_ طالعة من Pinterest
_ يعني ايه
_ طبعاً .. كنت متوقع ايهخبطت الشنطة في كتفها وقعدت جمبها
_ عملت ايه في الورق ؟
_ طلعته .. امسكياديتها ورقتها وبصيت على الشباب وهم بيتصوروا وبصيتلها وهي بتاكل
اتنهدت وانا بمد ايدي وباخد ساندوتش_ طب ايه ! مش هنروح نتصور مع العالم الي هناك
_ لأ .. انا اصلا مش طيقاهم
_ ولا انا .. بس لزوم الشو يمكن نطلعنا بعروسة ولا حاجة
_ لا وانت بتاع جواز اويقطمت من الساندوتش في اللحظة الي سمعت فيها داليا زميلتنا
= ايه يا جماعة مش ناويين تحضروا الـ vibes
ابتسمتلها وانا ببص للي جمبي _ معلش أصل انا معايا مطلقة ارملة بتجري على سبع عيال وامهمنغزتني في بطني وهي بتاكل الساندوتش ومتكلمتش
= طب ما تيجي أنت يا زياد
بصيت ليها مرة تانية لقيتها بتاكل بردو ومش مهتمة
_ لا لا انا قاعد هنا .. شايفة المكان الي قاعدين فيه .. الشمس حامية .. مفيش ضل نقعد فيه وانا بحب جلد الذات دا الصراحة
= اممم واضح .. بتعشقهوكانت بتبص لـ أسيل الي قررت تشرب العصير .. بتاعي!!!!!
= طيب أسيبك يا زي .. طبعاً لو عوزت تـ join us احنا مستنيينك
_ اومالهمشيت وسابتنا وأسيل اتأففت
_ قوم نتمشى
_ بجد ؟
_ اه مالك ؟
_ ياااااه كنت فاهم اننا هنلعب تماثيل اسكندريةقامت وبصتلي بقرف، انا عارف ان دمي تقيل بس مش للدرجادي.
_ تيجي ناخد سيلفي ؟
_ شعري مش مظبوط
_ لا لا انتي زي القمررفعت الفون وكنت لسه هاخد الصورة لقيت وش أسمج شخص في الدفعة
= جود مورنينج يا اسيل .. أهلا يا .. كان اسمك ايه
_ أمكضربتني مرة تانية في بطني عشان اسكت وابتسمت هي بطلف
_ أهلاً يا عوف ازيك
= بخير .. دا انا اتصبحت بوشك الصبوحبصيت انا لعنيها المبتسمة وليه وهو مركز في وشها
_ صبوح مين دي جيالنا بعماصها!
_ زياد.؟!!!!!!
= سيبك منه .. احنا والشلة قاعدين كلنا هناك لو تحبي تيجيمسكت الشنطة بتاعتها قبل ما تتحرك
_ اااه وتروح معاك وهههه ضحكت عليكي الشلة مش هنا .. لا احنا ورانا حجات أهم يا حبيبي
بصتلي بعنيها الي بتسرقني من الموقف.
_ حجات ايه
_ هنلعب تماثيل اسكندرية .. بعد اذنك ياااا .. هو انت كان اسمك ايه ؟