_ يولاد الحلال مش كل ما أعجب بواحدة تطلع مجوزة عايزين نعيش
_ أنا مراتك يا اهبل
قالتها ودخلت المطبخ تحط الفطار وروحت وراها
_ مش ممكن ! ... كل دا بتاعي! دا حظ دا ولا قلة بخت!
_ ايه دا ؟!
_ انتي عارفة يا ليلى
_ لا مش عارفة
_ ازاي دا ! دا كل الناس عارفة
_ اطلع برا يا وئام مش طيقاك
_ حد يقول لفرعونه حبيبه مش طيقاك
_ ولاا!
_ وكمان ولا! .. دا انتي ياسمين عز لو عترت فيكي هتشلفك
_ وئام .. اخلص .. عايز ايه عالصبح
_ هعوز ايه يا قلب وئام
قربت منها خطوة
_ يعين وئام
وكمان خطوة
_ يروح وئام
كنت هقرب اكتر لقيتها رفعتلي صباعها
_ وئام!!!!!!!!
_ عاوز ملوخية عالغدا
_ مفيش ملوخية انهردا الاتنين
_ يعني ؟
_ يعني عدس .. عدس يا وئام وعدى نهارك
_ عدس!!! ... هو الاتنين دا بيجي اربع مرات في الاسبوع ولا ايه
_ خلاص يبقى مكرونة وبانية
_ تاني! .. مكرونة تاني .. انا حاسس انهم حطوا حجر اثاث مصنع المكرونة جوا بطني يا ليلى
_ اخخخيييه على ليڤل الكوميديا
_ بطلي هري عشان كومديتي هي الي جابتك
_ وئام ! انا اجوزتك عشان متجبش السكر لأبويا وأمي
_ بتحبيني والله بتحبيني
_ حبك برص
_ سو .. يا رب تبقي برص
_ بطل تقل دم يالا .. يالا يخربيت سنينك
طلعت وقعدت على الكنبة وطلعت وراها
_ ليه ؟
بصتلي وهي مش فاهمة سؤالي
_ ليه ايه ؟
_ ليه تظهرين القوة وانتي رقيقة كفراشة في ربيع الحياة و...
_ اششششش .. كلت دماغ أمي .. هعملك ملوخية
_ ماشي
مديت شفايفي على هيئة بوسة وغمضت عيني
_ دا ايه دا ان شاء الله ؟
_ بوسة الشغل
_ اه بردو عايز ايه
فتحت عين واحدة وانا بقرب منها
_ بطل عبط عالصبح .. عايش في ضواحي تيكساس يا ابن عباس رضوان!
_ لاااااا بقولك ايه انا مجوز عشان المشهد دا .. دا انا اروح فيكي في داهية
_ لا يا راجل! .. وبتتمطع اوي
_ اتمطع براحتي دا بيتي .. ودي الكنبة بتاعتي .. وكيلو التفاح الي هناك دا انا الي جايبه
_ يا ربي عالرخامة عالصبح
_ خلاص .. تمااااام .. انا هروح الشغل واخلي السكرتيرة تشوف شغلها
مسكتني من هدومي قبل ما اطلع _ وئام!
_ بتحبيني .. قولتلك .. لماذا تظهرين القوة وان...
_ يووووه
باستني من خدي ومشيت وانا ابتسمت وخرجت.
بليل رجعت ولقيتها عملالي الاكل وحطاه ونايمة على الكنبة
انهردا اتأخرت جامد في الشغل وتقريبا هي كانت مستنياني
ابتسمت وانا برجع خثلة من شعرها لورا وبوستها في جبهتها فصحيت
_ انت بتعمل ايه! .. يالهواااااااي
