_ ها بقا الكلام عليه ؟
_ ايه دا في ايه ؟ .. ايه الثقة الأوڤر الي انت داخل بيها دي ؟
_ الله! احنا مش هنفطر ؟
_ هفطر .. أنا لوحدي .. مفيش هنـ دي خالص !
_ ايه يا بت النفخة الي انتي فيها دي ؟ على اييييييه !؟
_ نفخة ؟! هو أنت لسه شوفت نفخة دا أنا هخليك تندم انك سيبتني يا ابن تهاني
_ مخلاص بقا ميبقاش قلبك أسود .. وبعدين يستي انا مش دخلتلك الشات امبارح
_ اه وبعتلي اذكار الصباح والمساء
_ شوفتي عاوزك تبقي رفيقتي الي الجنة يا بت
_ جرا ايه يلا يالي مبتركعهاش الا في العيد .. انت هتعيشها عليا ؟
_ الله! انا بحاول انشر الاسلام
_ ونشرته لكام شات بقا
غمز وهو بيحط ايده في جيبه وبيقرب
_ لا مش عارف الصراحة مبعدش احسن البركة تروح
_ عايز ايه انت دلوقت
_ عادي .. الي بيحصل كل مرة
_ الي هو ؟
_ نرجع
_ لأ
_ ماشي وبعدين ؟
_ وبعدين انت هتروح لملك .. يبتاع ملك
_ خدي بس خدي يااااه عليكي وانتي قفش اوي
ابتسم وهو بيوطي راسه وبيقرب من وشي
_ وبعدين تعالي هنا .. انتي عرفتي منين اني رجعتلها
_ مش كانت عملالك كومنت امبارح
_ هو انتي مش المفروض عملالي بلوك ؟ واني لو عوزت اكلمك ابقى اكلمك من القمر الصناعي ؟
_ لا ما انا عاملة اكونت فيك اسمه ex سيف بتاع النسوان
_ ازاي مارك يسمح بالمهزلة دي !!!!
_ وبعدين خد هنا .. انت عرفت رقمي الجديد منين
_ سألت واحد يعرف واحدة تعرف واحد جار واحدة صاحبتك
_ اه صاحبتي دي الي اتهدولك يعني ؟
_ لا خدته من الشئون عادي
_ دا انت بايخ جتك نيلة
_ يلا عشان عصافير بطني بتصوت
_ صوتوا عليكوا ربع ساعة وسكتوا يا بعيد
قرب اكتر فبعدت خطوة
_ واهون عليكي ؟ .. يجرالي حاجة ؟
_ اه .. روح في داهية انت وحريمك
_ تمام ماشي .. ميرسي
_ انا رايحة المطعم لو جيت ورايا انا هزعلك
_ اكتر من كدا ؟ ما انا زعلان خلقة
_ يحبيبي ! يواد انت يا متأثر
_ والله متأثر .. دا انا حتى مكلتش الا اربع سندوتشات شاورما واتنين حواوشي ؟
_ ايه دا ؟
_ دا تسليك معدة
_ مكانك هنا هه ؟ .. مش عايزة اشوفك قدامي
حاولت ابعد لقيته رجع يقف قصادي
_ انتي بتكلمي كدا ليه يا بت انتي ؟ انتي واقفة مع سيف الدين
_ يعني سيف الدين قطز ! يشيخ اتنيل بلا وكسة .. هو انت يلا حد كان يعرفك قبل ما أرتبط بيك ؟
_ اه يختي .. اه يختي كنت معروف ومكنش ليا في الارتباط أصلا وكنت مقضيها .. انتي الي جيتي وقعتيني
_ قال يعني فرق معاه
_ لا فارق .. والا مكنتش وقفت الوقفة دي في عز الحر دا
_ حر ايه احنا في يناير والدنيا هتمطر !
_ واريفير
_ حافظ مش فاهم ..وربنا حافظ مش فاهم وحاجة تعر
رفعت عيني ليه من غير ما اتكلم اما هو اتنهد
_ خلاص بقا روقي .. يستي حقك عليا اول ما اروح هعمل لملك بلوك
_ ...........
_ تمام .. ومريم
_ ...........
_ ماشي وإسراء
_ ..........
_ لا كدا مش هيبقى في استيبن
