_ بطاقتك
_ .......
رفعت عيني ناحيتها_ ايه؟ مش معاكي هي كمان!
سكتت
رجعت بضهري لورا
طلعت سيجارة وولعتها_ يعني كاسرة الاشارة .. وخابطة عربية الراجل .. ومش شايلة الرخصة .. وكمان مفيش بطاقة!
_ يوه! على فكرة بقا هو الي داخل غلط
_ انتي ماشية معاكس في طريق وان واي!
_ يوه! ودا يطلع ايه دا !
_ اتجاه واحد
_ ايوه فين المشكلة بردو
_ فعلاًخبطت بكل قوتي عالمكتب فانتفضت وهي بتبصلي بتوتر
_ فين المشكلة اما تخلي اربع عربيات هتتقلب واتوبيس نقل تقيل يقف يوقف الشارع كله وراه
_ معندوهمش احترام الست! .. أ...
_ اسكتي
_ اسكت؟ .. دا انت عايز تقبع حريتي بقا!
_ بت انتي!!زعقت وبرقتلها
_ اقبع يا باشا براحتك احنا خدامين الحكومة
رجعت اقعد عالمكتب
_ أنت .. خد بطاقتك واتفضل روح
بصلها الشاب الي كسرتله عربيته بغيظ وهو بيتوعدلها
_ بصلي كمان يولا .. كولني يولا أحسن .. اقولك أ...
_ خدي خدي انتي رايحة فين ... خدي !!!!!
_ روح يالا موقف المرج واسأل عليا هناك يالا .. دا فاكرني جود جيرل ابو كحكة!بصيتلي بعد ما كانت هتخرج برا تشرشحله اكتر.
_ انتي هتتلقحي هنا عندنا لحد ما نشوفلك حد يضمنك
_ الله! الضامن ربنا سعادتك .. وبعدين مين هيجي دا لا أب عايش ولا أم عايشة
_ ملكيش اخ عم خال
_ لا انا وحدانية وابويا كمان وحداني وخالي واكل ورث أمي الاهي يطفحه
_ امممم
_ وعمتي مجوزة راجل اكبر منها بعشرين سنة .. شوجر دادي يعني
_ انتي هتحكيلي قصة حياتك!!!!بعد ما زعقتلها سكتت
فبصتلها بفضول_ وبعدين انتي مش قايلة أبوكي وحداني!
_ ايووووه! .. مهي اصل عمتي دي حكايتها حكاية
_ صبرااايدخل صبري فبصيلتلها وانا بكلمه
_ خدها نزلها الحجز لحد ما نشوفلها صاحب
_ اوعا يا صبري اياك تلمسني هتحرك لوحديقربت من المكتب
_ سايق عليك النبي .. الاتوبيس بتاعي خلي بالكوا منه
_ شيلها من قدامي يا صبري!سمعتها وهي بتزعق برا
_ دا عليه اقساط يا باشا والله
*********
= وبعدين ؟
_ ولا قبلين يا أدهم .. رميتها في الحجز تحت
= يعني غريبة
_ جداً .. شكلها بنت ناس أوي يا اخي .. لكن اول ما تفتح بوقها...• يوسف بيه
بصيت لصبري بزهول من توتره.
• الحجز تحت
_ ماله!