المعادي | ٣٠ نوڤمبر ٢٠٢٢
_ هنرجع ؟
_ جايز !*******
بصيت في الساعة جمبي
اتنين بعد نص الليل
ضربته على كتفه عشان يصحى_ عمر قوم .. قووووم
_ امممممممدارى وشه الناحية التانية وهو بيشد البطانية عليه
_ قوم يا عمر دورك
_ قومي انتي المرادي
_ لا وربنا ما تحصل .. قوم
_ طيب شوية شوية
_ عمر الولد بيعيط .. قوم غيرله.
_ يوووه يا نوران انتي امه
_ وانت ابن اخته يعني ما انت ابوه .. يلا بجد الواد على صرخة واحدة
_ طب ما تقومي ترضعيه
_ لا رضعه انتهنا فتح عينه وقام
شعره كان منعكش حواليه بطريقة عشوائية محببة ووشه عليه علامات النوم_ انا عاوز حضرتك تكنعني ازاي
_ مليش فيه هو كدا
_ يا بنتي تشريحياً مش هينفع
_ قوم غير لابنك يا عمرزقيته من على السرير
_ طيب طيب قايم
قام وهو بيتاوب وبيمسح عنيه زي الاطفال
ضحكت عليه ورجعت نمت
وسمعت صوته وهو بيصيح
دخل عليا الاوضة وهو شايل البامبرز_ تعالي شوفي ابنك
_ ماله!؟؟؟شال البامبرز ورفعه
_ بيسرب تقريباً
_ عمر!
_ عمر ايه ونيلة ايه .. انتي مأكلاه كرنب!
_ كرنب!
_ الواد عنده تسع شهور .. عملتيها ازاي يا قادرةمسكته من ايده ودخلت
غيرت للولد وشيلته وادتهوله_ متخشش تنام جمبي قبل ما تنيمه وتطمن انه نام نص ساعة كمان
_ يخربيت الزولم والاستبداد
_ مش انت الي جايبه ؟
_ جبته لوحدي! مهو بمزاجك
_ اشششششش
_ بقولك ايه .. لو انا كنت خاtفك ومعذbك قبل الجواز صارحيني.سيبته ودخلت نمت
بعدها بساعات لقيته داخل ينام جمبي
وسع دراعي الاتنين ونام في حضني زي الاطفال
حسست على شعره بحب_ نام ؟
_ امممم
_ طب يلا نام انت كمانقبل ما يسمع الجملة كان فعلا استسلم للنوم
اما انا فضلت املس على شعره لحد ما روحت انا كمان في النوم._ القميص الأبيض ! .. القميص الأبيض فين!
_ عزيز وقع عليه لبن
_ اييييه!!!!!!!!لمحته وهو شايل الولد وبيبصله بتحدي
_ انت بتبوظ لبابي هدومه! .. انت حقودي يالا .. متغاظ عشان انت لسه طفل معندكش سيكس باكس!
خدت الولد منه ولبسته قميص تاني
كنت بقفله زراير القميص وهو مبتسم بسعادة زي العيال_ انت اتهطلت يا عمر ولا ايه!
لمحته وهو بيفتح اول زرارين كعادته!