_ يا بخت من زار وخفف
_ ماله جوزك يا عايدة ؟مراتي بصتلي بعتاب عشان ألم لساني فـ ابتسمت
_ جرا اي يا نور يا حبيبتي ناوية تقعدي كتير ؟
_ جوزك عايز يطردني يا عايدة .. اطلقي
_ القعدة هتطول يعني ولا اي ؟
_ وانت مالك؟! انا قاعدة على دماغك ؟
_ لا يختي في بيتي
_ بيت صاحبتي على فكرة
_ صاحبتك مراتي على فكرة!
_ بقولك اي؟! متصدعناش كفاية اوي اني سيبتهالك تاخدها كدا عاديبصت ناحية عايدة الي كانت بتحط قدامها الجاتو وبتشيل اللب من قدامي وكل التسالي وتحطه قدام صاحبتها.
_ وبعدين انتي ازاي تأمني لواحد متعرفيهوش الا من يدوب أربع سنين وتعيشي معاه في نفس الشقة ؟ اخلاقك باظت امتا ؟!
_ مش عارفة يا نور واللهقلبت شفافي ومسكتها من قدومها
_ مش عارفة اي يا روح امك ؟
_ ومالها ماما دلوقت يا يونس !
_ هتروحيلها .. هتروحيلها يا عايدة و مش هتباتي في ...لقيت نور قامت وشديتها من ايدي ووقفت قدامي
_ بتمد ايدك عليها قدامي؟!! دا انت نهار الي خلفوك مش فايت
شمرت دراعها وبصتلي بتأهب وهي بتضيق عنيها
_ انا قولت من الاول انك مش نافع يالا ومش جاي معايا سكة
_ جـ.. جرا ايه يا نور ...
_ اسمها البشمهندسة نور هانم
_ يا بشمهندسة نور هانم .. انا معلمتش حاجة انا شديتها من هدومها
_ اه زي ما شديتها مني كدا زمانقربت مني وانا ببلع ريقي بخوف، شدت السكينة ورفعتها في وشي
_ اسمع .. انا لولا انها بتحبك وشبطانة فيك زي العيلة الصغيرة مكنتش هسيبك عايش دا انت متعرفنيش ميغركش الـ ١٦٥ سم بتوعي دا انا أكلك نَيّ
_ تتعبي يا نور .. تتعبي يا ماما محدش بياكل اللحمة نيّة
_ هيهي .. دا انت دمك بارد يلا .. مستحملاه ازاي التلاجة الـ ١٤ قدم دابصينا احنا الاتنين لعايدة
_ بلاش يا نور
_ يا حبيبتي يا عايدة خايفة عليا .. بتحبني بتـ...
_ اللحمة نية مُضرة .. كليها well done عشان صحتِكابتسمت نور بـ انتصار اما انا بصيت ناحية عايدة الي بدأت تاكل لب بتوتر.
_ مش جايب لب أبيض ليه ؟ انت مش عارف اني بحبه ؟
_ معلش يا نور هانم هنعمل حسابك المرة الجاية
_ اه .. يا ريت بقا تجيبلي بطانية من جوا عشان الجو بدأ يبرد
_ بطـ... ايه يختي ؟ ليه انتي ناوية على بيات ولا ايه ؟!
_ انت ناوي على بيات ؟
_ دا بيتي .. انتي حولة ؟
_ قولنا بيت صاحبتيبصيت ناحية عايدة وانا بقلد نور
_ ما تتكلمي يا صاحبتي
عايدة مسكت اديها وحاوطتها بدراعها