التجمع | ١١ ديسمبر ٢٠٢٢
" Better together"
_ بعد اذن العبط .. ايه دا !
_ خطوبتنا
_ خطوبة مين !
_ تنا
_ مين
_ انا وانت
_ مين دول
_ احنا
_ خطوبتنا! .. انتي مين أصلا ! .. وايه دا .. ومين دول !
_ احنا مش لعبنا الشايب امبارح ؟
_ حصل
_ وانت خسرت
_ تقريباً
_ بعدها كان لازم كل واحد يحكم عليك حكم
_ و؟
_ كل واحد حكم عليك حكم
_ فُل
_ انا بقا قولتلك تخطبني.
_ استر يا رب
_ وجبنا الدبل
_ انا جبت دبل!
_ ايوه وخاتم
_ الاتنين !!!!!! ايه يا ليلى الطمع دا
_ وخلخال
_ ليه!!! ليه خلخال ليه! هجوز لوردينا انا
اتهدت ورجعت شعري لورا وبصيتلها مرة تانية
_ انا اتغنيت كدا امتا .. دبلة وخاتم
_ وخلخال
سكت شوية وادركت الموقف
_ انا بعت عربيتي!!!!!!!!!!!؟
_ لا
_ الحمدلله
سكت شوية واتخضيت تاني
_ الشالية ؟؟؟ بعت الشالية ؟؟؟
_ لا
_ اللهم لك الحمد
سكت شوية تانية
_ الايفون .. بعت الايفون!!!!!!
_ انت معكش ايفون يا عزيز فوق
_ اصلا!!!
بلعت ريقي
_ ليلى! .. عارفة لو الي في بالي
_ لا مبعتش البلايستيشن
_ عظمة
_ تقريبا بعت كِلية من بتوعك
_ لا مش مشكلة .. مش حوار
قربت مني وعدلت البدلة
_ يلا عشان تلبسني والبسك الدبل
_ البس اكتر من كدا !
_ نعم!!!
_ وراكي.. في ديلك كدا هتلاقيني في ديلك
_ طب متتأخرش الناس مستنية
جريت على البلكونة وشديت دراع يونس صاحبي
_ في ايه يا عم !
_ ايه العبث الي بيحصل برا دا
_ عبث ايه!
_ انت عبيط يلا .. انت مش شايف! انا بتعرض للعبط الارتباطي برا
_ انا مش شايف الا البوفية دلوقتي
_ انا غلطان اني بسأل واحد اهم حاجة في حياته فخدة العجل .. وسع
_ يا ريت دا كله كرواسوه
_ يا عم ركز و... ايه!!!! .. كر.. ايه؟؟!
_ كروسوووووه
_ مش كرواسون يعني
_ ايه دا !!!
_ مش مهم .. دا بختي في الصحاب في الدنيا انا راضي.
قربت ومسكته من كتفه
_ ايه الي بيحصل برا دا ! .. خطبتها امتا ولا حصل ايه ولا انت مين !
_ خطبتها امتا ايه يسطا .. انت عامل الدماغ دي منين
شدني من هدومي
_ انت بتضرب من غيري! انا مكنتش اتوقع انها تيجي منك يا صاحبي
_ بضرب ايه و تيجي مني ايه .. يا اخي فوق .. انا خطبتها امتا؟!!
_ لعبنا شايب وحكمت عليك
بصيتله وبصلي من غير كلام
_ ايه خلاص كدا ؟!!!!
_ ايوه اومال انت فاكر ايه
_ بالبساطة دي
_ يادوب دبلة و خاتم وخلخال
_ دا انا مفكرتش اخطب والدهب بـ ٢٠٠ جاي اجوز وهو بـ ١٥٠٠!
_ ارزاق .. ارزاق يا زوز انت هتكفر!
