_ أنا حاسس اني ناسي حاجة
_ بابا!!!
_ تؤ ! يخربيت دا سن تلاتين أجدع!!!
_ بابا!!!!
_ ناسي ايه يا يونس ! ناسي ايه!!! اااه
حسيت بخبطة على دماغي فرفعت عيني ناحية البلكونة لقيتها حبيبة أختي
_ ابنك! ابنك يا متهول يا اهطل ابنك
_ ايه دا انا اجوزت ؟!
_ نهار أبوك اسود انت رجعت للصنف تاني
_ دا هو يدوبك سبع مرات في الاسبوع !
بصيت ناحية حسن ابني ومسكت ايده
_ تعالى يلا انت .. انت تبع مين
_ دا انت رجعت للصنف بجد يا يونس
_ في ولد محترم يقول لبابا رجعت ؟
_ طب يلا عشان متأخرش عالمدرسة
_ يختي اسمالله عليك وانت لابس الكرڤاته .. الواد رايح شركة أبوه
_ شركة ايه هو انت حيلتك تلاتة جنيه
_ شوف الواد قليل الادب الي ياكل وينكر انا مش جبتلك توينكيز ؟
_ دا انت كلته وادتني حته مفيهاش كريمة
_ مش كنت بشوفلك مدة الصلاحية !
_ الواد وراه مدرسة الله يخربيتك عالصبح
_ طيب طيب
شيلته على دراعي وركبته قدامي على الموتسيكل ولبسته الخوذة، حسن إبني وحته مني والقضية الي كسبتها قدام طليقتي من أربع سنين قبل ما تجوز وتسافر وتنسى تماماً وجوده عالحياة.
وصلنا المدرسة ووقفنا على باب الطرقة
_ يلا يا حبيبي خش
_ لا انا بخاف اخش لمس تميمة لوحدي
_ وانا كمان بخاف اخش لمس تميمة لوحدي
_ ايه
_ قصدي...
_ حسن !
رفعت عيني ليها وهي واقفة بـ الطقم الفورمال بتاعها
_ ادخل فصلك
_ حاضر
_ ولا ولا متسبنيش معاها لوحدي يلا
_ مع نفسك ينجم
_ مش رجولة على فكرة
رفعت حاجبها وهي بتشاور
_ دي طريقة تتكلم بيها مع ولد بريئ عنده سبع سنين
_ بريئ ايه ! دا تاجر أعضاء
_ أنت عارف يا استاذ يونس...
_ استاذ!!! بقا انا اقعد خمس سنين في هندسة ويطلع عين الي خلفوني وفي الاخر أستاذ اروح بيكي بيتي دلوقتي ؟!
_ نعم ؟!
_ اروح فيكي في داهية دلوقتي ؟!
_ وعايزني اقولك ايه ؟
_ قوليلي يا بيبي
_ ايه!
_ لامؤخذة يا أبله تميمة أصل ..
_ أبله؟!!
_ أ....
_ اششششش
_ آسف .. اتفضلي
بصتلي من تحت لفوق
_ ابنك درجاته زي الزفت
_ ازاي دا دا انا بذاكرله بنفسي
_ جايب ١٢ من عشرين في العربي
_ كويس انا بذاكرله ماث
_ وجايب تلاتة من عشرين في الماث
_ بسم النبي حارسه نبيه .. طالع لأبوه
غمزتلها وانا بركن على الحيطة
_ دا الي هو انا يعني
زقت ايدي الي كنت راكنها وهي بتبصلي بغضب وبترقب خطوة
_ لو حسن متقعدش معاه قعدة صح واتلملوا الدنيا هيضيع
_ ايه يعني أروح بيه الجبل أقعده مع شيخ القبيلة ؟
_ انت عبيط يبشمهندس يونس؟
_ ليه معنديش مخ ؟
_ ايه دا في ايه ؟ بتعمل كدا ليه ؟
_ انتي نرم ولا ايه!!
