حِلوان | ٣ ديسمبر ٢٠٢٢
_ قهوتك يا فندم
_ تمام، شكراً يا مالك
ابتسملي ابتسامة لطيفة.
اعتبر زبونة المحل ومالك بقا صاحبي خلاص
شاب لطيف في اول العشرين وصاحب طلة لذيذة بتشد معظم البنات للمكان وطبعاً دا لحلاوة القهوة مش لجمال طلة مالك بيه الوسيم.
_ خلاص بقا يا عزيز ابقى اقtلها يا عم وخلصنا من الفيلم الهندي دا
_ خسارة فيها اروح فيها في داهية
= تصدق حل مش وحش، اخلص منها يا عم بدل ما هي دايرة تكره الخلق فيك كدا
_ دي وقفت حياتي .. حتى الحاجة الوحيدة الي بحبها مبقاش في شغف اعملها
الحوار شدني، رجعت بالكرسي لورا وانا مستنية رده هو
" عزيز " زي ما سمعت اسمه ملقتوش اتكلم
بصيت بعدها بدقايق لقيتهم سابوه لوحده واستأذنوا ومشيوا
_ الاسبريسو بتاعي يا مالك
عينه كانت دم من كتر الغضب الي فيهم
_ ماشي يا مرام .. والله لوريكي.
صورة خام للخزلان المتشكل في عصبية وتوتر ورغبة في الانتقام.
سحب شئ محطوط قدامه على التربيزة
وقام من مكانه في نفس اللحظة الي مالك قربله بالاسبيرسو الي طلبه.
مشيت وراه بالعربية
وصل لبوابة الجامعة
هناك لقيت شِلة بنات واقفين ومن ضمنهم واحدة كانت بتضحك بصوت عالي وظاهر
وهو نزل من العربية
في لحظة لقيتني بجري وراه بكل سرعتي وقبل ما يرفع السkينة الي كانت في جيبه شديت دراعه لورا وزقيته ناحيتي
كل الناس خدوا بالهم من الموقف وبصوا لينا انا وهو.
_ حبيبي انت اتأخرت ليه.
حاوطت خصره بدراعي بعد ما سحبت منه السكينة وحطيتها في الشنطة
بصلي بزهول ورفع حاجبه
اما انا شديته من ايده
_ انا مستنياك من بدري على فكرة .. يلا عشان منتأخرش عن ماما
_ ماما!!!!!
_ ايوه يا عزيز .. ماما .. مالك
عدلته القنيص بتاعه بدلال وهو مش مصدق الي بيحصل وكذلك باقي الي حوالينا.
_ يلا
وشديته ورايا لعربيتي.
_ انتي مين ؟
_ مين الي ادهالك ؟
_ بقولك انتي م...
_ انطق مين الي ادهالك بدل ما اوديك في ستين داهية
ضحك بسخرية
_ انتي فاهمة اني هخاف كدا يعني ! انا واخد القرار وعارف ايه تبعياته
_ تؤ انت غبي مش عارف حاجة
_ نعم!!!!!!
_ تبعياته مش مجرد نطق بحكم الاع*دام ولا اثارة جدل كام يوم .. انت هتخسر نفسك واهلك وعمرك والانسانة الي انت حبيتها في يوم من الايام
_ ااااه انا عرفتك .. انتي ملاكي الي نازل من السما .. الحارس الروحي بتاعي!
ابتسم وهو بيمد ايده على شعري
_ بس انا مكنتش اعرف ان الحارس بتاعي قمر كدا .. متجيبي بوسة
