الأسكندرية | ١٨ نوڤمبر ٢٠٢٢
_ صباح الورد ملكتي المتوجة
بصيت على الرسالة
يا رب ابتدينا!!!
بعدها بثانية لقيته باعت استيكر gif
وردة حمرا !
_ الورد للورد
عملت بلوك ورجعت قعدت في مكاني
_ ماشي .. ان ما رجعتلك دهبك مبقاش أنا
سمعت صوت الفون بيرن لقيته هو
_ تعالى خد دهبك
سمعت صوت ضحكته
_ بهزر بهزر ... مالك !
_ متهزرش
_ على فكرة دا مش تعامل مع خطيبك
_ انت صدقت نفسك يا عزيز! .. احنا مخطوبين لفترة محددة كدا و هنفركش ودا عشان انت لازقة مطفشتش في فترة التعارف
_ اعترفي بقا اني ابهرتك
_ بقولك ايه.. اخلص .. عايز ايه
_ ماما عاوزانا نخرج سوا انهردا .. وانا قولتلها انك موافقة
_ من غير ما يتاخد رأيي!!!
_ اه .. سوري .. موافقة ؟ تمام .. انا جاي
_ ايه دا ايه دا !
قفل معايا وبعدها بدقايق لقيته بيزمر بالعربية تحت
نزل منها وركن عليها ورن عليا وانا في البلكونة
_ انت هنا من امتا
_ من ساعة ما كنتي عايزة ترجعي الدهب
_ انا مش طيقاك
_ طب انزلي
_ مش نازلة
_ كنت عامل حسابي
مد ايده في العربية وطلع روچ ورفعه قصادي
_ ايه دا !
_ اعملي zoom يعسل مش ناقصة عbط
_ دا صباع روچ!
_ صباع روچ! مع السلامة يا أرق فلاحة
دخل العربية
_ استنى انا نازلة اشوفك جايب ايه
قفلت معاه ونزلت اجري بإسدال البيت ووقفت عند البوابة
بصلي من العربية ومنزلش
_ لا والله!
_ مالك ؟
_ نزلالي بالاسدال! دا ايه الاجتهاد في اختيار الاوتفيت دا
_ متخلص وتنزل
نزل من العربية وهو بيبص حواليه
_ اخلص جايب ايه
_ الدنيا حر انهردا
_ انت عبيط يالا! .. لابس چاكيت جلد وشال على رقبتك ومربي شعرك ودقنك عشان البرد وجاي تقولي حر
_ خدتي بالك من الاوتفيت الي من زارا
_ سطحي
_ اسدال أمك دا !
_ بقولك ايه والله ادخل
_ وايه دا ايه دا !!! شبشب! .. نازلة لخطيبك بشبشب!
_ تمام
كنت هدخل لقيته جري ووقف قدامي
_ طب اتنيلي اقعدي على السلم هنا لحد ما اجبلك الحاجة
غاب ثواني ورجع
_ اتفضلي
_ ايه دا !!!
_ صوباع روچ يا حبيبتشي
_ بطل غلاسة .. انت جيبت كيكو والدرجة دي منين
_ لقيته تريند فالشهامة خدتني اوي واتحطيت قدام الامر الواقع وجيبته
_ امر واقع!!!
_ ان شاء الله هحطه لأبوكي في القايمة
