وسط البلد | ٢٦ نوڤمبر ٢٠٢٢
_ يا بتش يا بتش اسمعي كلامي
_ لا يا عمتي انا لا يمكن انفذ الي بتقوليه داعدلت النضارة وانا ببص في الفراغ وبتجنب عنيها
_ خلاص انتشي حرة خليه يروح من ايدك
_ يوووه! يعني يااهو كدا يا كدا !
_ يبتش متبقيش فقرية وعندية زي أمك
_ يعمتي يعني انا غلطانة اني قولتلك على الحوار!
_ يحبيبة عمتك ما انا عايزة اساعدكمسكتني من ايدي وقعدتني جمبها
_ دا شيخ كبير وسره باتع
سكت وسيبتها تكمل
_ وبعدين يا خايبة ما غيرك عملها وفلحت واديكي مش خسرانة حاجة.
_ طب هو .. هو هيتأذي
_ لا طبعاً .. دا عمل بالمحبة لا يمكن يأذي.اتنهدت وانا مش عارفة ايه الي مستخبي وجاي.
_ ادخلي يا شابة
زقتني لجوا بقوة كنت هتكعبل، دخلت في مكان كله دخان
وريحته غريبة
مزيج من البخور وروايح تانية مش قادرة احددها_ خشي .. خشي يا ليلى
ميلت على عمتي
_ هو دا الكبير يا عمتي دا تلاقيه حديث التخرج
_ وماله يحبيبتي دعمي شباب بلدك.بصيتله.
_ انت عرفت اسمي منين
_ الست الي برا سألتك ودخلت قالتلي .. هي ناقصة غباوة اقعديبصيتله وانا ببلع ريقي
كان لابس عباية طويلة وماسك في ايديه سبحه_ النار
_ افندم!
_ فين النار ؟
_ لا دي بقت اولد فاشون
_ اولد فاشون!!؟ميلت على ودن عمتي
_ انتي جيباني لساحر ولا لسامو هجرس
مد ايده عشان اسكت
_ انتي عايزة تعملي سحر بالمحبة لزميلك في الكلية.
_ انت عرفت منين
_ نفس الست الي سألتك برا بردو .. فتحي كدا
_ امم ايوه ايوه
_ اسمه ايه !
_ اسمه يو... ايه دا ! انت مش المفروض تعرف المعلومة دي لوحدك
_ ليه كنت السجل المدني يعني ولا ايه!
_ انت مش المفروض عندك عفاريت بيجبولك الاخبار دي
_ لا واخدين vacation
_ العفاريت واخدين vacation!
_ ايه مالهم بيتعبوا معايا بديهم بريك ... سيبك انتي تشربي ايه
_ ايه دا ايه دا انا قاعدة عند خالتي! ما تشوفي يا عمتي البلوة الي انتي جيبانا ليها دي.
_ سيبك من عمتك خليكي معايا
_ دا انا قاعدة مع خالتي وجارتها على مصطبة بيتهم فعلا مش هزار.
_ الواتس
_ اشمعنا
_ هو عندك عالواتس ؟
_ اه .. ليه !
_ جربتي تنزلي لينك صراحة وتعملي للكل هايد الا هو
_ قديمة واتفقست
_ فعلا انا لسه واحدة عملهالي من كام يوم قفشتهاميل وقرب ناحيتي
_ ما انا اصلي مخليها مسجلاني مرتين
_ نخش في الموضوع على طول نخش في الموضوع
_ طيب طيب .. استوريهات الانستا الكلوز فريندس
_ قديمة بردو
_ ابعتيله ادد وشيليه
_ انت عبيط ! .. انت بتقول ايه! .. يلا يا عمتي نمشي
_ طب استني طيب