_ الدريس دا ولا دا ؟
ابتسمت وانا ببصلها في المراية _ الإتنين حلوين وزي القمر عليكي
التفتت وابتسمت _ أنا مش مصدقة بجد يا إيثار، عمر وأنا هنتخطب ! دا حلم وبيتحقق
طبطبت على كتفها _ ربنا يتمملكوا على خير
التفت ولميت الهدوم الي حواليها ونظمتهم _ أنا هروح للترزي يظبطلك الكم عشان نازل جامد و هرجع أديهم الليست بتاعت الاغاني الي بتحبيها و أنزل أشوف اخبار الخطوبة ايه
سابت الدريس وقربت مني ومسكت ايدي _ انا بحبك أوي يا إيثار، بحبك بجد و مكنتش اتخيل في حياتي أن ربنا هيعوضني بأخت زيك
_ أنا موجودة عشانك
بوست راسها وخدت الدريس واتحركت
فريدة صاحبتي من وقت ما كنا عيال في إعدادي، هي وأنا كنا واحد، صعب تلاقي واحدة من غير التانية، لو حبيت في يوم تطلب حاجة من واحدة فينا دور عالتانية هتلاقيها، انهردا خطوبتها على عمر زميلنا الي في الكلية و الي اكبر مننا بسنتين و فرحتها مش سيعاها وأنا كمان مبسوطة اوي عشانها
دخلت السويت بتاعي، مهو أصل الخطوبة في الساحل الشمالي بعيد عننا ودا الي اصر عليه عمر، كنت محتاجة ارتاح شوية قبل الليلة الطويل بتاعت انهردا
اول ما فتحت اتصدمت بيه قاعد عالسرير
_ انت بتعمل ايه ؟ و دخلت هنا ازاي
_ انا ابن صاحب السويت يا إيثار
وقف وقرب ناحيتي _ كان نفسي اقول كل الي عايزه باخده لكن انتي كسرتي القاعدة دي
_ انت اجننت ؟ انت سايب فريدة وجايلي هنا الأوضة بتعمل ايه
_ جاي اشوفك
_ وتشوفي ليه و بتاع ايه ! ... بينا ايه انا وانت عشان تعوز تشوفني
_ انتي هتستهبلي .. إيثار ! انتي مراتي
_ كنت يا حبيبي كنت
_ انتي الي اصريتي عالطلاق .. انا مكنتش هطلقك
_ والله ؟!! ومين الي جريت أبوس ايده عشان يعلن جوزانا ؟ مين الي روحت لحد باب ڤيلته عشان يعترف بغلطته ؟
_ إيثار انا كنت طالب وقتها، مكنتش عارف اتصرف ازاي ولا اعمل ايه ؟ تعالي يا حساتي نحوز و نعيش بمصروف بابا انا وانتي و ابننا
حضنت بطني وأنا بفتكره _ وخلتني انزله
_ انا قولتلك نهرب
_ انت ايه يا اخي ! للدرجادي شايفني رخيصة ؟ اهرب معاك ليه و بصفتك ايه
_ انا كنت جوزك وقتها و كنت مستعد اسيب كل حاجة هنا عشانك و عشان ابني
_ انت أناني يا عمر .. طول عمرك وانت أناني .. تفكيرك دايماً بيبقى من جهتك انت وبس
وقفت عند الباب _ اطلع برا .. اطلع انا مش عايزة يوم فريدة يتنكد بسببك
_ إيثار .. انتي عارفة كويس اني اجوزتها عشان تبقي حواليا و عشان ارجع اشوفك
_ انت اجوزتها عشان هي غلبانة و عبيطة و فيها من هبلي بتاع زمان
مسكت دراعه _ لكن يا عمر اقسم بالله لو أي حاجة حصلت معاها او لعبت بديلك لهطلع عليك القديم و الجديد
سيبته و بعدت عن الباب بعد ما فتحته و اتحرك وخرج، جريت ورميت نفسي على السرير وانا بعيط و في دماغي فيديو بيتعاد لأول سنة في الكلية
