_ يا رب يحبني
_ يا رب يعرفكيونس عز الدين
البطل الخفي الي يمكن كل الناس بتدور عليه جوايا ومش لاقيينه الا طبعاً عايدة صاحبتي_ جرا ايه يا نور؟! انتي مش واخدة بالك انه ميعرفكيش ؟
حكاية معتادة لفتاة في عمر العشرين وأخو واحدة صاحبتها الي بيكبرها بسنتين، دعاء .. لابطيقها ولا بطقني
_ يا حبيبتي يا دعاء أخبارك ايه انتي وحماتي
_ نعم ؟!!
_ قصدي أمك
_ نور انتي بتقولي ايه!!ابتسمت من غير نفس
ربنا يديم عدم القبول الي ما بينا_ هناك اهو الكازانوڤا بتاعك
بصتله، كان لابس قميص اسود، بيتعمد يفتح زرايره الاولى و بنطلون كحلي، معلق النضارة على القميص من قدام وبيبتسم ليوسف صاحبه وكالعادة مش هتكتمل لوحة الدنجوان يونس من غير الصحبة الكريمة وعلى رأسهم
الافعي امو عيون خضرا
" شيرين "_ يونس! مش يلا بقا عشان نروح
هموت واعرف ايه لازمة انها تمط شفايفها بالشكل دا اما تيجي تكلمه!
ايه السر ؟!
انا فاتني درس الأنوثة دا يعني ولا ايه ؟_ انتي بتكلمي نفسك يا نور!
كنت لسه ببص لشيرين وهي خطفاه وماشية_ الله ياخدك انتي وصباع الروچ الي هارية الي خلفونا بيه دا
_ لا حول ولا قوة الا بالله
_ ماسكة في رقبة الواد مش عايزة تسيبه بنت الأنانية
_ يا حبيبتي يا بنتي! الواد جننك يخربيتك يا يونس يا...
_ لا الف بعيد الشر عنه انشالله انتي
_ والله ما فات عليكي رباية انا غلطانة، انا هقوم آكل لوحديلزقتلها قبل ما تطير وروحنا ناكل .. كالعادة
_ هتطلعي الرحلة ؟
_ لأ
_ يا بنتي دي الرحلة الي كنتي مستنياها وفالقة نفوخي بيها
_ لأ، انا اوت اوف مود و اوف بيزنيس ولو اقدر أ أوت من حياتي هـ اوت
_ دا انتي بومة
_ اهو انتي يا عايدة يا امو بوز شبرينعدا من قدامي هو وشيرين والشلة حواليه
_ هتبقى رحلة حلوة اوي يا يونس
_ طبعاً، انا متأكد من داالتفت لعايدة الي كانت بتدور على الفون بتاعها في الشنطة
_ مقولتليش بقا بنسجل اشتراك منين ؟
_ ممكن أقعد هنا
_ متقعد حد مـ.....بلعت كلامي وانا بتأمل ملامحه اقرب، ابتسم وهو بيشيل الشنطة من ضهره وبيقعد جمبي
_ أنا يونس
_ حد ميعرفكش!
_ طيب، حلو اوي وفرتي عليا كتير الصراحةسكت وهو لسه باصصلي وانا مش مصدقة انه ساب الكراسي كلها وجه قعد جمبي
_ اه .. انا نور
_ حد ميعرفكيش؟
_ ايه دا انت تعرفني
_ طبعاً دا انتي كل سنة بترتبي عالدفعة