_ مفيش حكاية هو يا أنا يا هي
_ عليا ! انا مبحبش حد يحطني في خيارات وانتي عارفة، هو انا عيل صغير ؟
_ لا كبير .. وفاهم يعني ايه واحدة وواحد في اوضة واحدة بعد نص الليل
_ هو ايه الي واحدة واحد .. بقولك كان مغمى عليها
_ والنبي ! وهي ملهاش أخوات يسألوا عنها
_ لا ليها .. انا
سبتها ومشيت وخبطت على الباب الي قدام بابنا
فتحتلي
_ ابيه يوسف ازيك !
_ ازيك يا وداد عاملة ايه انهردا
_ أحسن
_ طب اتفضل
دخلت وبصيت حواليا، سمعت صوت والدتها بتقرب
_ يوسف ! تعالي يا حبيبي اتفضل
_ لا انا كنت جاي اشوف وداد عاملة ايه انهردا
التفتلها وابتسمت _ وشكلها بخير الحمدلله
ابتسمت_ الحمدلله
كانت هتقفل الباب قبل ما تواربه وتبص ببرائة
_ مش دي الدكتورة عليا خطيبتك يا ابيه ؟
بصيت ناحية الباب وسكت لكن لقيت عليا بتقرب _ لا .. الي كانت خطيبته
وقلعت الدبلة ومشيت
وداد وقفت مكانها مش عارفة تتصرف هي ووالدتها .. أما انا وطيت ومسكت الدبلة و حطتها في جيبي وابتسمت
_ عاملة ايه عالغدا يا طنط ؟
***************************
_ انت اجننت يا يوسف ؟
_ فين القهوة ؟
_ يعني ايه فسخت خطوبتك من عليا مش فاهم
_ المج بتاعي كان هنا و ديته فين ؟
_ بعد الحب دا كله في الجامعة و التعب دا كله عشان تتخطبوا
_ فـ...
_ يوسف انا بكلم
_ انت بتضحك علي نفسك
شغلت الكوفي ماشين ومن غير ما ابصله
_ انا وعليا عمرنا ما كنا لاڤ استوري أصلاً .. عليا كانت عيزاني ابقى من ممتلكاتها وخلاص يا سيف
_ اوماله يا اخي .. مش خطيبها و كنتوا هتبقوا متجوزين كمان شهور !
_ يلا مفيش نصيب
_ طب ما تحاول تلطف الدنيا و ..
قلبت القهوة و حطيت جمب المج شكولاته غامقة _ متخافش .. مش هتترفد من المستشفى
_ انت فاهم اني بعمل كدا عشان المستشفى ؟ أنا ...
بصتله بصه ففهم اني فاقسه
_ ماشي .. بس دا ميمنعش اني خايف عليك بردو
_ متخافش انا كويس
تليفوني رن برقم وداد ..قلبي دق مرة واحدة و رفعت السماعة
_ أبيه ... أبيه تعالي حالاً
_ وداد ؟ في ايه ؟ مال صوتك؟
_ تعـ...
_ انتي فين ؟
_ انا ؟ .. انا .. انا مش عارفة .. مش عارفة
_ ابعتي اللوكيشن وانا جايلك حالاً
قفلت معايا وانا مخضوض، طلعت اجري عالسلم بسرعة وبدور على المفاتيح بتاعت العربية وانا سامع سيف بيحاول يوصلي
وصلت للمكان الي بعتتهولي
كان اشبه ما يكون بصحرا، مفيش ناس كتير و لا المكان فيه حياة
نزلت من العربية وفضلت ادور عليها لحد ما سمعت آنات جاية من بعيد
