_ واحد إتنين تلاتة أربعة
= على فكرة المفروض عند تلاتة
_ لا يا عم أنا خايف
= يا بني روح كلمها مش يمكن توافق
_ لا لا مش هتوافق دي الكلية كلها عارفة انها جد
= يا ابني انت جاي في حلال مش جاي تلعب
_ تفتكر هتحرجني ؟!
= لا مش هتحرجك روح بس وسيب الباقي هلى ربنا انت مش نيتك خير
_ اه و الله العظيم
= يبقي دوس يا صاحبي
********************
_ احم آنسة فاطمة
التفتتلي بنظرتها الهادية الي دايماً بتخطفني وقفت متنح للحظات لقيت وشها فجأة قلب وردي فعرفت اني زودتها
_ احم أنا آسف ممكن نتكلم سوا شوية
= لا مش ممكن
_ استني بس
مديت ايدي اما هي بصت بغضب ناحية ايدي فرجعتها جمبي
_ آسف مكنتش اقصد
= خير يا بشمهندس عليّ في حاجة
_ انا .. انا بصراحة
= بشمهندس احنا في الشارع ووقفتنا دي مش محببة
_ أنا آسف انا .. انا مش عارف المفروض بتتقال ازاي
= هي ايه دي ؟!
بصيت جمبها على ايدها اليمين لقيت حسين صاحبي بيشرورلي اني اكلم
_ بتقول ايه يا حسين
= حسين ؟!!
_ لا لا انا آسف مقصدتش
= ........
_ خلاص اهو بصي ، بصي بعيد و انا هقلها
= لا انا مش فاضية للكلام دا
_ لا لا طيب بصي انا انا في الحقيقة مش اول مرة اكلم بنت، انا يعتبر دنجوان الكلية و البنات كلها تعرفني والله
= انت موقفتي عشان تقولي إنجازاتك ولا ايه
_ لا والله مقصدتش انا عايز اقلك اني اول مرة ارتبك وانا واقف قصاد بنت بالشكل دا
= امممم ، و الجملة دي قلتها لكام بنت شكلي كدا قبلي بقا
_ انا مش محتاج اني اقول حاجة اساسا عشان البنت تقع
= انت مش شايف انك طاووسي شوية
_ طاووسي يعني مغرور مش كدا
= انت عايز ايه
_ عايز اجوزك
= افندم ؟
_ عايز اجوزك
= انت شكلك فاضي و طالبة معاك تسلية
جريت ووقفت قصادها
_ لا على فكرة انا لا فاضي و لا انا بتسلى انا فعلا معجب بيكِ وعايز اتقدملك
= يا بني انت فاهم اني عبيطة و ان غيرك معملش الحركة الي اتهرت في كل الافلام العربي دي
_ انا بقلك الكلام بجد و انا بعرفك لاني انهردا هاجي البيت عندكوا
= لا يا شيخ و كمان وصلت للعنوان
_ انا اما بحط حاجة في دماغي بجبها
= طيب اما نشوف
_ بتتحديني
= انا واثقة اني الي هفوز، انا قبلت زيك كتير اوي يا هندسة
_ خلاص انا هاجي و انتِ هتوافقي
= ...... .
_ ايه مالك مش كنتِ واثقة ؟!
= ماشي موافقة
_ يبقي على معادنا انهردا الساعة تمانية و نص
= لو جيت تمنية و نص ودقيقة هكون انا الي كسبت الرهان ومش هفتحلك الباب
_ تمام
= تمام
_ اه صحيح مقلتليش هتعملي ايه فيا لو انتِ ااي كسبتي ؟!
= هضربك بالقلم قدام المجمع كله يا دنجوان
**************************
الساعة تمانية وتلت
_ لسه مجاش يا بابا ؟
= لسه محاش يا حبيبتي انتِ مالك متسربعة عليه كدا ليه
_ متسربعة انا متسربعة ؟!
= اه يعني حاجة غريبة اول مرة تكوني عايزة تقابلي عريس
_ هه دا انت طيب اوي يا حج
الساعة تمانية ونص الا خمس دقايق
_ مفيش عربيات، خلاص هكسب الرهان
الساعة تمانية ونص الا تلت دقايق
_ خل....
= تعالي يا فاطمة افتحي الباب
_ جيت !!!
ابتسمت بهدوء وانا بمدلها ايدي بالورد و الشكولاته وغمزتلها بعيني، وشها احمر للحظات ودارت عتيها عني
= انا عليّ في آخر سنة هندسة السنادي و عندي شركة انا وصحابي بنبتدي لسه فيها بعيد عن أهالينا
_ امم انا بحب الشباب المكافح
= احم ، انا كنت طالب ايد بنت حضرتك فاطمة واتشرف جدا ان قبلت وادتهالي
_ ايوه يا ابتي بس هو انت شفتها فين قبل كدا
= هو انا في الحقيقة يا عمي مشفتهاش انا اتحكالي عنها و بعدين شفتها
_ ازاي يعني
= يعني انا سمعت انها محترمة و ملهاش في العوج ومشيها مستقيم قربت و راقبتها من بعيد و اعجبت بيها فجيت على طول
_ انت شكلك ابن ناس ومحترم لكن اهم حاجة رأي العروسة
= لا متقلقش هي موافقة
_ نعم
= قصدي طبعا يا عمي طبعا
**********************
_ طيب انا هسيبكوا تتعرفوا على بعض شوية
رجعت بصتلها لقتها بتبصلي بنظرة غريبة وغلى وشها ابتسامة فخر
_ مالك ؟ بتبصيلي كدا ليه
= مش مصدقة ان في راجل عمل بكلمته
_ دا انتِ شكلك مليانة
= ياااه كتير اوي وقفوني قبلك الوقفة دي قال ايه كدا ييخطفوا قلبي وهروح اسمع عمرو دياب وحوار
_ ........
= لكن انت اهو .. جيت
_ طب انا كدا كسبت الرهان
= هتصدقني لو قلتلك اني كان نفسي تخسره
_ ......
= قبل دلوقتي يعني
_ يعني موافقة
= انا مبرجعش في كلامي
_ طيب ننادي الحج عشان نقرا الفاتحة
ابتسمت بهدوء و قرينا الفتحة
_ أحمد يلا عشان تروح المسجد مع بابا
= بابا بيسبني اقف لوحدي وانا بخاف
_ بابا عاوزك تعتمد على نفسك وتقابل ربنا وانت راجل كدا واثق من نفسه
= ........
_ يلا يا حبيبي صلاة المغرب كام ركعة ؟
= تلاتة
_ شاطر حبيب ماما
_ ايه دا و بابا
= بابا حبيب ماما الكبير هو حبيب ماما الصغير
_ اتوضيت يا أحمد ؟
= .......
_ مدام سكت يبقا قدامي عالحمام يا باشا عشان نتوضى من اول وجديد
*************************
#نانسي_أشرف
_رأيكوا فضلاً 💛
