك فكل فعل فيكي بحبك ..وعاوزني أبطل احبك ،طب ازاي !؟

#روايه عشق رنا
بقلم رنا كمال
اقتباس #❤️
بالعاميه المصريه #
لو عجبتكم هنزلها ♥️